Chwilio am Gwrs

---

Cyrsiau

---

52 cyrsiau a gafwyd

Canu - Dewch o hyd i’ch llais i mwynhewch ganu

Annog unigolion i ddod o hyd i’w lleisiau o fewn grŵp canu hwyliog. Dysgu caneuon poblogaidd o bob math.

Canu - lefel cynnydd

Heriwch eich hun i ganu mewn harmoni o nodiant cerddorol mewn awyrgylch hwyliog a hamddenol. Ymunwch â chantorion eraill i ddysgu canu mewn harmoni o gerddoriaeth - sgôr wedi'i nodiannu.

Canu - lefel ragarweiniol

Dewch o hyd i’ch llais i mwynhewch ganu Bwriad y dosbarth hwn yw annog unigolion i ‘ddarganfod’ eu llais o fewn grŵp canu hwyliog. Dysgwch ganeuon poblogaidd o bob arddull a genre gan ddefnyddio taflenni geiriau - nid oes angen y gallu i ddarllen cerddoriaeth.

Canva

Cwrs rhagarweiniol pump wythnos o hyd yw hwn ar sut i ddefnyddio’r wefan Canva. Byddwch yn cael eich arwain trwy’r broses o sefydlu cyfrif rhad ac am ddim a defnyddio rhai o elfennau niferus y rhaglen

Celf - Argraffiadaeth a'i thechnegau

Gellir cwblhau’r gweithdy hwn mewn olew neu acrylig a bydd yn archwilio’r defnydd o strociau lliw llachar, toredig i greu effeithiau heulwen a thywydd y mae argraffiadwyr yn eu cyfleu mor fedrus.

Celf - bywluniad

Dechrau pob sesiwn gyda chyfres o sefyll mewn ystum am gyfnod byr, gyda sefyll am gyfnod hwy i ddilyn, sy'n caniatáu astudiaeth ddwys.

Celf - cyfryngau cymysg

Cyflawni'r wybodaeth a'r sgiliau o weithio â chyfryngau cymysg i greu darn o gelf.

Celf - Darlunio'r corff

Bydd sawl cyfrwng gwahanol yn cael eu defnyddio yn ystod y sesiwn i greu amrywiaeth o luniau yn seiliedig ar wahanol ystumiau ac osgo. Bydd pwysigrwydd arsylwi a datblygu ymdeimlad o gymesuredd yn cael ei flaenoriaethu trwy gydol y sesiwn.

Celf - Lluniadu a phaentio

I ddatblygu’r potensial sydd gan bawb i luniadu’n dda drwy arsylwi. I ddysgu dulliau lluniadu sy’n ddefnyddiol ar gyfer paentio â phaent olew a dulliau eraill sy’n berthnasol i baentio mewn dyfrlliw. I ddysgu technegau olew, acrylig, gouache a dyfrlliw a chynhyrchu paentiadau gorffenedig yn y cyfryngau hyn.

Celf - Meistroli portreadau

Bydd y gweithdy hwn yn ymdrin â hanfodion portreadau, pwysigrwydd lluniadu, a dod â'r sgiliau hyn i'w defnyddio mewn gwaith portreadu effeithiol.

Celf - Peintio ag olew a defnyddio tanbeintio monocrom

Cwrs byr yw hwn, a gynhelir dros dair wythnos yn olynol a bydd yn ymdrin â sawl agwedd ar y dechneg beintio hon. Bydd yn arddangos hen ddull peintio ag olew gan ddefnyddio llun is o'r enw grisaille sy'n cael ei ddefnyddio i adeiladu lliwiau ar ben tanbaentiad monocromatig solet. Dangosir i ddysgwyr sut i ddatblygu llun cychwynnol cryf, gan ddefnyddio du a gwyn yn unig, a thros y pythefnos dilynol adeiladu'r llun, gan ddefnyddio haenau o baent olew o'r enw gwydredd.

