A allaf hawlio Budd-dal Tai?

Beth yw'r Budd-dal Tai?

Gall y Budd-dal Tai eich helpu i dalu’ch rhent yn gyfan gwbl neu’n rhannol os ydych chi’n ddi-waith, ar incwm isel neu’n hawlio budd-daliadau.

Sylwer: mae’r Budd-dal Tai yn cael ei ddisodli gan y Gredyd Cynhwysol (yn agor mewn tab newydd) ar gyfer pobl o oedran gweithio.

Pwy a all barhau i hawlio’r Budd-dal Tai?

Mae’r Budd-dal Tai yn dal i fod yn opsiwn os ydych chi:

eisoes yn ei gael
wedi cyrraedd oedran pensiwn y wladwriaeth
mewn tai â chymorth, tai gwarchod, neu dai dros dro

Os ydych chi’n bodloni un o’r gofynion hyn, mae’r Budd-dal Tai ar gael i chi os ydych chi:

yn denant cyngor neu gymdeithas tai
mewn cydberchnogaeth (ar gyfer y rhent)
yn rhentu gan landlord preifat
yn talu rhent am angorfa cwch preswyl
yn talu rhent am lain ar gyfer cartref symudol neu garafán

Gallwch hawlio’r Budd-dal Tai os ydych chi:

yn gweithio neu’n ddi-waith
yn cael budd-daliadau eraill, credydau treth, neu bensiynau
yn gofalu am rywun
yn methu gweithio oherwydd salwch neu anabledd
wedi ymddeol

Fodd bynnag, ni fyddwch yn gymwys os oes gennych chi £16,000 neu ragor mewn cynilion / asedau, oni bai eich bod yn cael Credyd Gwarantedig Credyd Pensiwn.

Cymorth gyda’r Dreth Gyngor

Efallai y byddwch hefyd yn gallu cael Gostyngiad y Dreth Gyngor

Ddim yn siŵr a ydych chi’n gymwys?

Cysylltwch â ni:

E-bost: revenue.services@pembrokeshire.gov.uk
Rhif ffôn: 01437 764551 (dydd Llun i ddydd Gwener, 9am i 5pm)