Cyrsiau
27 cyrsiau a gafwyd
Nod y cwrs hwn yw cael myfyrwyr i gyfathrebu'n rhwyddach yn eu bywyd bob dydd a gyda mwy o hyder. Mae'n cynnwys rheolau sylfaenol, ffyrdd o gyfathrebu i'r eithaf dan rai amgylchiadau, adnabod geiriau cyfunsain a symudiadau lleferydd a gwybodaeth am gymorthion amgylcheddol.
Cyflwyniad i dechnegau gwehyddu helyg.
Cyflwyniad i wefannau yn seiliedig ar dempledi a olygir drwy eich porwr gwefan. Does dim angen prynu meddalwedd costus. Gweithiwch ar eich prosiect neu defnyddiwch ddeunydd a ddarperir. ANGENRHEIDIOL CYN DECHRAU: Dealltwriaeth sylfaenol o Microsoft Windows a rheoli ffeiliau. Medru defnyddio’r rhyngrwyd.
Bydd y gweithdy hwn yn dangos i chi sut i gynhyrchu cylchlythyr heb ddefnyddio’r rhaglen Microsoft Publisher.
Ydych chi erioed wedi ystyried beth yw ystyr ‘’y cwmwl’’? Bydd y gweithdy hwn yn eich cyflwyno chi i gyfrifiadura cwmwl ac yn dangos i chi sut i gadw eich gwaith mewn rhan o’r cyfrifiadur sy’n galluogi i chi gadw a rhannu eich ffeiliau a’ch lluniau’n rhwydd.
Nid oes gan bawb raglen cyhoeddi pen bwrdd fydd yn galluogi iddynt greu eu deunyddiau marchnata. Bydd y gweithdy hwn yn dangos i chi sut i ddefnyddio Microsoft Word i greu posteri a phamffledi.
Bydd y gweithdy hwn yn dangos i chi sut i olygu a gwella eich ffotograffau gan ddefnyddio Pixlr, sef meddalwedd sydd ar gael am ddim ar eich cyfrifiadur neu dabled.
A oes gennych chi bryderon ynghylch defnyddio’r we? A oes gennych chi gyfrifiadur ond bod diogelwch ar-lein yn eich poeni? Efallai bod tabled newydd gennych chi, megis iPad, a’ch bod eisiau ei ddefnyddio’n ddiogel. Dyma’r math o gwestiynau y byddai defnyddiwr cyfrifiadur cyfrifol yn eu holi. Bydd y gweithdy hwn yn cyflwyno rhai o’r ffyrdd y gallwch chi gadw’ch hun yn ddiogel ar-lein.
Bydd y gweithdy hwn yn eich helpu i drefnu eich cyfrifiadur. Byddwch yn dysgu sut i greu ffolderi a sut i symud ffeil i ffolderi fel ei bod hi’n hawdd dod o hyd i ddogfennau a lluniau. Byddwch hefyd yn dysgu sut i ailenwi ffeiliau fydd yn helpu gyda hyn.
Bydd y gweithdy hwn yn archwilio sut i wneud gwell defnydd o Microsoft Outlook a bydd yn egluro sut i ddefnyddio’r calendr a chreu cysylltiadau a rhestrau dosbarthu, yn ogystal â chreu ffolderi i drefnu eich negeseuon e-bost.
Dylai’r gweithdy hwn fod yn gymorth i chi wella eich dealltwriaeth o ba fath o gyfrifiadur sydd ei angen arnoch (gliniadur, bwrdd gwaith, gliniadur bach (netbook), tabled). Eglurwch yr holl gydrannau yr ydych chi am eu cael ar eich cyfrifiadur a bydd hynny’n ei gwneud hi’n haws i benderfynu beth rydych chi eisiau, angen a pha elfennau i’w blaenoriaethu. Rhestrwch y ffyrdd gorau o brynu a gosod cyfrifiadur newydd, a sut i gael y gwerth gorau am eich arian.
Wrth wneud hynny, byddwch chi’n ymwybodol o ba gyfrifiadur sydd fwyaf addas ar eich cyfer, a gallwch osgoi gwario arian diangen
Bydd y gweithdy hwn yn dangos i chi sut i greu taenlen fydd yn ddefnyddiol i gadw trefn ar eich cyfrifon blynyddol (Microsoft Excel).
Cwrs ysbbrydoledig a chreadigol I ddatblygu'ch ffurf gelf arbrofol eich hun. Digon o gymorth a chyfarwyddyd ar gael. Does dim angen profiad, dim ond parodrwydd I chwarae. Dechreuwyr I brofiadol. Bydd y cwrs yn cwmpasu: Collage-caiff myfyrwyr eu hannog I archwilio priodweddau a thechnegau creu marciau, megis marmori ac argraffu, i greu eu papurau eu hunain ac yna cyfuno rhain gyda phapur lliw neu wedi'i argraffu, testun, a gwrthrychau naturiol neu rhai a ddarganfuwyd. Y canlyniad terfynol fydd cyfansoddiadau'n seiledig ar gollage wedi'u datblygu o'r canlyniadau yma a syniadau'r myfyrwyr eu hunain.
