Archebu a Chadw lle Ar lein

Archebu a Chadw lle Ar lein

Sut i archebu a chadw lle ar-lein

 

Oherwydd sefyllfa Coronafeirws nid yw'r opsiwn ARCHEBU A CHADW LLE ar gael ar hyn o bryd.

 

Nid oes gyda fi rif adnabod personol â 4 digid?

Os gwnaethoch chi roi eich cyfeiriad e-bost inni pan oeddech chi'n cofrestru'ch aelodaeth yna gallwch ofyn am rif adnabod personol â 4 digid er mwyn inni ei anfon atoch.

Os na wnaethoch chi roi eich cyfeiriad e-bost inni bydd angenE ichi gysylltu â'ch canolfan hamdden leol neu anfon e-bost at leisureonlinebookings@pembrokeshire.gov.uker mwyn diweddaru eich cyfrif cyn y gallwn ni anfon rhif adnabod personol atoch. 

Dyma sut i Archebu a Chadw Lle

Cam 1 - Derbyn ein Polisi Telerau ac Amodau ynghylch Archebu a Chadw Lle 

PAYMENT TALIAD 1. Bydd y cwsmer yn gyfrifol am y taliad ac unrhyw gostau eraill sy’n ymwneud â’r archeb. 2. Ni chaiff y cwsmer neilltuo na is-osod yr hawl i ddefnyddio’r cyfleusterau, a chant ddefnyddio’r cyfleuster at y diben y cytunwyd arno yn unig. 3. Cymerir taliad llawn ar gyfer pob gweithgaredd adeg archebu trwy gardiau credyd neu gardiau debyd. 4. Rhaid talu wrth archebu er mwyn dilysu’r archeb. 5. Cadarnheir y pris wrth archebu. RHEOLAU A RHEOLIADAU ARCHEBU Er mwyn gwneud archebion ar-lein, bydd angen i’r cwsmer gofrestru ar wefan Hamdden Sir Benfro www.pembrokeshire.gov.uk/leisure. Mae angen cyfeiriad e-bost dilys arnynt i fewngofnodi a rhif Carden Cofrestru Hamdden Sir Benfro, y gall aelodau gael gafael arno yn bersonol mewn unrhyw ganolfan. 1. Gall unrhyw gwsmer sy’n anghofio ei gyfrinair wneud cais am neges atgoffa trwy’r sgrin archebu ar-lein. 2. Cadarnheir yr archeb ar ôl i chi dalu’n llawn am eich gweithgaredd, ac anfonir cadarnhad o’ch taliad atoch ar neges e-bost o’r system. 3. UN archeb unigol yn unig y gall aelodau eu gwneud ar gyfer pob gweithgaredd, ac mae’n rhaid iddo fod at eu defnydd personol. Gall camddefnyddio’r rheoliad hwn arwain at aelodau’n cael eu tynnu’n ôl o’r cyfleuster archebu ymlaen llaw. 4. I gael mynediad at Ganolan Hamdden yn Sir Benfro, bydd angen i unrhyw gwsmer sydd wedi archebu a thalu am weithgareddau ar-lein, sgubo eu cerdyn cofrestru Hamdden Sir Benfro trwy’r pwynt mynediad neu yn nerbynfa’r ganolfan, a dod â phrawf o’r archeb gyda nhw. Caniatewch digon o amser i sgubo eich cerdyn ar adegau prysur. 5. Mae Hamdden Sir Benfro yn cadw’r hawl i ail-neilltuo unrhyw archebion i gyrtiau neu ardaloedd eraill o fewn y Ganolfan er mwyn gwneud y defnydd gorau o’r lle. CWSMER YN CANSLO ARCHEB NEU DDIFFYG PRESENOLDEB Canslo’n Hwyr 1. Mae gan bob unigolyn hyd at 8 awr (amser gwaith) cyn y gweithgaredd, sesiwn neu ddosbarth y maent wedi’u harchebu ymlaen llaw, i ganslo eu harcheb. 2. Os canslir y gweithgaredd, sesiwn neu ddosbarth gan yr aelod o fewn yr 8 awr hyn, rhaid i’r unigolyn dalu ‘Ffi Canslo Hwyr’. 