Adroddiad Blynyddol Safonaur Gymraeg 2024-25

Rhaglen Hyrwyddo Cydymffurfiaeth Comisiynydd y Gymraeg 2024-25

• Mae'r awdurdod wedi datblygu ac yn cynnal perthynas waith dda â Swyddfa Comisiynydd y Gymraeg, gan gydweithio'n agos â'u Swyddog Hyrwyddo Cydymffurfiaeth. Fel rhan o'r Rhaglen Hyrwyddo Cydymffurfiaeth a lansiwyd yn 2024–25, mae'r cyngor wedi mynychu nifer o'r sesiynau gyda ffocws penodol ar feysydd penodol o dan y safonau sy'n cynnwys:
• Mehefin 2024 – cwblhau arolwg safonau llunio polisi Comisiynydd y Gymraeg a asesodd gydymffurfiaeth â’r safonau llunio polisi.
• Medi 2024 – sesiwn gyflwyniadol yn trafod y gwaith sy'n cefnogi ac yn hyrwyddo cydymffurfiaeth â'r safonau sy'n ymwneud â chynyddu'r defnydd o'r iaith Gymraeg yn y gweithle.
• Tachwedd 2024 – Gweithdy Safonau Llunio Polisi a rannodd arferion gorau a gasglwyd o ganfyddiadau’r arolwg ar gydymffurfiaeth â’r safonau hyn.
• Rhagfyr 2024 – Strategaethau Hybu'r Gymraeg – rhannu arferion da o astudiaeth o drefniadau i weithredu ac asesu cyflawniad strategaethau pum mlynedd i hyrwyddo'r Gymraeg.
• Chwefror 2025 – Sesiwn Asesu Sgiliau a Recriwtio – trafodaeth a rhannu gwybodaeth am faterion yn ymwneud ag asesu sgiliau iaith, hysbysebu swyddi a denu siaradwyr Cymraeg.
• Mawrth 2025 – Hyrwyddo Cynllun Cydymffurfiaeth 2025 ac ymlaen – i ddysgu am y trefniadau monitro newydd a gwaith yn y dyfodol sy’n ymwneud â’r rhaglen hon.
• Mae canllawiau arferion gorau o'r sesiynau hyn yn cael eu defnyddio i gefnogi gweithredu’r safonau a chydymffurfio â nhw, ac i gefnogi datblygu Strategaeth y Gymraeg ar gyfer y pum mlynedd nesaf, a fydd yn rhedeg rhwng 2026 a 2031, ac adolygu Polisi Defnydd Mewnol o'r Gymraeg.
• Bydd y Comisiynydd yn darparu mwy o arweiniad a chefnogaeth i sefydliadau er mwyn gwella cydymffurfiaeth a gwella'r gwasanaethau a gynigir i'r cyhoedd. Mae amserlen digwyddiadau Rhaglen Hyrwyddo Cydymffurfiaeth 2025–26 (yn agor mewn tab newydd) ar gael ar wefan y Comisiynydd.