COVID-19: Bydd unrhyw wybodaeth benodol yn ymwneud â Sir Benfro yn cael ei diweddaru ar www.sir-benfro.gov.uk/coronafeirws neu am wybodaeth sut i wneud cais am breaf Covid-19 ewch i llyw.cymru/gwneud-cais-i-gael-prawf-coronafeirws-covid-19

Ein Cyrsiau

Gwasanaethau Busnes TG Cymunedol

Mae Sir Benfro yn Dysgu yn gallu sefydlu, cefnogi a darparu hyfforddiant i fusnesau lleol. 

I gael y wybodaeth ddiweddaraf ynghylch y rhaglen gyfredol a’r taliadau, ffoniwch TG Cymunedol Sir Benfro yn Dysgu ar 01437 770130.

Dosbarthiadau cyfrifiaduron

Mae Sir Benfro yn Dysgu yn cynnig amrywiaeth eang o gyrsiau byr sy’n addas i ddechreuwyr a defnyddwyr profiadol. Mae’r dosbarthiadau’n fach ac yn gyfeillgar, gyda phwyslais ar waith ymarferol.

Hefyd, rydym yn cynnig cyrsiau o wahanol hydoedd – o weithdai hanner diwrnod i raglenni 5 i 10 wythnos.

Cynhelir y cyrsiau hyn yn rheolaidd yn ein Canolfannau Dysgu:

  • Tŷ Bloomfield, Arberth
  • Crymych
  • Abergwaun
  • Hwlffordd
  • Penfro
  • Dinbych-y-pysgod

Neu, gellir trefnu hyfforddiant ar eich safle busnes.

Cyngor ar Hyfforddiant Cyfrifiadurol

Mae Sir Benfro yn Dysgu ar gael i gynghori busnesau ar eu hanghenion hyfforddi. Os hoffech help a chyngor ar ganfod a threfnu hyfforddiant addas i’ch staff, cysylltwch ar 01437 770130. Mae’r gwasanaeth hwn yn rhad ac am ddim.

Hyfforddiant wedi ei Deilwrio'n Arbennig

Gellir trefnu hyfforddiant wedi’i addasu’n arbennig i fodloni eich anghenion penodol.

Cysylltwch â TG Cymunedol Sir Benfro yn Dysgu ar 01437 770130 i drafod eich gofynion.

Mynediad i gyfleusterau ac offer cyfrifiadurol

Mae Canolfannau Dysgu Cymunedol yn cynnig amrywiaeth o gyfleusterau trwy drefniant:

  • Defnyddio cyfarpar TG
  • Mynediad i’r rhyngrwyd
  • Lleoliad ar gyfer cyfarfodydd, grwpiau, digwyddiadau a chynadleddau
  • Mae gliniaduron symudol ar gael

Cysylltwch â ni am ragor o fanylion: Ein Canolfannau

Arweiniad - gallwn ni eich helpu

  • Ddim yn gallu dod o hyd i'r cwrs iawn?
  • Wedi drysu gyda'r hyn sydd ar gael?
  • Eisiau help i benderfynu pa gwrs sy'n addas i chi?
  • Eisiau gwella neu ennill cymwysterau?

Mae Sir Benfro yn Dysgu yn darparu amrywiaeth helaeth o gyrsiau digidol a llwybrau cynnydd sy’n addas ar gyfer unrhyw allu.

Os hoffech help a chyngor i ddewis cwrs, mae croeso i chi ffonio Arberth ar 01437 770130.

ID: 1946, adolygwyd 29/01/2020