Cyrsiau
56 cyrsiau a gafwyd
Nod y cwrs hwn yw datblygu mwy ar sgiliau ieithyddol drwy astudio gramadeg uwch, testunau cyfoes a recordiadau ac agweddau o ddiwylliant modern. Cewch ddod yn fwy rhugl a gwella’ch dealltwriaeth mewn awyrgylch agored a chyfeillgar. Dylai myfyrwyr fod wedi astudio’r iaith am o leiaf 4-5 blynedd
I’r rheiny sydd ag anghenion dysgu ychwanegol, er mwyn datblygu eu sgiliau cyfathrebu a rhifedd a helpu dysgwyr i gyrraedd eu llawn botensial.
Annog unigolion i ddod o hyd i’w lleisiau o fewn grŵp canu hwyliog. Dysgu caneuon poblogaidd o bob math.
I ddatblygu’r potensial sydd gan bawb i luniadu’n dda drwy arsylwi. I ddysgu dulliau lluniadu sy’n ddefnyddiol ar gyfer paentio â phaent olew a dulliau eraill sy’n berthnasol i baentio mewn dyfrlliw. I ddysgu technegau olew, acrylig, gouache a dyfrlliw a chynhyrchu paentiadau gorffenedig yn y cyfryngau hyn.
Bwriad y cwrs yw cyflwyno amrywiaeth o dechnegau paentio a lluniadu i ddatblygu sgiliau creadigol unigol. Bydd yn cwmpasu elfennau paentio a lluniadu, gan gynnwys cyfansoddiad a lliw. Bydd enghreifftiau o waith artistiaid eraill yn cynorthwyo’r dosbarthiadau er mwyn hyrwyddo eich gwaith celf eich hun.
Celf botymau
Nod y cwrs hwn yw gwella eich sgiliau lluniadu, paentio ac arsylwi mewn amgylchedd hamddenol gyda chymaint o hyfforddiant un i un ag y bo modd. Wrth ddysgu elfennau, caiff myfyrwyr eu hannog i fynegi eu hunain fel unigolion.
Cyfle i ddysgu sgiliau lluniadu, paentio ac arsylwi. Nod y cwrs hwn yw cyflwyno a denu myfyrwyr gydag amrywiaeth o weithgareddau’n cynnwys paentio a lluniadu. Mae cynnwys cyrsiau’n amrywio gan ddibynnu ar y tiwtor sy’n cyflwyno’r cwrs ond, yn gyffredinol, gallai lluniadu gwmpasu defnyddio pensel, pastel, siarcol, pin ac inc, ac ati. Gallai paentio gwmpasu defnyddio olew, acrylig, dyfrlliw a chyfryngau cymysg. Caiff themâu eu cynnwys yn aml fel canolbwynt penodol e.e. tirwedd, morwedd, bywyd llonydd, anifeiliaid, blodau, portread a ffigurau, pensaernïaeth, ac ati. Mae gwybodaeth benodol am gynnwys y cwrs i’w chael o’r ganolfan sy’n gweinyddu’r cwrs.
Creu ystod o grefftau Nadolig. Defnyddiwch amrywiaeth o ddeunydd naturiol ac wedi’i ailgylchu er mwyn creu addurniadau Nadolig gwreiddiol ac anrhegion.
I annog ac i ddatblygu diddordeb a mwynhad wrth weithio gyda chlai ac i ddatblygu technegau a sgiliau amrywiol wrth fowldio, taflu, adeiladu a llaw a gwydro.
Nod y cwrs hwn yw gwneud gwnïo’n bleser ac fe all gwmpasu gwneud dillad, delio â phatrymau, gwneud addasiadau, llenni a chlustogau.