3. Bydd unrhyw archeb a ganslir yn hwyr oherwydd rheswm anrhagweladwy dros ddiffyg presenoldeb, yn cael ei ystyried (y Swyddog ar Ddyletswydd fydd yn barnu hyn) 4. Os bydd unigolyn arall yn cymryd lle’r unigolyn yn y gweithgaredd, sesiwn neu ddosbarth sydd wedi cael ei ganslo, ni chodir tâl am ganslo’n hwyr. Gwneir pob ymdrech i gysylltu ag unigolion ar restrau aros, lle bo’n gymwys, yn yr achos hwn. 5. Ni fydd unrhyw unigolyn sydd heb dalu tâl am ganslo’n hwyr yn cael cyflawni unrhyw weithgaredd, sesiwn neu ddosbarth hyd nes ei fod wedi talu ei ddyled. Diffyg Presenoldeb 1. Os mae unigolyn yn methu â mynychu gweithgaredd, sesiwn neu ddosbarth y mae wedi’i archebu ymlaen llaw, a heb hysbysu ymlaen llaw, bydd ‘Ffi Diffyg Presenoldeb’ yn cael ei godi 2. Ni fydd unrhyw unigolyn sydd heb dalu tâl am ganslo’n hwyr yn cael cyflawni unrhyw weithgaredd, sesiwn neu ddosbarth hyd nes ei fod wedi talu ei ddyled. Y GANOLFAN YN CANSLO Mae Hamdden Sir Benfro yn cadw’r hawl i wrthod neu ganslo archeb heb roi unrhyw reswm, i wrthod mynediad i’r ganolfan, i wrthod cais am aelodaeth, ac i dynnu aelodaeth yn ôl. 1. Gallwn ychwanegu at, newid, tynnu’n ôl neu ganslo cyfleusterau neu weithgareddau o’r ganolfan heb rybudd. Mae hyn yn cynnwys cau canolfan neu newid ei oriau agor am resymau diogelwch, cynnal a chadw neu ddigwyddiadau arbennig. Bydd gan gwsmeriaid sy’n archebu a thalu ar-lein yr hawl i gael ad-daliad, os bydd y ganolfan yn tynnu’r cyfleuster neu’r gweithgaredd yn ôl. Bydd y taliad yn cael ei ad-dalu’n uniongyrchol i’r cerdyn credyd neu’r cerdyn debyd pan gyflwynir rhif cyfeirnod yr archeb ar-lein i’r ganolfan, sydd ar y cadarnhad y mae cwsmeriaid yn ei dderbyn ar neges e-bost. 2. Ni fydd ffioedd aelodaeth yn cael eu had-dalu os bydd y ganolfan yn canslo archeb am gyfleuster neu weithgaredd. 3. Ni fydd y ganolfan yn atebol am unrhyw wariant arall neu golled i’r cwsmer o ganlyniad i’r archeb ar-lein neu ganslad. RHEOLAU A RHEOLIADAU DEFNYDDIO (CYFFREDINOL) Gellir gosod offer yn ystod yr amser rydych wedi’i archebu, ac mae wedi’i gynnwys yn eich tâl archebu. 1. Mae’n rhaid cael caniatâd y Rheolwr ar Ddyletswydd cyn cymryd fideo neu ddelweddau ffotograffig yn yr adeilad. 2. Mae’n rhaid gwisgo dillad priodol ar gyfer pob gweithgaredd, er enghraifft: • Ni chewch wisgo esgidiau awyr agored wrth ochr y pwll. • Mae’n rhaid gwisgo gwadnau nad ydynt yn marcio ym mhob ardal gweithgaredd. 3. Mae angen i gwsmeriaid gadw swn i lefel sy’n dderbyniol, a lleihau lefelau swn ar unwaith os bydd rheolwr yn gofyn iddynt wneud hynny. 4. Wrth gyrraedd a gadael y ganolfan, mae’n rhaid i gwsmeriaid ddangos ystyriaeth tuag at breswylwyr lleol sy’n byw’n agos at y ganolfan, yn enwedig yn ystod yr hwyr. 5. Ni chaiff unrhyw gwsmer roi hawl i ddarlledu sain neu deledu na hawl ffilmio heb ganiatâd amodol ymlaen llaw y rheolwyr. Gall y caniatâd osod amodau sy’n rhaid i chi gydymffurfio â nhw. 6. Gall Hamdden Sir Benfro a thrydydd parti ffilmio a recordio sain cyffredinol. Mae mynediad i’r Ganolfan yn arwyddo eich caniatâd i’r rhain gael eu defnyddio’n fytholbarhaus ac ym mhob cyfrwng heb unrhyw hawl i gael tâl. 7. Caniateir parcio yn y lleoedd parcio dynodedig yn unig. 8. Ceir sy’n arddangos bathodynnau anabl yn unig sy’n cael parcio yn y mannau parcio i’r anabl. 