CYSAG

Cyfrifiad 2021

Mae gan Sir Benfro boblogaeth amrywiol a newidiol. Yng Nghyfrifiad 2021, dywedodd 48.8% o drigolion mai Cristnogaeth yw eu crefydd, dywedodd 43.0% nad oedd ganddynt grefydd, 0.5% mai Islam ydyw, 0.4% Bwdhaeth, 0.1% Hindŵaeth, 0.05% Iddewiaeth a 0.03% Sikh. Dewisodd 0.6% pellach grefydd arall ac ni atebodd 6.6% y cwestiwn gwirfoddol am grefydd. Mae hyn yn cynrychioli newid nodedig ers Cyfrifiad 2011, pan ddywedodd 63% o drigolion Sir Benfro mai Cristnogaeth oedd eu crefydd a dywedodd 27.3% nad oedd ganddynt unrhyw grefydd. Mae amrywiaeth ieithyddol ar draws ysgolion Sir Benfro hefyd: Mae gan 3.74% (713) o ddisgyblion sydd wedi cofrestru yn ysgolion Sir Benfro iaith gyntaf heblaw Cymraeg neu Saesneg, dewisodd 0.53% (89) beidio â nodi eu hiaith gyntaf, ac mae 71 o ieithoedd cyntaf wedi’u nodi. Ymhlith yr ieithoedd cyntaf a siaredir fwyaf eang heblaw am Gymraeg neu Saesneg mae Shona, Pwyleg, Malayalam, Wcreineg, Tyrceg, Rwmaneg, Arabeg, Sinhala, Bengaleg ac Wrdw. Felly mae ysgolion Sir Benfro yn gymunedau amrywiol, a bydd gwerthfawrogi'r amrywiaeth hon yn bwysig i ysgolion ei hystyried yn eu proses o ddylunio eu cwricwlwm Crefydd, Gwerthoedd a Moeseg. 

Cymru a Sir Benfro: Cymhariaeth Cyfrifiad 2021

 

Crefydd / ymateb	Cymru 2021 %	Sir Benfro 2021 %
Bwdhaeth	0.32	0.4
Cristnogaeth	43.60	48.8
Hindŵaeth	0.39	0.1
Iddewiaeth	0.07	0.05
Islam	2.15	0.5
Sikh	0.13	0.03
Unrhyw grefydd arall	0.51	0.6
Dim crefydd	46.55	43.0
Dim ateb	6.28	6.6

 

Amrywiaeth iaith yn ysgolion Sir Benfro

 

Mesur	Data
Disgyblion â ieithoedd cyntaf heblaw Cymraeg/Saesneg	3.74% (713 o ddisgyblion)
Disgyblion a ddewisodd beidio â nodi eu hiaith gyntaf	0.53% (89 o ddisgyblion)
Ieithoedd cyntaf wedi’u nodi	71
Disgyblion sy'n siarad ieithoedd eraill nad ydynt wedi'u cynnwys yn y rhestr	0.16% (26 o ddisgyblion)
Ieithoedd cyntaf a siaredir fwyaf eang heblaw Cymraeg/Saesneg	Shona (62), Pwyleg (58), Malayalam (57), Wcreineg (40), Tyrceg (34), Rwmaneg (32), Arabeg (24), Sinhala (23), Bengaleg (22), Wrdw (20)