Mae’r cymhwyster Cyflogadwyedd Digidol newydd yn cwmpasu'r sgiliau digidol sydd yn angenrheidiol ar gyfer dysgwyr er mwyn gwneud ceisiadau am swyddi ac i fedru gweithio o fewn amgylchfyd yr 21ain Ganrif, ac i fod yn ddinasyddion digidol. Byddant yn caffael y wybodaeth graidd fydd ei angen arnynt i ddefnyddio TG mewn gwahanol gyd-destunau, yn arbennig felly yn y gweithle. Byddant yn gwybod sut i ddefnyddio’r Rhyngrwyd yn effeithiol ac yn ddiogel, yn ogystal â gweithio gyda gwahanol ddyfeisiadau a phrosesu data.
Addas ar gyfer pobl sydd mewn gwaith neu yn paratoi gweithio. Nod y cwrs yw i sicrhau bod y dysgwyr yn deall rol a chyfrifoldebau y Swyddog Cymorth Cyntaf yn ogystal a gwinyddu a asesu mewn sefyllfa o argyfwng. Angen i'r dysgwyr fod dros 16 oed. Mae achrediad ar gael.
Cyfle i fyfyrwyr werthfawrogi hanes ein planed trwy astudio creigiau a ffosiliau Sir Benfro.
Bydd y cwrs hwn yn trin a thrafod sut i gychwyn arni â’r llechen, sut i lawrlwytho a defnyddio apiau, llyfrau, gemau, pori’r we, gwirio ac ysgrifennu negeseuon e-bost. Mae’r cwrs hwn yn cwmpasu sut i warchod preifatrwydd a nodweddion diogelu eraill.
Bydd y cwrs yn cynnwys tynnu lluniau a ffilmiau gan ddefnyddio camera’r llechen. Byddwch yn dysgu sut i olygu eich lluniau gan ddefnyddio nodweddion fel tocio, cylchdroi a gwella a sut i ddileu lluniau a ffilmiau diangen. Byddwch hefyd yn gweld sut mae chwilio am a lawrlwytho gwahanol apiau creadigol a sut mae rhoi gwahanol effeithiau ar eich lluniau, yn ogystal â chreu collage o luniau gan ddefnyddio delweddau, cefndiroedd, borderi a thestun. Bydd y cwrs hefyd yn cynnwys sut i rannu eich lluniau, ffilmiau a’ch gwaith celf creadigol ac yn edrych ar opsiynau argraffu.
Cafodd Trwydded Yrru Gyfrifiadurol Ewrop ei llunio i ymdrin a chysyniadau allweddol cyfrifiadura, ei gymwysiadau ymarferol a’r defnydd a wneir ohonynt yn y gweithle a chymdeithas. Mae’n addas ar gyfer pawb sydd eisoes yn meddu ar sgiliau TG sylfaenol. Caiff ei rannu’n fodiwlau, y mae’n rhaid pasio pob un ohonynt cyn y caiff ECDL ei dyfarnu. Mae gwahanol gymwysterau ar gael - bydd hynny’n dibynnu ar y modiwlau a astudir.
Nod y cwrs hwn yw datblygu dealltwriaeth myfyrwyr o’r iaith Eidaleg a’u galluogi i ymdopi’n hyderus ag ystod o sefyllfaoedd ac i sgwrsio am amrywiaeth o bynciau, gan gynnwys y gorffennol a’r dyfodol. Dylai myfyrwyr fod wedi dilyn cwrs ar lefel rhagarweiniol neu fod â rhywfaint o brofiad o astudio/siarad yr iaith
Amcan y cwrs hwn yw parhau i ddatblygu sgiliau iaith a gwella’ch rhugledd a’ch dealltwriaeth mewn awyrgylch agored a chyfeillgar. Dylai myfyrwyr fod wedi astudio’r iaith am o leiaf 5-6 mlynedd.
Cwrs ESOL lefelau cymysg sy’n darparu’r cyfle i fyfyrwyr gwblhau uned 1 credyd ar lefel briodol yn ystod y cwrs. Bydd dysgwyr yn talu ffioedd arferol cyrsiau ESOL heblaw am fyfyrwyr lefel Dechreuwyr a gaiff ffi ostyngol o £0.00. I ymuno â dosbarth mae angen i ni siarad â chi’n gyntaf. Ffoniwch RADFFÔN 0808 100 3302.
