Mae pob disgybl yn cael profiad o feysydd dysgu trwy gyfrwng y Saesneg.
Bydd o leiaf 15% o weithgareddau ysgol y dysgwyr (yn gwricwlaidd ac allgyrsiol) yn Gymraeg.
Bydd dysgwr mewn ysgol o’r categori hwn yn gallu darllen, ysgrifennu, siarad a gwrando yn Saesneg yn ôl oedran a gallu, a bydd ganddo beth dealltwriaeth o’r Gymraeg. Bydd y Gymraeg yn cael ei haddysgu a’i hasesu fel rhan o’r Maes Dysgu a Phrofiad (MDPh) ar gyfer ieithoedd, llythrennedd a chyfathrebu.

Iaith yr Ygsol

Saesneg yw prif iaith cyfathrebu mewnol yr ysgol yn ogystal â gyda rhieni a gofalwyr. Cydnabyddir y bydd creu naws Gymraeg o fewn yr ysgol yn cefnogi ac yn annog agweddau cadarnhaol tuag at ddefnyddio’r Gymraeg. Defnyddir peth Cymraeg fel iaith cyfathrebu â disgyblion i wella’r gallu i ddefnyddio Cymraeg bob dydd.
Mae'r ysgol yn cyfathrebu â rhieni naill ai yn Saesneg neu yn y ddwy iaith

Canlyniadau

Y disgwyliad arferol yw y bydd disgyblion yn trosglwyddo i ddarpariaeth uwchradd cyfrwng Saesneg ac yn parhau i ddysgu trwy gyfrwng y Saesneg yn bennaf, gan ddysgu Cymraeg fel ail iaith.

Categori iaith (TR2): Ysgol drosiannol

Cwricwlwm

Ysgol/darpariaeth cyfrwng Saesneg neu’r rhai sydd â chyfran uchel o ddarpariaeth Gymraeg yn trosglwyddo i fod yn ysgol/darpariaeth dwy iaith dros amser.

Iaith yr Ygsol

Bydd darpariaeth y cwricwlwm a gweithgareddau ysgol dysgwyr yn adlewyrchu cynnydd yn y ddarpariaeth cyfrwng Cymraeg dros amser.
Byddai’r cynnydd yn y ddarpariaeth Gymraeg dros amser yn adlewyrchu’r defnydd beunyddiol o’r Gymraeg.
Mae'r ysgol yn cyfathrebu â rhieni yn y ddwy iaith

Canlyniadau

Mae hwn yn gategori pontio rhwng dau brif gategori iaith. Mae’r trefniadau pontio hyn yn galluogi ysgolion i gynllunio sut y byddant yn gwireddu cynnydd yn y ddarpariaeth cyfrwng Cymraeg dros amser. Cynyddu’r ddarpariaeth cyfrwng Cymraeg, er mwyn symud i’r categori nesaf, Categori 2 fyddai’r canlyniad.

Categori iaith (2): Dwy iaith

Cwricwlwm

Bydd o leiaf 50% o weithgareddau ysgol dysgwyr (cwricwlaidd ac allgyrsiol) yn Gymraeg. Gellid cyflawni hyn mewn gwahanol ffyrdd yn dibynnu ar gyd-destun yr ysgol. Gallai fod trwy ddefnyddio addysg drochi llawn cyfrwng Cymraeg hyd at 7 oed gyda dewis yn cael ei gynnig yn y grwpiau blwyddyn eraill, neu fod 50% o weithgareddau’r ysgol yn Gymraeg drwyddi draw.
Bydd dysgwr mewn ysgol o'r categori hwn yn gallu siarad, darllen, ysgrifennu a gwrando yn Gymraeg a Saesneg yn ôl oedran a gallu. Bydd sgiliau iaith Gymraeg yn cael eu cryfhau ymhellach trwy gynyddu nifer y cyfleoedd dysgu (cwricwlaidd yn ogystal ag allgyrsiol) a gynigir trwy gyfrwng y Gymraeg. Lle defnyddir y Gymraeg fel cyfrwng dysgu, defnyddir Saesneg yn achlysurol i atgyfnerthu dealltwriaeth y dysgwyr.

Iaith yr Ygsol

Defnyddir y Gymraeg a'r Saesneg ar gyfer cyfathrebu mewnol yn ogystal â gyda rhieni a gofalwyr. Mae dealltwriaeth glir y bydd cynnal ethos Cymraeg o fewn yr ysgol yn cefnogi agweddau cadarnhaol tuag at ddefnyddio’r Gymraeg.
Defnyddir y Gymraeg a'r Saesneg yng ngwaith dydd-i-ddydd yr ysgol.
Mae iaith cyfathrebu yn cael ei phennu gan natur y ddarpariaeth gwricwlaidd. Mae'r ysgol yn cyfathrebu â rhieni yn y ddwy iaith.

Canlyniadau

Gyda’r cymorth cywir, gallai dysgwyr symud ymlaen i ysgol uwchradd cyfrwng Cymraeg Categori 3.

Categori iaith (TR3): Ysgol drosiannol

Cwricwlwm

Ysgol/darpariaeth dwy iaith (Cymraeg a Saesneg) yn trosglwyddo i fod yn ysgol/darpariaeth cyfrwng Cymraeg dros amser
Bydd darpariaeth y cwricwlwm a gweithgareddau ysgol dysgwyr yn adlewyrchu cynnydd yn y ddarpariaeth cyfrwng Cymraeg dros amser.

Iaith yr Ygsol

Byddai’r cynnydd yn y ddarpariaeth Gymraeg dros amser yn adlewyrchu’r defnydd beunyddiol o’r Gymraeg.
Mae'r ysgol yn cyfathrebu â rhieni yn y ddwy iaith

Canlyniadau

Mae hwn yn gategori pontio rhwng dau brif gategori iaith. Mae’r trefniadau pontio hyn yn galluogi ysgolion i gynllunio sut y byddant yn gwireddu cynnydd yn y ddarpariaeth cyfrwng Cymraeg dros amser. Cynyddu’r ddarpariaeth cyfrwng Cymraeg, er mwyn symud i’r categori nesaf, Categori 3 fyddai’r canlyniad.

Categori iaith (3): Ysgol Cyfrwng Cymraeg

Cwricwlwm

Addysgir yr holl ddysgwyr yn llawn yn Gymraeg, gyda Saesneg yn cael ei defnyddio ar adegau i sicrhau dealltwriaeth yn ystod trochi cynnar. O 7 oed ymlaen bydd o leiaf 80% o weithgareddau ysgol dysgwyr (cwricwlaidd ac allgyrsiol) yn Gymraeg.
Cyfnod Sylfaen – cyfrwng Cymraeg.
Cyfnod Allweddol 2 (CA2) – o leiaf 80% o’r addysgu trwy gyfrwng y Gymraeg.

Iaith yr Ygsol

Cymraeg yw prif iaith cyfathrebu mewnol yr ysgol. Mae cyfathrebu â rhieni a gofalwyr naill ai yn Gymraeg, yn Saesneg neu'n ddwyieithog yn ôl yr angen. Mae hon yn ysgol ag ethos Cymraeg cryf yn greiddiol iddi, gan gefnogi a galluogi dysgwyr i ddefnyddio’r Gymraeg ym mhob cyd-destun cymdeithasol yn yr ysgol a thu allan iddi.

Canlyniadau

Bydd disgyblion, waeth beth fo iaith y cartref, yn gallu trosglwyddo i ddarpariaeth uwchradd cyfrwng Cymraeg ac erbyn diwedd CA2 byddant wedi cyrraedd safon Saesneg gyfatebol i'r hyn a gyrhaeddir gan ddisgyblion mewn ysgolion cyfrwng Saesneg yn bennaf.

Ysgolion Uwchradd

Categori iaith (1): Ysgol Cyfrwng Saesneg

Cwricwlwm

Mae pob disgybl yn cael profiad o feysydd dysgu trwy gyfrwng y Saesneg.
Bydd o leiaf 15% o weithgareddau ysgol y dysgwyr (yn gwricwlaidd ac allgyrsiol) yn Gymraeg.
Bydd y Gymraeg yn cael ei haddysgu a’i hasesu fel rhan o’r Maes Dysgu a Phrofiad (MDPh) ar gyfer ieithoedd, llythrennedd a chyfathrebu. Bydd dysgwr mewn ysgol o'r categori hwn yn gallu siarad, darllen, ysgrifennu a gwrando yn Saesneg yn ôl oedran a gallu.

Iaith yr Ysgol

Saesneg yw prif iaith cyfathrebu mewnol yr ysgol yn ogystal â gyda rhieni a gofalwyr. Cydnabyddir y bydd creu naws Gymraeg o fewn yr ysgol yn cefnogi ac yn annog agweddau cadarnhaol tuag at ddefnyddio’r Gymraeg. Defnyddir peth Cymraeg fel iaith cyfathrebu â disgyblion i wella’r gallu i ddefnyddio Cymraeg bob dydd.
Mae'r ysgol yn cyfathrebu â rhieni naill ai yn Saesneg neu yn y ddwy iaith

Canlyniadau

Gallai unrhyw ddisgyblion sy'n dewis opsiynau cyfrwng Cymraeg, os ydynt ar gael, gael eu hasesu trwy gyfrwng y Gymraeg yn y pynciau hynny ar bob lefel. Byddai’r rhan fwyaf o ddisgyblion yn cael eu hasesu yn Saesneg ac yn symud ymlaen i astudiaeth ôl-16 cyfrwng Saesneg.

Categori iaith (2): Dwy iaith

Cwricwlwm

Bydd dysgwr mewn ysgol o’r categori hwn yn gallu siarad, darllen, ysgrifennu a gwrando yn y Gymraeg a’r Saesneg yn ôl ei oed a’i allu. Bydd sgiliau iaith Gymraeg yn cael eu cryfhau ymhellach trwy gynyddu nifer y cyfleoedd dysgu (cwricwlaidd yn ogystal ag allgyrsiol) a gynigir trwy gyfrwng y Gymraeg. Yn dibynnu ar faint o amser a neilltuir i ddysgu trwy gyfrwng y Gymraeg a defnydd o’r Gymraeg y tu allan i’r ystafell ddosbarth, byddai dysgwyr yn gallu cymhwyso eu sgiliau Cymraeg mewn ystod o wahanol Feysydd Dysgu a Phrofiad.
O leiaf 40% o ddysgwyr yn ymgymryd ag o leiaf 40% o weithgareddau ysgol (cwricwlaidd ac allgyrsiol) yn Gymraeg.

Iaith yr Ysgol

Defnyddir y Gymraeg a'r Saesneg ar gyfer cyfathrebu mewnol yn ogystal â gyda rhieni a gofalwyr. Mae dealltwriaeth glir y bydd cynnal ethos Cymraeg o fewn yr ysgol yn cefnogi agweddau cadarnhaol tuag at ddefnyddio’r Gymraeg.

Canlyniadau

Gallai unrhyw ddisgyblion sy’n dewis opsiynau cyfrwng Cymraeg gael eu hasesu trwy gyfrwng y Gymraeg yn y pynciau hynny ar bob lefel ac o bosibl symud ymlaen i astudio ôl-16 trwy gyfrwng y Gymraeg yn y pynciau hynny. Byddai’r rhan fwyaf o ddisgyblion yn cael eu hasesu yn y Gymraeg a’r Saesneg ac yn symud ymlaen i astudiaeth ôl-16 cyfrwng Saesneg neu Gymraeg.

Categori iaith (3) Cyfrwng Cymraeg

Cwricwlwm

Mae Ysgol cyfrwng Cymraeg yn cynnig ystod eang o’u Meysydd Dysgu a Phrofiad trwy gyfrwng y Gymraeg.
Bydd o leiaf 60% o ddysgwyr sy'n ymgymryd ag o leiaf 70% o'u gweithgareddau ysgol (cwricwlaidd ac allgyrsiol) yn Gymraeg.
Disgwylir i ysgolion Categori 3 barhau i adlewyrchu cyd-destun ieithyddol yr ardal wrth weithio tuag at gynyddu eu darpariaeth cyfrwng Cymraeg dros amser.

Iaith yr Ysgol

Cymraeg yw prif iaith cyfathrebu mewnol.
Bydd yr ysgol yn cyfathrebu â rhieni a gofalwyr yn Gymraeg, Saesneg neu’n ddwyieithog yn ôl yr angen.
Ceir ethos Cymreig cadarn, sy’n cefnogi ac yn galluogi dysgwyr i ddefnyddio’r Gymraeg ym mhob cyd-destun cymdeithasol o fewn a thu allan i’r ysgol.
Bydd dysgwyr yn gallu siarad, darllen, ysgrifennu a gwrando yn Gymraeg a Saesneg yn ôl oedran a gallu.

Canlyniadau

Asesir Cyfnod Allweddol 3 (CA3) a Chyfnod Allweddol 4 (CA4) drwy gyfrwng y Gymraeg ym mhob pwnc heblaw Saesneg neu ieithoedd eraill.
Bydd disgyblion yn gallu symud ymlaen i ddarpariaeth ôl-16 cyfrwng Cymraeg

Categori iaith (3P): Cyfrwng Cymraeg Dynodedig

Cwricwlwm

Mae ysgol cyfrwng Cymraeg dynodedig yn darparu pob Maes Dysgu a Phrofiad (MDPh) drwy gyfrwng y Gymraeg.
Bydd 100% o ddysgwyr yn ymgymryd ag o leiaf 90% o weithgareddau eu hysgol (cwricwlaidd ac allgyrsiol) yn Gymraeg.

Iaith yr Ysgol

Cymraeg yw prif iaith cyfathrebu mewnol.
Bydd yr ysgol yn cyfathrebu â rhieni a gofalwyr yn Gymraeg, Saesneg neu’n ddwyieithog yn ôl yr angen.
Ceir ethos Cymreig cadarn, sy’n cefnogi ac yn galluogi dysgwyr i ddefnyddio’r Gymraeg ym mhob cyd-destun cymdeithasol o fewn a thu allan i’r ysgol.
Bydd dysgwyr yn gallu siarad, darllen, ysgrifennu a gwrando yn Gymraeg a Saesneg yn ôl oedran a gallu

Canlyniadau

Asesir Cyfnod Allweddol 3 (CA3) a Chyfnod Allweddol 4 (CA4) drwy gyfrwng y Gymraeg ym mhob pwnc heblaw Saesneg neu ieithoedd eraill.
Bydd disgyblion yn gallu symud ymlaen i ddarpariaeth ôl-16 cyfrwng Cymraeg.

Categori iaith: (T2 a T3): Is-gategorïau trosiannol

Cwricwlwm

Mae'r rhain yn gategorïau pontio rhwng dau brif gategori iaith fel ar gyfer ysgolion cynradd uchod.
Mae’r trefniadau pontio hyn yn galluogi ysgolion i gynllunio sut y byddant yn gwireddu cynnydd yn y ddarpariaeth cyfrwng Cymraeg dros amser.
Cynyddu’r ddarpariaeth cyfrwng Cymraeg, er mwyn symud i’r categori nesaf, yw nod yr is-gategorïau trosiannol. Felly, mae T2 yn pontio ysgol categori 1 a 2, gyda’r nod o ddod yn ysgol categori 2 dros amser a T3 yn pontio ysgol categori 2 a 3 gyda’r nod o ddod yn ysgol categori 3 dros amser.

Iaith yr Ysgol

Byddai’r cynnydd yn y ddarpariaeth Gymraeg dros amser yn adlewyrchu’r defnydd beunyddiol o’r Gymraeg.
Mae'r ysgol yn cyfathrebu â rhieni yn y ddwy iaith.

Canlyniadau

Byddai'r asesiad yn cyd-fynd â'r cynnydd yn y ddarpariaeth Gymraeg ac yn unol â'r categorïau pontio fel uchod.

ID: 10743, adolygwyd 19/08/2025

Atodiad 4: Trefniadau derbyn a meini prawf gordanysgrifio ar gyfer Ysgolion Gwirfoddol a Gynorthwyir (2026-2027)

Ar y dudalen hon:

Ysgol Wirfoddol a Gynorthwyir Sant Marc, Hwlffordd

Ysgol Wirfoddol a Gwynorthwyir yr Eglwys yng Nghymru Sant Oswald, Jeffreyston

Ysgol a Gynorthwyir yn Wirfoddol yr Eglwys yng Nghymru St Aidan

Ysgol yr Eglwys yng Nghymru Penrhyn Dewi VA School, Tyddewi

Ffederasiwn Ysgolion Cynradd Catholig Mair Ddihalog a Theilo Sant

Ffederasiwn Ysgol yr Enw Sanctaidd ac Ysgol Sant Ffransis

Ysgol Wirfoddol a Gynorthwyir Sant Marc, Hwlffordd

Ysgol Sant Marc G. C. Pont Myrddin,

Hwlffordd, Sir Benfro SA61 1JX

Rhif ffôn 01437 767623

E-bost: admin.stmarks@pembrokeshire.gov.uk

Prifathro:

Mr R Owen (Dros Dro)

E-bost: head.stmarks@pembrokeshire.gov.uk

Ein ysgol eglwysig

Fel Ysgol Eglwysig, ein hethos Cristnogol sydd wrth wraidd popeth a wnawn. Dylai ein hysgol “fod yn lle arbennig, yn lle diogel, yn lle dysgu, yn lle i feithrin ac archwilio. Rhaid i ysgol eglwysig ddangos didwylledd a derbyniad, goddefgarwch a maddeuant. Yma, caiff gwerthoedd ac agweddau eu ffurfio, ac mae pob unigolyn yn cael ei ddathlu fel rhywun unigryw. Mae Ysgol Eglwysig yn datblygu cymeriad Cristnogol arbennig trwy ei haddysg grefyddol, addoli ar y cyd ac ethos, sy’n rhoi gwybod i’r byd am gariad a phresenoldeb Duw.” (Gwefan Church Schools)

Datganiad cenhadaeth

Rydym yn gymuned ofalgar, lle caiff pawb eu gwerthfawrogi a’u parchu. Rydym yn dysgu, chwarae, gweddïo a thyfu gyda’n gilydd, wedi’n hamgylchynu gan gariad Duw bob dydd, er mwyn i ni fod y gorau y gallwn ni.

Arwyddair

Dysgu, chwarae, gweddïo a thyfu gyda’n gilydd, er mwyn i ni fod y gorau y gallwn ni.

Y Rheoliad Cyffredinol ar Ddiogelu Data (GDPR)

Mae’r ysgol wedi ymrwymo i sicrhau’r safonau uchaf o ran Diogelu Data. Byddwn yn trin yr holl ddata personol fel y byddem yn disgwyl i’n data personol ein hunain gael ei drin, h.y. â pharch, uniondeb a chyfrinachedd, ac yn unol â’r GDPR a deddfau Diogelu Data eraill. Bydd ein holl bolisïau ysgol yn glynu at ganllawiau’r GDPR. Mae ein Hysbysiad Preifatrwydd wedi’i gyhoeddi ar wefan yr ysgol (yn agor mewn tab newydd)

CCUHP (Confensiwn y Cenhedloedd Unedig ar Hawliau’r Plentyn)

Ymgorfforir egwyddorion CCUHP (Confensiwn y Cenhedloedd Unedig ar Hawliau’r Plentyn) ar draws ein holl gwricwlwm, polisïau ac arferion. Mae hyn yn rhoi fframwaith i ni sy’n rhoi ystyr a dealltwriaeth wirioneddol ar gyfer popeth a wnawn.

Polisi derbyn

Yr awdurdod derbyn ar gyfer yr ysgol hon yw’r Corff Llywodraethol. Caiff y polisi derbyn ei adolygu bob blwyddyn.

Mae’r polisi hwn yn ymwneud â’r blynyddoedd hyd at, ac yn cynnwys, y flwyddyn ysgol 2026 – 2027.

Datblygwyd y polisi derbyn hwn i sicrhau system gyson a theg ar gyfer derbyn plant i’r ysgol, yn enwedig os yw lleoedd yn debygol o fod yn gyfyngedig o ganlyniad i gyrraedd y nifer derbyn, sef 20 disgybl mewn unrhyw grŵp blwyddyn penodol.

Nod yr Awdurdod Derbyn yw cael trefniadau derbyn a fydd yn gweithio er budd yr holl rieni a phlant yn yr ardal, ac a fydd mor syml ag y bo modd i rieni eu defnyddio a’u helpu i wneud penderfyniadau.

Pryd gall fy mhlentyn ddechrau yn yr ysgol?

Yn Ysgol Wirfoddol a Gynorthwyir San Marc, fel yng ngweddill Sir Benfro, mae plant yn gymwys i fynychu’r ysgol yn rhan-amser o’r tymor cyntaf ar ôl eu trydydd pen-blwydd, ac amser llawn o’r tymor cyntaf ar ôl eu pedwerydd pen-blwydd. Sylwer bod addysg orfodol yn dechrau o’r tymor ar ôl eu pumed pen-blwydd. Mae dyddiad pen-blwydd eich plentyn yn pennu pryd y gall ddechrau yn yr ysgol, ni waeth beth yw’r dyddiad pan mae’r tymor yn dechrau, ac mae’r tabl isod yn dangos pryd y gellir derbyn eich plentyn i’r ysgol. Gall rhieni ddewis gohirio dyddiad dechrau eu plentyn unrhyw bryd nes bydd y plentyn o oedran ysgol gorfodol; i gael mwy o wybodaeth, cysylltwch ag Ysgol San Marc, ar 01437 767623.

Mae pen-blwydd y plentyn rhwng

1 Ebrill - 31 Awst: Tim derbyn i'r meithrin - Hydref
1 Medi - 31 Rhagfyr: Tim derbyn i'r meithrin - Gwanwyn
1 Ionawr - 31 Mawrth: Tim derbyn i'r meithrin - Haf

Gall plant fynychu Ysgol San Marc yn amser llawn ar ddechrau’r tymor ar ôl eu pedwerydd pen-blwydd.

Nid yw’r gyfraith yn ei gwneud yn ofynnol i blentyn ddechrau mewn addysg amser llawn hyd nes dechrau’r tymor ysgol ar ôl ei bumed pen-blwydd. Fodd bynnag, darperir lle amser llawn ar gyfer disgyblion yn y tymor ar ôl iddynt fod yn bedair blwydd oed, ac anogir disgyblion yn gryf i fynychu’n amser llawn er mwyn derbyn manteision llawn addysg a phrofiadau yn y Cyfnod Sylfaen.