9. Mae angen i gwsmeriaid adael yr ardaloedd y maent wedi’u harchebu yn lân, yn daclus a heb ddifrod. ATEBOLRWYDD Nid yw Hamdden Sir Benfro yn derbyn unrhyw gyfrifoldeb am golled neu ddifrod i eiddo, neu anaf, salwch neu farwolaeth yn yr adeiladau hyn, oni bai y caiff ei achosi gan ei esgeulustod ei hun. GWEITHDREFNAU BRYS Os bydd y larwm tân yn canu yn y ganolfan, mae’n rhaid i chi adael y ganolfan ar unwaith trwy’r allanfa agosaf sydd ar gael, a chyfarfod yn y pwynt ymgynnull a chydymffurfio ag unrhyw gyfarwyddiadau gan staff y Ganolfan. 1. Mae’n rhaid i chi adrodd unrhyw ddamwain, anaf neu ddifrod ar unwaith i’r Rheolwr ar Ddyletswydd/Derbynfa’r Ganolfan. DEDDF DIOGELU DATA Mae Hamdden Sir Benfro yn rheolydd data o dan Ddeddf Diogelu Data 2018. Rydym yn cadw gwybodaeth at y dibenion a nodir yn ein hysbysiad i’r comisiynydd gwybodaeth. Efallai y cawn wybodaeth amdanoch gan bob eraill, neu efallai y byddwn yn rhoi gwybodaeth iddyn nhw. Os byddwn yn gwneud hyn, bydd yn unol â’r hyn y mae’r gyfraith yn ei ganiatáu, i; . Wirio cywirdeb gwybodaeth i. Atal neu ganfod trosedd. ii. Diogelu cyllid y cyhoedd. Efallai y byddwn yn gwirio gwybodaeth y byddwn yn ei derbyn amdanoch gyda’r hyn sydd eisoes yn ein cofnodion. Gall hyn gynnwys gwybodaeth a ddarparwyd gennych chi yn ogystal â chan bobl eraill, fel adrannau ac asiantaethau’r llywodraeth. Ni fyddwn yn rhoi gwybodaeth amdanoch chi i unrhyw un y tu allan i’r sefydliad oni bai bod y gyfraith yn caniatáu i ni wneud hynny. Hefyd, cyn cytuno â’r telerau ac amodau hyn, gwnewch yn siwr eich bod chi wedi darllen y polisi preifatrwydd. Mae’r ddolen ar waelod y dudalen we. SYLWADAU Os ydych yn dymuno siarad â rhywun ynglyn â lefel y gwasanaeth, siaradwch â’r Rheolwr ar Ddyletswydd ar unwaith. Mae’n rhaid i bob cwsmer gydymffurfio â’r telerau hyn ar gyfer archebu ar-lein ac amodau defnyddio, i ystyried diogelwch ac ymddwyn yn ystyriol tuag at gwsmeriaid eraill, staff, yr adeilad ac offer. Efallai y bydd gofyn i unrhyw unigolyn nad yw’n gwneud hynny adael y Ganolfan, ac mae’n rhaid iddo wneud hynny ar unwaith os bydd gofyn iddo. Rydych yn gyfrifol am ymddygiad unrhyw blant rydych yn dod gyda chi i’r Ganolfan, ac mae’n rhaid i chi esbonio unrhyw reolau ac amodau perthnasol iddyn nhw. Mae’n rhaid i chi gydymffurfio â hysbysiadau ac arwyddion yn y ganolfan.

Yr wyf yn derbyn y Telerau ac Amodau  (Gwiriwch y blwch i dderbyn)

Cam 2 - System Archebu Agored »

Cam 3 - Dodi i mewn eich rhif cerdyn aelodaeth a'ch Rhif Adnabod Personol 4 digid. 

Cam 4 - Clicio ar eich dewis ganolfan a dewis y gweithgaredd y mae arnoch ei angen a'r amser a'r dyddiad sydd orau gennych.

Cam 5 - Cadarnhau eich trefniadau cadw lle trwy wneud taliad.  Sero fydd hyn ar gyfer aelodau Hamdden Sir Benfro os yw'r trefniadau cadw lle yn cael eu cynnwys yn eich pecyn.

Cam 6 - Anfonir e-bost atoch er mwyn cadarnhau'ch trefniadau cadw lle.

Trwy archebu a chadw lle ar-lein rydych chi'n cytuno i dderbyn ein polisi amodau a thelerau a phreifatrwydd.