Gwellwch eich sgiliau iaith Saesneg, adeiladwch ar eich gramadeg chi a siarad yn hyderus. Mae ffioedd arholiadau’n ychwanegol at ffioedd cyrsiau (1 uned i bob dosbarth). I ymuno â dosbarth mae angen i ni siarad â chi’n gyntaf. Ffoniwch RADFFÔN 0808 100 3302.
Mae gennych chi ychydig Saesneg ac awydd i ddysgu rhagor. Mae ffioedd arholiadau’n ychwanegol at ffioedd cyrsiau (1 uned i bob dosbarth). I ymuno â dosbarth mae angen i ni siarad â chi’n gyntaf. Ffoniwch RADFFÔN 0808 100 3302.
Cwrs cyffredinol ESOL i siaradwyr Saesneg sy’n ddechreuwyr. Achredu ar gael. I ymuno â dosbarth mae angen i ni siarad â chi’n gyntaf. Ffoniwch RADFFÔN 0808 100 3302.
Mae’r cwrs yma wedi ei anelu at ddechreuwyr ac mae wedi ei gynllunio i roi trosolwg cynhwysfawr o ffotograffiaeth sylfaenol i fyfyrwyr, gan ymdrin ag elfennau sylfaenol ffotograffiaeth o oleuo i gyfansoddiad. Mae’n rhaid i’r dysgwyr gael eu camera DSLR eu hunain a chardiau cof cytûn. Yn ystod y cwrs efallai bydd angen iPads i brosesu delweddau ymhellach – trafodwch hyn gyda’ch tiwtor yn eich gwers gyntaf.
Delfrydol i bobl sydd wedi prynu camera digidol ac eisiau dysgu’r elfennau. Mae’r cwrs dechreuwyr hwn yn dysgu’r lliaws agweddau technegol sylfaenol ar ffotograffiaeth ddigidol, gan gynnwys moddau camera, hyd ffocal, rheolau cyfansoddi, cydbwyso gwyn a deall y dewislenni. Yna bydd y cwrs yn cwmpasu lanlwytho eich delweddau i’r cyfrifiadur.
Gwnewch eich cynllun gardd i gynnal eich planhigion allan o bren helyg e.e. obelisg, trellis
Nod y cwrs hwn yw rhoi i fyfyrwyr ddealltwreiaeth sylfaenol o strwythur yr iaith ac i’w galluogi i ddefnyddio’r iaith yn effeithiol mewn nifer o sefyllfaoedd bob dydd mewn gwlad lle siaredir Ffrangeg. Mae’r cwrs hwn yn addas ar gyfer rheiny â dim ond gwybodaeth brin neu ddim o gwbl o’r iaith
Anelir y dosbarth at ddysgwyr sydd â diffyg hyder / neu sgiliau. Bydd yn darparu amgylchfyd diogel i ddysgwyr sydd efallai yn ofni dychwelyd i ddysgu.
Cyflwyniad i dechnegau gwehyddu helyg.
Bydd y gweithdy hwn yn dangos i chi sut i gynhyrchu cylchlythyr heb ddefnyddio’r rhaglen Microsoft Publisher.
Ydych chi erioed wedi ystyried beth yw ystyr ‘’y cwmwl’’? Bydd y gweithdy hwn yn eich cyflwyno chi i gyfrifiadura cwmwl ac yn dangos i chi sut i gadw eich gwaith mewn rhan o’r cyfrifiadur sy’n galluogi i chi gadw a rhannu eich ffeiliau a’ch lluniau’n rhwydd.
Bydd y gweithdy hwn yn dangos i chi sut i olygu a gwella eich ffotograffau gan ddefnyddio Pixlr, sef meddalwedd sydd ar gael am ddim ar eich cyfrifiadur neu dabled.