Celf - Peintio olew

Mae'r cwrs hwn ar gyfer y rhai sy'n dymuno dysgu am beintio ag olew. Mae’r pynciau dan sylw yn cynnwys: deunyddiau, paratoi'r papur, masau, gwerthoedd, golau a chysgod, persbectif atmosfferig, theori lliw, a chyfansoddiad. Yn ystod y tymor cyntaf y testun fydd bywyd llonydd, bydd yr ail dymor yn ymdrin â phortreadau a'r tymor olaf tirluniau. Fe'ch cynghorir i fynychu pob un o'r tri thymor i gael budd llawn y cwrs hwn, ond nid yw'n hanfodol os oes gennych brofiad blaenorol.

Celf i bawb

Nod y cwrs hwn yw gwella eich sgiliau lluniadu, paentio ac arsylwi mewn amgylchedd hamddenol gyda chymaint o hyfforddiant un i un ag y bo modd. Wrth ddysgu elfennau, caiff myfyrwyr eu hannog i fynegi eu hunain fel unigolion.

Clustogwaith Traddodiadol

Clustogwaith traddodiadol yw crefft clustogi eitem o ddodrefn o’r cyfnod trwy ddefnyddio offer llaw, dulliau traddodiadol a deunyddiau organaidd. Byddwn yn defnyddio technegau sy’n canolbwyntio’n bennaf ar agweddau crefftus gosod webin, stwffin, pwytho, padin a gorchudd. Y manylion sy’n cynrychioli’r grefft ac sy’n galluogi cadw’r grefft yn fyw. Mae’r cwrs yn agored i bawb o ddechreuwyr llwyr i’r rhai gyda phrofiad sydd eisiau hogi a datblygu eu sgiliau. Byddwch yn ymwybodol nad oes gennym weithdy gydag offer llawn, ond un o’r agweddau gwych ynghylch clustogwaith traddodiadol yw bod modd ei wneud gyda dim ond ychydig o offer llaw sylfaenol iawn. Nod y cwrs hwn yw rhoi cyfle i fyfyrwyr ddod â chadair i weithio arni, wrth ddysgu amrywiaeth o sgiliau traddodiadol. Fodd bynnag, byddwn mewn amgylchedd ystafell ddosbarth gyda lle i 10 o fyfyrwyr gan olygu bod meinciau’n brin. Felly mae, eitemau llai fel cadeiriau bwrdd, cadeiriau bach a stoliau i gyd yn brosiectau addas (enghreifftiau isod). Mae’n bwysig iawn eich bod yn gwneud un neu ddau o brosiectau llai sy’n cynnwys technegau sylfaenol cyn i chi fynd ymlaen i rai mwy cymhleth. Nid yw darnau mawr, fel cadeiriau breichiau, soffas a chaise longues yn brosiectau addas i ddod i’r dosbarth. Maent yn rhy fawr, trwm a lletchwith i’w symud ac nid ydynt yn ddiogel mewn ystafell ddosbarth pan fo lle’n brin ar gyfer meinciau a myfyrwyr. Bydd amgylchiadau gwaith cysurus yn cyfrannu at rwyddineb gweithio ac at ganlyniadau llwyddiannus yn y pen draw

Cymorth Cyntaf Brys i Blant

QA Lefel 3 mewn Cymorth Cyntaf Brys i Blant yn rhad. Ymysg y testunau dan sylw mae CPR; tagu; trawidadau; mân anafiadau; gwaedu.

Datblygu sgiliau cyfrifiadurol

Mae’r cwrs hwn yn galluogi unigolion i feithrin eu sgiliau cyfrifiadurol. Mae’n addas i’r bobl hynny sydd wedi cwblhau cwrs y Camau Cyntaf gyda Chyfrifiaduron, neu i bobl sydd a pheth gwybodaeth am gyfrifiaduron, ac sy’n dymuno datblygu rhagor ar eu sgiliau. Dysgwch yn eich pwysau mewn awyrgylch gyfeillgar, ymlaciol.

Defnyddio eich llechen - cyflwyniad

Bydd y cwrs hwn yn trin a thrafod sut i gychwyn arni â’r llechen, sut i lawrlwytho a defnyddio apiau, llyfrau, gemau, pori’r we, gwirio ac ysgrifennu negeseuon e-bost. Mae’r cwrs hwn yn cwmpasu sut i warchod preifatrwydd a nodweddion diogelu eraill.

