Cysylltu Bywydau (Lleoli oedolion)

Beth yw Cysylltu Bywydau?

Gwasanaeth cymorth ydyn ni ar gyfer unigolion dros 18 oed sydd eisiau cymorth i fyw’n annibynnol yn eu cymuned, gyda chymorth gofalwr Cysylltu Bywydau. Rydym yn ddewis amgen yn lle gofal dydd, byw â chymorth, a gofal preswyl ac yn gwasanaethu cymunedau ledled Sir Gaerfyrddin, Ceredigion, a Sir Benfro.

Mae ein cynllun wedi bod ar waith ers dros 20 mlynedd, ac mae’n darparu cannoedd o drefniadau seibiant tymor hir a byr bob blwyddyn. Rydym yn cael ein cynnal gan grŵp ymroddedig o ofalwyr Cysylltu Bywydau sy’n arbenigo mewn gweithio gyda phobl ag anableddau dysgu, awtistiaeth a chyflyrau iechyd meddwl yn ogystal â gwasanaethau cam-i-lawr o’r ysbyty, dementia, a phobl hŷn.

Mae tîm Cysylltu Bywydau Gorllewin Cymru yn cynnwys gweithwyr proffesiynol profiadol â chefndiroedd ym maes Iechyd a Gofal Cymdeithasol, a byddwch yn cwrdd â llawer ohonynt yn ystod eich taith gyda Cysylltu Bywydau. Rydym wedi ein rhwymo gan God Ymarfer Proffesiynol Gofal Cymdeithasol (Cymru), ac mae ein cynllun wedi’i gofrestru gydag Arolygiaeth Gofal Cymru.

Mae Cysylltu Bywydau Gorllewin Cymru yn darparu cartrefi parhaol, llety tymor byr, a gwasanaethau seibiant byr (gofal seibiant) i unigolion. Rydym yn gwneud hyn drwy recriwtio a hyfforddi pobl gyffredin sydd â lle ac amser i’w rannu. Mae ein gofalwyr Cysylltu Bywydau yn byw mewn cymunedau trefol a gwledig ledled Sir Gaerfyrddin, Sir Benfro, a Cheredigion, ac rydym yn gallu paru unigolyn a gofalwyr Cysylltu Bywydau yn ôl lleoliad, math o eiddo, a diddordebau cyffredin.

Cysylltu â ni

Gallwch gysylltu â ni gydag unrhyw ymholiadau yn y ffyrdd canlynol:

Rhif ffôn: 01267 246890

E-bost: sharedlives@pembrokeshire.gov.uk

 

Neu fel arall, llenwch ein Ffurflen Ymholiad Gofalwyr (yn agor mewn tab newydd)