Chwilio am Gwrs

---

Cyrsiau

---

23 cyrsiau a gafwyd

Angel Nadolig Helygen

Crëwch angel helyg hardd i oleuo'ch cartref neu'ch gardd y Nadolig hwn. Mae goleuadau tylwyth teg wedi'u cynnwys, a gall gwehyddion profiadol neu hyderus hefyd wneud addurniadau gwehyddu bach i bersonoli eu hangel.

Canu - Dewch o hyd i’ch llais i mwynhewch ganu

Annog unigolion i ddod o hyd i’w lleisiau o fewn grŵp canu hwyliog. Dysgu caneuon poblogaidd o bob math.

Canu - lefel ragarweiniol

Dewch o hyd i’ch llais i mwynhewch ganu Bwriad y dosbarth hwn yw annog unigolion i ‘ddarganfod’ eu llais o fewn grŵp canu hwyliog. Dysgwch ganeuon poblogaidd o bob arddull a genre gan ddefnyddio taflenni geiriau - nid oes angen y gallu i ddarllen cerddoriaeth.

Canva

Cwrs rhagarweiniol pump wythnos o hyd yw hwn ar sut i ddefnyddio’r wefan Canva. Byddwch yn cael eich arwain trwy’r broses o sefydlu cyfrif rhad ac am ddim a defnyddio rhai o elfennau niferus y rhaglen

Celf - Argraffiadaeth a'i thechnegau

Gellir cwblhau’r gweithdy hwn mewn olew neu acrylig a bydd yn archwilio’r defnydd o strociau lliw llachar, toredig i greu effeithiau heulwen a thywydd y mae argraffiadwyr yn eu cyfleu mor fedrus. Byddwn yn edrych ar baentiadau allweddol yn hanes y mudiad, ac yn addasu'r technegau a ddefnyddiwyd i greu ein paentiadau ein hunain wedi’u hysbrydoli gan yr Argraffiadwyr. Bydd golygfeydd lleol o Sir Benfro yn cael eu defnyddio, a bydd aelodau yn rhydd i ddefnyddio eu lluniau a'u brasluniau eu hunain i greu gwaith. Bydd angen i’r rheini fydd yn cymryd y dosbarth gyflenwi eu deunyddiau eu hunain ac er nad yw'n orfodol bydd ganddynt rywfaint o wybodaeth am baentio tirlun cynrychioliadol.

Celf - cyfryngau cymysg

Cyflawni'r wybodaeth a'r sgiliau o weithio â chyfryngau cymysg i greu darn o gelf.

Celf - Datablygu ac arsylwi creadigrwydd

Dewch o hyd i ddulliau o arlunio a phaentio, trwy arsylwi yn y lle cyntaf; sut i ddatblygu eich gwaith o'r mannau cychwyn hyn trwy arbrofi gyda defnyddiau a thechneg, gan gynnwys collage a phrintio syml. Mewn awyrgylch hamddenol byddwch yn gallu dysgu technegau defnyddiol a ffyrdd o ddatblygu eich llwybr creadigol eich hun.

Celf - Lluniadu a phaentio

I ddatblygu’r potensial sydd gan bawb i luniadu’n dda drwy arsylwi. I ddysgu dulliau lluniadu sy’n ddefnyddiol ar gyfer paentio â phaent olew a dulliau eraill sy’n berthnasol i baentio mewn dyfrlliw. I ddysgu technegau olew, acrylig, gouache a dyfrlliw a chynhyrchu paentiadau gorffenedig yn y cyfryngau hyn.

Celf - Meistroli portreadau

Bydd y gweithdy hwn yn ymdrin â hanfodion portreadau, pwysigrwydd lluniadu, a dod â'r sgiliau hyn i'w defnyddio mewn gwaith portreadu effeithiol.

Celf - Peintio olew

Mae'r cwrs hwn ar gyfer y rhai sy'n dymuno dysgu am beintio ag olew. Mae’r pynciau dan sylw yn cynnwys: deunyddiau, paratoi'r papur, masau, gwerthoedd, golau a chysgod, persbectif atmosfferig, theori lliw, a chyfansoddiad. Yn ystod y tymor cyntaf y testun fydd bywyd llonydd, bydd yr ail dymor yn ymdrin â phortreadau a'r tymor olaf tirluniau. Fe'ch cynghorir i fynychu pob un o'r tri thymor i gael budd llawn y cwrs hwn, ond nid yw'n hanfodol os oes gennych brofiad blaenorol.

Celf - Peintio Olew - Haniaethol

Mae'r cwrs deg wythnos hwn yn cyflwyno hwyl fel dull dysgu, lle rydych yn darganfod yn ymarferol sut mae creadigrwydd yn dod i'r amlwg trwy chwilfrydedd, arbrofi a bod yn agored. Mae cyfranogwyr yn ymgysylltu â deunyddiau newydd, offer amrywiol ac ymagwedd mwy eang at liw wrth ystyried gwerth gweithio mewn cyfres a chofleidio chwarae, risg ac amherffeithrwydd. Drwy arafu a rhoi sylw i broses, maent yn datgelu mewnwelediadau newydd i'w harferion a'u potensial artistig. Erbyn diwedd y cwrs, mae’r cyfranogwyr yn aml yn profi ymdeimlad newydd o bosibilrwydd a ffordd o weithio fwy rhydd a llawen.