Ceisiadau

Dylid gwneud unrhyw geisiadau i gael lle yn Ysgol Wirfoddol a Gynorthwyir San Marc ar-lein drwy wefan Gyngor Sir Penfro. Os nad oes cyfeiriad e-bost gan rieni, mae ffurflen gais ar gael o'r ysgol neu drwy gysylltu â’r tîm Derbyniadau i Ysgolion yng Nghyngor Sir Penfro. Y dyddiad cau ar gyfer cyflwyno ceisiadau ar gyfer y dosbarth meithrin yw 30 Ebrill cyn y flwyddyn galendr y mae angen y lle yn yr ysgol ynddi. Y dyddiad cau ar gyfer cyflwyno ceisiadau ar gyfer y dosbarth meithrin yw 31 Ionawr yn y flwyddyn y mae angen y lle yn yr ysgol ynddi. Bydd rhieni yn cael gwybod am lwyddiant eu cais erbyn 31 Gorffennaf 2025. Bydd rhieni sydd wedi gwneud cais ar gyfer y dosbarth derbyn yn cael gwybod am lwyddiant eu cais erbyn 16 Ebrill 2025. Mae Ysgol Wirfoddol a Gynorthwyir San Marc wedi ymrwymo i sicrhau'r safonau uchaf o ran diogelu data.

Gofynnir i rieni ddarparu copi o dystysgrif geni’r plentyn. Mae plant o dramor, sy’n byw yn gyfreithlon yn y DU, p’un a ydynt gyda rhieni neu heb rieni, yn meddu ar yr un hawliau i addysg â phlant sy’n Ddinasyddion Prydeinig. O ganlyniad, bydd Ysgol Wirfoddol a Gynorthwyir San Marc yn trin ceisiadau o’r fath i dderbyn i ysgolion yn yr un ffordd.

Meini prawf gordanysgrifio

Mae Ysgol Wirfoddol a Gynorthwyir San Marc yn ysgol yr Eglwys yng Nghymru sydd, yn ei hanfod, yn gwasanaethu cymuned Pont Fadlen ac ardal fugeiliol Hwlffordd. Mae’r polisi derbyn yn adlewyrchu hyn yn ei restr flaenoriaethol o feini prawf gordanysgrifio:

Plant sy’n Derbyn Gofal ar hyn o bryd, ac a fu’n derbyn gofal yn y gorffennol (plant sy’n derbyn gofal gan Awdurdod Lleol yn unol ag Adran 22 Deddf Plant 1989).
Brodyr neu chwiorydd plant sydd eisoes yn yr ysgol adeg derbyn. Bydd hyn yn cynnwys unrhyw frodyr neu chwiorydd llawn, hanner brodyr neu chwiorydd neu lys frodyr neu chwiorydd sy’n byw yn yr un cyfeiriad â phlentyn sydd eisoes yn yr ysgol.
Plant sy’n byw yng nghymuned Pont Fadlen. (Gweler y map ar ddiwedd y ddogfen hon y gellir ei ddefnyddio fel canllaw.)
Plant aelodau gweithredol o’r Eglwys yng Nghymru (dylid cynnwys datganiad gan eu Hoffeiriad Plwyf i gefnogi’r cais).
Plant i rieni o enwadau Cristnogol eraill sy’n dymuno i’w plentyn gael addysg mewn ysgol eglwysig (dylid cynnwys datganiad gan eu Harweinydd Ffydd i gefnogi’r cais).
Plant i rieni sy’n arddel mathau eraill o ffydd sy’n dymuno i’w plentyn gael addysg mewn ysgol yr Eglwys Anglicanaidd.

Os bydd plant sy’n deillio o enedigaeth luosog yn gwneud cais am leoedd yn ein hysgol, byddant yn cael eu hystyried fel uned, a bydd lle yn cael ei gynnig naill ai i bob un neu ddim un ohonynt, yn dibynnu ar b’un a fyddai eu derbyn yn achosi i ni fynd y tu hwnt i’r nifer derbyn. Os yw’r plentyn olaf i gael ei dderbyn i fyny i’r nifer derbyn yn un o enedigaeth luosog, yna byddai brawd/chwaer neu frodyr/chwiorydd yr enedigaeth luosog honno yn cael eu derbyn hefyd.

Bydd plant i staff y lluoedd arfog yn cael eu derbyn y tu allan i’r rownd dderbyn arferol, hyd yn oed os byddai eu derbyn yn achosi i ni fynd y tu hwnt i’r terfyn ym maint y dosbarth babanod. (Yn amodol ar y meini prawf gordanysgrifio uchod).

Wedi iddynt gael eu derbyn i’r ysgol, caiff y plant eu cofnodi ar Gofrestr yr Ysgol. Caiff eu manylion, ynghyd ag unrhyw wybodaeth a ddarparwyd gan eu rhieni, eu cynnwys ar gofnodion cyfrifiadur sy’n destun rheoliadau diogelu data.

Ni fydd pob dosbarth yn cynnwys mwy na 30 o ddisgyblion ar ddechrau’r flwyddyn academaidd. Os bydd plentyn yn symud i’r ardal yn ystod y flwyddyn ysgol, gallai’r nifer o fewn y dosbarth hwnnw godi i dros 30 ar gyfer y flwyddyn ysgol honno yn unig.

Gall y Corff Llywodraethol wrthod derbyn plentyn i ysgol pan gyrhaeddir y nifer derbyn.

Apeliadau

Os gwrthodir lle, mae gan rieni hawl i apelio. Dylai rhieni sy’n aflwyddiannus apelio’n ysgrifenedig i gadeirydd y corff llywodraethu, drwy Ysgol Wirfoddol a Gynorthwyir San Marc, Pontfadlen, Hwlffordd, SA61 1JX. Caniateir i rieni 14 diwrnod (10 niwrnod gwaith), o'r dyddiad y cawsant eu hysbysu bod eu cais yn aflwyddiannus, i baratoi a chyflwyno eu hapeliadau ysgrifenedig. Caiff ceisiadau am apêl sy'n dod i law eu cydnabod. Rhoddir o leiaf 14 diwrnod (10 niwrnod gwaith) o rybudd ysgrifenedig i apelwyr o ddyddiad eu gwrandawiad apêl. Dim ond rhieni plant o oedran ysgol statudol all apelio yn erbyn gwrthod cais.

Dewis rhieni

Bydd yr Awdurdod Derbyn yn dangos ystyriaeth am yr egwyddor gyffredinol y dylid addysgu disgyblion yn unol â dymuniadau eu rhieni, oni bai y byddai derbyn y plentyn hwnnw’n niweidio darpariaeth addysg effeithlon, neu ddefnydd effeithlon o adnoddau.

Os yw plentyn wedi cael ei wahardd yn barhaol o ddwy ysgol neu fwy, caiff y gofyniad i gydymffurfio â dewis y rhieni ei ddatgymhwyso am gyfnod o ddwy flynedd ar ôl yr ail waharddiad.

Datglwm ar gyfer pob categori

Os bydd datglwm wrth ystyried y meini prawf gordanysgrifio, bydd y llywodraethwyr yn derbyn yr ymgeiswyr hynny sy’n byw agosaf at yr ysgol. Yn achos plentyn y mae gan ei rieni gyfrifoldeb ar y cyd / rhannu cyfrifoldeb amdano, cartref y rhiant sydd â’r cyfrifoldeb mwyaf yn ystod yr wythnos ysgol fydd y cyfeiriad a bennir. Bydd angen prawf o breswylfa (wedi’i ddyddio o fewn y tri mis diwethaf) ar ffurf un o’r canlynol:

Cyfriflen y Dreth Gyngor
Bil Cyfleustod
Cyfriflen Budd-daliadau, e.e. Lwfans Plant, Pensiwn
Cyfriflen Morgais
Cyfriflen Banc / Cymdeithas Adeiladu
Cyfriflen Cerdyn Credyd

Bydd y Corff Llywodraethol yn defnyddio’r llwybr cerdded byrraf, wedi’i gyfrifo gan ddefnyddio data llwybr teilwredig Arolwg Ordnans o ddrws ffrynt yr ysgol i ddrws ffrynt cartref yr ymgeisydd. Os oes angen, bydd y llywodraethwyr yn gofyn am gymorth gan yr awdurdod lleol i bennu’r llwybr byrraf.

Rhestr aros

Cedwir rhestr aros o geisiadau aflwyddiannus hyd nes y cyrhaeddir y dyddiad derbyn arferol. Os daw lle ar gael, bydd y llywodraethwyr yn ystyried y rheiny ar y rhestr aros ar sail y meini prawf gordanysgrifio cyhoeddedig. Os bydd y llywodraethwyr yn rhoi cais ar y rhestr aros, ni fydd yn effeithio ar hawl rhiant i apelio. Yn achos ceisiadau a dderbynnir y tu allan i'r cylchoedd derbyn arferol (ee disgyblion nad ydynt o oed ysgol orfodol sy'n dymuno ymuno â'r meithrin), cedwir rhestrau aros hyd nes diwedd y flwyddyn academaidd.

Trosglwyddiadau rhwng ysgolion

Gall rhieni ofyn i drosglwyddo'u plant i'r ysgol unrhyw bryd. Os yw'r cais am drosglwyddo o ganlyniad i newid cyfeiriad, a bod lle i'r disgybl yn Ysgol Wirfoddol a Gynorthwyir San Marc, bydd y broses o drosglwyddo yn digwydd cyn gynted ag sy'n gyfleus i'r ddwy ochr.

Os nad yw'r cais am drosglwyddo o ganlyniad i newid cyfeiriad, gofynnir am gyngor gan y Gwasanaeth Lles Addysg. Gwahoddir rhieni i drafod y cais am drosglwyddo gyda'r pennaeth, a fydd yn penderfynu a ddylid caniatáu trosglwyddiad ar unwaith.

Gall newid ysgol fod yn gythryblus i ddisgyblion a gall darfu ar drefniadaeth dosbarth. Dylai fod yn ddewis olaf un, a’i ystyried dim ond pan fydd yr holl opsiynau eraill ar gyfer datrys problemau wedi’u harchwilio. Os yw eich cais am drosglwyddiad o ganlyniad i bryderon am gynnydd eich plentyn neu os oes unrhyw broblemau yn ysgol eich plentyn, dylech, fel cam cyntaf, drafod y mater gyda phennaeth yr ysgol bresennol.

Pa drefniadau diogelu sydd ar waith?

Mae gofal a lles disgyblion yn holl bwysig i bob ysgol. Mae pob aelod o staff ysgol yn glynu at Weithdrefnau Diogelu Cymru 2019 er mwyn diogelu a hyrwyddo lles plant. Mae gan bob ysgol bolisi diogelu, a bydd ganddi Uwch Unigolyn Dynodedig wedi’i enwi sy’n gyfrifol am faterion diogelu ac am ddelio â honiadau unigol o gam-drin.

Mae gan ysgolion ddyletswydd statudol i weithredu er lles pennaf y plentyn, ac felly, mae ganddynt ddyletswydd i wneud atgyfeiriad diogelu i’r Tîm Asesu Gofal Plant (CCAT) o fewn yr Adran Gwasanaethau Cymdeithasol os oes pryderon am les plentyn neu os oes honiad am gam-drin. Fel arfer, gofynnir am ganiatâd i atgyfeirio plentyn gan riant. Fodd bynnag, er mwyn gwarchod plentyn, weithiau, bydd angen atgyfeirio heb roi gwybod i’r rhieni. Mae hwn yn faes gwaith sensitif, ac mae cael cefnogaeth rhieni yn bwysig pan fydd ysgolion yn rhoi protocolau diogelu ar waith. Hoffem eich sicrhau bod staff ysgolion yn gweithio gan roi sylw cadarn i les eich plentyn. Mae ysgolion Sir Benfro yn gweithredu Polisi Atal Eithafiaeth a Radicaleiddio, y bwriedir iddo ddarparu fframwaith ar gyfer delio â materion yn ymwneud â bregusrwydd, radicaleiddio ac amlygrwydd i safbwyntiau eithafol.

Mae holl ysgolion Sir Benfro yn cymryd rhan mewn prosiect gyda Heddlu Dyfed-Powys o’r enw Operation Encompass. Trwy Operation Encompass, rhoddir gwybod i ysgolion cyn dechrau’r diwrnod ysgol canlynol pan fydd plentyn neu berson ifanc wedi cael ei amlygu i unrhyw ddigwyddiad domestig, neu wedi bod yn gysylltiedig ag ef. Mae’r Pennaeth a’r Uwch Unigolyn Dynodedig wedi cael eu hyfforddi i ddefnyddio’r wybodaeth am y digwyddiad domestig i sicrhau bod plentyn a/neu’i deulu yn cael cefnogaeth ddigonol pan fydd wedi bod yn gysylltiedig â digwyddiad cam-drin domestig, neu wedi cael ei amlygu i hyn.

Ysgol Wirfoddol a Gwynorthwyir yr Eglwys yng Nghymru Sant Oswald, Jeffreyston

Polisi Derbyniadau

Bydd y polisi hwn yn benodol i dderbyniadau yn ystod 2026 – 2027

Rhagymadrodd

Mae'r polisi a'r trefniadau a nodir isod yn cael eu llywodraethu gan y rhannau perthnasol o ddeddfwriaeth addysg a darpariaeth gweithred ymddiriedolaeth yr ysgol.

Hawliau rhieni

Mae'r ysgol yn ceisio darparu lleoedd ar gyfer pob plentyn sy'n byw o fewn y dalgylch yr oedd disgyblion yn dod ohono i fynychu hen Ysgol WR Jeffreyston ac Ysgol Gynradd Loveston hyd at 31 Awst 2001. Fodd bynnag, gall unrhyw riant wneud cais i'w blentyn/phlentyn gael ei dderbyn i'r ysgol. Gellir cael ffurflen gais o swyddfa’r ysgol a rhaid ei dychwelyd at Gadeirydd Corff Llywodraethu Ysgol Sant Oswallt. Rhaid i rieni hefyd wneud cais trwy wefan Cyngor Sir Penfro.

Os na fydd plentyn yn cael cynnig lle, gall y rhiant, o fewn 14 diwrnod, apelio yn erbyn y penderfyniad i Banel sy'n cael ei drefnu at y diben hwnnw yn unol â darpariaethau'r Deddfau Addysg. Bydd y Pennaeth yn rhoi gwybodaeth am sut i apelio ar adeg y penderfyniad gwreiddiol. Rhaid cyflwyno pob apêl i Gadeirydd Corff Llywodraethu Ysgol Sant Oswallt. Nid oes hawl i apelio am geisiadau i’r feithrinfa.

Nifer y disgyblion i'w derbyn

Nifer derbyniadau’r ysgol, a sefydlwyd ar sail y ddeddfwriaeth berthnasol, yw y bydd 17 o ddisgyblion yn cael eu derbyn i’r dosbarth meithrin neu hyd at y nifer hwnnw. Y dyddiad cau ar gyfer derbyn ceisiadau i’r dosbarth meithrin yw 30 Ebrill cyn y flwyddyn galendr y mae angen y lle yn yr ysgol. Rhoddir gwybod i rieni os ydyw eu cais yn llwyddiannus erbyn 31 Gorffennaf.
Yn unol â pholisïau derbyn i ysgolion yr awdurdod lleol, gwneir ceisiadau am le yn Ysgol Gynradd Wirfoddol Sant Oswald yn unol â dewisiadau’r rhieni. Mae ceisiadau i’w gwneud ar-lein drwy system derbyniadau ar-lein Cyngor Sir Penfro (CSP).
Mae CSP yn anfon y cais ymlaen ar ffurf PDF i’r ysgol i’w ystyried. Bydd yr ysgol yn cadarnhau gydag CSP statws nifer y grŵp blwyddyn / dosbarth neu ddosbarthiadau y gwneir cais amdanynt.
Lle nad yw’r nifer derbyniadau yn cael ei ragori, byddai’r ysgol yn cysylltu â rhiant/rhieni’r plentyn sydd wedi gwneud cais am le. Gofynnir i’r rhiant/rhieni lenwi ffurflen dderbyn i’r ysgol (rhaid cwblhau hon). Mae’r ysgol yn annog ymweliad â’r ysgol i gyfarfod â’r rhiant/rhieni a’r plentyn cyn i’r plentyn ddechrau yn yr ysgol.
Pan eir dros y nifer derbyniadau, mae’r un trefniadau ag uchod yn berthnasol. Bydd y rhieni’n cael gwybod am restr aros yr ysgol a’r gweithdrefnau ynghylch hyn.
Gwneud cais y tu allan i’r cylch derbyn arferol neu symud i’r ardal. Ni ddylai rhieni sy’n bwriadu symud i’r ardal wneud cais yn gynharach na thymor cyn dyddiad cychwyn disgwyliedig eu plant. Caiff ceisiadau a dderbynnir fwy na thymor ymlaen llaw eu cadw tan yr amser priodol. Gall oedi wrth symud i’r ardal arwain at dynnu cynigion yn ôl, oni bai y rhoddir rheswm da. Mae angen ystyriaeth ddifrifol i newid ysgol a dylid, yn y lle cyntaf, ei drafod yn llawn gyda phennaeth ysgol bresennol eich plentyn. Os bydd angen i rieni drosglwyddo eu plentyn o un ysgol i ysgol arall o hyd, yna rhaid iddynt wneud cais trwy gyflwyno cais ar-lein, a fydd yn cael ei drin yn yr un modd ag unrhyw gais arall am le.
Y dyddiad cau ar gyfer ceisiadau am le mewn dosbarth meithrin ar gyfer Medi 2026 yw 30 Ebrill 2026. Rhaid gwneud cais ar gyfer y dosbarth derbyn ym mis Medi 2026 erbyn 31 Ionawr 2026.
Rhestrau aros – rydym yn cadw enwau plant ar y rhestr aros am le yn y dosbarth derbyn tan 30 Medi ac yna’n gofyn i rieni a hoffent i enw eu plentyn aros ar y rhestr aros tan ddiwedd y flwyddyn academaidd. Mae pawb arall yn aros ar y rhestr aros tan ddiwedd y flwyddyn academaidd y maent wedi gwneud cais amdani.
Mae plant yn gymwys i fynychu’r ysgol yn rhan amser o’r tymor cyntaf ar ôl eu pen-blwydd yn dair oed a gallant fynychu’n llawn amser o’r tymor cyntaf ar ôl eu pen-blwydd yn bedair oed. Sylwch fod addysg orfodol yn cychwyn o’r tymor cyntaf sy’n dilyn eu pumed pen-blwydd. Dyddiad pen-blwydd eich plentyn sy’n pennu pryd y gall ef neu hi ddechrau’r ysgol, ni waeth beth fo’r dyddiad y mae’r tymor yn dechrau, ac mae’r tabl isod yn dangos pryd y gellir derbyn eich plentyn i’r ysgol. Gall rhieni ddewis gohirio dyddiad cychwyn eu plentyn unrhyw bryd hyd nes y bydd y plentyn o oedran ysgol gorfodol; am ragor o wybodaeth, cysylltwch â’r ysgol.

Mae pen-blwydd y plentyn rhwng

1 Ebrill - 31 Awst: Tim derbyn i'r meithrin - Hydref
1 Medi - 31 Rhagfyr: Tim derbyn i'r meithrin - Gwanwyn
1 Ionawr - 31 Mawrth: Tim derbyn i'r meithrin - Haf

Gall plant fynychu Ysgol Sant Oswallt yn llawn amser ar ddechrau'r tymor yn dilyn eu pedwerydd pen-blwydd.

Meini prawf ar gyfer penderfynu ar dderbyniadau

Os bydd nifer y plant y mae eu rhieni yn ceisio eu derbyn i’r ysgol yn fwy na nifer y lleoedd sydd ar gael, gwneir cynigion yn y drefn flaenoriaeth ganlynol:

a) Plant sy'n Derbyn Gofal neu blant a oedd gynt yn derbyn gofal.

b) Plant â rhieni / gofalwyr sy’n aelodau gweithredol o'r lluoedd arfog neu a oedd yn aelodau o’r lluoedd arfog dim mwy na chwe blynedd cyn dyddiad y cais am dderbyniad.

c) Plant â brodyr neu chwiorydd, y penderfynir eu bod yn rhai maeth, wedi'u mabwysiadu neu'n byw'n barhaol yn yr un cyfeiriad, sy'n mynychu'r ysgol ar ddyddiad y derbyniad arfaethedig.

ch) Plant sy'n byw yn nalgylch yr ysgol fel y disgrifir yn 2 uchod.

d) Plant o deuluoedd sy'n byw y tu allan i'r ardal sy'n gymunwyr rheolaidd mewn Eglwys Anglicanaidd.

dd) Plant o deuluoedd o enwadau Cristnogol eraill o'r tu allan i'r ardal fel y'i diffinnir yn 2 uchod y mae eu rhieni'n dymuno iddynt gael eu haddysgu mewn Ysgol Eglwys Anglicanaidd.

e) Plant o deuluoedd y tu allan i'r ardal fel y'i diffinnir yn 2 uchod nad ydynt yn addolwyr Cristnogol gweithredol ond y mae eu rhieni yn dymuno i'w plant gael eu haddysgu mewn Ysgol Eglwys Anglicanaidd.

Os caiff yr ysgol ei henwi mewn datganiad o Anghenion Addysgol Arbennig, mae'n ddyletswydd ar y Corff Llywodraethu i dderbyn y plentyn i'r ysgol.

Ym mhob achos mae 'hawl i apelio' yn erbyn penderfyniad sydd wedi'i wneud ynghylch gwrthod cais am le, y mae'n rhaid ei wneud i Gadeirydd y Corff Llywodraethu.

Adolygir y polisi hwn yn flynyddol ac ymgynghorir â hi rhwng yr holl ysgolion gwirfoddol a gynorthwyir a gwirfoddol a reolir yn Sir Benfro, y Cyfarwyddwr Esgobaethol a rhwng awdurdodau lleol Sir Benfro, Sir Gaerfyrddin a Cheredigion fel rhan o’r broses ymgynghori.

Ysgol a Gynorthwyir yn Wirfoddol yr Eglwys yng Nghymru St Aidan

Bydd y polisi hwn yn benodol i dderbyniadau yn ystod 2026-2027

Yr awdurdod derbyniadau ar gyfer yr ysgol hon yw'r Corff Llywodraethu. Caiff y polisi hwn ei adolygu'n flynyddol gyda holl ysgolion cam cynradd Sir Benfro - ac ymgynghorir ag ysgolion a gynorthwyir yn wirfoddol, a reolir yn wirfoddol, cymunedol 3-11 ac ysgolion 3-16, y Cyfarwyddwr Esgobaethol ac Awdurdodau Lleol Sir Benfro, Sir Gaerfyrddin a Cheredigion.

Mae ein polisi derbyniadau wedi cael ei ddatblygu i sicrhau system gyson a theg ar gyfer derbyn disgyblion i’n hysgol, yn enwedig os yw lleoedd yn debygol o fod yn gyfyngedig gan ein bod wedi derbyn uchafswm ein disgyblion, sef 13.

