Atgyweirio a Chynnal Tai'r

Atgyweiriadau argyfwng

Os ydych chi'n pryderu am nwy neu garbon monocsid yn gollwng  

Ffoniwch y Gwasanaeth Argyfwng Nwy Cenedlaethol, sydd ar gael 24 awr y dydd am ddim, ar 0800 111 999 ar unwaith.  

  

Problem gyda'ch cyflenwad dŵr?  

 Mae hyn yn cynnwys problemau fel pwysedd dŵr isel, dim dŵr, draeniau a rennir sydd wedi'u blocio ac ati…  

Cysylltwch â Dŵr Cymru

• 0800 052 0145   
• Gwefan Dŵr Cymru (yn agor mewn tab newydd)   

 

Atgyweiriadau argyfwng   

Mae atgyweiriadau mewn argyfwng yn faterion brys sy'n peri risgiau uniongyrchol i'ch diogelwch neu a allai achosi difrod difrifol i'r eiddo. Dylid mynd i'r afael â'r rhain o fewn 24 awr. 

 

Enghreifftiau o atgyweiriadau mewn argyfwng:

• pibellau dŵr wedi byrstio: gall arwain at lifogydd a difrod dŵr. 
• methiant trydanol llwyr: colli pŵer llwyr yn yr eiddo. 
• namau nwy: amheuaeth o nwy yn gollwng neu offer nwy diffygiol. 
• gollyngiadau difrifol yn y to: gollyngiadau sy'n achosi i ddŵr sylweddol fynd i mewn i'r eiddo 

Mewn argyfwng, bydd angen i chi wybod lleoliadau allweddol y canlynol: 

• stopfalf dŵr: dyma'r prif falf i gau'r cyflenwad dŵr. 
• mesurydd nwy: i ddiffodd y cyflenwad nwy os oes angen. 
• blwch ffiwsiau trydanol: i ddiffodd y trydan. 

 

Os oes angen atgyweiriad mewn argyfwng arnoch: 

Ffoniwch ni yn ystod oriau gwaith (dydd Llun i ddydd Gwener, 9am i 5pm): 
📞 01437 764551  

Ffoniwch ni y tu allan i oriau 
📞 03456 015522  

. 

Sylwer:  

 nid ydych chi'n gallu archebu atgyweiriad mewn argyfwng ar-lein