Celf i bawb

Nod y cwrs hwn yw gwella eich sgiliau lluniadu, paentio ac arsylwi mewn amgylchedd hamddenol gyda chymaint o hyfforddiant un i un ag y bo modd. Wrth ddysgu elfennau, caiff myfyrwyr eu hannog i fynegi eu hunain fel unigolion.

Coginio

Cwrs coginio yw hwn yn cael ei ddiffinio yn ôl pwnc arbennig. Bydd myfyrwyr yn bwyta'r hyn a goginiwyd ar y diwrnod ac yn mynd â'r gweddill adref.

Crefft Lledr

Addas i ddechreuwyr, mae’r cwrs hwn yn cyflwyno technegau sylfaenol crefft gwaith lledr. Crëwch brosiectau fel modrwyau allweddi, gemwaith, pwrs neu waled wrth ddysgu technegau torri, siapio, pwytho, gwneud patrymau a gorffen. Bydd cyrsiau yn y dyfodol yn cynnwys gwneud bagiau a chyfnodolion. Bydd costau ychwanegol am ddeunyddiau; defnyddir lledr wedi’i ailgylchu, wedi’i drin â thanin llysiau ac wedi’i gyrchu’n gynaliadwy.

Cyfrifiadura i'r rhai sydd wedi'u dychryn ganddo

Dyma gwrs ar gyfer y bobl hynny nad ydynt erioed wedi defnyddio cyfrifiadur o’r blaen, ond a hoffai roi cynnig arni. Nod y cwrs yw meithrin rhai o’r sgiliau sylfaenol sydd eu hangen i ddechrau defnyddio cyfrifiadur a llechen. Mae’n gwrs i ddechreuwyr pur sydd am ddysgu wrth eu pwysau mewn awyrgylch cyfeillgar, ymlaciol. Achrediad ar gael.

Cymorth Cyntaf Brys

Addas ar gyfer pobl sydd mewn gwaith neu yn paratoi gweithio. Nod y cwrs yw i sicrhau bod y dysgwyr yn deall rol a chyfrifoldebau y Swyddog Cymorth Cyntaf yn ogystal a gwinyddu a asesu mewn sefyllfa o argyfwng. Angen i'r dysgwyr fod dros 16 oed. Mae achrediad ar gael.

Cymorth Cyntaf Brys i Blant

QA Lefel 3 mewn Cymorth Cyntaf Brys i Blant yn rhad. Ymysg y testunau dan sylw mae CPR; tagu; trawidadau; mân anafiadau; gwaedu.

Cymorth Cyntaf Brys yn y Gwaith

Yn addas ar gyfer y rhai sydd eisoes yn gweithio neu'r rhai sy'n paratoi i weithio. Mae hefyd yn addas ar gyfer y rhai sydd â chyfrifoldeb i ddarparu cymorth cyntaf sylfaenol mewn gweithgareddau gwirfoddol a chymunedol. Nod y cwrs hwn yw galluogi'r dysgwr i ddeall rôl a chyfrifoldebau swyddog cymorth cyntaf, a hefyd i asesu a gweinyddu cymorth cyntaf cychwynnol mewn sefyllfa o argyfwng. Mae dyfarniad Lefel 3 ar gael ar ôl cwblhau’r cwrs hwn yn llwyddiannus Mae'n ofynnol i ddysgwyr fod yn 16 oed neu'n hŷn.

Hanes Celfyddyd

Dysgwch am darddiad celfyddyd, ymddangosiad celfyddyd o ddiwylliannau eraill a gwahanol arddulliau ac artistiaid ar hyd y canrifoedd.

Sgiliau Microsoft Office

Addas i'r rhai sydd â sgiliau cyfrifiadurol cyfyngedig neu sydd wedi cwblhau cwrs TG rhagarweiniol. Mae'r cwrs achrededig hwn yn datblygu sgiliau ymarferol Microsoft Office.

Tŷ a bwydydd dar helyg.

Gwehyddwch loches gaeaf ar gyfer adar yr ardd a bwydydd peli braster yn y gweithdy hwn. Nid oes angen unrhyw brofiad blaenorol o wehyddu a bydd yr holl gymorth ac offer ar gael. Gellir prynu pecynnau ychwanegol ar y diwrnod i'w cymryd adref a pharhau i wehyddu!

Ysgrifennu creadigol

Cynlluniwyd y cwrs hwn i ddatblygu sgiliau a hyder mewn ysgrifennu creadigol. Gellir astudio barddoniaeth, ysgrifennu straeon byrion, y nofel, ysgrifennu sgriptiau a phob agwedd ar ysgrifennu ffuglen a ffeithiol.

Ysgrifennu creadigol - ut i ysgrifennu stori

Bydd y cwrs hwn yn canolbwyntio ar hanfodion ac egwyddorion sylfaenol ysgrifennu straeon ar gyfer nofelau, straeon byrion, sgriptiau ffilm ac ati. Bydd yn edrych ar greu plot, cymeriadau, sefyllfaoedd, gwrthdaro a phrif elfennau adeiladu stori, ac yna’r broses ysgrifennu ei hun sef sut i ysgrifennu disgrifiadau, deialog, creu golygfeydd a golygu eich gwaith.