Mae Ysgol Gynradd Wirfoddol a Gynorthwyir Aeddan Sant yn ysgol yr Eglwys yng Nghymru sy’n gwasanaethu’r gymuned o fewn ardal weinidogaeth leol a bywoliaeth unedig Anglicanaidd Daugleddau, yn enwedig plwyfi hanesyddol Llanhuadain, Dwyrain Waltwn, Clarbeston, Slebets a Chas-wis.

Ceisiadau

Dylai ceisiadau am le yn Ysgol a Gynorthwyir yn Wirfoddol yr Eglwys yng Nghymru St Aidan gael eu gwneud ar-lein drwy Gyngor Sir Penfro. Os nad oes cyfeiriad e-bost gan rieni, mae ffurflen gais ar gael o'r ysgol. Y dyddiad cau ar gyfer derbyn ceisiadau i'r meithrin yw 30 Ebrill cyn y flwyddyn galendr y mae angen y lle yn yr ysgol. Bydd rhieni'n cael gwybod am lwyddiant eu cais drwy lythyr.

Meini prawf gordanysgrifio

Os bydd yna ordanysgrifio, rhoddir blaenoriaeth i dderbyn disgyblion yn y drefn ganlynol:

Plant sy’n derbyn gofal ar hyn o bryd ac a dderbyniodd ofal yn y gorffennol (plant sy’n derbyn gofal gan yr awdurdod lleol yn unol â Rhan 22 Deddf Plant 1989).
Plant o ardal weinidogaeth leol a bywoliaeth unedig Anglicanaidd Daugleddau, yn enwedig plwyfi hanesyddol Llanhuadain, Dwyrain Waltwn, Clarbeston, Slebets a Chas-wis.
Plant fydd â brawd neu chwaer o oedran ysgol statudol yn yr ysgol ar adeg cyflwyno’r cais. Bydd hyn yn cynnwys unrhyw frodyr neu chwiorydd llawn neu hanner, neu lysfrodyr a llyschwiorydd, neu blentyn sydd wedi’i fabwysiadu neu sy’n cael ei faethu yn yr un cyfeiriad â’r plentyn sydd eisoes yn yr ysgol.
Plant o deuluoedd y mae eu rhieni yn dymuno iddynt dderbyn addysg mewn ysgol yr Eglwys Anglicanaidd.
Plant o deuluoedd enwadau Cristnogol eraill y mae eu rhieni’n dymuno i’w plant dderbyn addysg mewn ysgol yr Eglwys Anglicanaidd.
Plant o deuluoedd y mae eu rhieni’n nodi eu bod yn well ganddynt i’w plentyn gael ei addysgu drwy gyfrwng y Saesneg.

Os bydd dau gais yn gydradd gyntaf, cynigir lleoedd i ddisgyblion sy'n byw agosaf at yr ysgol, wedi'i fesur yn ôl y pellter byrraf o'r giât ysgol agosaf sydd ar gael i bwynt lle mae cartref preifat y disgybl yn ymuno â'r briffordd gyhoeddus. (Defnyddir Google maps i fesur y pellteroedd)

Mae'r llywodraeth wedi nodi dyddiadau lle mae'n rhaid i blant 5 oed fod o oedran ysgol gorfodol yn y tymor ysgol dilynol: y dyddiadau hyn yw 31 Awst, 31 Rhagfyr a 31 Mawrth. Mae gan St Aidan ddarpariaeth feithrin a gall plant ymuno'n rhan-amser o ddechrau'r tymor yn dilyn eu pen-blwydd yn dair oed. Mae'r dyddiadau cymhwysedd uchod hefyd yn gymwys i'r derbyniadau hyn a byddant yn penderfynu ar y tymor y gall y plentyn ddechrau. Gall y plant hynny a anwyd rhwng 1 Medi a 31 Mawrth fynychu darpariaeth feithrin amser llawn yn y tymor yn dilyn eu pen-blwydd yn bedair oed. Os bydd cais yn cael ei gyflwyno am le yn y dosbarth meithrin, mae angen cyflwyno cais arall am le yn y dosbarth derbyn hefyd.

Mae'r terfynau amser yn cadw at yr amserlen derbyniadau a gyhoeddir gan awdurdod derbyniadau Cyngor Sir Penfro.

Apeliadau

Os na fydd plentyn yn cael cynnig lle, yna gall y rhiant, o fewn 14 diwrnod, apelio yn erbyn y penderfyniad i Banel sy'n cael ei drefnu at y diben hwnnw yn unol â darpariaethau'r Deddfau Addysg. Bydd y Pennaeth yn rhoi gwybodaeth am sut i apelio ar adeg y penderfyniad gwreiddiol. Mae'n rhaid i'r holl apeliadau gael eu cyflwyno i Gadeirydd Corff Llywodraethu St Aidan. Nid oes hawl i apelio mewn perthynas â derbyniadau meithrin.

Rhestr aros

Caiff rhestr aros o ymgeiswyr aflwyddiannus ei llunio. Os daw lle ar gael bydd y llywodraethwyr yn ystyried y rheiny ar y rhestr aros ar sail y meini prawf gordanysgrifio cyhoeddedig. Os bydd y llywodraethwyr yn rhoi cais ar y rhestr aros, ni fydd yn effeithio ar hawl rhiant i apelio. Cynhelir y rhestr aros tan 30 Medi ar ddechrau'r flwyddyn academaidd berthnasol. Rhoddir blaenoriaeth i unrhyw leoedd sy'n dod yn wag yn ôl y meini prawf gordanysgrifio ac nid yn ôl y dyddiad y cyflwynwyd y cais gwreiddiol am le. Yn achos ceisiadau sy'n cael eu derbyn y tu allan i'r rownd derbyniadau arferol, bydd y rhestrau yn cael eu cadw tan ddiwedd tymor haf y flwyddyn academaidd y cyflwynwyd cais am le.

Ysgol yr Eglwys yng Nghymru Penrhyn Dewi VA School, Tyddewi

Polisi Derbyniadau 2026/2027

Ein Hysgol Eglwysig

Fel Ysgol yr Eglwys, mae'r ethos Cristnogol yn ein calonnau yn pob peth sy’n cael ei wneud. Dylai yr ysgol fod yn le arbennig, lle diogel, a lle i ddysgu, maeth a morio. Mae rhaid i Ysgol yr Eglwys i arddangos i fod yn agored, dderbyniol a maddeugar, pethau pwysig i greu cymeriad gwerthfawr. Mae’r ysgol yn creu cymeriad Cristnogol trwy addysg grefyddol, ac i addoli ethos drwy chariad Duw au bresenoldeb ir byd.

Arwyddair

‘Byddwch Lawen, Cadwch y Ffydd a gwnewch y pethau bychain’.

Y Rheoliad Cyffredinol ar Ddiogelu Data (GDPR)

Trefniadau derbyn a meini prawf gordanysgrifio

Cyffredinol Mae’r ysgol yn creu diogelwch data or safon uchaf, fyddwn yn cadw'r data gyda phob parch ac yn gyfrinachol. Mae polisi’r ysgol yn ymlynu i gyfarwyddyd y rheoliad diogelu data cyffredinol.

Pryd gall fy mhlentyn ddechrau yn yr ysgol?

Yn Ysgol Penrhyn Dewi VA, fel Sir Benfro I gyd fydd plant yn medru dod i ysgol rhan amser y term ar ôl cael ei trydydd pen-blwydd, a llawn amser ar derm ar ôl troi yn bedwar. Mae dyddiad dechrau ysgol yn derbynu ar ddyddiad ei pen-blwydd. Mae amcan o hyn yma ac I gysylltu â’r ysgol ar 01437 809200 neu e-bost admin.penrhyndewi@pembrokeshire.gov.uk

Mae pen-blwydd y plentyn rhwng

1 Ebrill - 31 Awst: Tim derbyn i'r meithrin - Hydref
1 Medi - 31 Rhagfyr: Tim derbyn i'r meithrin - Gwanwyn
1 Ionawr - 31 Mawrth: Tim derbyn i'r meithrin - Haf

Dwy'r gyfraith ddim yn dweud wrth blant ddechrau eu addysg llawn amser, nes ddechrau term ar ôl troi yn bump, bydd y plentyn yn cael safle llawn amser ar ôl troi yn bedwar blwydd oed, ac yn cael ei cefnogi i fod yn llawn amser i gael y gorau o addysg o agwedd sail a phrofiadau.

Plant oedran meithrin – 3 mlwydd oed

Dyddiad erbyn pryd y mae'n rhaid cyrraedd yr oedran priodol

31 Rhagfyr: Tymor derbyn - Gwanwyn 2026
31 Mawrth 2026: Tymor derbyn - Haf 2026
31 Awst 2026: Tymor derbyn - Hydref 2026

Plant oedran cynradd – 4 blwydd oed

Dyddiad erbyn pryd y mae'n rhaid cyrraedd yr oedran priodol

31 Rhagfyr: Tymor derbyn - Gwanwyn 2026
31 Mawrth 2026: Tymor derbyn - Haf 2026
31 Awst 2026: Tymor derbyn - Hydref 2026

Plant Oedran Uwchradd – 11 mlwydd oed

Ni fydd yn ofynnol i ddisgyblion ym Mlwyddyn 6 wneud cais i drosglwyddo i’r sector uwchradd

Dyddiad erbyn pryd y mae'n rhaid cyrraedd yr oedran priodol

31 Awst 2026: Tymor derbyn: Hydref 2026

Amserlen Dderbyn– Rowndiau derbyn arferol

Darpariaeth	Oed	Dechrau Ysgol	Dyddiad cau am wneud cais	Dyddiad Cynnig /hysbysiad	Dyddiad cau apeliada
Meithrin	1af Medi 2023 – 31ain Awst 2024	Ionawr, Ebrill, Medi 2027	30ain Ebrill 2026	Erbyn diwedd Gorffennaf 2026	Dim amodau apello
Man Derbyn (Nid oes trosglwyddiadd automatig o’r Meithrin I’r Derbyn	1af Medi 2021 – 31ain Awst 2022	Tymor yr hydref 2026	31ain Ionawr 2026	16ed Ebrill 2026	10 diwrnod Gwaith o dderbyn llythyr gwrthod
Trosglwyddo ysgol uwchradd	1af Medi 2014 – 31ain Awst 2015	Tymor yr Hydref 2026	21 Rhagfyr 2025	2 Mawrth 2026	10 diwrnod Gwaith o dderbyn llythyr gwrthod

Cynhwysiad

Am gais am le yn Ysgol Penrhyn Dewi VA ewch ar lein trwy Gyngor Sir Benfro. Y dyddiad cau am gais i’r Ysgol Feithrin yw’r 30ain Ebrill, cewch wybod os fyddwch yn llwyddiannus erbyn 31ain Gorffennaf. Os bydd eich plentyn yn llwyddiannus i gael mynd i Ysgol Feithrin bydd rhaid cysylltu am le yn y Derbyniad, dyddiad cloi y ceisiadau yw’r 31ain Ionawr. Does dim rhaid i blant ym mlwyddyn chwech wneid cais am Ysgol Uwchradd.

Gordanysgrifio

Nifer derbyniad yr ysgol yw 27 ar gyfer y dosbarth derbyn i Flwyddyn 6 ac 80 ar gyfer blynyddoedd 7–11, a lle nad yw nifer y ceisiadau yn fwy na’r nifer hwn, yna bydd pob ymgeisydd yn cael ei dderbyn. Fodd bynnag, mae’r corff llywodraethu wedi gosod nifer derbyniadau dros dro o 29 o blant ar gyfer y dosbarth derbyn i Flwyddyn 6 ac 84 ar gyfer blynyddoedd 7–11. Os bydd mwy na’r nifer uchod o geisiadau yn cael eu derbyn ar gyfer un grŵp blwyddyn, bydd disgyblion yn cael eu derbyn ar sail y meini prawf gordanysgrifio canlynol, a gymhwysir yn nhrefn blaenoriaeth fel y rhestrir isod.

Plant ar hyn o bryd sy’n cael ei gofalu am gan Awdurdodau Cymru a Lloger ran 22 o Ddeddf Plant 1989 Rheoliadau Ddeddf Gwasanaethau Cymdeithasol a Llesant Cymru (2014).
Plant sydd yn byw yn ardal nalgylch yr ysgol.
Plant sydd a briodyr neu chwiorydd sydd eisoes yn yr ysgol. A phlant sy’n byw gyda llys frawd neu chwaer yn yr un cartref.
Plant sydd wedi mynych i ysgol fwydo.
Plant sydd a’i rhieni am addysg Eglwys Anglicanaidd.
Plant o wahanol enwadau Cristnogol sydd yn byw tu allan i’r arwynebedd a’i rhieni am nhw gael addysg Gristnogol.

Yn y digwyddiad o gyfartal, bydd lleoedd yn cael eu cynnig i ddisgyblion sy’n byw agosaf i’r ysgol, wedi’i fesur gan gerdded buraf. Pellter o’r gât ysgol agosaf sydd ar gael i fan lle mae cartref y disgybl yn cwrdd â’r briffordd.

Apêl

Os gwrthodir mynediad yna mae gan rieni hawl i un apeliad fesur cais, fesur blwyddyn academaidd i’r panel apêl Derbyniadau Esgobaethol, corff annibynnol y mae’r Awdurdod addysg Esgobaethol wedi’i sefydlu ar gyfer y Corff Llywodraethu. (Efallai y bydd ail apêl os yw’n ymddangos bod diffygion wedi bod yn y gwrandawiad cyntaf neu os bydd newid sylweddol a pherthnasol yn yr amgylchiadau rhiant neu berson ifanc neu ysgol (h.y. rhesymau meddygol neu symud tŷ). Dylai rhieni sy’n aflwyddiannus apelio ac ysgrifennu i Brifathro Ysgol Penrhyn Dewi VA Campws Dewi Ty- Ddewi, Sir Benfro SA62 6QH neu drwy ebost I admin.penrhyndewi@pembrokeshire.gov.uk I sylw y Pennaeth. Bydd y rheini yn cael 14 o ddiwrnodau (10 diwrnod gwaith) o rybudd ysgrifenedig o ddyddiad eu gwrandawiad apêl. Dim ond rhan o blant oedran ysgol statudol all apelio yn erbyn gwrthodiad.

Rhestr aros

Cadw’r rhestr aros o geisiadau aflwyddiannus os daw lle ar gael, bydd y llywodraethwyr yn ystyried y rhai sydd ar y rhestr ar sail y meini prawf gordanysgrifio gyhoeddedig. Os bydd y llywodraethwyr yn gwneud cais ar y rhestr aros ni fydd yn effeithio ar hawl y rhiant i apelio. Ar gyfer ceisiadau ar dderbyni’r tu allan I’r rowndiau derbyn arferol cedwi’r rhestr aros tan ddiwedd tymor yr Haf yn flwyddyn academaidd gofynnwyd am y lle.

Gwneud cais y tu allan i’r rownd dderbyn arferol

Symud i’r ardal

Ni ddylai rhieni sy’n bwriadu symud i’r ardal gwneud gais yn gynharach na thymor cyn dyddiad cychwyn ddisgwyliedig ei plant.

Gall oedi wrth symud i’r ardal arwain at dynnu cynhigion yn ôl. Oni bai rhoi rheswm da.

Trosglwyddiadau Ysgol yn ystod y flwyddyn

Mae angen rhoi ystyriaeth ddifrifol a dylai newid ysgolion a dylai, yn y lle cyntaf, cael ei drafod yn llawn gyda Phennaeth yr ysgol presennol eich plentyn. Os bydd angen i rhieni drosglwyddo ei plentyn o un ysgol i’r llall, yna rhaid iddynt wneud cais trwy gyflwyno cais ar lein a fydd yn cael ei drin yn yr un modd ag unrhyw gais arall am le.

Ffederasiwn Ysgolion Cynradd Catholig Mair Ddihalog a Theilo Sant

Polisi Derbyn 2026-27

Cynhelir Ffederasiwn Ysgolion Cynradd Catholig Mair Ddihalog a Theilo Sant fel ysgol Gatholig yn unol â chyfraith ganon ac athrawiaethau’r Eglwys Gatholig ac yn unol â gweithred ymddiriedolaeth Archesgobaeth Caerdydd Mynyw. Wrth gymhwyso’r polisi hwn, bydd Ffederasiwn Ysgolion Cynradd Catholig Mair Ddihalog a Theilo Sant yn ystyried, yn benodol, gyngor gan Archesgobaeth Caerdydd Mynyw.

Bydd Ffederasiwn Ysgolion Cynradd Catholig Mair Ddihalog a Theilo Sant yn gweithredu yn unol â holl ddarpariaethau perthnasol y codau ymarfer statudol (cod derbyn i ysgolion Llywodraeth Cymru a chod apelau derbyn i ysgolion 2013) fel y maent yn berthnasol ar unrhyw adeg benodol i ysgolion a gynhelir ac â’r gyfraith ar dderbyniadau fel y mae’n berthnasol i ysgolion a gynhelir.

Ystyrir bod cyfeiriadau yn y codau neu yn y polisi hwn at 'awdurdodau derbyn' neu 'y llywodraethwyr' yn gyfeiriadau at gorff llywodraethu gwirfoddol a gynorthwyir Ffederasiwn Ysgolion Cynradd Catholig Mair Ddihalog a Theilo Sant. Bydd cyfeiriadau at 'yr awdurdod lleol' yn cael eu hystyried yn gyfeiriadau at Gyngor Sir Penfro.

Ethos Catholig yw ethos yr ysgolion. Sefydlwyd yr ysgolion gan yr Eglwys Gatholig i ddarparu addysg i blant teuluoedd Catholig. Gofynnwn i bob rhiant neu warcheidwad sy’n gwneud cais am le yma gefnogi a pharchu’r ethos hwn a’i bwysigrwydd i gymuned yr ysgol a’r addysg a ddarperir ganddi. Nid yw hyn yn effeithio ar hawl rhiant/rhieni neu warcheidwad/gwarcheidwaid nad ydynt yn perthyn i’r ffydd Gatholig, neu nad yw eu plant yn perthyn i’r ffydd Gatholig, i wneud cais am le a chael eu hystyried am le yma.

Mae ein polisi derbyn wedi’i ddatblygu i sicrhau system gyson a theg ar gyfer derbyn disgyblion i’n hysgol, yn enwedig os yw lleoedd yn debygol o fod yn gyfyngedig oherwydd cyrraedd y nifer derbyn ar gyfer Medi 2026, sef 29.

Y Rheoliad Cyffredinol ar Ddiogelu Data (GDPR)

Mae’r ysgol wedi ymrwymo i sicrhau’r safonau uchaf o ran diogelu data. Byddwn yn trin yr holl ddata personol fel y byddem yn disgwyl i’n data personol ein hunain gael ei drin, h.y. gyda pharch, uniondeb a chyfrinachedd ac yn unol â’r Rheoliad Cyffredinol ar Ddiogelu Data a deddfau diogelu data eraill. Bydd ein holl bolisïau ysgol yn unol â chanllawiau y Rheoliad Cyffredinol ar Ddiogelu Data.

Trefniadau derbyn a meini prawf gordanysgrifio

Cyfrifoldeb y corff llywodraethu yw derbyn plant i’r ysgol a dylid gwneud ceisiadau ar-lein drwy wefan Cyngor Sir Penfro

Pryd gall fy mhlentyn ddechrau yn yr ysgol?

Yn Ffederasiwn Ysgolion Cynradd Catholig Mair Ddihalog a Theilo Sant, fel yng ngweddill Sir Benfro, mae plant yn gymwys i fynychu’r ysgol yn rhan amser o’r tymor cyntaf ar ôl eu pen-blwydd yn dair oed ac yn llawn amser o’r tymor cyntaf ar ôl eu pen-blwydd yn bedair oed. Sylwch fod addysg orfodol yn cychwyn o’r tymor cyntaf sy’n dilyn eu pumed pen-blwydd. Dyddiad pen-blwydd eich plentyn sy’n pennu pryd y gall ef neu hi ddechrau’r ysgol, ni waeth beth fo’r dyddiad y mae’r tymor yn dechrau, ac mae’r tabl isod yn dangos pryd y gellir derbyn eich plentyn i’r ysgol. Gall rhieni ddewis gohirio dyddiad cychwyn eu plentyn unrhyw bryd hyd nes y bydd y plentyn o oedran ysgol gorfodol; am ragor o wybodaeth, cysylltwch â’r ysgol ar 01437 762324 neu e-bostiwch admin.maryimmaculate@pembrokeshire.gov.uk ar gyfer Ysgol Gatholig Mair Ddihalog neu ffoniwch 01834 843995 neu e-bostiwch emailadmin.stteilo’s@pembrokeshire.gov.uk ar gyfer Ysgol Gatholig Teilo Sant.

Yr oedran arferol ar gyfer derbyn i’r ysgol yn Sir Benfro, mewn ysgolion fel Ffederasiwn Ysgolion Cynradd Catholig Mair Ddihalog a Theilo Sant sydd â darpariaeth feithrin, yw dechrau’r tymor yn dilyn pen-blwydd y plentyn yn dair oed. Yng nghyd-destun pryd y gall plentyn ddechrau’r ysgol, sylwer ar yr amserlenni isod:

Dyddiad erbyn pryd y mae'n rhaid cyrraedd yr oedran priodol

1 Ebrill - 31 Awst: Tymor mynediad i'r dosbarth meithrin - Hydref
1 Medi - 31 Rhagfyr: Tymor mynediad i'r dosbarth meithrin - Gwanwyn
1 Ionawr - 31 Mawrth: Tymor mynediad i'r dosbarth meithrin - Haf

Nid yw’r gyfraith yn ei gwneud yn ofynnol i blentyn ddechrau addysg amser llawn hyd nes dechrau’r tymor ysgol cyntaf sy’n dilyn pen-blwydd y plentyn yn bump oed. Fodd bynnag, darperir lle amser llawn i ddisgyblion o’r tymor cyntaf ar ôl eu pen-blwydd yn bedair oed ac fe’u hanogir yn gryf i fynychu’n llawn amser er mwyn cael buddion llawn addysg a phrofiadau’r Cyfnod Sylfaen.