Dewch i wnïo

Dysgwch sut i wneud gwnïo yn hwyl, peidiwch â bod ofn eich peiriant gwnïo a theimlwch fanteision atgyweirio'ch hoff ddillad? Oeddech chi'n gwybod bod atgyweirio'ch dillad â llaw yn gallu bod yn therapiwtig iawn? Byddwn yn edrych ar dechnegau atgyweirio anweledig a gweladwy (Sashiko)

Diogelwch bwyd mewn arlwyo

I'r bobl hynny sy'n gweini neu trafod bwyd. Hylendid personal - beyd diogel - glanhau mewn adeiladau bwyd - gwastraff a rheolaeth pla.

Eidaleg - Blwyddyn 2

Nod y cwrs hwn yw datblygu dealltwriaeth myfyrwyr o’r iaith Eidaleg a’u galluogi i ymdopi’n hyderus ag ystod o sefyllfaoedd ac i sgwrsio am amrywiaeth o bynciau, gan gynnwys y gorffennol a’r dyfodol. Dylai myfyrwyr fod wedi dilyn cwrs ar lefel rhagarweiniol neu fod â rhywfaint o brofiad o astudio/siarad yr iaith

Elfennau Photoshop - cyflwyniad

Mae’r cwrs hwn yn gyflwyniad i ddefnyddio Elfennau Photoshop ac yn addas ar gyfer y rheiny sydd heb weithio cyn hyn â delweddau.

Ffrangeg - Blwyddyn 1

Nod y cwrs hwn yw rhoi i fyfyrwyr ddealltwriaeth sylfaenol o strwythur yr iaith ac i’w galluogi i ddefnyddio’r iaith yn effeithiol mewn nifer o sefyllfaoedd bob dydd mewn gwlad lle siaredir Ffrangeg. Mae’r cwrs hwn yn addas ar gyfer rheiny â dim ond gwybodaeth brin neu ddim o gwbl o’r iaith

Ffrangeg - Blwyddyn 2

Nod y cwrs hwn yw datblygu dealltwriaeth myfyrwyr o’r iaith Ffrangeg a’u galluogi i ymdopi’n hyderus ag ystod o sefyllfaoedd ac i sgwrsio am amrywiaeth o bynciau, gan gynnwys y gorffennol a’r dyfodol. Dylai myfyrwyr fod wedi dilyn cwrs ar lefel rhagarweiniol neu fod â rhywfaint o brofiad o astudio/siarad yr iaith

Gweithdy dyfrlliw Graham Hadlow

Gweithdy a gynhelir gan arlunydd lleol, Graham Hadlow. Mae gan bob gweithdy thema neu faes arbenigedd gwahanol h.y. Awyr las a chymylau; adlewyrchiadau; golygfeydd eira; coed yn y gaeaf; machludoedd; bythynnod a pherspectif; traethau a morynnau, ayb...

Gweithdy ysgrifennu creadigol - Teithio

Yn anelu at ddechreuwyr, bydd y cwrs hwn yn edrych ar ysgrifennu am brofiadau personol o deithio. Fe all yr ysgrifennu hwn fod am daith fer; trip am y dydd; gwyliau estron; gwyliau byr; teithio heb neb arall; teithio mewn teulu neu grŵp.

Gwniadwaith

Anelir y cwrs hwn at wneud gwnïo yn bleser a dangosir sut i dorri patrymau, gwneud dillad ac ymgymryd â newidiadau.

Gwydr lliw

Cynllunio a gwneud gwydr lliw. Mae costau’r deunydd yn ychwanegol.

Hanes - Adeiladu ymerodraeth

Roedd yr Ymerodraeth Brydeinig yn destun balchder i Brydeinwyr yn y bedwaredd ganrif ar bymtheg – ond beth oedd yr egwyddorion a oedd yn sail iddi a’r dulliau a ddefnyddiwyd i’w creu?

Hanes Celfyddyd

Dysgwch am darddiad celfyddyd, ymddangosiad celfyddyd o ddiwylliannau eraill a gwahanol arddulliau ac artistiaid ar hyd y canrifoedd.

