Sut ydw i’n rhoi gwybod am unrhyw newid mewn amgylchiadau?

Os ydych chi’n cael Budd-dal Tai neu Ostyngiad y Dreth Gyngor, mae’n bwysig rhoi gwybod i ni ar unwaith am unrhyw newidiadau yn eich amgylchiadau (neu amgylchiadau aelod o’ch aelwyd) er mwyn osgoi problemau gyda’ch budd-daliadau.

Ar y dudalen hon:

Pryd i roi gwybod am newid mewn amgylchiadau

Rhoi gwybod am newid mewn amgylchiadau

Lanlwytho tystiolaeth ategol ar ôl rhoi gwybod am newid mewn amgylchiadau

Beth sy’n digwydd ar ôl i chi roi gwybod am newid mewn amgylchiadau

Beth sy’n digwydd os na fyddwch chi’n rhoi gwybod am newid mewn amgylchiadau

Pryd i roi gwybod am newid mewn amgylchiadau

Rhaid i chi ddweud wrthym ar unwaith am y canlynol:

Os yw eich incwm yn newid, e.e.

cyflog
pensiynau
Credyd Treth Gwaith neu Gredyd Treth Plant

Rydych chi’n dechrau neu’n rhoi’r gorau i gael unrhyw fudd-daliadau, e.e.

Credyd Cynhwysol*
Lwfans Ceisio Gwaith
Lwfans Cyflogaeth a Chymorth
Cymhorthdal Incwm
Lwfans Gofalwyr

Sylwer*

Os ydych chi’n cael Credyd Cynhwysol, bydd angen i chi roi gwybod am unrhyw newidiadau yn eich amgylchiadau i:

Canolfan Gwasanaethau Credyd Cynhwysol

Rhif ffôn: 0345 6000 723 neu 0845 6000 723

Byddant yn rhoi gwybod i ni am unrhyw newidiadau i’ch Credyd Cynhwysol.

Mae newidiadau ‘sylweddol’, e.e. cynnydd mewn arian o fwy na £16,000 yn eich:

cyfrif(au) banc
cynilion
stociau neu gyfrannau

Rydych chi’n symud i gyfeiriad newydd
Mae rhywun yn symud i mewn neu allan o’ch cartref
Mae rhywun rydych chi’n byw gyda nhw yn dechrau neu’n rhoi’r gorau i weithio, felly mae eu hincwm yn newid
Rydych chi neu rywun ar eich aelwyd yn mynd i’r ysbyty neu gartref gofal
Mae gennych fabi newydd
Mae plentyn yn gadael yr ysgol neu’n newid ysgol
Rydych yn fyfyriwr
Rydych chi’n cwblhau eich addysg neu hyfforddiant pellach

Os ydych chi’n rhentu’n breifat neu’n rhentu drwy gymdeithas dai, rhaid i chi ddweud wrthym am y canlynol:

Mae swm eich rhent yn newid
Mae unrhyw wasanaethau sydd wedi’u cynnwys yn eich rhent yn newid, e.e. taliadau cymunedol, gwresogi, dŵr ac ati
Mae rhywbeth yn newid yn yr eiddo a rennir yr ydych chi’n byw ynddo, e.e. rydych chi’n symud i ystafell wahanol, neu rydych chi’n rhentu mwy o ystafelloedd yn yr un eiddo
Os bydd eich landlord yn newid

Sylwer:

nid oes angen i denantiaid cyngor ddweud wrthym am newidiadau i’w rhent
rhaid i landlordiaid sy’n cael taliadau Budd-dal Tai yn uniongyrchol roi gwybod am unrhyw newidiadau mewn amgylchiadau y maent yn dod yn ymwybodol ohonynt

Rhoi gwybod am newid mewn amgylchiadau

Tystiolaeth y gallai fod angen i chi ei darparu

Bydd angen i ni weld prawf o’r newid rydych chi’n dweud wrthym amdano.

Gallai hyn gynnwys:

hysbysiad o gynnydd mewn rhent
slipiau cyflog
cyfriflenni banc

Byddwn yn cysylltu â chi os bydd arnom angen rhagor o dystiolaeth neu wybodaeth.

Os ydych chi’n symud tŷ ac yn denant preifat neu’n denant cymdeithas dai, bydd angen i chi ddarparu’r canlynol:

Copi o’ch cytundeb tenantiaeth newydd yn dangos:

eich enw
dyddiad cychwyn y denantiaeth
swm y rhent a pha mor aml rydych chi’n gwneud taliad rhent, e.e. yn wythnosol, yn fisol ac ati
unrhyw ffioedd gwasanaeth ychwanegol sydd wedi’u cynnwys yn y rhent, e.e. gwresogi, dŵr

Slipiau cyflog diweddar
Cyfriflenni banc
Hysbysiad o gynnydd mewn rhent

Rhoi gwybod am newid mewn amgylchiadau

Lanlwytho tystiolaeth ategol ar ôl rhoi gwybod am newid mewn amgylchiadau

Os ydych chi wedi rhoi gwybod am newid mewn amgylchiadau ond heb lanlwytho eich tystiolaeth ategol eto...

Gallwch wneud y canlynol:

Lanlwytho dogfennau ar-lein

neu

anfon lluniau / dogfennau wedi’u sganio drwy e-bost i: revenue.services@pembrokeshire.gov.uk

Bydd angen Fy Nghyfrif arnoch i ddefnyddio'r gwasanaeth hwn

Os nad ydych wedi cofrestru ar gyfer Fy Nghyfrif

Gallwch naill ai greu cyfrif trwy glicio 'Cofrestru' a darparu cyfeiriad e-bost a chyfrinair

Yna bydd angen i chi ychwanegu eich cyfeirnod cyfrif Treth Gyngor i Hafan Fy Nghyfrif ac yna dewis 'Gweld fy Nghyfrif Treth Gyngor'.

Yna dewiswch 'Hawliadau Newydd' a 'Gwneud Hawliad Newydd' o dan y pennawd Budd-daliadau.

Cofiwch nodi:

cyfeirnod eich cais

neu

eich rhif Yswiriant Gwladol

Beth sy’n digwydd ar ôl i chi roi gwybod am newid mewn amgylchiadau

Byddwn yn:

cysylltu â chi os oes angen rhagor o wybodaeth
rhoi gwybod i chi am unrhyw newidiadau i swm eich budd-dal
rhoi gwybod i chi os ydych chi wedi cael eich gor-dalu
egluro sut y cafodd eich budd-dal ei ailgyfrifo
rhoi arweiniad os ydych chi’n credu bod gwall yn swm / taliadau eich budd-dal

Beth sy’n digwydd os na fyddwch chi’n rhoi gwybod am newid mewn amgylchiadau

Os na fyddwch yn dweud wrthym am newid yn eich amgylchiadau cyn pen mis ar ôl y newid, gallai hyn olygu:

ein bod wedi rhoi gor-daliad o’r Budd-dal Tai i chi; yna byddai angen i chi ad-dalu unrhyw arian ychwanegol rydych chi wedi’i gael

neu

nad ydych chi’n hawlio’ch holl hawliau ac rydych chi’n colli budd-daliadau / taliadau ychwanegol