Chwilio am Gwrs

---

Cyrsiau

---

29 cyrsiau a gafwyd

Canu - Dewch o hyd i’ch llais i mwynhewch ganu

Annog unigolion i ddod o hyd i’w lleisiau o fewn grŵp canu hwyliog. Dysgu caneuon poblogaidd o bob math.

Canu - iefel ragarweiniol

Dewch o hyd i’ch llais i mwynhewch ganu Bwriad y dosbarth hwn yw annog unigolion i ‘ddarganfod’ eu llais o fewn grŵp canu hwyliog. Dysgwch ganeuon poblogaidd o bob arddull a genre gan ddefnyddio taflenni geiriau - nid oes angen y gallu i ddarllen cerddoriaeth.

Celf - Argraffiadaeth a'i thechnegau

Gellir cwblhau’r gweithdy hwn mewn olew neu acrylig a bydd yn archwilio’r defnydd o strociau lliw llachar, toredig i greu effeithiau heulwen a thywydd y mae argraffiadwyr yn eu cyfleu mor fedrus.

Celf - bywluniad

Dechrau pob sesiwn gyda chyfres o sefyll mewn ystum am gyfnod byr, gyda sefyll am gyfnod hwy i ddilyn, sy'n caniatáu astudiaeth ddwys.

Celf - Canolbwyntio ar gyfansoddiad

Mae’r cwrs hwn yn canolbwyntio ar egwyddorion a thechnegau cyfansoddiad, sy’n hanfodol ar gyfer creu gwaith celf sy’n weledol gymhellol a chytbwys. Bob wythnos ymdrinnir ag agwedd wahanol ar gyfansoddiad, gan daflu goleuni damcaniaethol a chynnig ymarferion i wella’ch sgiliau artistig.

Celf - Defnyddio lliw yn effeithiol mewn tirluniau

Bydd dysgwyr yn archwilio sut orau i greu dyfnder ac awyrgylch mewn golygfa gan ddefnyddio arlliw a lliw a sut i gael amrywiaeth o liwiau argyhoeddiadol a chyfoethog i mewn i lun.

Celf - Lluniadu a phaentio

I ddatblygu’r potensial sydd gan bawb i luniadu’n dda drwy arsylwi. I ddysgu dulliau lluniadu sy’n ddefnyddiol ar gyfer paentio â phaent olew a dulliau eraill sy’n berthnasol i baentio mewn dyfrlliw. I ddysgu technegau olew, acrylig, gouache a dyfrlliw a chynhyrchu paentiadau gorffenedig yn y cyfryngau hyn.

Celf - Meistroli portreadau

Bydd y gweithdy hwn yn ymdrin â hanfodion portreadau, pwysigrwydd lluniadu, a dod â'r sgiliau hyn i'w defnyddio mewn gwaith portreadu effeithiol.

Celf - Paentiadau olew - Rembrandt a Velasquez

Mae’r gweithdy hwn yn archwilio’r cyferbyniad dramatig rhwng golau a thywyll a chyfansoddiadau ffigyrau deinamig yn seiliedig ar waith yr arlunwyr gwych. Bydd dysgwyr yn dewis o sawl enghraifft o waith yr artistiaid ac yn cael eu harwain trwy rai egwyddorion sylfaenol o amgylch y technegau a ddefnyddir.

Celf - Peintio ag olew a defnyddio tanbeintio monocrom

Cwrs byr yw hwn, a gynhelir dros dair wythnos yn olynol a bydd yn ymdrin â sawl agwedd ar y dechneg beintio hon. Bydd yn arddangos hen ddull peintio ag olew gan ddefnyddio llun is o'r enw grisaille sy'n cael ei ddefnyddio i adeiladu lliwiau ar ben tanbaentiad monocromatig solet. Dangosir i ddysgwyr sut i ddatblygu llun cychwynnol cryf, gan ddefnyddio du a gwyn yn unig, a thros y pythefnos dilynol adeiladu'r llun, gan ddefnyddio haenau o baent olew o'r enw gwydredd.

Celf - Peintio olew

Mae'r cwrs hwn ar gyfer y rhai sy'n dymuno dysgu am beintio ag olew. Mae’r pynciau dan sylw yn cynnwys: deunyddiau, paratoi'r papur, masau, gwerthoedd, golau a chysgod, persbectif atmosfferig, theori lliw, a chyfansoddiad. Yn ystod y tymor cyntaf y testun fydd bywyd llonydd, bydd yr ail dymor yn ymdrin â phortreadau a'r tymor olaf tirluniau. Fe'ch cynghorir i fynychu pob un o'r tri thymor i gael budd llawn y cwrs hwn, ond nid yw'n hanfodol os oes gennych brofiad blaenorol.