Bydd y gweithdy hwn yn eich helpu i drefnu eich cyfrifiadur. Byddwch yn dysgu sut i greu ffolderi a sut i symud ffeil i ffolderi fel ei bod hi’n hawdd dod o hyd i ddogfennau a lluniau. Byddwch hefyd yn dysgu sut i ailenwi ffeiliau fydd yn helpu gyda hyn.
Bydd y gweithdy hwn yn archwilio sut i wneud gwell defnydd o Microsoft Outlook a bydd yn egluro sut i ddefnyddio’r calendr a chreu cysylltiadau a rhestrau dosbarthu, yn ogystal â chreu ffolderi i drefnu eich negeseuon e-bost.
Bydd y gweithdy hwn yn dangos i chi sut i greu taenlen fydd yn ddefnyddiol i gadw trefn ar eich cyfrifon blynyddol (Microsoft Excel).
Cynllunio a gwneud gwydr lliw. Mae costau’r deunydd yn ychwanegol.
Nod y cwrs hwn yw gwneud gwnïo'n bleser a gall gynnwys gwneud ac addasu dillad a gwneud llenni a chlustogau.
Cyflwyniad i’r sgiliau ymchwil a’r wybodaeth angenrheidiol i ddod o hyd i wybodaeth am hanes teulu a chyrchu cofnodion ffynonellau primaidd sy’n gysylltiedig â hanes teulu, drwy ddefnyddio’r rhyngrwyd. Wedi’i gynllunio ar gyfer y rheiny sydd am barhau i ymchwilio i hanes y teulu trwy’r rhyngrwyd. Mae’r cwrs hwn yn cynnig y cyfle i ddatblygu ymhellach sgiliau mewn amgylchedd cefnogol.
Daw ioga o'r gair Sansgrif sy'n golygu uno ac mae felly'n awgrymu cytgord perffaith y corff, y meddwl a'r ysbryd. Mae'n addas i bawb o bob safon o ioga ac mae'n bwriadu cael gwybodaeth o ioga a chymwyster a dod a llawer o fuddiannau.
Cyflwyniad wrth eich pwysau i Ioga, ar eich eistedd. Ffordd dda o ddadflino ond ystwytho a symud mewn amgylchedd diogel a chymdeithasol. Mae’r cwrs hwn yn addas i bob ffitrwydd. Rhyddhau straen a buddiannau tebyg i Ioga mewn amgylchedd cymdeithasol - trwy eistedd ar gadair!
Cynlluniwyd y cwrs hwn i ddwyn i ystyriaeth y gwahanol wynegon sy’n datblygu fel yr awn yn hŷn. Dysgwch rai ymarferion sy’n delio’n benodol â rhai mannau trafferthus fel poen yn y cefn isaf, technegau ymlacio, sut mae ymestyn yn ddiogel er mwyn parhau’n ystwyth. Dysgwch sut mae anadlu mewn ffordd a fydd yn eich helpu i ganolbwyntio’r meddwl a rhoi llonyddwch mewnol i chwi.
Dosbarthiadau i unrhyw un dros 16 mlwydd oed sydd eisiau gwella eu Saesneg. Efallai eich bod eisiau helpu eich plant â’u gwaith ysgol; paratoi tuag at gwrs coleg; magu hyder neu fanteisio ar gymhwyster i gael swydd neu ddyrchafiad yn eich gwaith. Mae achrediad ar gael: Agored Cymru neu City and Guilds SHC (Sgiliau Hanfodol Cymru) o lefel cyn-mynediad i Lefel 1 neu Lefel 2.
Sut i ddarganfod ac asesu eich gwybodaeth ddigidol mewn byd sy’n newid o hyd. Datblygwch sgiliau i drefnu, storio, rhannu a diogelu eich gwybodaeth, sut i fod yn greadigol gan ddefnyddio amrywiaeth o declynnau digidol. Mae’n addas ar gyfer pawb sydd eisoes yn meddu ar sgiliau TG sylfaenol.
Mae Pilates yn gwella ystum, yn cryfhau'r corff ac yn gwella ystwythder. Mae hwn yn fath tyner o ymarfer sy'n gweithio ar graidd canolog y corff.