ICDL

Cafodd Tystysgrif Ryngwladol Llythrennedd Digidol (ICDL) ei llunio i ymdrin a chysyniadau allweddol cyfrifiadura, ei gymwysiadau ymarferol a’r defnydd a wneir ohonynt yn y gweithle a chymdeithas. Mae’n addas ar gyfer pawb sydd eisoes yn meddu ar sgiliau TG sylfaenol. Caiff ei rannu’n fodiwlau, y mae’n rhaid pasio pob un ohonynt cyn y caiff ICDL ei dyfarnu. Mae gwahanol gymwysterau ar gael - bydd hynny’n dibynnu ar y modiwlau a astudir.

Ioga

Daw ioga o'r gair Sansgrif sy'n golygu uno ac mae felly'n awgrymu cytgord perffaith y corff, y meddwl a'r ysbryd. Mae'n addas i bawb o bob safon o ioga ac mae'n bwriadu cael gwybodaeth o ioga a chymwyster a dod a llawer o fuddiannau.

Ioga - Ioga cadair

Cyflwyniad wrth eich pwysau i Ioga, ar eich eistedd. Ffordd dda o ddadflino ond ystwytho a symud mewn amgylchedd diogel a chymdeithasol. Mae’r cwrs hwn yn addas i bob ffitrwydd. Rhyddhau straen a buddiannau tebyg i Ioga mewn amgylchedd cymdeithasol - trwy eistedd ar gadair! Addas ar gyfer pobl â llu o gyflyrau fel arthritis, blinder cronig, Crohn's, ffibromyalgia : Symudwch trwy bob cymal o’r corff gyda’r anadl er mwyn creu ymdeimlad o dawelwc

Ioga - Ymlacio, anadl, myfyrdod a sain

Gellir ei wneud mewn cadair neu ar fat ioga. Cewch eich arwain trwy dechnegau ymlacio sylfaenol, technegau anadlu a thechnegau myfyrio hawdd eu dilyn. Bydd y sesiwn yn gorffen gydag ymlacio corff llawn dan arweiniad o'r enw ioga nidra. Bydd y sesiwn o fudd i bawb, yn enwedig y rhai sydd angen rheoli marcwyr straen.

Ioga ar gyfer pobl dros 50 mlwydd oed

Dull ysgafn, ond trylwyr o ymarfer ioga Hatha traddodiadol. Mae’r egwyddorion ysbrydol sy’n sail i ioga yn rhan annatod o’r cwrs. Rydym yn croesawu dechreuwyr, pobl â heriau iechyd neu’r rhai sy’n teimlo’r angen i adnewyddu eu dealltwriaeth o ioga. Mae rhai o fanteision yr ymarfer yn cynnwys cynyddu symudedd a bywiogrwydd, y gallu i ymlacio’n feddyliol ac yn gorfforol, a chysgu’n well.

Llythrennedd digidol - Rhagor o sgiliau

Galluogi dysgwyr i weithio a chyfathrebu ar-lein mewn modd diogel a chyfrifol gydag ymwybyddiaeth o’u hôl-troed digidol personol. Rhyngweithio’n ddiogel ar-lein, dysgu sut i ddiogelu eich gwybodaeth bersonol a defnyddio diogelwch cyffredinol i ddiogelu eich dyfeisiau digidol a’ch gwybodaeth.

Pilates

Mae Pilates yn gwella ystum, yn cryfhau'r corff ac yn gwella ystwythder. Mae hwn yn fath tyner o ymarfer sy'n gweithio ar graidd canolog y corff.

Sbaeneg - Blwyddyn 1

Nod y cwrs hwn yw rhoi i fyfyrwyr ddealltwriaeth sylfaenol o strwythur yr iaith ac i’w galluogi i ddefnyddio’r iaith yn effeithiol mewn nifer o sefyllfaoedd bob dydd mewn gwlad lle siaredir Sbaeneg. Mae’r cwrs hwn yn addas ar gyfer rheiny â dim ond gwybodaeth brin neu ddim o gwbl o’r iaith.