Plant oed meithrin – tair oed

Dyddiad erbyn pryd y mae'n rhaid cyrraedd yr oedran priodol

31 Rhagfyr 2025: Tymor derbyn - Gwanwyn 2026
31 Mawrth 2026: Tymor derbyn - Haf 2026
31 Awst 2026: Tymor derbyn - Hydref 2026
31 Rhagfyr 2026: Tymor derbyn - Gwanwyn 2027
31 Mawrth 2027: Tymor derbyn - Haf 2027
31 Awst 2027: Tymor derbyn - Hydref 2027

Plant o oedran ysgol gynradd – pedair oed

Dyddiad erbyn pryd y mae'n rhaid cyrraedd yr oedran priodol

31 Rhagfyr 2025: Tymor derbyn - Gwanwyn 2026
31 Mawrth 2026: Tymor derbyn - Haf 2026
31 Awst 2026: Tymor derbyn - Hydref 2026
31 Rhagfyr 2026: Tymor derbyn - Gwanwyn 2027
31 Mawrth 2027: Tymor derbyn - Haf 2027
31 Awst 2027: Tymor derbyn - Hydref 2027

Plant o oedran ysgol uwchradd – 11 oed

Dyddiad erbyn pryd y mae'n rhaid cyrraedd yr oedran priodol

31 Awst 2026: Tymor derbyn - Hydref 2026
31 Awst 2027: Tymor derbyn - Hydref 2027

Ceisiadau

Yn unol â pholisïau derbyniadau ysgolion yr awdurdod lleol, bydd cais am fynediad i Ffederasiwn Ysgolion Cynradd Catholig Mair Ddihalog a Theilo Sant yn cael ei wneud yn unol â dewis rhieni. Y dyddiad cau ar gyfer derbyn ceisiadau i’r dosbarth meithrin yw 30 Ebrill cyn y flwyddyn galendr y mae angen y lle yn yr ysgol. Rhoddir gwybod i rieni os ydyw eu cais yn llwyddiannus erbyn 31 Gorffennaf. Os caiff eich plentyn ei dderbyn i addysg feithrin, nid yw hyn yn gwarantu lle i’ch plentyn mewn ysgol gynradd (dosbarth derbyn). Rhaid i chi ailymgeisio am le mewn ysgol gynradd. Y dyddiad cau ar gyfer ceisiadau i’r dosbarth derbyn yw 31 Ionawr cyn dechrau tymor yr hydref yn yr un flwyddyn galendr. Bydd rhieni’n cael gwybod a yw eu cais yn llwyddiannus erbyn 16 Ebrill. Rhaid i ddisgyblion ym Mlwyddyn 6 wneud cais am leoedd yn eu hysgol uwchradd ddewisol erbyn 20 Rhagfyr yn y flwyddyn cyn dechrau tymor yr hydref yn y flwyddyn galendr ganlynol. Bydd rhieni’n cael gwybod a yw eu cais yn llwyddiannus erbyn 1 Mawrth.

Y broses o wneud cais

Mae ceisiadau i’w gwneud ar-lein drwy system derbyniadau ar-lein Cyngor Sir Penfro (CSP)
Mae Cyngor Sir Penfro yn anfon y cais ymlaen i’r ysgol ei ystyried.
Pan nad eir y tu hwnt i’r nifer derbyn, cynigir lle.
Mae’r ysgol yn annog ymweliad â’r ysgol i gyfarfod â’r rhiant/rhieni neu’r gwarcheidwad/gwarcheidwaid a’r plentyn/plant cyn dechrau.
Pan eir y tu hwnt i’r nifer derbyn, gwrthodir y lle, a rhoddir gwybod i’r rhieni. Bydd y rhiant/rhieni neu warcheidwad/gwarcheidwaid yn cael gwybod am restr aros yr ysgol a’r gweithdrefnau ar gyfer hyn (gweler isod)

Meini prawf derbyn

Diffiniadau

Plentyn neu berson ifanc sy’n derbyn gofal. Diffinnir plentyn neu berson ifanc sy’n derbyn gofal fel plentyn sy’n derbyn gofal gan yr awdurdod lleol yn unol ag adran 22 o Ddeddf Plant 1989. Bydd plant sy’n derbyn gofal yn cael blaenoriaeth ym mhob categori isod.
Brodyr a chwiorydd. At ddibenion derbyn, ystyr ‘brawd’ a ‘chwaer’ yw plentyn sy’n frawd/chwaer, hanner brawd/chwaer (plant sy’n rhannu un rhiant cyffredin), llysfrawd/llyschwaer (plant sy’n perthyn trwy briodas), neu blentyn mabwysiedig neu blentyn maeth sy’n byw yn yr un cyfeiriad. Bydd disgyblion sydd â brodyr a chwiorydd ym mhob categori yn cael blaenoriaeth yn y categori hwnnw. Bydd y cysylltiad brodyr a chwiorydd yn berthnasol i’r plant hynny sydd â brawd neu chwaer ar y gofrestr yn Ffederasiwn Ysgolion Cynradd Catholig Mair Ddihalog a Theilo Sant yn y mis Medi y byddai’r ymgeisydd yn dechrau yn yr ysgol. Rhaid i riant/rhieni neu warcheidwad/gwarcheidwaid nodi unrhyw gysylltiad brawd/chwaer yn eu cais.
Pabydd. Mae Pabydd yn unigolyn sydd wedi’i fedyddio drwy ddefodau Lladin yr Eglwys Gatholig (‘Rufeinig’) neu un arall o’r 23 o eglwysi dwyreiniol mewn llawn gymundeb â’r Babaeth.
Uniongred. Cristion Uniongred yw unigolyn sydd wedi’i fedyddio o fewn eglwys Uniongred mewn cymundeb rhannol â’r Babaeth, ac y mae gan ei eglwys strwythur sacramentaidd dilys a gydnabyddir gan y Babaeth.
Plwyfolyn. Unigolyn sy’n byw yn ddaearyddol o fewn ffiniau plwyf penodol (nid yw addoli mewn adeilad eglwysig o fewn plwyf arall yn golygu bod yr unigolyn yn gymwys i fod yn aelod o’r plwyf arall hwnnw).

Meini prawf derbyn a gordanysgrifio

Pan fo nifer y ceisiadau yn fwy na nifer y lleoedd sydd ar gael, bydd y llywodraethwyr yn defnyddio’r meini prawf gordanysgrifio. Bydd llywodraethwyr yn derbyn plant yn y categorïau canlynol ac yn y flaenoriaeth a restrir. Bydd angen tystiolaeth o fedydd ar ffurf tystysgrif bedydd a roddwyd gan y plwyf bedydd, neu dystysgrif derbyn i’r Eglwys Gatholig a roddwyd gan y plwyf lle cynhaliwyd y derbyniad.

1. Plant Catholig wedi’u bedyddio rhiant/rhieni neu warcheidwad/gwarcheidwaid sy’n blwyfolion:

Dewi Sant a Sant Padrig, Hwlffordd
Yr Ymddŵyn Difrycheulyd, Arberth
Holyrood a Theilo Sant, Dinbych-y-pysgod
Eglwys Santes Ffraid, Saundersfoot

2. Plant wedi’u bedyddio o eglwysi Uniongred sy’n byw yn:

Dewi Sant a Sant Padrig, Hwlffordd
Yr Ymddŵyn Difrycheulyd, Arberth
Holyrood a Theilo Sant, Dinbych-y-pysgod
Eglwys Santes Ffraid, Saundersfoot
Plwyfi Catholig cyfagos

3. Plant sydd sydd heb eu bedyddio ond sydd â brodyr a chwiorydd yn yr ysgol.

4. Plant sydd wedi’u bedyddio o enwadau Cristnogol eraill sy’n byw yn yr ardaloedd y cyfeirir atynt yng Nghategori 2.

Mae hyn yn cynnwys aelodau o gymunedau eglwysig sy’n aelodau o Cytûn (Eglwysi Ynghyd yng Nghymru) a chymunedau eglwysig Cristnogol eraill. Ni roddir blaenoriaeth i geisiadau yn y categori hwn oni bai fod llythyr oddi wrth y gweinidog presennol yn cael ei ddarparu yn cadarnhau’r bedydd, neu oni bai fod datganiad o ymlyniad, wedi’i lofnodi gan y gweinidog, neu gynrychiolydd y gweinidog, yn cadarnhau aelodaeth yn y gymuned eglwysig Gristnogol honno.

5. Plant o ffydd arall y mae eu rhieni yn ceisio addysg Gatholig.

6. Plant y mae’r awdurdod lleol wedi gofyn yn benodol am le yn yr ysgol iddynt.

Ym mhob un o’r categorïau uchod, bydd plant ac unigolion ifanc sy’n derbyn gofal yn cael eu blaenoriaethu.

Maen prawf i benderfynu pwy caiff ei dderbyn ar gyfer pob categori

Os bydd angen penderfynu rhwng dau ymgeisydd mewn unrhyw un o’r categorïau uchod, bydd y llywodraethwyr yn derbyn yr ymgeiswyr hynny sy’n byw agosaf at yr ysgol. Yn achos plentyn y mae ei riant/rhieni neu warcheidwad/gwarcheidwaid â chyfrifoldeb ar y cyd / a rennir, y rhiant/gwarcheidwad sydd â’r cyfrifoldeb mwyaf yn ystod yr wythnos ysgol ac y mae ei cartref yn nes at yr ysgol fydd y ffactor penderfynu. Bydd angen prawf o breswyliad ar ffurf un o’r canlynol:

Llythyr hysbysu treth gyngor cyfredol ar gyfer y cyfeiriad a nodwyd ar y cais
Nodyn Credyd Treth Plant cyfredol
Llythyr hysbysu budd-dal plant cyfredol
Hysbysiad cymorth incwm cyfredol
Hysbysiad dyfarniad pensiwn cyfredol
Hysbysiad budd-dal tai cyfredol

Bydd y llywodraethwyr yn defnyddio’r llwybr cerdded byrraf a gyfrifir gan ddefnyddio data llwybr yr Arolwg Ordnans sydd wedi’u teilwra o ddrws ffrynt yr ysgol i ddrws ffrynt tŷ neu fflat yr ymgeisydd. Lle bo angen, bydd y llywodraethwyr yn gofyn am gymorth gan yr awdurdod lleol i benderfynu ar y llwybr byrraf.

Rhestr aros

Caiff rhestr aros o ymgeiswyr aflwyddiannus ei llunio. Os daw lle ar gael, bydd y llywodraethwyr yn ystyried y rheiny sydd ar y rhestr aros ar sail y meini prawf gordanysgrifio cyhoeddedig, nid ar sail y dyddiad y derbyniwyd y cais. Os bydd y llywodraethwyr yn rhoi cais ar y rhestr aros, ni fydd yn effeithio ar hawl rhieni neu warcheidwaid i apelio. Bydd y rhestr aros yn cael ei chynnal tan 31 Awst yn y flwyddyn ysgol y gwnaed y cais. Ar ôl y dyddiad hwnnw, rhaid i’r rhiant hysbysu’r ysgol y dylid mynd â’r cais ymlaen i’r flwyddyn academaidd nesaf.

Dyddiad

Os yw cais am le wedi’i wrthod gan y corff llywodraethu, gall rhieni apelio i banel apelio annibynnol. Rhaid anfon yr apêl hon yn ysgrifenedig at y clerc i’r llywodraethwyr yn yr ysgol cyn pen 14 diwrnod (deng niwrnod gwaith) o’r dyddiad pan gafodd y cais ei wrthod. Nid oes hawl i apelio am geisiadau i’r feithrinfa. Bydd ymgeiswyr yn cael o leiaf 14 diwrnod (deng niwrnod gwaith) o rybudd ysgrifenedig o ddyddiad eu gwrandawiad apêl.

Gwneud cais y tu allan i’r cylch derbyn arferol

Symud i’r ardal

Ni ddylai rhieni sy’n bwriadu symud i’r ardal wneud cais yn gynharach na thymor cyn dyddiad cychwyn disgwyliedig eu plant. Caiff ceisiadau a dderbynnir fwy na thymor ymlaen llaw eu cadw tan yr amser priodol. Gall oedi wrth symud i’r ardal arwain at dynnu cynigion yn ôl, oni bai y rhoddir rheswm da.

Trosglwyddiadau ysgol yn ystod y flwyddyn

Mae angen ystyriaeth ddifrifol i newid ysgol a dylid, yn y lle cyntaf, ei drafod yn llawn gyda phennaeth ysgol bresennol eich plentyn. Os bydd angen i rieni drosglwyddo eu plentyn o un ysgol i ysgol arall o hyd, yna rhaid iddynt wneud cais trwy gyflwyno cais ar-lein, a fydd yn cael ei drin yn yr un modd ag unrhyw gais arall am le.

Ffederasiwn Ysgol yr Enw Sanctaidd ac Ysgol Sant Ffransis

Polisi Derbyn 2026-27

Y corff llywodraethu sy’n gyfrifol am bennu a gweinyddu’r polisi sy’n ymwneud â derbyn disgyblion i’r ddwy ysgol. Fe’i harweinir yn y cyfrifoldeb hwnnw gan:

a) gofyniad y gyfraith (Deddf Safonau a Fframwaith Ysgolion 1998)

b) cyngor ymddiriedolwyr yr esgobaeth ar natur a phwrpas ei ddyletswyddau ac wrth gyflawni ei ddogfen ymddiriedolaeth a’i offeryn llywodraethu

c) ei ddyletswydd tuag at yr ysgol a’r gymuned Gatholig y mae’n ei gwasanaethu

ch) cymeriad Catholig yr ysgol a’i datganiad cenhadaeth

Ethos Catholig yw ethos y ddwy ysgol. Sefydlwyd yr ysgolion gan yr Eglwys Gatholig i ddarparu addysg i blant teuluoedd Catholig. Gofynnwn i bob rhiant sy’n gwneud cais am le yn y naill ysgol neu’r llall gefnogi a pharchu’r ethos hwn, a’i bwysigrwydd i gymuned yr ysgol a’r addysg y mae’n ei darparu. Nid yw hyn yn effeithio ar hawl rhieni nad ydynt yn perthyn i ffydd yr ysgolion hyn i wneud cais am le a chael eu hystyried ar ei gyfer.

Ceisiadau

Rhaid gwneud ceisiadau am le yn y naill ysgol neu’r llall gan ddefnyddio’r ffurflen ar-lein ar wefan Cyngor Sir Penfro

Ysgol yr Enw Sanctaidd – Abergwaun

Nifer derbyn yr ysgol ar gyfer pob grŵp blwyddyn yw 18.

Yr oedran arferol ar gyfer derbyn i Ysgol yr Enw Sanctaidd yw dechrau’r tymor yn dilyn pen-blwydd y plentyn yn bedair oed. Yng nghyd-destun pryd y gall plentyn ddechrau’r ysgol, sylwer ar yr amserlenni isod:

Mae pen-blwydd y plentyn yn disgyn rhwng

1 Ebrill - 31 Awst: Tymor derbyn - Hydref (dosbarth derbyn)
1 Medi - 31 Rhagfyr: Tymor derbyn - Gwanwyn (dosbarth meithrin amser llawn yn y dosbarth derbyn)
1 Ionawr - 31 Mawrth: Tymor derbyn - Haf (dosbarth meithrin amswer llawn yn y dosbarth derbyn)

Ysgol Sant Ffransis – Aberdaugleddau

Nifer derbyn yr ysgol ar gyfer pob grŵp blwyddyn yw 19.

Yr oedran arferol ar gyfer derbyniad i Ysgol Sant Ffransis yw dechrau’r tymor yn dilyn pen-blwydd y plentyn yn dair oed. Yng nghyd-destun pryd y gall plentyn ddechrau’r ysgol, sylwer ar yr amserlenni isod:

Mae pen-blwydd y plentyn yn disgyn rhwng

1 Ebrill - 31 Awst: Tymor mynediad i'r dosbarth meithrin derbyn - Hydref (rhan amser)
1 Medi - 31 Rhagfyr: Tymor mynediad i'r dosbarth meithrin derbyn - Gwanwyn (rhan amser)
1 Ionawr - 31 Mawrth: Tymor mynediad i'r dosbarth meithrin derbyn - Haf (rhan amser)

Lle yn y dosbarth meithrin

Oedran: Pen-blwydd yn dair oed rhwng 1 Medi 2023 a 31 Awst 2024
Dechrau yn yr ysgol: Ionawr, Ebrill, Medi 2027
Dyddiad cau ar gyfer gwneud cais: 30 Ebrill 2026
Dyddiad cynnig/hysbysu: Erbyn diwedd Gorffennaf 2026
Dyddiad cau ar gyfer apeliadau: Dim hawl apelio

Lle yn y dosbarth derbyn

(Nid oes trosglwyddiad awtomatig o’r ddarpariaeth oedran meithrin – bydd angen gwneud cais ar wahân.)

Oedran: Pen-blwydd yn bedair oed rhwng 1 Medi 2021 a 31 Awst 2022
Dechrau yn yr ysgol: Tymor yr hydref 2026
Dyddiad cau ar gyfer gwneud cais: 31 Ionawr 2026
Dyddiad cynnig/hysbysu: 16 Ebrill 2026
Dyddiad cau ar gyfer apeliadau: 10 diwrnod gwaith o dderbyn y llythyr gwrthod

Bydd rhieni’n cael gwybod yn ysgrifenedig am y canlyniad yn dilyn cyfarfod o’r pwyllgor derbyniadau.

Mae’r corff llywodraethu wedi dirprwyo cyfrifoldeb am benderfynu ar dderbyniadau i’w Bwyllgor Derbyniadau, a fydd yn ystyried pob cais ar yr un pryd ac ar ôl y dyddiad cau ar gyfer derbyniadau a wneir yn unol â’r meini prawf derbyn.

Rhaid i bob rhiant ailymgeisio ar gyfer y dosbarth derbyn / grŵp blwyddyn cynradd – sef y flwyddyn academaidd y mae plentyn yn troi’n bump oed.

Gall rhieni ofyn i fynediad eu plentyn i’r ysgol gael ei ohirio nes bod y plentyn yn cyrraedd oedran ysgol statudol (h.y. y tymor ar ôl pen-blwydd y disgybl yn bump oed). Rhaid cadw’r lle ar agor yn y sefyllfa hon.

Ceisiadau hwyr

Ystyrir bod ceisiadau a dderbynnir ar ôl y dyddiad cau yn hwyr (oni bai fod rhesymau eithriadol) a dim ond ar ôl y rhai a dderbynnir erbyn y dyddiad cau y cânt eu hystyried. Rheswm eithriadol fyddai unrhyw sefyllfa a oedd yn atal y teulu rhag gwneud cais mewn pryd. Yn yr achosion hyn, dylai’r teulu gynnwys dogfennau ategol gyda’r ceisiadau, e.e. pan symudodd teulu i’r awdurdod lleol rhwng y dyddiad cau a dyddiad y cynnig, yna byddai angen tystiolaeth o’r newid cyfeiriad.

Apeliadau

Os yw cais am le wedi’i wrthod gan y corff llywodraethu, gall rhieni apelio i banel apelio annibynnol. Rhaid anfon yr apêl hon yn ysgrifenedig at y Panel Apeliadau Derbyniadau Ysgol o fewn 14 diwrnod (10 diwrnod gwaith) i’r gwrthodiad. Nid oes hawl i apelio ar gyfer ceisiadau meithrin – dim ond ceisiadau i’r dosbarth derbyn (y cylch derbyn arferol) ac i fyny.

Rhaid i rieni roi rhesymau dros apelio yn ysgrifenedig ac mae penderfyniad y panel apeliadau yn rhwymol ar y llywodraethwyr.

Rhestrau aros

Caiff rhestr aros o ymgeiswyr aflwyddiannus ei llunio. Os daw lle ar gael, bydd y llywodraethwyr yn ystyried y rhai ar y rhestr aros yn seiliedig ar y meini prawf gordanysgrifio cyhoeddedig, nid ar y dyddiad y derbyniwyd y cais. Os bydd y llywodraethwyr yn rhoi cais ar y rhestr aros, ni fydd yn effeithio ar hawl rhieni neu warcheidwaid i apelio. Bydd y rhestr aros yn cael ei chynnal tan 31 Awst yn y flwyddyn ysgol y gwnaed y cais. Ar ôl y dyddiad hwnnw, rhaid i riant disgyblion ym Mlwyddyn 1 y dosbarth meithrin hysbysu’r ysgol y dylid symud y cais ymlaen i’r flwyddyn academaidd nesaf, sef Blwyddyn 2 y dosbarth meithrin. Rhaid i rieni pawb arall wneud cais newydd gan ei fod ar gyfer blwyddyn academaidd wahanol.

Bydd rhestrau aros ar gyfer y dosbarth derbyn o dan y cylch derbyn arferol yn cael eu cynnal tan 30 Medi. Yna byddwn yn gofyn i rieni a hoffent aros ar y rhestr aros tan ddiwedd y flwyddyn academaidd neu gael eu tynnu oddi ar y rhestr.

Meini prawf derbyn

Pan fo nifer y ceisiadau yn fwy na nifer y lleoedd sydd ar gael, bydd y corff llywodraethu yn cymhwyso’r meini prawf gordanysgrifio canlynol yn nhrefn blaenoriaeth:

Plant o’r ffydd Gatholig wedi’u bedyddio o fewn y plwyfi a wasanaethir gan yr ysgol.
Plant y mae’r awdurdod lleol wedi gofyn yn benodol am le yn yr ysgol iddynt.
Pob plentyn sydd wedi’i fedyddio yn yr Eglwys Uniongred sy’n byw yn nalgylch yr ysgol.
Plant Catholig eraill wedi’u bedyddio.
Plant sydd â brawd neu chwaer yn yr ysgol ar adeg eu derbyn.
Plant o enwadau Cristnogol eraill.
Plant o ffydd arall y mae eu rhieni yn ceisio addysg Gatholig.
Plant nad ydynt yn Gatholigion y mae eu rhieni’n ceisio addysg Gatholig i’w plentyn.
Ym mhob un o’r categorïau uchod, rhoddir blaenoriaeth i blant sy’n derbyn gofal. Mae gan bob ysgol ddyletswydd i dderbyn plant sydd â datganiad anghenion addysgol lle mae’r ysgol wedi’i henwi yn y datganiad.

Fel y nodwyd uchod, os bydd unrhyw ordanysgrifio, dylid defnyddio’r meini prawf gordanysgrifio i bennu lleoedd.

Pan fo mwy nag un plentyn yn bodloni’r meini prawf hyn ac mae ymgeiswyr yn parhau, yna’r plentyn sy’n byw agosaf at yr ysgol fydd yn cael ei dderbyn. Mesurir pob pellter yn ôl y pellter cerdded byrraf gan ddefnyddio priffyrdd cyhoeddus o ddrws ffrynt y plentyn i brif fynedfa’r ysgol.

Bydd gofyn i bob ymgeisydd Cristnogol gyflwyno tystysgrifau bedyddio.

Fel sy’n ofynnol gan y gyfraith, ni fydd y corff llywodraethu yn derbyn mwy na 30 o ddisgyblion i unrhyw un dosbarth derbyn neu ddosbarth yn y Cyfnod Sylfaen.