Hoffech chi deimlo’n fwy hyblyg? Hoffech chi wella eich osgo, cydbwysedd a chydsymud a gwella nerth yn eich cefn a chyhyrau’r abdomen? Mae ‘Ymestyn ac Ystwytho’ yn ddosbarth addfwyn heb fod yn rhy ardrawol ar sail Pilates ar gyfer holl grwpiau oedran gan ddefnyddio technegau anadlu canolbwyntiedig i gynorthwyo’r ymarferion; mae hyn yn dod â mantais cynyddu cynhwysedd yr ysgyfaint, mwy o ymwybyddiaeth o’r corff a lleihau straen.
Dosbarthiadau i unrhyw un dros 16 mlwydd oed sydd eisiau gwella eu Mathemateg. Efallai eich bod eisiau helpu eich plant â’u gwaith ysgol; paratoi tuag at gwrs coleg; magu hyder neu fanteisio ar gymhwyster i gael swydd neu ddyrchafiad yn eich gwaith. Mae achrediad ar gael: Agored Cymru neu City & Guilds SHC o lefel cyn-mynediad i lefel 1 neu lefel 2.
I’r rheiny sydd eisiau gwella eu sgiliau cyfathrebu neu fathemateg ac eisiau manteisio ar gymhwyster Agored Cymru neu gymhwyster CBAC.
Dyma gwrs ar gyfer y bobl hynny nad ydynt erioed wedi defnyddio cyfrifiadur o’r blaen, ond a hoffai roi cynnig arni. Nod y cwrs yw meithrin rhai o’r sgiliau sylfaenol sydd eu hangen i ddechrau defnyddio cyfrifiadur a llechen. Mae’n gwrs i ddechreuwyr pur sydd am ddysgu wrth eu pwysau mewn awyrgylch cyfeillgar, ymlaciol. Achrediad ar gael.
Addas ar gyfer y rhai sydd â sgiliau cyfrifiadurol cyfyngedig neu sydd wedi cwblhau cwrs TG rhagarweiniol. Ar y cwrs hwn gallwch ddysgu sut i ddefnyddio meddalwedd prosesu geiriau, creu a defnyddio taenlenni, defnyddio cronfa ddata, creu sioe sleidiau neu greu posteri a thaflenni newyddion trwy Gyhoeddi Bwrdd Gwaith. Byddwch yn defnyddio rhaglenni Microsoft Office 2013 gan gynnwys Word, Excel, Access, PowerPoint a Publisher. Byddwch yn cael achrediad am y cwrs hwn ac mae’n addas iawn os ydych yn meddwl am gael swydd neu os ydych eisiau adfywio eich sgiliau TG cyn dychwelyd i weithio.
Mae hon yn ffurf ar ymarfer Tsieineaidd sy'n hyrwyddo anadlu, ymlacio, cydgysylltu a chryfder mewnol. Bydd o gymorth i chi ddelio â throeon bywyd.
Bwriedir y cwrs hwn yn bennaf ar gyfer y rheiny a hoffai gael cymhwyster.
Diweddaru eich gwybodaeth fathemategol a chael y sgiliau rhifedd sydd eu hangen i sefyll eich arholiad TGAU Mathemateg. Mae angen yr arholiad hwn i gael mynediad, er enghraifft, i golegau nyrsio neu hyfforddi athrawon. Fel arall, gallwch ddiweddaru eich gwybodaeth a chadw ar y blaen i fathemateg pobl ifanc yn yr ysgol. Mae hwn yn gwrs blwyddyn sy’n gofyn ymroddiad a chymhelliad i lwyddo.
Sy’n edrych ar hanes olewon hanfodol; moeseg eu cynhyrchiad heddiw; eu cemeg a beth sy’ ynddynt; sut maen nhw’n effeithio ein cyrff ni; diogelwch ac ymarferion diogel; beth sy’n gywir i chi fel unigolyn ac am eich anghenion penodol; defnydd o gwmpas y tŷ a mwy.