Celf - Technegau dyfrlliw Prydeinig cynnar

Bydd dysgwyr yn edrych ar waith artistiaid dyfrlliw gwych o ddiwedd y 18fed ganrif a dechrau'r 19eg ganrif gan gynnwys Turner, Thomas Girtin a John Sell Cotman. Bydd dysgwyr yn dysgu sgiliau i ddatblygu cyfansoddiadau teilwng a chreu tirweddau argyhoeddiadol yn arddull dechrau’r 19eg ganrif.

Celf i bawb

Nod y cwrs hwn yw gwella eich sgiliau lluniadu, paentio ac arsylwi mewn amgylchedd hamddenol gyda chymaint o hyfforddiant un i un ag y bo modd. Wrth ddysgu elfennau, caiff myfyrwyr eu hannog i fynegi eu hunain fel unigolion.

Celf mewn arfer a chyd-destun hanesyddol

Mae'r cwrs hwn yn edrych ar dechnegau a ddefnyddiwyd gan artistiaid y gorffennol a'i nod yw dod â nhw i'r ystafell ddosbarth, ee defnyddid paent tempera wy cyn paent olew. Roedd yna hefyd dechnegau cynnil a ddefnyddiai’r hen feistri megis tanbeintio a defnyddio gwydredd.

Cernyweg - Blwyddyn 1

Amcan y cwrs hwn yw rhoi dealltwriaeth sylfaenol o strwythur yr iaith i fyfyrwyr a’u galluogi i ddefnyddio’r iaith mewn nifer o sefyllfaoedd cyfarwydd. Mae’r cwrs hwn yn addas ar gyfer y rheiny sydd heb ddim neu ag ychydig wybodaeth o’r iaith.

Cymorth Cyntaf Brys i Blant

QA Lefel 3 mewn Cymorth Cyntaf Brys i Blant yn rhad. Ymysg y testunau dan sylw mae CPR; tagu; trawidadau; mân anafiadau; gwaedu.

Cymorth Cyntaf Brys yn y Gwaith

Yn addas ar gyfer y rhai sydd eisoes yn gweithio neu'r rhai sy'n paratoi i weithio. Mae hefyd yn addas ar gyfer y rhai sydd â chyfrifoldeb i ddarparu cymorth cyntaf sylfaenol mewn gweithgareddau gwirfoddol a chymunedol. Nod y cwrs hwn yw galluogi'r dysgwr i ddeall rôl a chyfrifoldebau swyddog cymorth cyntaf, a hefyd i asesu a gweinyddu cymorth cyntaf cychwynnol mewn sefyllfa o argyfwng. Mae dyfarniad Lefel 3 ar gael ar ôl cwblhau’r cwrs hwn yn llwyddiannus Mae'n ofynnol i ddysgwyr fod yn 16 oed neu'n hŷn.

Darllen Chwedlau Caergaint

Yn ystod y cwrs byddwn yn darllen Chwedlau Caergaint yn y Saesneg Canol gwreiddiol. Byddwn yn defnyddio'r llyfr ‘Geoffrey Chaucer The Canterbury Tales’, Clasuron Penguin. Byddwn hefyd yn defnyddio un neu fwy fersiwn Saesneg modern. Byddwn yn darllen ac yn trafod darn byr o’r testun bob wythnos.

Datblygu sgiliau cyfrifiadurol

Mae’r cwrs hwn yn galluogi unigolion i feithrin eu sgiliau cyfrifiadurol. Mae’n addas i’r bobl hynny sydd wedi cwblhau cwrs y Camau Cyntaf gyda Chyfrifiaduron, neu i bobl sydd a pheth gwybodaeth am gyfrifiaduron, ac sy’n dymuno datblygu rhagor ar eu sgiliau. Dysgwch yn eich pwysau mewn awyrgylch gyfeillgar, ymlaciol.

Dechreuwyr gitâr - parhad

I’r rhai sydd wedi cwblhau’r cwrs dechreuwyr, bydd y cwrs hwn yn adeiladu ar y sgiliau a enillwyd eisoes.