Gwneud cais y tu allan i’r cylch derbyn arferol

Symud i’r ardal – ni ddylai rhieni sy’n bwriadu symud i’r ardal wneud cais yn gynharach na thymor cyn dyddiad cychwyn disgwyliedig eu plant, e.e. os oes angen lle yn nhymor y gwanwyn, yna ni ddylid cyflwyno’r cais cyn dechrau tymor yr hydref blaenorol. Caiff ceisiadau a dderbynnir fwy na thymor ymlaen llaw eu cadw tan yr amser priodol. Gall oedi wrth symud i’r ardal arwain at dynnu cynigion yn ôl, oni bai y rhoddir rheswm da.

Trosglwyddiadau ysgol yn ystod y flwyddyn

Mae newid ysgolion yn gofyn am ystyriaeth ddifrifol a dylid yn y lle cyntaf drafod hyn yn llawn gyda phennaeth ysgol bresennol eich plentyn. Os bydd angen i rieni drosglwyddo eu plentyn o un ysgol i’r llall o hyd, yna rhaid iddynt wneud cais trwy gyflwyno cais ar-lein, a fydd yn cael ei drin yn yr un modd ag unrhyw ymgeisydd arall am le.

ID: 10741, adolygwyd 20/08/2025

Rhan 3 – Trosglwyddo rhwng ysgolion (2026-2027)

Ar y dudalen hon:

Beth yw’r weithdrefn os ydw i am symud fy mhlentyn i ysgol arall?

Sut y gallaf ychwanegu enw fy mhlentyn at y Rhestr Aros?

Sut mae trefnu i’m plentyn drosglwyddo i ysgol uwchradd?

Beth yw’r weithdrefn os ydw i am symud fy mhlentyn i ysgol arall?

Mae’r Cyngor yn barod i ystyried ceisiadau am drosglwyddo rhwng ysgolion ar adegau ar wahân i amserau derbyn arferol. Fodd bynnag, os ydych yn ceisio trosglwyddo eich plentyn, rhaid ichi drafod hyn yn gyntaf gyda phennaeth presennol eich plentyn neu bennaeth y flwyddyn mewn ysgol uwchradd. Dylech hefyd gysylltu â phennaeth yr ysgol y dymunwch i’ch plentyn fynd iddi. Gan nad yw trosglwyddo yn ystod y tymor yn cael ei annog, trosglwyddir fel arfer ar ddechrau hanner tymor yn unig, ac eithrio pan fo’r sefyllfa’n codi am fod y teulu wedi newid cyfeiriad. Rhaid cwblhau'r ffurflen gais ar-lein ym mhob achos, ac mae hon ar gael ar wefan y Cyngor Sir.

Sylwch - bydd y ffurflen gais yn cael ei rhannu gyda'r ysgol bresennol a'r un y gofynnir amdani pan fydd plentyn yn trosglwyddo o'r naill ysgol yn Sir Benfro i'r llall. Fel arfer, ni fydd ceisiadau i drosglwyddo yn cael eu hystyried fwy nag 1 tymor cyn y trosglwyddo a dylid eu cyflwyno o leiaf 1 mis cyn y dyddiad trosglwyddo gofynnol er mwyn ei brosesu ar amser.

Os cyflwynir cais fwy na thymor ymlaen llaw, cewch e-bost yn cadarnhau bod y cais wedi dod i law, ynghyd â hysbysiad y bydd y cais yn cael ei ohirio tan y tymor cyn y dyddiad cychwyn y gofynnwyd amdano. Bydd eich cais yn cael ei brosesu o fewn 15 diwrnod ysgol o ddechrau’r tymor ysgol hwnnw. Dylid cyflwyno ceisiadau hefyd o leiaf un mis cyn y dyddiad trosglwyddo y gofynnir amdano er mwyn iddo gael ei brosesu mewn pryd.

Mae newid ysgolion yn gallu bod yn brofiad anodd i ddisgyblion a gall darfu ar drefniadaeth dosbarthiadau. Dylid gwneud hyn pan fydd popeth arall wedi methu, ac ni ddylid ei ystyried hyd nes y rhoddwyd sylw priodol i’r holl ffyrdd posibl eraill o ddatrys problemau. Os ydych yn gwneud cais am drosglwyddo oherwydd eich bod yn pryderu ynglŷn â chynnydd eich plentyn neu oherwydd bod unrhyw broblemau yn ysgol eich plentyn, fel cam cyntaf dylech drafod y mater gyda phennaeth yr ysgol bresennol.

Pan gytunir ar drosglwyddiad ysgol, bydd y Swyddog Derbyn yn hysbysu'r rhieni'n ysgrifenedig fel arfer ar ffurf e-bost awtomataidd (gwiriwch eich blwch post sothach os nad ydych yn ei dderbyn yn eich mewnflwch). Dylai i chi dderbyn ymateb i'ch cais o fewn 15 diwrnod ysgol neu 28 diwrnod calendr, pa un bynnag sy'n gyntaf. Bydd angen i rieni ddilyn dolen yn yr e-bost i dderbyn neu wrthod y lle. Os bydd amgylchiadau'n newid ar ôl i'r lle gael ei dderbyn a mae lle mewn ysgol wahanol, neu pan fydd yr ysgol flaenorol yn ofynnol, rhaid gwneud cais newydd. Dylai rhieni nodi bod y lle yn yr ysgol y mae eu plentyn yn ei adael eisoes wedi'i neilltuo i rywun arall.

Yn ei gyfarfod ar 13 Mehefin 2019, cytunodd y Fforwm Derbyn y gallai’r Nifer Derbyn gael ei dorri ym mhob achos o dderbyniadau i ysgolion uwchradd cymunedol a gwirfoddol a reolir o fis Medi 2019 yn achos ceisiadau a gafwyd oddi wrth ddisgyblion o fewn y dalgylch. Fodd bynnag, mae’n ofynnol i’r Swyddog Derbyn drafod pob achos gyda’r Pennaeth perthnasol a dim ond mewn achosion lle nad oes rhestr aros eisoes ar gyfer y grŵp blwyddyn y gall wneud hyn. Mae’r un trefniadau yn berthnasol i ddisgyblion oed cynradd ac mae’r Awdurdod Derbyn yn defnyddio ei ddisgresiwn arferol i ystyried pob cais.

Sut y gallaf ychwanegu enw fy mhlentyn at y Rhestr Aros?

Nid ydym yn cynnal rhestrau aros ar gyfer ceisiadau i drosglwyddo ysgol yn ystod y flwyddyn.

Sut mae trefnu i’m plentyn drosglwyddo i ysgol uwchradd?

Mae ysgolion uwchradd yn Sir Benfro yn cynnig addysg gynhwysfawr i ddisgyblion o bob gallu. Fel arfer, mae’r trosglwyddiad o addysg gynradd i addysg uwchradd yn digwydd yn y mis Medi yn dilyn pen-blwydd plentyn yn un ar ddeg oed. Ar gyfer ysgolion 3-16 oed, bydd y disgyblion yn trosglwyddo’n awtomatig i Gyfnod Allweddol 3. Fodd bynnag, mae gan rieni ddewis i wneud cais am ysgol uwchradd arall yn ystod y broses cylch derbyn arferol. Gall pennaeth ysgol gynradd eich plentyn roi gwybodaeth i chi ynglŷn â’r ysgol uwchradd y dylai eich plentyn ei mynychu fel arfer. Mae manteision addysgol i’ch plentyn fynychu’r ysgol uwchradd sy’n gysylltiedig â’i ysgol gynradd fel rhan o’r ‘clwstwr o ysgolion’ – gweler Rhan 1xii.

Bydd gwybodaeth am drosglwyddo i’r ysgol uwchradd yn cael ei dosbarthu yn ystod tymor yr hydref trwy’r ysgolion cynradd, cyn bod eich plentyn i fod i fynd i’r ysgol uwchradd. Gofynnir i chi fynegi dewis am ysgol uwchradd erbyn diwedd tymor yr hydref drwy gyflwyno ffurflen gais ar-lein drwy wefan Cyngor Sir Penfro. Rydym yn eich annog yn gryf i restru hyd at dair ysgol yn nhrefn eich dewis ar eich ffurflen gais. Bydd pob cais a dderbynnir ar amser yn cael ei ystyried gyda’i gilydd a chewch wybod am y canlyniad ar ddyddiad y cynnig cyffredin. Mae gwybodaeth am sut rydym yn ystyried ceisiadau sy’n cael eu derbyn yn hwyr, ar ôl y dyddiad cau, ar gael yn Rhan 1x.

Rydym yn eich cynghori i beidio ag aros tan y funud olaf i gyflwyno’r cais rhag ofn y byddwch yn profi anawsterau technegol. Cofiwch hefyd, os nad ydych wedi derbyn e-bost yn cadarnhau eich cais, yna nid ydym wedi’i dderbyn ac felly nid yw wedi’i gyflwyno’n gywir.

Os oes mwy o geisiadau am leoedd nag sydd o leoedd ar gael, bydd y meini prawf gordanysgrifio yn cael eu cymhwyso.

Gellir tynnu’r cynnig am le mewn ysgol yn ôl os bydd rhiant yn rhoi gwybodaeth anghywir neu dwyllodrus wrth wneud cais am le. Efallai y bydd gofyn i chi ddarparu prawf o’ch cyfeiriad mewn cysylltiad â’ch cais am le ysgol, e.e. ar ffurf cytundeb tenantiaeth neu gytundeb prynu wedi’i lofnodi, biliau cyfleustodau diweddar, llythyr budd-dal plant neu gyfriflen banc (dyddiedig o fewn y tri mis diwethaf), wrth wneud cais am le ysgol.

Sylwch, os cyflwynir mwy nag un cais ar gyfer yr un disgybl, defnyddir y cais diweddaraf at ddibenion prosesu a bydd unrhyw geisiadau blaenorol yn cael eu canslo. Rydym yn annog rhieni i wirio gyda’r Tîm Derbyniadau cyn cyflwyno cais dyblyg oherwydd, os bydd cais newydd yn cael ei dderbyn ar ôl y dyddiad cau, bydd y cais newydd yn cael ei ystyried fel un hwyr a gall hyn effeithio ar y penderfyniad o ddyrannu lle i blentyn.

Gweler Rhan 2iii am ragor o wybodaeth am ddewisiadau rhieni.

Ni ddylech gymryd yn ganiataol y bydd mynychu unrhyw ddiwrnod neu noson agored/pontio ar gyfer darpar ddisgyblion uwchradd yn arwain at fynediad nac at ddarparu cludiant.

Cytunodd y Fforwm Derbyniadau, yn ei gyfarfod ar 13 Mehefin 2019, ym mhob achos o dderbyniadau i ysgolion uwchradd cymunedol a gwirfoddol a reolir o fis Medi 2019 ymlaen, y gellid torri amodau nifer y derbyniadau yn achos ceisiadau a dderbynnir gan ddisgyblion o fewn y dalgylch. Fodd bynnag, mae’n ofynnol i’r Swyddog Derbyniadau drafod pob achos gyda’r pennaeth perthnasol.

ID: 10735, adolygwyd 11/06/2026

Atodiad 1 Cysylltiadau gwefan Cyngor Sir Penfro (2026-2027)

Cynhwysiant ac Anghenion Dysgu Ychwanegol

Mae'r gwasanaeth cynhwysiant yn hybu cyflawniad a lles ar gyfer pob plentyn a pherson ifanc. Yn ei hanfod, mae'n golygu gwneud yn siŵr bod pob plentyn a pherson ifanc yn cael mynediad at yr un cyfleoedd a gwasanaethau â phawb arall ac yn derbyn addysg o safon uchel, sy'n eang, yn gytbwys ac yn berthnasol i ddiwallu eu hanghenion unigol. Mae'r strategaeth cynhwysiad yn nodi y gall ac y dylai'r rhan fwyaf o ddysgwyr oedran ysgol gael eu haddysgu gydag eraill o'u hoedran eu hunain yn eu hysgol gymunedol leol sydd wedi'i chyfarparu'n briodol ac yn addas i'r diben. Os hoffech rywfaint o gyngor ac arweiniad cyffredinol am angen ychwanegol eich plentyn, dylech gysylltu â'r Gwasanaeth Partneriaeth Rhieni: pps@pembrokeshire.gov.uk drwy ffonio 01437 776354.

Gellir cael gwybodaeth bellach o wefan Gwefan Cyngor Sir Penfro

Gwasanaeth prydau ysgol

Darperir prydau ysgol gan dîm arlwyo Cyngor Sir Penfro.

Bwydlenni a gwybodaeth bellach

Gwybodaeth am brydau ysgol am ddim

Trafnidiaeth Addysg

Mae dyletswydd statudol ar Gyngor Sir Penfro (fel yr Awdurdod Lleol) i ddarparu cludiant am ddim ar gyfer disgyblion o oedran ysgol gorfodol i’w hysgol ddalgylch neu eu hysgol a gynhelir agosaf sy’n addas os ydynt yn byw dros y pellter cerdded statudol.

Darperir cludiant am ddim yn ôl y Mesur Teithio gan ddysgwyr Cymru Mesur-Canllawiau Gweithredol a pholisi cludiant i'r ysgol Cyngor Sir Penfro gellir cael gwybodaeth bellach o'r dudalen tudalen cludiant ysgol ar wefan Cyngor Sir Penfro.

Rhestrau ysgolion

Dyddiadau tymor a gwyliau

ID: 10737, adolygwyd 26/02/2026

Atodiad 2 Egluro’r derminoleg (2026-2027)

Blwyddyn Academaidd

Blwyddyn Ysgol sy’n cychwyn ar Fedi 1af ac yn gorffen ar yr 31ain Awst canlynol.

Nifer Derbyn

Nifer y lleoedd ysgol y mae'n rhaid i'r awdurdod derbyn eu cynnig ym mhob grŵp oedran perthnasol mewn ysgol, sef yr awdurdod derbyn. Mae'r niferoedd derbyn yn seiliedig ar Reoliadau 'Mesur capasiti ysgolion yng Nghymru' ac maent yn ymwneud yn uniongyrchol â chapasiti'r ysgol.

Dalgylch

Yr ardal ddaearyddol y bwriadwyd i’r ysgol ei gwasanaethu.

Oedran Ysgol Gorfodol

Mae plentyn yn cyrraedd oedran ysgol gorfodol yn y tymor yn dilyn ei ben-blwydd yn 5 oed. Mae plentyn yn peidio â bod o oedran ysgol gorfodol os yw wedi cyrraedd 16 oed ar y dyddiad gadael ysgol rhagnodedig, neu cyn y flwyddyn ysgol nesaf, sef y dydd Gwener olaf ym mis Mehefin.

Cyngor Sir

Dyma’r corff llywodraeth leol sy’n gyfrifol am drefnu a chynnal gwasanaethau addysg. Cyngor Sir Penfro sy’n gyfrifol am hyn yn Sir Benfro. Mae’r Cyngor Sir yn cyflawni amrywiaeth o swyddogaethau statudol.

Cwricwlwm

Yr holl weithgareddau a chyfleoedd ar gyfer dysgu a ddarperir gan ysgol.

Ysgol a Gynhelir

Ysgol a ariennir ac a gynhelir gan Gyngor Sir Penfro (sef yr Awdurdod Addysg Lleol).

Ysgol nas Cynhelir neu Ysgol Annibynnol

Ysgol nad yw’n cael ei hariannu na’i chynnal gan Gyngor Sir.

Meithrin

Llefydd ysgol ar gyfer plant o’r tymor yn dilyn eu pen-blwydd yn 3 oed hyd nes iddynt ddod i oedran ysgol ar gyfer y dosbarth Derbyn.

Lle Ysgol Cynradd (Dosbarth Derbyn)

Bydd lle'r plentyn yn yr ysgol yn dechrau yn ystod tymor yr hydref ar ôl penblwydd y plentyn yn 4 oed.

Brodyr a chwiorydd

Disgyblion sydd â brodyr neu chwiorydd hŷn, hanner brodyr neu chwiorydd, llys frodyr neu chwiorydd, neu brodyr neu chwiorydd mabwysiadol neu faeth ac yn byw ar yr un aelwyd ar adeg eu derbyn.

Ysgol Wirfoddol a Gynorthwyir (yr Eglwys yng Nghymru neu’r Eglwys Gatholig)

Ysgol a gynhelir a sefydlwyd gan gorff gwirfoddol (fel arfer yr Eglwys yng Nghymru neu’r Eglwys Gatholig). Mae ysgolion a gynorthwyir yn rheoli eu derbyniadau eu hunain a’u maes llafur Addysg Grefyddol ac yn cyflogi eu gweithwyr eu hunain.

Ysgol Wirfoddol a Reolir

Mae hon yn ysgol a gynhelir lle mae Addysg Grefyddol yn cael ei darparu yn unol â maes llafur cytunedig yr Awdurdod. Gellir cynnig rhywfaint o hyfforddiant enwadol.

ID: 10739, adolygwyd 20/08/2025

Derbyniadau i Ysgolion yn Sir Benfro - Gwybodaeth i Rieni (2026-2027)

Gwasanaeth Derbyniadau i Ysgolion

I gael copi o’r cyhoeddiad hwn mewn Braille, print mwy, ar dâp sain neu mewn iaith arall ffoniwch Gyngor Sir Penfro ar (01437) 774551.

Noder: Mae’r wybodaeth yn y llyfryn hwn yn berthnasol ac yn gywir ar adeg ei gyhoeddi. Adolygir y llyfryn hwn yn flynyddol ac mae’n disodli’r holl fersiynau eraill. Efallai y bydd rhaid addasu polisi, rheoleiddio, darpariaeth neu adnoddau ar gyfer, neu yn ystod, y flwyddyn academaidd 2026/27.

Rhagair

Neges gan y Cyfarwyddwr Addysg 1 Medi 2025

Annwyl Riant neu Warcheidwad

Bwriad y llyfryn hwn yw eich cynorthwyo i wneud penderfyniadau pwysig ynglŷn â pha ysgol y gall eich plentyn fynychu.

Er mwyn hwyluso eich penderfyniad, rydym yn argymell eich bod yn ymweld ag ysgolion lleol, yn darllen prosbectws yr ysgol ac yn edrych ar wefan Fy Ysgol Leol (yn agor mewn tab newydd)

Cyn gwneud eich cais, defnyddiwch y gwiriwr cymhwyster cludiant i ystyried yr opsiynau cludiant sydd ar gael i chi. Gellir dod o hyd i’r gwiriwr cludiant yma – Gwiriwr cymhwyster cludiant

Er bod y rhan fwyaf o geisiadau’n llwyddiannus, nid yw’n bosib i bob cais lwyddo.

Pwrpas y llyfryn hwn yw esbonio’r broses o wneud cais, a’r broses o apelio os nad ydych yn llwyddo i gael eich dewis cyntaf. Dylech nodi nad yw’r ffaith bod plentyn yn cael ei dderbyn i ysgol yn awgrymu bod cludiant i’r ysgol honno ac oddi yno yn cael ei ddarparu.

Dymunaf bob llwyddiant i’ch plentyn yn y dyfodol.

Steven Richard-Downes

Cyfarwyddwr Addysg

Uned Rheoli Cofnodion

Uned 7

Ystad Dwyrain

Ffordd Withybush

Hwlffordd

SA62 4BW

Ffôn: 01437 764551

Gwefan Derbyniadau Ysgol

Siarter Lleol

Gwasanaeth Derbyn i Ysgolion

Ym mis Ebrill 2025 roedd 61 ysgol yn Sir Benfro yn gwasanaethu 9022 disgybl oedran cynradd llawn-amser a 850 rhan-amser, a 6988 disgybl oedran uwchradd. Cyngor Sir Penfro yw’r awdurdod derbyn ar gyfer Ysgolion cymunedol ac ysgolion gwirfoddol a reolir yn Sir Benfro ac mae'r Tîm derbyn yn delio â’r holl geisiadau am le i ysgolion a’r trosglwyddiadau, ac eithrio i ysgolion gwirfoddol a gynorthwyir. Yr Awdurdod Derbyn ar gyfer ysgolion gwirfoddol a gynorthwyir yw corf llywodraethu'r ysgol dan sylw.

Gallwch ddisgwyl:

derbyn cyngor dibynadwy a diduedd ynglŷn ag ysgolion a mynegi dewis
y bydd eich cais am le mewn ysgol yn cael ei drin yn deg ac yn effeithlon
y cynigir lle ichi mewn da bryd (yn amodol ar dderbyn eich cais mewn pryd)
lle yn yr ysgol o’ch dewis oni bai bod mwy o geisiadau na’r nifer derbyn yn caniatau mynediad. Os bydd hyn yn digwydd, bydd yr holl geisiadau yn cael eu hasesu yn erbyn y meini prawf gordanysgrifio
derbyn gwybodaeth am agweddau allweddol ar bolisïau'r Cyngor Sir ynglŷn â derbyniadau
cael gwybod sut i dderbyn prosbectws ysgol a sut i drefnu ymweliad ag ysgol a gwybodaeth berthnasol arall am ysgolion yn Sir Benfro
gwybodaeth ynglŷn â'r hawl i apelio i banel apelio annibynnol os na roddir lle i chi yn yr ysgol o’ch dewis
gweithdrefn gwyno agored, teg ac effeithiol os nad ydych yn fodlon ar y gwasanaethau a dderbyniwch

Gallwn ddisgwyl:

i rieni/ gwarcheidwaid i ddarparu’r holl wybodaeth angenrheidiol yn ôl y gofyn i gyflwyno ffurflen gais ac i gysylltu â’r tîm derbyniadau cyn gynted ag sy’n bosib os mae rhywbeth wedi’i nodi’n anghywir.
i rieni/ gwarcheidwaid i ddarllen y llyfryn yma ac felly i fod yn ymwybodol o'r ffordd yr ymdrinnir â cheisiadau ac o'r amserlenni dan sylw.
i rieni/gwarcheidwaid restru hyd at tair ysgol yn nhrefn eu dewis ar y ffurflen gais ar gyfer ceisiadau cylch arferol (Cynradd – h.y. mynediad i’r grŵp blwyddyn derbyn, ac Uwchradd – h.y. mynediad i Flwyddyn 7)

Os yw eich plentyn wedi cyrraedd oedran ysgol gorfodol ac nad ydych wedi cael lle yn yr ysgol o’ch dewis mae gennych hawl i apelio i banel apêl annibynnol. Mae gan unrhyw riant (ac eithrio un y mae ei blentyn wedi’i wahardd yn barhaol o ddwy ysgol) y gwrthodir lle i’w blentyn mewn ysgol, neu berson ifanc y gwrthodir lle iddo mewn chweched dosbarth ysgol, hawl statudol i apelio i banel apêl annibynnol (nid yw’r hawl hon I apelio’n ymestyn i geisiadau am addysg feithrin). Bydd gan rieni neu bobl ifanc hawl i apelio hefyd os cynigiwyd lle i blentyn neu berson ifanc ac y tynnwyd y cynnig hwnnw’n ôl.