Sbaeneg - Blwyddyn 2

Nod y cwrs hwn yw datblygu dealltwriaeth myfyrwyr o’r iaith Sbaeneg a’u galluogi i ymdopi’n hyderus ag ystod o sefyllfaoedd ac i sgwrsio am amrywiaeth o bynciau, gan gynnwys y gorffennol a’r dyfodol. Dylai myfyrwyr fod wedi dilyn cwrs ar lefel rhagarweiniol neu fod â rhywfaint o brofiad o astudio/siarad yr iaith

Sbaeneg - Blwyddyn 3

Mae’r cwrs lefel canolog hwn wedi ei fwriadu ar gyfer y rheiny sydd â gwybodaeth sylfaenol gadarn o’r iaith. Datblygwch fwy ar eich sgiliau cyfathrebu gan ddefnyddio ystod o amserau, gramadeg a geirfa. Dylai myfyrwyr fod wedi cwblhau cwrs ar lefel rhagarweiniol neu fod â 1 - 2 flynedd o brofiad o astudio’r iaith

Sbaeneg - Blwyddyn 4

Bwriedir y cwrs hwn ar gyfer y rheiny sydd wedi astudio’r iaith am 2-3 blynedd ac sy’n dymuno ymarfer eu sgiliau siarad, gwrando, darllen ac ysgrifennu ar lefel uwch

Sbaeneg sgwrsiol

Defnyddio Sbaeneg / Sbaeneg mewn cyd-destun Mae’r cwrs hwn ar gyfer myfyrwyr sydd â phrofiad o astudio’r iaith. Mae gwybodaeth am yr amseroedd presennol, gorffennol a dyfodol yn Sbaeneg yn hanfodol. Y prif nod yw gwella dealltwriaeth a Sbaeneg llafar, yn ogystal â sgiliau darllen ac ysgrifennu. Bydd y cwrs yn defnyddio ystod o amserau’r ferf, gramadeg a geirfa. Bydd yn canolbwyntio ar ddefnyddio Sbaeneg mewn gwahanol gyd-destunau. Os ydych chi’n bwriadu cofrestru ar gyfer dosbarth Sbaeneg Sgwrsio, cysylltwch â’r ganolfan gan fod gwahanol lefelau ar wahanol ddyddiau a gwahanol amseroedd.

Sgiliau digidol - Camau cyntaf

Dyma gwrs ar gyfer y bobl hynny nad ydynt erioed wedi defnyddio cyfrifiadur o’r blaen, ond a hoffai roi cynnig arni. Nod y cwrs yw meithrin rhai o’r sgiliau sylfaenol sydd eu hangen i ddechrau defnyddio cyfrifiadur a llechen. Mae’n gwrs i ddechreuwyr pur sydd am ddysgu wrth eu pwysau mewn awyrgylch cyfeillgar, ymlaciol. Achrediad ar gael.

Sgiliau Microsoft Office

Addas ar gyfer y rhai sydd â sgiliau cyfrifiadurol cyfyngedig neu sydd wedi cwblhau cwrs TG rhagarweiniol. Ar y cwrs hwn gallwch ddysgu sut i ddefnyddio meddalwedd prosesu geiriau, creu a defnyddio taenlenni, defnyddio cronfa ddata, creu sioe sleidiau neu greu posteri a thaflenni newyddion trwy Gyhoeddi Bwrdd Gwaith. Byddwch yn defnyddio rhaglenni Microsoft Office 2016 gan gynnwys Word, Excel, Access, PowerPoint a Publisher. Byddwch yn cael achrediad am y cwrs hwn ac mae’n addas iawn os ydych yn meddwl am gael swydd neu os ydych eisiau adfywio eich sgiliau TG cyn dychwelyd i weithio.

Sgwrsio Eidaleg

Mae'r dosbarth sgwrsio Eidaleg uwch hwn wedi'i gynllunio i fireinio rhuglder a chodi eich sgiliau siarad trwy drafodaethau ar bynciau cymhleth. Yn ddelfrydol ar gyfer dysgwyr sydd â sylfaen gref mewn Eidaleg, nod y cwrs yw cynyddu eich hyder a'ch gallu i sgwrsio’n ddigymell.