Gwneud cardiau

Dosbarth gwneud cardiau cyffredinol lle bydd dysgwyr yn archwilio technegau gwneud cardiau syml. Yn addas ar gyfer pob achlysur.

Hanes - Anturiaethwyr

Mae'r cwrs hwn yn ymchwilio i gampau a bywydau fforwyr - enwog a heb fod mor adnabyddus, sydd wedi ychwanegu at ein gwybodaeth am y byd, ei bobl a'i ddiwylliannau.

Hanes Celfyddyd

Dysgwch am darddiad celfyddyd, ymddangosiad celfyddyd o ddiwylliannau eraill a gwahanol arddulliau ac artistiaid ar hyd y canrifoedd.

ICDL

Cafodd Tystysgrif Ryngwladol Llythrennedd Digidol (ICDL) ei llunio i ymdrin a chysyniadau allweddol cyfrifiadura, ei gymwysiadau ymarferol a’r defnydd a wneir ohonynt yn y gweithle a chymdeithas. Mae’n addas ar gyfer pawb sydd eisoes yn meddu ar sgiliau TG sylfaenol. Caiff ei rannu’n fodiwlau, y mae’n rhaid pasio pob un ohonynt cyn y caiff ICDL ei dyfarnu. Mae gwahanol gymwysterau ar gael - bydd hynny’n dibynnu ar y modiwlau a astudir.

Ioga - Symudiadau sy’n rhyddhau’r cymalau

Gellir ei wneud yn eistedd mewn cadair, neu ar fat ioga. Symudwch trwy bob cymal o'r corff gyda'r anadl i greu ymdeimlad o dawelwch, datblygu ystod o symudiadau ym mhob cymal, a chreu mwy o ymdeimlad o hunanymwybyddiaeth. Mae'r sesiwn yn cynnwys ymlacio dan arweiniad.

Llythrennedd digidol - Rhagor o sgiliau

Galluogi dysgwyr i weithio a chyfathrebu ar-lein mewn modd diogel a chyfrifol gydag ymwybyddiaeth o’u hôl-troed digidol personol. Rhyngweithio’n ddiogel ar-lein, dysgu sut i ddiogelu eich gwybodaeth bersonol a defnyddio diogelwch cyffredinol i ddiogelu eich dyfeisiau digidol a’ch gwybodaeth.

Sgiliau digidol - Camau cyntaf

Dyma gwrs ar gyfer y bobl hynny nad ydynt erioed wedi defnyddio cyfrifiadur o’r blaen, ond a hoffai roi cynnig arni. Nod y cwrs yw meithrin rhai o’r sgiliau sylfaenol sydd eu hangen i ddechrau defnyddio cyfrifiadur a llechen. Mae’n gwrs i ddechreuwyr pur sydd am ddysgu wrth eu pwysau mewn awyrgylch cyfeillgar, ymlaciol. Achrediad ar gael.

Sgiliau Microsoft Office

Addas ar gyfer y rhai sydd â sgiliau cyfrifiadurol cyfyngedig neu sydd wedi cwblhau cwrs TG rhagarweiniol. Ar y cwrs hwn gallwch ddysgu sut i ddefnyddio meddalwedd prosesu geiriau, creu a defnyddio taenlenni, defnyddio cronfa ddata, creu sioe sleidiau neu greu posteri a thaflenni newyddion trwy Gyhoeddi Bwrdd Gwaith. Byddwch yn defnyddio rhaglenni Microsoft Office 2016 gan gynnwys Word, Excel, Access, PowerPoint a Publisher. Byddwch yn cael achrediad am y cwrs hwn ac mae’n addas iawn os ydych yn meddwl am gael swydd neu os ydych eisiau adfywio eich sgiliau TG cyn dychwelyd i weithio.

Ysgrifennu creadigol - cyflwyniad

Mae'r cwrs hwn ar gyfer unrhyw un sydd eisiau ysgrifennu a bydd yn cynnwys ymarferion ysgrifennu ymarferol i ddechrau a helpu i oresgyn ofn y "dudalen wag". Bydd hefyd yn ymdrin â phynciau fel chwarae gyda berfau, acrostig, posau, haiku, byrddau stori, cofiant, osgoi ystrydeb, deialog, awgrymiadau stori, cymeriad a dangos heb ddweud. Bydd gwaith yn cael ei rannu i helpu i ysbrydoli, cefnogi a chreu blodeugerdd o waith o'r cwrs.