Gweithdy a gynhelir gan arlunydd lleol, Graham Hadlow. Mae gan bob gweithdy thema neu faes arbenigedd gwahanol h.y. Awyr las a chymylau; adlewyrchiadau; golygfeydd eira; coed yn y gaeaf; machludoedd; bythynnod a pherspectif; traethau a morynnau, ayb...
Gweithdy - Gwneud gemwaith
Cynllunio a gwneud gwydr lliw. Mae costau’r deunydd yn ychwanegol.
Aimed at beginners this course will look at the difference between memoir writing and autobiographies. Exploring memories of childhood places, people and events.
Mae’r sesiwn hon yn anelu at ddechreuwyr sydd eisiau dysgu sut i ysgrifennu stori fer. Byddwn yn trafod sut i ffurfio cymeriadau; ysgrifennu dialog; creu lleoliadau trwy ddefnyddio pob un o’r pum synnwyr; gwahanol amserau berfau ac ysgrifennu safbwyntiau; a sut i amlinellu stori fer.
Ffordd ymlaciol o gynyddu’ch gweithgaredd mewn amgylchedd diogel a chymdeithasol.
Defnyddio papur a phlatiau asetad gyda delweddau wedi'u torri I ffwrdd, neu rhai ysgythrog, a defnyddio gwasg I greu print intaglio.
Anelir y cwrs hwn at wneud gwnïo yn bleser a dangosir sut i dorri patrymau, gwneud dillad ac ymgymryd â newidiadau.
Nod y cwrs hwn yw gwneud gwnïo'n bleser a gall gynnwys gwneud ac addasu dillad a gwneud llenni a chlustogau.
Amcan y cwrs hwn yw rhoi dealltwriaeth sylfaenol o strwythur yr iaith i fyfyrwyr a’u galluogi i ddefnyddio’r iaith mewn nifer o sefyllfaoedd cyfarwydd. Mae’r cwrs hwn yn addas ar gyfer y rheiny sydd heb ddim neu ag ychydig wybodaeth o’r iaith.
Cynllunio a gwneud gwydr lliw. Mae costau’r deunydd yn ychwanegol.
Mae peintio gwydr yn ffurf Celf syml y gall pawb ei wneud, o ddechreuwyr i beintwyr proffesiynol.Yr oll sydd ei angen yw ychydig o adnoddau sylfaenol, arwyneb i’w beintio ac amser i ymgolli’ch hun yn y bodlonrydd sydd ynghlwm â’r profiad o drio crefft newydd. Yn ystod y gweithdy byddwch yn dysgu dwy ffurf wahanol o beintio gwydr. Mae un yn arwain at ddyluniad haniaethol ac mae’r llall yn darparu’r sgiliau i drosglwyddo llun syml i arwyneb gwydr.
Defnyddio Adobe Photoshop Elements - dysgu sut mae mewnforio, addasu cropio, dileu ac ailosod rhannau o ddelwedd yn Photoshop Elements. ANGENRHEIDIOL CYN DECHRAU: Rhaid bod gan ddysgwyr sgiliau cyfrifiadurol elfennol.
Cyflwyniad cynhwysfawr i fordeithio ar gyfer capteiniaid amhrofiadol. Mae'r cwrs hwn yn rhoi digon o wybodaeth i chi allu mordwyo o gwmpas dyfroedd cyfarwydd yn ystod y dydd. Mae gwybodaeth sylfaenol am oleuadau hefyd yn cael ei chynnwys er mwyn eich cyflwyno i fordeithio gyda'r nos.
Mae pynciau'r cwrs yn cynnwys: hanfodion morwriaeth; hanfodion mordwyaeth a llywio arfordirol; gwaith siart; siartiau electronig; pennu safle; plotio cwrs i'w lywio; rhagolygon tywydd a meteoroleg; y llanw; rheoliadau gwrthdrawiadau; adeiladu, rhannau ac offer cwch mordeithio a gweithdrefnau argyfwng a diogelwch, gan gynnwys galwadau gofid – defnyddio fflamau, harneisiau diogelwch, siacedi achub a rafftiau bywyd. Mae'r arholiad yn cynnwys dau bapur.
COSTAU: Mae ffi'r cwrs yn cynnwys pecyn cwrs gorfodol, Almanac a ffioedd arholiad. Mae hefyd yn ofynnol i ddysgwyr ddod â/brynu offer llywio sylfaenol, e.e. cwmpawd a phlotydd Portland (y gellir eu prynu ar-lein fel arfer am tua £20). Bydd unrhyw gyhoeddiadau neu ddeunyddiau dewisol hefyd yn gost ychwanegol.
Y nifer mwyaf y gellir ei gael mewn dosbarth yw 12