Mae'n rhaid i chi gyflwyno eich apêl yn ysgrifenedig. Bydd manylion ynglŷn â sut i apelio yn y llythyr/ebost sy’n eich hysbysu am y penderfyniad ac mae’r manylion yn y llyfryn hwn hefyd. Os ydych yn anfodlon â’r gwasanaeth a ddarperir gallwch wneud cwyn swyddogol.

Cyfleoedd Cyfartal

Nid yw polisïau ac arferion y Cyngor Sir ynglŷn â derbyn a throsglwyddo disgyblion a darparu cludiant ysgol yn gwahaniaethol ac maent yn cydymffurfio a’r Ddeddf Cydraddoldeb 2010.

Mae gwybodaeth am addysgu Cymraeg a Saesneg yn ysgolion Sir Benfro yn Rhan 1, xvi.

Os ydych o’r farn eich bod wedi cael eich trin yn annheg o safbwynt cyfle cyfartal mewn perthynas â derbyn i ysgol neu gludiant ysgol cysylltwch â’r canlynol:

Derbyniadau:

David Thompson
Rheolwr Mynediad a Chydymffurfiaeth
Adran Addysg
Neuadd y Sir
Hwlffordd
Sir Benfro
SA61 1TP

Ffôn: 01437 764551
Ebost: admissions@pembrokeshire.gov.uk

Cludiant Ysgol:

Swyddog Trafnidiaeth Statudol
Trafnidiaeth & Amgylchedd
Neuadd y Sir
Hwlffordd
Sir Benfro
SA61 1TP

Ffôn: 01437 764551
Ebost: school.transport@pembrokeshire.gov.uk

Cwynion

Weithdrefn Gwyno, Canmol a Chyflwyno Sylwadau

Diogelu Data

Bydd y wybodaeth a roddir ar y ffurflen gais yn cael ei phrosesu yn unol â Deddf Diogelu Data 2018. Defnyddir y wybodaeth ar y ffurflen ar gyfer gweinyddu derbyniadau ysgol neu drosglwyddiadau.

Hysbysiad Prosesu Teg Derbyniadau

ID: 10712, adolygwyd 09/07/2026

Rhan 1 - Dewis a gwneud cais (2026-2027)

Ar y dudalen hon:

Pryd gall fy mhlentyn ddechrau’r ysgol?

Sut y gallaf gael lle mewn ysgol i’m plentyn tair oed?

Sut mae dewis ysgol i’m plentyn?

Sut mae gwneud cais am le i’m plentyn yn y Dosbarth Meithrin neu’r lle Cynradd?

Pryd dylwn i wneud cais am le yn yr ysgol o’m dewis?

A fydd fy mhlentyn yn gymwys i gael cludiant i’r ysgol?

A oes gan ysgolion derfyn ar nifer y disgyblion y gellir eu derbyn?

Sut mae lleoedd mewn ysgolion yn cael eu dyrannu?

Sut fydda i’n cael gwybod canlyniad fy nghais am le mewn ysgol?

Alla i wneud cais am ysgol y tu allan i Sir Benfro?

Beth yw Clystyrau Ysgolion?

Os byddaf yn colli’r dyddiad cau cyhoeddedig ar gyfer cyflwyno cais, sut bydd fy nghais yn cael ei drafod?

Beth os ydw i’n dymuno addysg dan ddylanwad yr Eglwys i’m plant?

Sut mae gwneud cais am Addysg Chweched Dosbarth?

Sut mae gwneud cais am Ysgol Arbennig Portfield a chanolfannau adnoddau dysgu mewn ysgolion (unedau atodedig)?

Canolfannau Cymraeg mewn Ysgolion Uwchradd

Pryd gall fy mhlentyn ddechrau’r ysgol?

Yn Sir Benfro gall plant gael eu derbyn yn rhan amser i ysgol gynradd ar ddechrau’r tymor yn dilyn eu pen-blwydd yn dair oed, ac yn llawn-amser ar ddechrau’r tymor yn dilyn eu pen-blwydd yn bedair. Sylwer fod addysg orfodol yn dechrau’r tymor yn dilyn eu pen-blwydd yn pump oed. Dyddiad pen-blwydd eich plentyn sy’n penderfynu pryd y gall ddechrau’r ysgol, ni waeth beth yw dyddiad dechrau’r tymor ac mae’r tabl isod yn dangos pryd y gall eich plentyn gael ei dderbyn i ysgol. Gellir dod o hyd i amserlen o ran Dyddiadau Cau a Hysbysiadau. Gall rhieni ddewis i ohirio dyddiad dechrau eu plentyn ar unrhyw adeg hyd nes bod y plentyn wedi cyrraedd oedran ysgol gorfodol, am ragor o wybodaeth cysylltwch â’r Swyddog Derbyn.

Mae’r rhan fwyaf o ysgolion Sir Benfro yn darparu ar gyfer disgyblion o 3+ oed a gall plant fynychu yn llawn-amser y tymor yn dilyn eu pedwerydd penblwydd, neu’n rhan-amser y tymor yn dilyn eu trydydd penblwydd. Cyfeiriwch at restr yr ysgol am ragor o wybodaeth. Pan fydd trefniadau’n bodoli rhwng ysgolion a darparwyr blynyddoedd cynnar preifat, gall disgyblion ddechrau yn yr ysgol ar ddechrau’r ail neu trydydd tymor yn dilyn penblwydd y plentyn yn dair oed.

Mae'r ysgolion y mae'r uchod yn berthnasol iddynt fel a ganlyn:-

Ysgolion gyda lleoedd meithrin mynediad ail dymor

Ysgol Gynradd Gymunedol Aberllydan

Ysgolion gyda lleoedd meithrin mynediad trydydd tymor

Ysgol Gynradd Gymunedol Maenclochog
Ysgol Gynradd Gymunedol Arberth
Ysgol Gynradd Gymunedol y Garn
Ysgol Gynradd Gymunedol Tafarn-sbeit
Ysgol Gynradd Gymunedol Tredemel
Ysgol Bro Preseli

Ysgolion gyda lleoedd meithrin mynediad amser llawn

Ysgol Gynradd Gatholig yr Enw Sanctaidd
Ysgol Gynradd Gymunedol Cas-mael
Ysgol Eglwyswrw

Mae’r gwybodaeth isod yn ganllaw i ddangos pryd y byddai plant i fod i ddechrau yn y dosbarth meithrin yn seiliedig ar eu dyddiadau geni a’r ysgol (fel uchod):

Ganwyd rhwng 01/09/2023 a 31/12/2023

Mynediad tymor cyntaf i’r dosbarth meithrin - Ion 27
Mynediad ail dymor i’r dosbarth meithrin - Ebrill 27
Mynediad trydydd tymor i’r dosbarth meithrin - Medi 27
Mynediad i’r dosbarth meithrin amser llawn - Ion 28

Ganwyd rhwng 01/01/2024 a 31/03/2024

Mynediad tymor cyntaf i’r dosbarth meithrin - Ebrill 27
Mynediad ail dymor i’r dosbarth meithrin - Medi 27
Mynediad trydydd tymor i’r dosbarth meithrin - Ion 28
Mynediad i’r dosbarth meithrin amser llawn - Ebrill 28

Ganwyd rhwng 01/04/2024 a 31/08/2024

Mynediad tymor cyntaf i’r dosbarth meithrin - Medi 27
Mynediad ail dymor i’r dosbarth meithrin - Ion 28
Mynediad trydydd tymor i’r dosbarth meithrin - Ebrill 28

Lle nad yw ysgolion yn derbyn disgyblion rhan-amser yn y tymor ar ôl eu trydydd pen-blwydd, bydd y ceisiadau yn dal i gael eu prosesu yn yr un garfan o blant yn ôl eu dyddiad geni a bydd yr awdurdod derbyn yn hysbysu rhieni o'r dyddiad cychwyn perthnasol ar gyfer yr ysgol benodol.

Nid yw’r gyfraith yn ei gwneud yn ofynnol i blentyn ddechrau addysg lawn-amser hyd nes dechrau’r tymor ysgol yn dilyn pen-blwydd y plentyn yn bump oed. Fodd bynnag, darperir lle llawn amser i ddisgyblion y tymor ar ôl pedair ac fe’u hanogir i fynychu’n llawn-amser er mwyn elwa’n llawn ar addysg a phrofiadau’r Cyfnod Sylfaen. Dangosir ystod oed pob ysgol ar Rhestr Ysgolion

Sut y gallaf gael lle mewn ysgol i’m plentyn tair oed?

Mae gan bob plentyn yng Nghymru yr hawl i gael lle addysg gynnar ran-amser am ddim mewn lleoliad blynyddoedd cynnar cymeradwy o’r tymor yn dilyn eu pen-blwydd yn dair oed a chyn cael mynediad amser llawn i’r ysgol (y tymor ar ôl eu pen-blwydd yn bedair oed).

Mae Cyngor Sir Penfro yn cytuno i ddarparu’r cyllid a geir gan Lywodraeth Cymru i gynnig isafswm o 10 awr o addysg ran-amser a ariennir mewn lleoliad cymeradwy yn ystod y tymor ysgol i bob plentyn 3-4 oed yn Sir Benfro. Gall rhieni ddewis manteisio ar hawl y plentyn naill ai mewn lleoliad a gynhelir neu leoliad nas cynhelir:

Lleoliad a gynhelir – dosbarth meithrin mewn ysgol sy’n cynnig 10 awr neu ragor yr wythnos o ddysgu sylfaen. I gael rhagor o wybodaeth am sut i wneud cais am le addysg rhan-amser mewn lleoliad a gynhelir, ewch i dudalen we derbyniadau ysgol Sir Benfro

neu

Lleoliad nas cynhelir – gallai hyn fod yn feithrinfa ddydd breifat, yn gylch chwarae, neu’n gylch meithrin sydd â statws cymeradwy ac sy’n cynnig hyd at 10 awr yr wythnos o addysg gynnar a ariennir dros o leiaf tri diwrnod. Gellir cael mynediad at hyn mewn dau leoliad.

O ran lleoliad nas cynhelir sydd â statws cymeradwy ac sy’n cael y cyllid, mae pob un:

wedi cofrestru gyda'r awdurdod addysg lleol i gyflwyno addysg gynnar
yn cael eu harolygu gan AGC ac Estyn yn rheolaidd
yn cael eu cefnogi gan athro cymwys yn rheolaidd
yn cyflogi staff a hyfforddwyd yn briodol

I gael rhagor o wybodaeth am sut i wneud cais am le addysg rhan-amser mewn lleoliad nas cynhelir, ewch i ‘10 awr o Addysg Gynnar wedi’i Hariannu – plant 3-4 oed ’

Cynnig Gofal Plant Cymru: Mae Cynnig Gofal Plant Cymru yn darparu 30 awr yr wythnos o addysg gynnar a gofal plant a ariennir gan y llywodraeth i rieni plant tair i bedair oed cymwys sy’n gweithio, am hyd at 48 wythnos o’r flwyddyn. I gael rhagor o wybodaeth, ewch i: Cynnig Gofal Plant Cymru

Dechrau’n Deg:

Gofal:

O'r tymor ar ôl eu hail ben-blwydd bydd pob plentyn yn cael cynnig lle mewn cylch chwarae cofrestredig Dechrau’n Deg am 12.5 awr yr wythnos dros bum niwrnod am hyd at 39 wythnos y flwyddyn.

Iechyd:

Lles eich plentyn sy'n dod gyntaf, bydd y tîm iechyd yn cynnig cymorth a chyngor ychwanegol drwy gydol y beichiogrwydd a phedair blynedd gyntaf bywyd eich plentyn.

Rhianta:

Mae Dechrau’n Deg yn cynnig amrywiaeth o wasanaethau cymorth rhianta lle mae rhieni yn cael cyngor a sgiliau, yn cyfnewid syniadau ac yn rhannu profiadau cyffredin drwy ein grwpiau strwythuredig a grwpiau anffurfiol fel plant bach a'u tylino babanod.

Datblygiad iaith cynnar:

Caiff datblygiad iaith cynnar ei gefnogi drwy amrywiaeth o weithgareddau gan gynnwys chwarae, crefftau, caneuon a storïau mewn lleoliad grŵp neu yn eich cartref.

Cysylltwch â Swyddog Gwybodaeth Dechrau’n Deg i weld a ydych yn gymwys ar gyfer y prosiect dechrau'n deg ar 01437 770004.

Sut mae dewis ysgol i’m plentyn?

Mae pob ysgol yn Sir Benfro yn gwasanaethu ardal ddiffiniedig, a elwir yn ddalgylch. I ddarganfod enw a lleoliad eich ysgol leol, nodwch gôd post eich cartref yn y cyfleuster chwilio 'gwasanaethau yn eich ardal' ar gwefan Cyngor Sir Penfro. Ar ôl dewis y cyfeiriad gwirioneddol ar y sgrin ddilynol, arddangosir rhestr o 'wasanaethau cyfagos'; Bydd gwasgu'r botwm 'ysgolion' yn dangos rhestr o'r holl ysgolion dalgylch ar gyfer y cyfeiriad dan sylw. Nid oes gwarant i dderbyn i'r ysgol a ddewiswyd, hyd yn oed os ydych yn byw yn y dalgylch.

Mae manylion yr ardal a wasanaethir gan bob ysgol ar gael yn yr ysgol, neu ar wefan y Cyngor Sir. Mae'r rhan fwyaf o ddisgyblion yn mynychu'r ysgol ddalgylch sy'n gwasanaethu eu hardal, ond efallai y byddwch yn mynegi dewis o ysgol wahanol. Cyn gwneud hynny, dylech ddarllen y clystyrau o ysgolion a gwybodaeth am drafnidiaeth ysgol, sy'n ystyried y goblygiadau addysgol a chludiant yn sgîl presenoldeb eich plentyn yn eich dewis ysgol.

Mae Rhestr o Ysgolion ar gael ar wefan y Cyngor Sir.

Mae hwn yn dangos y wybodaeth ganlynol (ar gyfer y flwyddyn ysgol flaenorol):

Categori iaith yr ysgol
Ystod oedran pob ysgol
Capasiti'r ysgol a'r nifer derbyn dilynol
Nifer y disgyblion ar y gofrestr
Nifer y ceisiadau ysgrifenedig a dderbyniwyd am leoedd yn yr ysgol
Nifer yr apeliadau llwyddiannus

Os ydych yn ystyried symud i ogledd-ddwyrain Sir Benfro, mae angen i chi fod yn ymwybodol mai'r Gymraeg yw prif gyfrwng bywyd a gwaith mewn ysgolion yn yr ardal honno.

Fe'ch cynghorir i gysylltu â'r ysgol yr ydych yn ei hystyried er mwyn cael copi o'u prosbectws a threfnu gyda'r pennaeth perthnasol i ymweld â'r ysgol cyn gwneud eich penderfyniad.

Sylwch – nid yw ymweliad yn gwarantu lle yn yr ysgol. Yn ogystal, gallwch gael gwybodaeth annibynnol am berfformiad ysgol drwy ymweld â gwefan ESTYN (yn agor mewn tab newydd) er mwyn gweld canfyddiadau ei hadroddiad arolygu diweddaraf. ESTYN yw Swyddfa Arolygiaeth ei Mawrhydi dros Addysg a hyfforddiant yng Nghymru – cewch hefyd ymweld â gwefan Fy Ysgol Leol (yn agor mewn tab newydd)

Sut mae gwneud cais am le i’m plentyn yn y Dosbarth Meithrin neu’r lle Cynradd?

Dylai Ceisiadau am leoedd ym mhob Ysgol yn Sir Benfro ar-lein drwy wefan y Cyngor erbyn y dyddiadau a nodir yn rhan 1v. Os nad oes gennych gyfrifiadur/gliniadur/tabled/ffôn clyfar, ewch i'ch llyfrgell leol neu'ch canolfan gwasanaethau cwsmeriaid i ddefnyddio'u cyfleusterau. Gall yr ysgol hefyd eich helpu i gwblhau'r ffurflen ar-lein. Mewn amgylchiadau eithriadol, er enghraifft, lle nad oes gan rieni gyfeiriad e-bost, mae ffurflenni copi caled ar gael gan y Tîm Derbyn.

Yn ôl y gyfraith, mae'n rhaid i bob cais am dderbyniad gael ei wneud drwy lenwi ffurflen gais (ar-lein). Nodwch nad yw dweud wrth bennaeth yr ysgol o'ch dewis yn ddigonol i sicrhau lle ac nad ydynt ychwaith yn gallu gwneud penderfyniad ar gynnig lle. Yn achos ysgolion gwirfoddol a gynorthwyir, bydd y swyddog derbyn yn rhannu manylion am geisiadau ysgol WG gyda'r pennaeth perthnasol er mwyn i bwyllgor derbyn corff llywodraethu'r ysgol wneud penderfyniad ynghylch a ellir cynnig lle ai peidio neu beidio.

Bydd cynigion i unrhyw ysgol sy'n gweithredu ar fwy nag un safle i'r ysgol ac nid i safle penodol. Mae'r safle y mae plant yn mynd iddo yn fater i drefniadaeth fewnol yr ysgol. Ni ellir apelio yn erbyn y safle a ddyrennir.

Efallai y gofynnir i chi ddarparu prawf o'ch cyfeiriad, e.e. ar ffurf tenantiaeth wedi'i llofnodi neu gytundeb prynu, biliau cyfleustodau diweddar, llythyr budd-dal plant neu gyfriflen banc (dyddiedig o fewn y tri mis diwethaf), wrth wneud cais am le mewn ysgol.

Byddem yn eich annog I fynegi dewis am fwy nag un Ysgol rhag ofn na ellir bodloni’r dewis cyntaf.Bydd pob ymgeisydd yn cael ei dderbyn i ysgol oni bai bod y nifer derbyn ar gyfer yr ysgol honno yn uwch. Yna bydd y Cyngor Sir yn dyrannu lleoedd yn ôl y meini prawf gordanysgrifio a ddangosir yn rhan 1viii.

Os caiff eich plentyn ei dderbyn i addysg feithrin mewn ysgol, nid yw hyn yn gwarantu lle i'ch plentyn mewn ysgol gynradd (dosbarth derbyn) rhaid i chi ailymgeisio am le mewn ysgol gynradd.

Mae dosbarth y flwyddyn dderbyn yn dechrau yn nhymor yr hydref (Medi) y flwyddyn academaidd y mae plentyn yn cyrraedd pump oed. Os bydd mwy o geisiadau yn dod i law na nifer y lleoedd cynradd sydd ar gael, bydd y meini prawf gordanysgrifio a eglurir yn cael eu cymhwyso.

Unwaith y bydd lle yn ysgol wedi’i gytuno, os ydych chi am ohirio mynediad i’r ysgol, rhaid gwneud y cais hwn yn ysgrifenedig (yn ddelfrydol drwy e-bost i admissions@pembrokeshire.gov.uk) i’r Swyddog Derbyniadau a dim ond o fewn y flwyddyn academaidd y gellir ei ohirio (oni bai ei fod ar gyfer y dosbarth derbyn – gweler isod). Fel arall, rhaid gwneud cais newydd. Rydym yn cynghori rhieni i drafod unrhyw gais o’r fath gyda’r ysgol. Fodd bynnag, heb gais ysgrifenedig i’r Swyddog Derbyniadau, ni fydd gohiriad yn cael ei gytuno. Os nad yw’r plentyn wedi dechrau yn yr ysgol o fewn pedair wythnos i’r dyddiad cychwyn y cytunwyd arno, bydd y lle yn cael ei dynnu’n ôl a bydd angen gwneud cais newydd.

Gall rhieni sy’n gwneud cais am le i’w plentyn mewn ysgol gynradd (grŵp y flwyddyn dderbyn yn ystod neu ar ôl y cylch derbyn arferol ar gyfer y lleoedd hyn) ofyn i dderbyniad gael ei ohirio nes bod eu plentyn wedi cyrraedd yr oedran ysgol gorfodol (y tymor yn dilyn pen-blwydd y plentyn yn bump oed). Os ganwyd eich plentyn yn nhymor yr haf, yna bydd yn mynd yn syth i Flwyddyn 1. Yn yr amgylchiadau hyn, bydd yr awdurdod derbyn yn cadw’r lle y cytunwyd arno i’r plentyn er mwyn sicrhau nad yw’r lle ar gael i blentyn arall. Fel uchod, rhaid gwneud y cais hwn yn ysgrifenedig (yn ddelfrydol drwy e-bost i admissions@pembrokeshire.gov.uk) i’r Swyddog Derbyniadau.

Gellir tynnu lle ysgol yn ôl os bydd rhiant yn rhoi gwybodaeth anghywir neu dwyllodrus wrth wneud cais am dderbyniad. Efallai y bydd gofyn i chi ddarparu prawf o'ch cyfeiriad mewn cysylltiad â'ch cais am le mewn ysgol.

Pryd dylwn i wneud cais am le yn yr ysgol o’m dewis?

Amserlen Cais Derbyniadau: Ysgolion Cymunedol a Gwirfoddol a Reolir

Darpariaeth	Plant a Aned Rhwng	Dyddiad dechrau ysgol	Dyddiad cau ar gyfer cyflwyno ysgol	Dyddiad yr hysbysiad	Dyddiad cau ymateb i'r cynnig	Dyddiad cau apeliadau
Lle dosbarth Meithrin	1 Medi 2023 i 31 Awst 2024	Ionawr, Ebrill neu Fedi 2027	30 Ebrill 2026	Erbyn diwedd Gorffennaf 2026	O fewn 21 diwrnod i dderbyn yr e-bost yn cynnig lle	Dim hawl apelio am derbyniadau Meithrin
Lle yng ngrŵp y flwyddyn derbyn	1 Medi 2021 i 31 Awst 2022	Tymor yr Hydref, Medi 2026	31 Ionawr 2026	16 Ebrill 2026	7 Mai 2026	O fewn 10 diwrnod gwaith o’r dyddiad hysbysu
Pontio i addysg uwchradd **	1 Medi 2014 to 31 Awst 2015	Tymor yr Hydref, Medi 2026	21 Rhagfyr 2025	2 Mawrth 2026	23 Mawrth 2026	O fewn 10 diwrnod gwaith o’r dyddiad hysbysu

* * Ni fydd yn ofynnol i ddisgyblion mewn 3-16 neu 3-19 o ysgolion wneud cais am drosglwyddo i'r elfen uwchradd mewn ysgolion o'r fath, fodd bynnag, os hoffent wneud cais am ysgol wahanol, bydd yr amserlenni hyn yn berthnasol * *

Gellir gwneud ceisiadau am leoedd mewn dosbarthiadau meithrin ac ysgolion cynradd unrhyw bryd. Ystyrir pob cais a dderbynnir erbyn y dyddiad cau gyda’i gilydd ac ni roddir unrhyw ffafriaeth i geisiadau cynnar. Bydd ceisiadau a dderbynnir ar ôl y dyddiad cau yn cael eu prosesu fel ceisiadau hwyr (gweler Rhan 1x) ac ni chânt eu hystyried nes bod y rhai a dderbynnir cyn y dyddiad cau wedi’u dyrannu. Gallai hyn leihau eich siawns o gael lle i’ch plentyn yn eich ysgol ddewisol. Er mwyn osgoi siom a chynyddu’r siawns o gael lle yn eich ysgol ddewisol, gwnewch yn siŵr eich bod yn cyflwyno’ch cais erbyn y dyddiad cau penodedig.