SSIE - Saesneg ar gyfer Siaradwyr Iethoedd Eraill

Dosbarthiadau Saesneg. I ymuno â dosbarth mae angen i ni siarad â chi’n gyntaf. Ffoniwch RADFFÔN 0808 100 3302.

Tai Chi

Mae hon yn ffurf ar ymarfer Tsieineaidd sy'n hyrwyddo anadlu, ymlacio, cydgysylltu a chryfder mewnol.

TGAU Iaith Saesneg - CBAC

Beth am loywi eich iaith a gwybodaeth ramadegol o’r Saesneg ac ennill y sgiliau sydd eu hangen arnoch i sefyll eich arholiad TGAU Saesneg Iaith yn y dosbarth hwn sy’n eich paratoi ar gyfer yr arholiad mewn cwrs 30 wythnos. Mae'r cwrs hwn yn gofyn am ymrwymiad a chymhelliant i lwyddo. Bydd pob dysgwr yn cael prawf sgiliau byr cyn cofrestru.

TGAU Mathemateg - CBAC

Beth am loywi eich gwybodaeth fathemategol ac ennill y sgiliau sydd eu hangen i sefyll eich arholiad TGAU Mathemateg yn y dosbarth hwn sy’n eich paratoi ar gyfer yr arholiad mewn cwrs 30 wythnos. Mae'r cwrs hwn yn gofyn am ymrwymiad a chymhelliant i lwyddo. Bydd pob dysgwr yn cael prawf sgiliau byr cyn cofrestru.

Trwyddedu Personol

Mae’r cymhwyster achrededig hwn yn ddelfrydol i’r rhai sydd eisoes yn gweithio neu sy’n paratoi ar gyfer gweithio mewn unrhyw ddiwydiant sy’n ymwneud â manwerthu alcohol. Mae’n ofyniad i bawb sy’n dymuno dal trwydded bersonol. Mae’r cymhwyster hwn yn cwmpasu prif ofynion Deddf Trwyddedu 2003 a chyfrifoldebau cyfreithiol deiliad trwydded bersonol. Rhaid i bawb sydd eisiau gwerthu neu awdurdodi gwerthu alcohol trwy fanwerthu ar eiddo trwyddedig ddal trwydded bersonol. Mae’r pynciau dan sylw’n cynnwys diben a chyfnod dilysrwydd trwydded bersonol, y broses ymgeisio a dyletswyddau cyfreithiol trwydded bersonol a chyfraith trwyddedu.

Tsieina ac Iaith Tsieina

Mae’r cwrs 10 wythnos hwn wedi’i gynllunio i drwytho cyfranogwyr yn nhapestri cyfoethog traddodiadau a hanes Tsieineaidd a’r iaith sy’n eu hysgogi, gyda’r cyfle i ymarfer caligraffeg â brwsh. Wrth i’r cwrs fynd yn ei flaen, bydd yn archwilio segmentau o’r iaith ysgrifenedig, trwy arwyddluniau Tsieineaidd, gan ddatgelu eu strwythur unigryw a mynd i wraidd eu hesblygiad a’r arwyddocâd diwylliannol sydd ganddynt, a’r straeon y tu ôl iddynt.

Ysgrifennu creadigol

Cynlluniwyd y cwrs hwn i ddatblygu sgiliau a hyder mewn ysgrifennu creadigol. Gellir astudio barddoniaeth, ysgrifennu straeon byrion, y nofel, ysgrifennu sgriptiau a phob agwedd ar ysgrifennu ffuglen a ffeithiol.

Ysgrifennu creadigol - cyflwyniad

Mae'r cwrs hwn ar gyfer unrhyw un sydd eisiau ysgrifennu a bydd yn cynnwys ymarferion ysgrifennu ymarferol i ddechrau a helpu i oresgyn ofn y "dudalen wag". Bydd hefyd yn ymdrin â phynciau fel chwarae gyda berfau, acrostig, posau, haiku, byrddau stori, cofiant, osgoi ystrydeb, deialog, awgrymiadau stori, cymeriad a dangos heb ddweud. Bydd gwaith yn cael ei rannu i helpu i ysbrydoli, cefnogi a chreu blodeugerdd o waith o'r cwrs.