Adrodd am dwyll, llwgrwobrwyo neu lygredd
Rydym yn hyrwyddo ymagwedd o ddim goddefgarwch tuag at dwyll, llygredd a llwgrwobrwyo o unrhyw fath.
Mae dyletswydd arnom i atal twyll a llygredd, boed yn ymgais gan rywun o fewn y Cyngor neu'r tu allan megis sefydliad arall, preswylydd, cyflogai, contractiwr neu gynghorydd.
Os ydych yn meddwl bod rhywun yn cyflawni twyll yn erbyn y Cyngor, neu fod gweithiwr y Cyngor neu aelod etholedig yn euog o lwgrwobrwyo neu lygredd, gallwch ddweud wrthym am eich pryderon.
Sut i adrodd am bryderon
Y ffordd gyflymaf a hawsaf i adrodd am dwyll yw llenwi ein ffurflen adrodd ar-lein.
Bydd eich pryderon yn cael eu cyfeirio at ein Swyddog Atal Twyll pwrpasol.
Gellir cyflwyno eich pryderon yn ddienw.
Gallwch gysylltu â'n Swyddog Atal Twyll drwy yrru neges e-bost at counterfraud@pembrokeshire.gov.uk
Byddwn yn cadw'r holl wybodaeth a ddarperir yn gwbl gyfrinachol yn unol â'n Polisi Diogelu Data.
Enghreifftiau o'r math o ymddygiad y gallech fod yn dymuno adrodd amdano
- Isosod neu beidio â byw yn ei dŷ cyngor
- Hawlio gostyngiad person sengl ar ei dreth gyngor pan fo oedolion eraill yn byw yn y cartref
- Peidio â datgan cynilion, incwm neu asedau ariannol er mwyn cael taliadau gofal cymdeithasol, grant neu ostyngiad yn y dreth gyngor
- Swyddog cyngor / aelod etholedig yn cymryd llwgrwobr yn gyfnewid am fantais annheg
- Swyddog cyngor / aelod etholedig yn ymgymryd â gwaith preifat neu waith arall yn ystod oriau gwaith y Cyngor
- Contractiwr yn cyflawni twyll cyflenwr neu gontract, megis rigio cynigion neu drefnu prisiau'n annheg
- Camddefnyddio gwybodaeth neu ddeunyddiau sy'n eiddo i'r Cyngor
Nid yw hon yn rhestr gyflawn, felly rhowch wybod i ni am unrhyw bryderon eraill sydd gennych fel y gallwn ymchwilio i'r mater ymhellach.
Noder: Gallwn ond ymchwilio i honiadau a gaiff eu gwneud yn erbyn pobl sy'n byw yn Sir Benfro neu sy'n gweithio i Gyngor Sir Penfro.