Hyfforddiant uwch i gapteiniaid mwy profiadol, sy'n adeiladu ar y cwrs Capten Dydd. Mae'r cwrs hwn yn eich paratoi i lywio'n ddiogel ar deithiau arfordirol a phell o'r lan. Bydd y cwrs hwn yn mynd â'ch gwybodaeth theori i'r safon sy'n ofynnol ar gyfer yr arholiadau ymarferol Iotfeistr Arfordirol ac Iotfeistr Pell o'r Lan, gan ganolbwyntio ar uwch-sgiliau mordwyaeth a meteoroleg.
Mae pynciau'r cwrs yn cynnwys: pennu safle; llunio a phlotio cyrsiau; gwybodaeth am y llanw; defnyddio almanaciau a chyhoeddiadau'r morlys; offer electronig ar gyfer dod o hyd i safleoedd; cymryd a dehongli rhagolygon; plotio systemau tywydd; rhagfynegi’r tywydd gan ddefnyddio baromedr a thrwy arsylwi; rheoliadau gwrthdrawiadau a rheoliadau tramor a chartref ar gyfer mordeithio dramor. Mae'n caniatáu rhywfaint o amser i adolygu'r hanfodion, ac yna'n symud ymlaen i dechnegau mordwyaeth uwch. Mae'r arholiad yn cynnwys tri phapur.
COSTAU: Mae ffi'r cwrs yn cynnwys pecyn cwrs gorfodol, Almanac a ffioedd arholiad. Mae hefyd yn ofynnol i ddysgwyr ddod â/brynu offer llywio sylfaenol, e.e. cwmpawd a phlotydd Portland (y gellir eu prynu ar-lein fel arfer am tua £20). Bydd unrhyw gyhoeddiadau neu ddeunyddiau dewisol hefyd yn gost ychwanegol.
Y nifer mwyaf y gellir ei gael mewn dosbarth yw 12
Cyflwyniad cynhwysfawr i fordeithio ar gyfer capteiniaid amhrofiadol. Mae'r cwrs hwn yn rhoi digon o wybodaeth i chi allu mordwyo o gwmpas dyfroedd cyfarwydd yn ystod y dydd. Mae gwybodaeth sylfaenol am oleuadau hefyd yn cael ei chynnwys er mwyn eich cyflwyno i fordeithio gyda'r nos.
Mae pynciau'r cwrs yn cynnwys: hanfodion morwriaeth; hanfodion mordwyaeth a llywio arfordirol; gwaith siart; siartiau electronig; pennu safle; plotio cwrs i'w lywio; rhagolygon tywydd a meteoroleg; y llanw; rheoliadau gwrthdrawiadau; adeiladu, rhannau ac offer cwch mordeithio a gweithdrefnau argyfwng a diogelwch, gan gynnwys galwadau gofid – defnyddio fflamau, harneisiau diogelwch, siacedi achub a rafftiau bywyd. Mae'r arholiad yn cynnwys dau bapur.
COSTAU: Mae ffi'r cwrs yn cynnwys pecyn cwrs gorfodol, Almanac a ffioedd arholiad. Mae hefyd yn ofynnol i ddysgwyr ddod â/brynu offer llywio sylfaenol, e.e. cwmpawd a phlotydd Portland (y gellir eu prynu ar-lein fel arfer am tua £20). Bydd unrhyw gyhoeddiadau neu ddeunyddiau dewisol hefyd yn gost ychwanegol.
Y nifer mwyaf y gellir ei gael mewn dosbarth yw 12
Lluniwyd y cwrs hwn i ddatblygu'r sgiliau a hyder i lwyddo ymhob agwedd ar ysgrifennu creadigol. Bydd barddoniaeth, ysgrifennu stori fer, y nofel, ysgrifennu sgript a phob agwedd ar ysgrifennu ffuglen a ffeithiol yn cael eu hastudio. Bydd myfyrwyr yn cael eu hannog i ddilyn eu diddordeb arbennig eu hunain.