Rydym yn annog rhieni’n gryf i restru hyd at dri dewis ysgol ar eu ffurflen gais, yn nhrefn eu dewis, a byddem hefyd yn eich cynghori i beidio ag aros tan y funud olaf i gyflwyno’r cais rhag ofn y byddwch yn profi anawsterau technegol.

Sylwch, os cyflwynir mwy nag un cais ar gyfer yr un disgybl, defnyddir y cais diweddaraf at ddibenion prosesu a bydd unrhyw geisiadau blaenorol yn cael eu canslo. Rydym yn annog rhieni i wirio gyda’r Tîm Derbyniadau cyn cyflwyno cais dyblyg oherwydd os bydd cais newydd yn cael ei dderbyn ar ôl y dyddiad cau bydd y cais newydd yn cael ei ystyried fel un hwyr a gall effeithio ar y penderfyniad o ddyrannu lle i blentyn ai peidio.

A fydd fy mhlentyn yn gymwys i gael cludiant i’r ysgol?

Fe’ch cynghorir i wirio a ydych yn gymwys i gael cludiant am ddim cyn i chi benderfynu i ba ysgol i anfon eich plentyn. Gallwch wirio a ydych yn gymwys i gael cludiant i’r ysgol ar y wefan cludiant ysgolion.

Dylid cyfeirio’r holl ymholiadau ynghylch cludiant yn uniongyrchol at yr Adran Gludiant trwy gysylltu â’r tîm Cludiant i’r Ysgol neu ffonio 01437 775222.

A oes gan ysgolion derfyn ar nifer y disgyblion y gellir eu derbyn?

Oes. Mae gan bob ysgol uchafswm ac ar sail hwnnw cyfrifir y Nifer Derbyn. Rhaid i bob ysgol dderbyn disgyblion hyd at eu nifer derbyn cyhoeddedig.

Bydd y nifer derbyn yn adlewyrchu capasiti'r ysgol ar gyfer pob grŵp blwyddyn a chaiff eich plentyn le mewn ysgol os nad yw'r grŵp blwyddyn yn llawn. Os yw'r nifer o geisiadau i ysgol yr un fath neu'n llai na'r nifer derbyn, bydd pob ymgeisydd yn cael ei dderbyn. Os bydd nifer y ceisiadau yn fwy na'r nifer derbyn, caiff pob cais ei asesu yn erbyn y meini prawf gordanysgrifio a'r lleoedd a ddyfernir yn unol â hynny

Sut mae lleoedd mewn ysgolion yn cael eu dyrannu?

Cyngor Sir Penfro yw’r Awdurdod Derbyn ar gyfer yr holl ysgolion cymunedol a gwirfoddol a reolir yn Sir Benfro. Mae polisi derbyn a meini prawf gordanysgrifio'r Cyngor a welir isod yn berthnasol i’r holl Ysgolion Cymunedol a Gwirfoddol a Reolir yn Sir Benfro.

Bydd plant yn cael eu derbyn i’r ysgol a ddewiswyd pan fo darpariaeth a lle yn caniatáu. Os oes mwy o geisiadau am fynediad i Ysgolion cymunedol a gwirfoddol a reolir na’r llefydd sydd ar gael, bydd y Cyngor Sir yn defnyddio’r meini prawf gordanysgrifio canlynol (wedi’u gweithredu yn ôl eu trefn) i flaenoriaethu ceisiadau rhieni sydd wedi dewis yr ysgol:

Meini Prawf Gordanysgrifio ar gyfer Ysgolion Cymunedol a Gwirfoddol a Reolir yn Nhrefn Blaenoriaeth

Disgyblion sy’n Derbyn Gofal ar hyn o bryd ac a fu’n derbyn gofal yn flaenorol gan awdurdodau yng Nghymru a Lloegr yn unol ag A.22 Deddf Plant 1989 fel y’i diwygiwyd gan Reoliadau Deddf Gwasanaethau Cymdeithasol a Llesiant (Cymru) 2014 (Diwygiadau Canlyniadol) 2016.
Disgyblion â datganiad o Anghenion Addysgol Arbennig/CDU sy'n enwi'r Ysgol
Anghenion dysgu ychwanegol, meddygol, neu seicolegol eithriadol (nodyn a)
Disgyblion sy’n byw yn nalgylch yr ysgol, sydd â sibling o oedran ysgol gorfodol, yn yr ysgol, ar adeg eu derbyn (nodyn b)
Disgyblion sy'n byw yn nhalgylch yr ysgol sydd wedi mynd i ysgol fwydo (gweler nodyn c)
Disgyblion sy'n byw yn nhalgylch yr ysgol
Disgyblion Disgyblion sy’n byw y tu allan i ddalgylch yr ysgol, sydd â sibling o oedran ysgol gorfodol, yn yr ysgol, ar adeg eu derbyn (nodyn b)
Disgyblion sy'n byw y tu allan i ddalgylch yr ysgol sydd wedi mynd I ysgol fwydo (gweler nodyn d)
Disgyblion sy'n byw y tu allan i ddalgylch yr ysgol

N.B. Pan fo Datganiad Anghenion Arbennig Addysgol/CDU sydd yn enwi ysgol penodol, rhaid cynnwys y manylion priodol wrth gwblhau'r cais. Mae ceisiadau o'r fath yn cael eu trin ar wahan.

Nodiadau

a) Gall anghenion meddygol neu seicolegol fod ar gyfer y plentyn neu ei rieni. I'w hystyried o dan y maen prawf hwn rhaid i rieni ddarparu tystiolaeth ategol annibynnol ar adeg y cais sy'n nodi pam mai'r ysgol a ffefrir yw'r ysgol fwyaf addas ar gyfer y plentyn a'r anawsterau a achosid pe bai'n rhaid i'r plentyn fynychu ysgol wahanol

Byddai tystiolaeth ategol a fyddai'n cael ei hystyried yn briodol yn cynnwys:

Llythyr neu adroddiad gan un o'r gweithwyr iechyd proffesiynol cofrestredig canlynol; Ymgynghorydd arbenigol, pediatregydd cymunedol, seicolegydd, seicolegydd addysg, seiciatrydd, ffisiotherapydd, therapydd galwedigaethol. Rhaid i'r llythyr neu'r adroddiad fod yn seiliedig ar wybodaeth y gweithiwr proffesiynol ei hun am gyflwr ac amgylchiadau'r plentyn/rhiant.
Llythyr neu adroddiad gan weithiwr proffesiynol gwaith cymdeithasol cofrestredig y mae'n rhaid iddo fod yn seiliedig ar ei wybodaeth ei hun am gyflwr ac amgylchiadau'r plentyn/rhiant.

Ni roddir blaenoriaeth o dan y maen prawf hwn os na chyflwynir y dystiolaeth ofynnol ar yr adeg ymgeisio.

a) Mae'n rhaid i wasanaeth cynhwysiad yr awdurdod lleol gadarnhau anghenion dysgu ychwanegol.

b) Bod brawd neu chwaer yn golygu brawd neu chwaer llawn, hanner neu gam, neu blant a fabwysiedir neu a gaiff eu maethu, sy'n byw ar yr un aelwyd ar adeg eu derbyn.

c) Ysgol gynradd yw ysgol sy'n bwydo o fewn yr un 'clwstwr o ysgolion' fel ysgol uwchradd.

Pan fydd dewisiadau yn fwy na'r lleoedd sydd ar gael, rhoddir blaenoriaeth o dan bob categori gordanysgrifio i frodyr neu chwiorydd biolegol lluosog (e.e. gefeilliaid neu dripledi). Os yw'r plentyn olaf i gael ei dderbyn hyd at y nifer derbyn yn un o enedigaeth luosog, yna bydd yr awdurdod hefyd yn derbyn y brodyr/chwiorydd eraill.

Ar gyfer y categorïau gordanysgrifio sy'n cynnwys meini prawf brodyr a chwiorydd (categorïau 4 & 7), os yw'r dewisiadau yn fwy na'r lleoedd sydd ar gael rhoddir blaenoriaeth i frodyr a chwiorydd biolegol lluosog ac yna i'r disgyblion hynny sydd agosaf at oed y brawd neu'r chwaer sydd eisoes yn yr ysgol (h.y. byddai disgybl â brawd neu chwaer ym mlwyddyn 3 yn cael blaenoriaeth uwch na disgybl â brawd neu chwaer ym mlwyddyn 6. Ar gyfer derbyn i ysgol uwchradd byddai disgybl sydd â brawd neu chwaer ym mlwyddyn 9 yn cael blaenoriaeth uwch gan ddisgybl â brawd neu chwaer ym mlwyddyn 11).

Yn achos 3-16 neu 3-19 o ysgolion, ni fydd disgybl sydd â brawd neu chwaer mewn cyfnod ar wahân yn bodloni'r meini prawf yng nghategorïau 4 a 7 yn rhinwedd y ffaith bod gan yr ysgol niferoedd derbyn ar wahân ar gyfer cyfnodau cynradd ac uwchradd (e.e. disgybl oedran cynradd â brawd neu chwaer oed uwchradd yn yr un ysgol).

Yn achos cwlwm, cynigir llefydd i'r disgyblion sy'n byw agosaf at yr ysgol, wedi'i fesur yn ôl y pellter cerdded byrraf o'r gât ysgol agosaf sydd ar gael hyd at y pwynt lle mae annedd breifat y disgybl yn cwrdd â'r briffordd gyhoeddus.

Mae'r Cyngor Sir yn defnyddio system gwybodaeth ddaearyddol (GIS) i gyfrifo pellterau o'r cartref i'r ysgol mewn milltiroedd. Cyfrifir y llwybr byrraf gan ddefnyddio data'r Arolwg Ordnans (AO) lle mae cartref yr ymgeisydd yn cwrdd â'r briffordd gyhoeddus hyd at y pwynt lle mae mynedfa agosaf yr ysgol yn cyrraedd y briffordd gyhoeddus. Penderfynir ar gyfesurynnau cyfeiriad cartref yr ymgeisydd gan ddefnyddio data'r AO a rhestr eiddo. Os bydd anghydfod ynghylch unrhyw bellterau, mae swyddog yn mesur y pellter gan ddefnyddio cerbyd sydd ag odomedr wedi'i galibro.

Mae'n bwysig bod pob cais yn cyrraedd erbyn y dyddiadau gosod fel y gellir eu hystyried gyda'i gilydd a bod y meini prawf ar gyfer gordanysgrifioyn cael eu cymhwyso'n deg a chyfartal ym mhob achos. Bydd hyn hefyd yn golygu y gellir ymdrin ag unrhyw apeliadau yn brydlon a chaniatáu i'r penderfyniad gael ei wneud mewn da bryd cyn y disgwylir i'r plentyn ddechrau yn yr ysgol. Ni roddir blaenoriaeth i geisiadau cynnar – caiff pob cais a dderbynnir erbyn y dyddiad cau cyhoeddedig ei ystyried gyda'i gilydd.

Lle ceir cyfrifoldeb rhiant a rennir ar gyfer plentyn, a bod y plentyn hwnnw yn byw gyda'r ddau riant neu unigolyn sydd â chyfrifoldeb rhiant cyfreithiol am ran o'r wythnos, nodir y brif breswylfa fel y cyfeiriad lle mae'r plentyn yn byw am y rhan fwyaf o’r wythnos ysgol (h.y. tri allan o bum diwrnod) neu'r cyfeiriad lle telir y budd-dal plant

Os na fydd y cyngor sir yn gallu cynnig lle i blentyn yn ei ysgol ddewisol yn ystod y cylch derbyn arferol (cynradd ac uwchradd) oherwydd gordanysgrifio, caiff enw eich plentyn ei ychwanegu at y rhestr aros hyd at 30 Medi yn y flwyddyn ysgol y mae wedi gwneud cais amdani. Wedi hynny, cyfrifoldeb y rhiant yw cyflwyno cais arall. Rhoddir blaenoriaeth i unrhyw leoedd sy'n dod yn wag yn ôl y meini prawf gordanysgrifio a nodir uchod ac nid yn ôl y dyddiad y cyflwynwyd y cais gwreiddiol am le.

Gweler Atodiad 4 am y meini prawf ar gyfer gordanysgrifio am ysgolion Gwirfoddol a Gynorthwyir.

Sut fydda i’n cael gwybod canlyniad fy nghais am le mewn ysgol?

Byddwch yn derbyn hysbysiad gan Swyddog Derbyniadau’r cyngor sir ar y dyddiad cynnig cyffredin – gweler Rhan 1v am yr Amserlen Derbyniadau, a fydd yn rhoi canlyniad unrhyw gais am le. Lle cynigir lle, gall rhieni dderbyn drwy’r ddolen yn yr e-bost cynnig a anfonwyd gan y system derbyniadau.

Os nad oes angen y lle ysgol arnoch mwyach, defnyddiwch y ddolen yn yr e-bost cynnig i ‘wrthod’ y lle, neu fel arall ysgrifennwch i hysbysu’r Swyddog Derbyniadau (trwy e-bost i admissions@pembrokeshire.gov.uk) cyn gynted â phosibl.

Os bydd eich cais yn cael ei wrthod, bydd yr e-bost/llythyr a gewch yn amlinellu’r rhesymau dros benderfyniad o’r fath, yn rhoi gwybod bod enw eich plentyn wedi’i ychwanegu at y rhestr aros, ac yn cynnwys gwybodaeth ynghylch eich hawl i apelio yn erbyn y penderfyniad – gweler ‘Beth yw fy hawliau i apelio?’

Sylwch nad oes hawl apelio ar gyfer ceisiadau Meithrin (h.y. plant nad ydynt o oedran ysgol gorfodol).

Os byddaf yn colli’r dyddiad cau cyhoeddedig ar gyfer cyflwyno cais, sut bydd fy nghais yn cael ei drafod?

Bydd ceisiadau hwyr am leoedd, h.y. ceisiadau a dderbynnir ar ôl y dyddiad cau, a amlinellir yn Rhan 1v (oni bai fod rhesymau eithriadol pam fod y cais yn hwyr, y mae’n rhaid eu hesbonio adeg y cais), yn cael eu prosesu ar ôl y dyddiadau cynnig cyffredin cyhoeddedig, ac o fewn 15 diwrnod ysgol / 28 diwrnod calendr (pa un bynnag sydd gyntaf) o’r dyddiad hwnnw, neu, os cânt eu derbyn yn hwyrach, yna o fewn 15 diwrnod ysgol / 28 diwrnod calendr (pa un bynnag sydd gyntaf) ar ôl y dyddiad y cyflwynir y cais. Bydd ceisiadau’n cael eu hystyried ar sail y dyddiad y’u derbyniwyd a’r meini prawf gordanysgrifio, gan ystyried y lleoedd presennol a’r lleoedd a ddyrannwyd a niferoedd y disgyblion posibl ar yr adeg y gwneir y cais. Os yw eich ysgol ddewisol wedi’i gordanysgrifio, hyd yn oed os ydych chi’n gwneud cais i’ch plentyn fynychu ysgol y dalgylch, rydych yn llai tebygol o gael dyraniad lle os yw eich cais yn hwyr.

Rydym yn eich annog yn gryf i beidio ag aros tan y funud olaf i wneud cais am le mewn ysgol rhag ofn i chi brofi anawsterau technegol. Cofiwch hefyd, os nad ydych wedi derbyn e-bost yn cadarnhau eich cais, yna nid ydym wedi’i dderbyn ac felly nid yw wedi’i gyflwyno’n gywir.

Os byddwch yn newid eich meddwl am eich ysgol ddewisol ar ôl cyflwyno eich cais gwreiddiol, bydd rhaid i chi lenwi ffurflen gais newydd ar-lein. Os gwneir y cais hwn ar ôl y dyddiad cau cyhoeddedig, yna bydd eich cais am y dewis newydd yn cael ei drin fel cais hwyr, hyd yn oed os daeth eich cais gwreiddiol i law mewn pryd. Mae'r un peth yn wir os byddwch yn cyflwyno cais dyblyg ar ôl y dyddiad cau cyhoeddedig.

Alla i wneud cais am ysgol y tu allan i Sir Benfro?

Ie, ond yn yr achos hwn, dylech wneud cais i'r Cyngor Sir sy'n cynnal yr ysgol o'ch dewis. Mae pob Cyngor Sir yn llunio llyfryn gwybodaeth i rieni ac yn cynnwys meini prawf a chanllawiau ymgeisio.

Os ydych yn dymuno gwneud cais am le mewn ysgol yn un o'r siroedd Ardaloedd Cyngor cyfagos, dylid gwneud ceisiadau ar-lein i'r awdurdod priodol:

Sir Gaerfyrddin (yn agor mewn tab newydd)

Cyfarwyddwr Addysg a Gwasanaethau Plant
Cyngor Sir Caerfyrddin
Rhan Addysg a Phlant
Adeilad 2
Parc Dewi Sant
Heol Ffynnon Job
Caerfyrddin
SA31 3HB
Ffôn: 01267 246500

Ceredigion (yn agor mewn tab newydd)

Cyfarwyddwr Addysg a Gwasanaethau Cymunedol
Cyngor Sir Ceredigion
Rhan Addysg a Gwasanaeth Cymunedol
Canolfan Rheidol
Rhodfa Padarn
Llanbadarn Fawr
Aberystwyth
SY23 3UE
Ffôn: 01970 617911

Beth yw Clystyrau Ysgolion?

Mae ysgolion yn Sir Benfro yn gweithredu ar sail 'clwstwr ysgolion' ac mae cydweithredu agos rhyngddynt. Nôd model y clwstwr ysgolion yw cryfhau’r cysylltiadau rhwng ysgolion mewn ffordd sy’n sicrhau cynnydd, parhad a chynhaliaeth i ddisgyblion wrth iddynt symud trwy wahanol gyfnodau eu haddysg. Mae plant fel arfer yn trosglwyddo i’r ysgol gyswllt yn y clwstwr ysgolion. Mae rhai ysgolion cynradd yn 'bwydo' mwy nag un ysgol uwchradd oherwydd bod eu dalgylchoedd yn gorgyffwrdd.

Noder bod derbyniad i ysgolion uwchradd yn seiliedig ar a yw eich cyfeiriad cartref yn nalgylch yr ysgol uwchradd ai peidio ac nid yr ysgol gynradd a fynychwyd. Felly, lle mae disgybl wedi mynychu ysgol gynradd nad yw’n ysgol ddynodedig ei ddalgylch, mae tebygolrwydd uwch na fydd yn cael ei dderbyn i’r un ysgol uwchradd â’i gyfoedion a’i gyd-ddisgyblion. Mewn llawer o achosion, ni fydd y materion hyn yn berthnasol, ond gan eu bod wedi achosi anawsterau i rieni yn y gorffennol, argymhellir eich bod yn ystyried ac wedi cynllunio ar gyfer digwyddiadau o’r fath cyn gwneud eich dewis o ysgol gynradd yn derfynol.

Beth os ydw i’n dymuno addysg dan ddylanwad yr Eglwys i’m plant?

Mae gwybodaeth gyffredinol am ysgolion yr Eglwys yng Nghymru ac ysgolion Catholig ar gael gan y Cyfarwyddwr Addysg Esgobaethol briodol. Dyma’r cyfeiriadau a’r manylion cyswllt:

Yr Eglwys yng Nghymru

Y Parch John Cecil
Cyfarwyddwr Addysg yr Esgobaeth
Y Ficerdy
Steynton
Aberdaugleddau
SA73 1AW

Ffôn: 01646 692974

Ebost: CecilJ7@hwbcymru.net

Yr Eglwys Gatholig

Mr Paul White
Cyfarwyddwr Addysg yr Esgobaeth
27 Heol y Cwfaint
Abertawe
SA1 2BX

Ffôn: 01792 652757

Ebost:education@menevia.org

Dylid cyflwyno ceisiadau am lefydd mewn ysgolion Gwirfoddol a Gynorthwyir ar-lein gan ddefnyddio gwefan y Cyngor Sir. Fodd bynnag, mae cyrff llywodraethol yr ysgolion yma yn gyfrifol am wneud penderfyniadau ar materion derbyn. Mae gan yr ysgolion hyn eu meini prawf gordanysgrifio eu hunain, a cheir manylion y rhain yn Atodiad 3.

Sut mae gwneud cais am Addysg Chweched Dosbarth?

Mae derbyniadau i ddosbarthiadau chwech ysgolion uwchradd yn rhan o ymbarél y Cyngor Sir yn rhinwedd y ffaith mai hi yw'r awdurdod derbyn ar gyfer yr holl ysgolion cymunedol a gwirfoddol a reolir. Fodd bynnag, dirprwyir y trefniadau o ddydd i ddydd ar gyfer gweinyddu ceisiadau o'r fath i'r ysgol uwchradd berthnasol. Dylid trafod trefniadau derbyn i addysg chweched dosbarth gyda'r ysgol unigol. Bydd yr ysgol yn rhoi ffurflen gais i chi. Os bydd eich cais yn aflwyddiannus, rhoddir manylion yn y llythyr gwrthod ar sut i apelio.

Sut mae gwneud cais am Ysgol Arbennig Portfield a chanolfannau adnoddau dysgu mewn ysgolion (unedau atodedig)?

Bydd gwasanaeth cynhwysiant yr awdurdod yn ymdrin â derbyniadau i Ysgol Arbennig Portfield – a chanolfannau adnoddau dysgu dynodedig sy'n gysylltiedig ag ysgolion prif ffrwd – ar sail lefel asesedig anawsterau dysgu ac anghenion cymhleth y disgyblion.

Os ydych yn byw yn Sir Benfro ar hyn o bryd a hoffech wneud cais i’ch plentyn ymuno neu drosglwyddo i’r uchod, fe’ch cynghorir i gysylltu â'r Gwasanaeth Partneriaeth Rhieni, a fydd yn gallu cynnig cyngor a chymorth i chi.

