Budd-dal Tai
Sut ydw i'n gwneud cais am y Budd-dal Tai?
Mae’r Budd-dal Tai yn destun prawf modd. Mae hyn yn golygu bod eich incwm a’ch cynilion yn cael eu hystyried wrth wneud cais.
Ar y dudalen hon:
Pryd fydd eich Budd-dal Tai yn dechrau
Cyn i chi wneud cais
Gwiriwch eich bod yn gymwys i hawlio’r Budd-dal Tai.
A allaf hawlio’r Budd-dal Tai?
Os ydych chi’n gymwys, gwnewch gais cyn gynted â phosibl gan na ellir ôl-ddyddio taliadau bob amser.
Bydd arnoch angen y canlynol:
- Prawf o’ch hunaniaeth, e.e. trwydded yrru, pasbort, cyfriflen banc, tystysgrif priodas, bil cyfleustodau (i chi a’ch partner)
- Dogfennau eraill fel eich cytundeb tenantiaeth, slipiau cyflog neu slipiau cyngor pensiwn
Gwneud cais
- Cwblhau ffurflen gais am y Budd-dal Tai
- Lanlwytho tystiolaeth ategol (os nad ydych eisoes wedi gwneud hyn fel rhan o’ch cais cychwynnol)
Bydd angen Fy Nghyfrif arnoch i ddefnyddio'r gwasanaeth hwn
Os nad ydych wedi cofrestru ar gyfer Fy Nghyfrif
Gallwch naill ai greu cyfrif trwy glicio 'Cofrestru' a darparu cyfeiriad e-bost a chyfrinair
Yna bydd angen i chi ychwanegu eich cyfeirnod cyfrif Treth Gyngor i Hafan Fy Nghyfrif ac yna dewis 'Gweld fy Nghyfrif Treth Gyngor'.
Yna dewiswch 'Hawliadau Newydd' a 'Gwneud Hawliad Newydd' o dan y pennawd Budd-daliadau.
Ar ôl i chi wneud cais
- Nodwch gyfeirnod eich cais rhag ofn y bydd angen i chi gysylltu â ni.
- Byddwn yn adolygu eich ffurflen gais ac yn cysylltu â chi os bydd arnom angen rhagor o wybodaeth.
Pwysig
Dywedwch wrthym ar unwaith:
- os ydych chi’n meddwl eich bod wedi cael eich gor-dalu
- os yw eich amgylchiadau’n newid, e.e. incwm yn cynyddu neu’n gostwng, newidiadau i bensiwn neu gynilion, partner yn symud i mewn neu allan o’ch cartref, ac ati
Os ydych chi wedi cael eich gor-dalu, efallai y bydd rhaid i chi ad-dalu eich Budd-dal Tai.
Pryd fydd eich Budd-dal Tai yn dechrau
Fel arfer o’r dydd Llun ar ôl i’ch cais ddod i law.
Gallwch ofyn am ei ôl-ddyddio os oedd gennych reswm da dros beidio â gwneud cais yn gynt.
- Oedran gweithio: hyd at un mis (os teimlir bod rheswm da dros yr oedi cyn gwneud cais)
- Oedran pensiwn: hyd at dri mis (bydd hyn yn cael ei ddiweddaru’n awtomatig)
Bydd angen i chi wneud y canlynol:
- Gofyn am daliad ôl-ddyddio yn eich ffurflen gais ar-lein gychwynnol
neu
- Ein ffonio ni i ofyn am ffurflen gais am daliad ôl-ddyddio
- 01437 764551 (dydd Llun i ddydd Gwener, 9am i 5pm)
Sylwer: mae’n rhaid i chi roi manylion pam na wnaethoch chi wneud cais yn gynharach.