Os ydych ar fin symud i Sir Benfro, fe'ch cynghorir i gyfeirio at ein gwefan a sgrolio i lawr i'r wybodaeth a geir o dan adran “Proses Ymgeisio i Ysgolion wrth Symud i’r Sir” ar dudalen we Darpariaeth a lleoliadau arbenigol.

Addysgu Cymraeg a Saesneg mewn Ysgolion

Mae'r cyngor sir yn datgan ei gred yng ngwerth addysgol caffael dwy iaith. Nod y polisi dwyieithrwydd hwn yw addysgu disgyblion fel eu bod yn gwbl ddwyieithog wrth ddefnyddio'r Gymraeg a’r Saesneg wrth adael yr ysgol gynradd. Bydd hyn yn eu galluogi i gyfranogi’n llawn yn y gymuned ddwyieithog y maent yn rhan ohoni.

Mae’r cyngor yn dymuno sicrhau bod pob disgybl yn gallu cael gafael ar addysg cyfrwng Cymraeg o’r safon uchaf, ac mae ganddo weledigaeth glir o ran datblygu ac ehangu’r ddarpariaeth hon. Mae’r weledigaeth hon yn cael ei mynegi yng Nghynllun Strategol Cymraeg mewn Addysg y cyngor, ac mae wedi'i seilio ar yr egwyddorion allweddol canlynol, hy

Cydnabod hawl pob plentyn i ddysgu Cymraeg a hyrwyddo buddion dwyieithrwydd;
Cynyddu canran y disgyblion sy’n dewis addysg cyfrwng Cymraeg, a sicrhau ei bod ar gael i bob dysgwr o fewn pellter teithio sy'n rhesymol o’u cartrefi;
Adeiladu ar gyflawniadau'r gorffennol a hyrwyddo'r safonau academaidd uchaf posibl;
Y bydd dysgwyr sydd wedi mynychu lleoliad cyfrwng Cymraeg yn y cyfnod cynradd yn cael eu hannog i barhau â hyn, a disgwylir eu bod yn gwneud felly wrth drosglwyddo i'r cyfnodau allweddol sy'n dilyn yn y cyfnod uwchradd.

Mae addysg uwchradd cyfrwng Cymraeg bellach yn hygyrch i blant ym mhob rhan o Sir Benfro. Dyhead y cyngor yw bod hyn yn cael ei ailadrodd ar gyfer addysg gynradd.

Mae gan bob ysgol gategorïau iaith sy'n diffinio'r graddau y maent yn addysgu Cymraeg. Ar hyn o bryd, mae gan Sir Benfro economi gymysg o ysgolion Categori 3 cyfrwng Cymraeg, ysgolion Categori 2 dwy iaith, ysgolion trosiannol, ac ysgolion Categori 1 cyfrwng Saesneg. Amlinellir categorïau iaith cyfredol Llywodraeth Cymru yn Atodiad 5.

Gellir cael rhagor o wybodaeth am addysg cyfrwng Cymraeg yn Sir Benfro ar wefan Cyngor Sir Penfro.

Canolfannau Cymraeg mewn Ysgolion Uwchradd

Fel yr amlinellwyd uchod, mae datblygiad ac ehangiad addysg cyfrwng Cymraeg yn parhau i fod yn weledigaeth i ni. Rydym yn cydnabod pwysigrwydd creu cyfleoedd i holl ddisgyblion Sir Benfro ddod yn ddwyieithog. Mae gan Sir Benfro dair canolfan iaith. Eu hamcan yw darparu dysgu Cymraeg dwys i alluogi plant i gyrraedd y lefel o ruglder sydd ei hangen ar gyfer pontio i addysg ysgol cyfrwng Cymraeg.

Mae’r canolfannau iaith hyn yn gweithredu o Ysgol Bro Preseli, Ysgol Bro Gwaun ac Ysgol Caer Elen ac mae’r ddarpariaeth wedi’i thargedu at ddisgyblion Cyfnod Allweddol 2. Mae’r dair canolfan yn cefnogi unigolion sydd wedi dod i’r Gymraeg yn hwyr, gyda chwrs rhan-amser o ddwy flynedd sy'n canolbwyntio'n gryf ar ddatblygu sgiliau llafaredd, darllen ac ysgrifennu'r disgyblion. Datblygir y sgiliau hyn drwy ganolbwyntio ar batrymau iaith a geirfa sydd wedi'u seilio ar arfer yr ystafell ddosbarth, ac iaith fynegiannol, er mwyn cefnogi ymgartrefu naturiol y disgyblion i'w hysgolion. Mae staff y canolfannau iaith yn cyfathrebu ag ysgolion y disgyblion, a'u rhieni, yn rheolaidd er mwyn trafod eu cynnydd.

Oherwydd grant sy'n cefnogi trochi yn y Gymraeg a ddarperir gan Lywodraeth Cymru, bydd disgyblion blynyddoedd 7, 8 a 9 sy’n dechrau addysg cyfrwng Cymraeg, ac sydd wedi dod i’r Gymraeg yn hwyr, yn cael cynnig cymorth ychwanegol i hwyluso caffael sgiliau Cymraeg o'r cychwyn. Bydd y cymorth hwn ar gael hyd nes y daw’r grant i ben ym mis Mawrth 2025.

ID: 10717, adolygwyd 23/06/2026

Rhan 2 Polisau ar gyfraith (2026-2027)

Ar y dudalen hon:

Yn ôl y gyfraith, pa oed sydd yn rhaid i’m plentyn fod i fynychu’r ysgol?

Gall fy mhlentyn gael ei addysgu mewn grwp blwyddyn gwahanol?

Sut mae’r Cyngor Sir yn diwallu fy newis fel rhiant?

A oes terfyn ar faint y dosbarthiadau mewn ysgolion?

Pam mae angen i chi wybod am gyfrifoldeb rhiant dros fy mhlentyn?

Enw cyfreithiol/hysbys plentyn

Pa ddarpariaeth y byddwch yn ei gwneud ar gyfer personél Lluoedd Arfog y DU?

Pa ddarparieth sydd am deuluoedd Sipsiwn a Theithwyr?

Pa ddarpariaeth ydych chi’n ei gwneud ar gyfer Addysg Ddewisol yn y Cartref?

Beth yw hawliau plant o wledydd tramor?

Beth yw fy hawliau i apelio?

Pa gymorth ariannol y gallwn god yn gymwys i’w gael?

Cwricwlwm

Pa arholiadau cyhoeddus fydd fy mhlentyn yn eu cymryd?

Pa gostau y mae’n bosibl y bydd rhaid i mi eu talu?

Pa drefniadau diogelu sydd ar waith?

Yn ôl y gyfraith, pa oed sydd yn rhaid i’m plentyn fod i fynychu’r ysgol?

Rhaid i rieni plant rhwng 5 ac 16 oed sicrhau bod eu plant yn derbyn addysg llawn amser addas. Mae plentyn yn cyrraedd oedran ysgol statudol ar ddechrau'r tymor yn dilyn ei ben-blwydd yn bump oed. I'r gwrthwyneb, mae'n ofynnol i bob person ifanc aros mewn addysg hyd nes y bydd yn peidio â bod o oedran ysgol gorfodol; dyddiad gadael yr ysgol yw'r dydd Gwener olaf ym mis Mehefin yn y flwyddyn ysgol y mae'r plentyn yn cyrraedd 16 oed.

Gall fy mhlentyn gael ei addysgu mewn grwp blwyddyn gwahanol?

Mae gan yr awdurdod lleol canllawiau ar addysg pobl ifanc allan o’u hoed cronolegol. Mae'r ddogfen hon yn amlinellu'r gweithdrefnau y mae'n rhaid eu dilyn pan fydd angen ystyried dyrchafu neu ddal person ifanc yn ôl mewn addysg. Mae angen i rieni fynd at eu hysgol i gael trafodaethau ynghylch y pwnc hwn.

Ceir rhagor o wybodaeth am addysgu pobl ifanc allan o'u hoed cronolegol ar Wefan Gwasanaeth Cynhwysiant Sir Benfro

Os byddwch yn cyflwyno ffurflen gais derbyn sy’n cynnwys cais am addysgu eich plentyn mewn blwyddyn nad yw'r un peth â'i grŵp blwyddyn cronolegol, byddwn yn cysylltu â chi gyda’r wybodaeth uchod. Byddwn hefyd yn eich hysbysu y bydd eich cais yn cael ei ganslo, ac na ddylid cyflwyno unrhyw gais newydd hyd nes y dilynwyd y weithdrefn uchod.

Sut mae’r Cyngor Sir yn diwallu fy newis fel rhiant?

Mae'n ofynnol yn ôl y gyfraith i'r Cyngor Sir wneud trefniadau i rieni fynegi eu dewis o ran yr ysgol lle maent yn dymuno i'w plentyn gael ei addysgu, a rhoi cyfle iddynt roi rhesymau am eu dewis cyn i unrhyw leoedd gael eu cynnig. Rhaid i'r awdurdod derbyn gwrdd â'ch dewis os gall, ond gall rhai ffactorau atal hyn.

Mae'r rhain yn cynnwys:

defnydd effeithlon o adnoddau a llety
darparu addysg yn effeithlon
cyfyngiadau maint dosbarthiadau statudol

Mae gan bob ysgol nifer derbyn, sy'n cael ei defnyddio fel canllaw wrth benderfynu a yw unrhyw grŵp blwyddyn mewn ysgol yn llawn neu a oes lleoedd ar gael. Os oes mwy o geisiadau na lleoedd ar gael, yna cymhwysir y meini prawf gor-alw. Dangosir y nifer derbyn ar gyfer pob ysgol yn y Rhestr Ysgol

Gall rhieni fynegi dewis o ran addysg eu plentyn yn:

3 oed – dosbarthiadau/unedau blynyddoedd cynnar (meithrin) ynghlwm wrth ysgolion babanod neu gynradd (lle bo'r rhain ar gael). Mae plant tair oed yn mynychu'n rhan-amser yn unig
4-5 oed – ysgolion babanod neu adrannau babanod ysgolion cynradd (dosbarth derbyn)
11 oed - addysg uwchradd

Pan fydd rhiant yn dewis ysgol nad yw ysgol ddynodedig eu dalgylch na’r ysgol agosaf at y cartref, mae rhai materion ymarferol fel a ganlyn:

Y cyntaf yw, os nad yw plentyn yn mynychu ysgol y dalgylch neu’r ysgol agosaf at y cyfeiriad cartref a bod y penderfyniad hwn yn seiliedig ar ddewis rhieni, yna mae’r cyfrifoldeb, yn ogystal â’r gost, ar gyfer cludo’r disgybl i’r ysgol ac yn ôl yn nwylo’r rhieni/gofalwyr yn llwyr. Mae rhieni’n nodi y gall hyn fod yn broblem benodol os oes ganddyn nhw frawd neu chwaer iau wedyn nad yw’n cael eu derbyn i’r un ysgol. Felly, mae’n ddoeth ystyried a chynllunio ar gyfer y posibilrwydd hwn cyn gwneud cais ar gyfer eich plentyn.
Mae’r ail fater yn ymwneud â’r cam pan fydd disgyblion yn symud o’r ysgol gynradd i’r sector uwchradd. Mae derbyniad i ysgolion uwchradd yn seiliedig ar a yw’r cyfeiriad cartref yn nalgylch yr ysgol uwchradd ai peidio ac nid yr ysgol gynradd a fynychwyd. Felly, lle mae disgybl wedi mynychu ysgol gynradd nad yw’n ysgol ddynodedig ei ddalgylch, mae tebygolrwydd uwch na fydd yn cael ei dderbyn i’r un ysgol uwchradd â’i gyfoedion a’i gyd-ddisgyblion.

A oes terfyn ar faint y dosbarthiadau mewn ysgolion?

Oes. Mae'r gyfraith yn dweud, ar wahân i rai eithriadau prin iawn, na all unrhyw ddosbarth babanod (Cyfnod Sylfaen) gynnwys mwy na 30 o ddisgyblion yn cael eu haddysgu gan un athro/athrawes. Mae Llywodraeth Cymru hefyd wedi gosod targed na ddylai unrhyw ddosbarth iau fod yn fwy na 30 o ddisgyblion.

Pam mae angen i chi wybod am gyfrifoldeb rhiant dros fy mhlentyn?

Mae angen i'r awdurdod wybod pwy sydd â 'chyfrifoldeb rhiant ' am bob plentyn ac mae angen i'r sawl sy'n gwneud cais gadarnhau ei statws yn unol â hynny. Mae hyn er mwyn sicrhau bod awdurdod priodol yn cael ei roi pan fo angen caniatâd y rhieni ar yr ysgol. Bydd hefyd yn sicrhau y gellir darparu adroddiadau ysgol i bobl sydd â chyfrifoldeb rhiant nad ydynt yn byw gyda phlentyn, a'u bod yn cael cyfle i gymryd rhan yn addysg y plentyn, gan fod ganddynt hawl i gael yr wybodaeth hon oni bai bod Gorchymyn Llys penodol yn atal hynny.

Os oes gan fwy nag un person gyfrifoldeb rhiant dros blentyn, rhaid i'r person sy'n cwblhau'r cais am le mewn ysgol gymryd pob cam rhesymol i drafod a chytuno ar y cais gydag eraill sydd â chyfrifoldeb rhiant, lle mae eu lleoliad yn hysbys. Os na wyddys ble mae pobl eraill â chyfrifoldeb rhiant, dylid nodi hyn yn ysgrifenedig.

Pwy sydd â chyfrifoldeb rhiant am y plentyn?

Mamau sydd â chyfrifoldeb rhiant bob amser (oni bai bod Gorchymyn llys ar waith sy'n nodi na fydd yn cael y cyfrifoldeb mwyach e.e. mewn achosion mabwysiadu).
Mae gan dadau a oedd yn briod â'r fam cyn 2003 gyfrifoldeb rhiant.
Mae gan dadau hefyd gyfrifoldeb rhiant dros blentyn os cafodd y plentyn ei eni ar ôl 2003 a bod ei enw ar dystysgrif geni'r plentyn.

Gall tadau di-briod, llysrieni, perthnasau a pherson arall gael cyfrifoldeb rhiant ond nid ydynt yn ei gael yn awtomatig.

Gofynnir i'r rhieni gydweithredu â'r Swyddog Derbyniadau drwy roi manylion y bobl hynny sydd â chyfrifoldeb rhiant dros ddisgybl. Dylai ysgol eich plentyn gael gwybod am unrhyw newidiadau yn y trefniadau ar gyfer cyfrifoldeb rhiant neu ofal o ddydd i ddydd eich plentyn. Mae unrhyw gyfeiriad at rieni yn y llyfryn hwn yn cynnwys unrhyw un sydd â chyfrifoldeb rhiant cyfreithiol.

Gall y Cyngor Sir wneud cais am brawf o gyfrifoldeb rhiant a/neu dystysgrif geni'r plentyn, os yw'n ystyried bod angen gwneud hynny.

Sylwch, os bydd y Tîm Derbyn yn cael gwybod bod cais wedi’i gyflwyno heb ganiatâd yr holl bobl eraill sydd â Chyfrifoldeb Rhiant a heb iddynt gael eu henwi ar y ffurflen gais, neu fod unrhyw wybodaeth wedi’i rhoi’n dwyllodrus neu’n gamarweiniol, gallai hyn arwain at dynnu’r cais neu le mewn ysgol yn ôl yn gyfreithlon.

Enw cyfreithiol/hysbys plentyn

Enw cyfreithiol eich plentyn yw'r hyn a ddangosir ar ei dystysgrif geni. Gofalwch eich bod yn rhoi hwn ar bob ffurflen gais derbyn a throsglwyddo. Os yw eich plentyn yn cael ei adnabod wrth enw arall, yna dylid cynnwys hwn ar y ffurflenni perthnasol hefyd. Mae gweithdrefnau penodol i'w dilyn ar gyfer newid enw cyfreithiol plentyn, a gellir gwneud hyn drwy weithred pôl piniwn neu ddatganiad statudol. Dylech gymryd cyngor cyfreithiol cyn ystyried hyn a sicrhau bod ysgol eich plentyn yn cael gwybod am unrhyw newidiadau dilynol i enw cyfreithiol y plentyn drwy ddarparu copi o'r dogfennau perthnasol.

Pa ddarpariaeth y byddwch yn ei gwneud ar gyfer personél Lluoedd Arfog y DU?

Mae teuluoedd personél lluoedd arfog y DU a gweision eraill y Goron yn agored i gael eu symud yn aml o fewn y DU ac o dramor, yn aml ar fyr rybudd. O ganlyniad, ystyrir ceisiadau am leoedd ysgol ar gyfer y flwyddyn ysgol sydd i ddod os cânt eu hanfon ynghyd â llythyr swyddogol gan y Weinyddiaeth Amddiffyn neu'r Swyddfa Dramor a Chymanwlad yn datgan dyddiad dychwelyd. Yna bydd lleoedd mewn ysgolion yn cael eu dyrannu ymlaen llaw pe bai'r ymgeisydd yn bodloni'r meini prawf pan fydd yn symud i'r gyrchfan. Derbynnir hefyd gyfeiriadau post Uned ar gyfer ceisiadau gan bersonél y lluoedd arfog, yn absenoldeb cyfeiriad post cartref newydd.

Pa ddarparieth sydd am deuluoedd Sipsiwn a Theithwyr?

Ymdrinnir â cheisiadau derbyn a wneir mewn perthynas â phlant Sipsiwn a Theithwyr i ysgol yn Sir Benfro, p'un a ydynt yn byw'n barhaol neu dros dro yn yr ardal, cyn gynted â phosibl, er mwyn dyrannu'r ysgol agosaf sydd ar gael ac yn briodol.

Pa ddarpariaeth ydych chi’n ei gwneud ar gyfer Addysg Ddewisol yn y Cartref?

Gall rhieni ddewis addysgu eu plant gartref hefyd. Addysg Ddewisol yn y Cartref yw’r enw am hyn. Mae angen meddwl yn ofalus cyn penderfynu addysgu yn y cartref, gan ei fod yn ymgymeriad sylweddol o ran ymrwymiad, amser a chost. Cynghorir rhieni sy’n ystyried yr opsiwn yma i gysylltu â’r ALl, a cheisio arweiniad gan y Swyddog Addysg Ddewisol yn y Cartref ar 01437 764551. Mae rhagor o wybodaeth ar gael ar yr adran Addysg Ddewisol yn y Cartref ar wefan y Cyngor.

Beth yw hawliau plant o wledydd tramor?

Mae gan blant o dramor, p'un a ydynt yn mynd gyda rhieni neu ar eu pennau eu hunain, yr un hawliau i addysg â phlant dinasyddion Prydeinig. O ganlyniad, bydd y Cyngor Sir yn trin ceisiadau o'r fath ar gyfer derbyn i ysgolion yn yr un modd. Dylai'r awdurdod lleol sicrhau nad oes unrhyw oedi afresymol o ran sicrhau bod disgyblion sy'n ffoaduriaid ac yn ceisio lloches yn cael eu derbyn ac mae'n rhaid i arferion derbyn fod yn gymesur â'r hyn a gymhwysir at bob disgybl arall.

Beth yw fy hawliau i apelio?

Gellir cyflwyno apeliadau am geisiadau am le mewn Dosbarth Derbyn ac uwch. Gellir gwneud apeliadau trwy e-ffurflen neu'n ysgrifenedig i'r Cyfarwyddwr Addysg, gan nodi ar ba sail y gwneir hynny. Rhaid cyflwyno apeliadau o fewn 14 diwrnod (10 diwrnod gwaith) o’r hysbysiad bod eich cais am le ysgol yn aflwyddiannus. Mae ffurflen apelio ar gael ar wefan Cyngor Sir Penfro ynghyd â rhagor o wybodaeth am y broses apelio.

Unwaith y daw i law, bydd eich Apêl yn cael ei hystyried gan yr Awdurdod Derbyn ac os na roddir lle, caiff eich Apêl ei chyfeirio at y Gwasanaethau Cyfreithiol (sy'n gweithredu fel Clerc y panel apêl). Sylwch y gall yr Awdurdod Derbyn gysylltu gydag ysgol bresennol eich plentyn, a'r ysgol chi'n anfon cais am, i gadarnhau unrhyw wybodaeth a grybwyllir yn y ffurflen Apêl.

Gwrandewir ar apelau a'u hystyried gan y Panel Apeliadau Annibynnol o fewn 30 diwrnod ysgol i'r dyddiad cau a bennwyd ar gyfer derbyn apelau, neu cyn pen 30 diwrnod ysgol ar ôl i'r apêl gael ei derbyn yn ysgrifenedig os gwneir yr apêl y tu allan i'r derbyniadau a amserlennwyd Broses. Bydd apeliadau a dderbynnir yn ystod gwyliau'r haf yn cael eu clywed o fewn 30 diwrnod gwaith. Bydd gennych hawl i gyflwyno'ch achos i'r panel yn bersonol. Gall y panel ganiatáu i chi ddod â ffrind gyda chi neu gael eich cynrychioli; yn ogystal, caniateir i blant roi tystiolaeth pan fyddant yn dymuno gwneud hynny. Mae penderfyniad y Panel Apeliadau yn rhwymo'r Cyngor Sir ac ar gyrff llywodraethu ysgolion. Fodd bynnag, nid oes hawl i apelio ar gyfer derbyniadau meithrin.

Os gwrthodir lle i chi mewn ysgol wirfoddol a gynorthwyir, bydd yr ysgol dan sylw yn eich hysbysu o'r weithdrefn apelio.

Pa gymorth ariannol y gallwn god yn gymwys i’w gael?

Os bydd eich plentyn yn aros yn yr ysgol yn dilyn oedran gadael ysgol statudol, gall fod yn gymwys i gael Lwfans Cynhaliaeth Addysg Llywodraeth Cymru. Mae'r lwfans yn seiliedig ar brawf modd a bydd angen i chi roi manylion eich incwm. Mae ffurflenni cais ar gael o'r ysgol uwchradd y mae eich plentyn yn ei mynychu neu o wefan Lwfans Cynhaliaeth Addysg Cymru Gwefan Cyllid Myfyrwyr Cymru (yn agor mewn tab newydd)

Cwricwlwm

Yn ystod addysg gynradd ac yn nhair blynedd gyntaf addysg uwchradd, mae pob ysgol yn cynnig rhaglen eang a chytbwys, sy'n cynnwys holl bynciau'r Cwricwlwm Cenedlaethol. Y nod yw sicrhau llwyfan cadarn o sgiliau sylfaenol, gwybodaeth a dealltwriaeth a hyrwyddo datblygiad personol pob disgybl.

Mae Llywodraeth Cynulliad Cymru yn cyhoeddi llyfrynnau i rieni disgyblion cynradd ac uwchradd sy'n esbonio'r Cwricwlwm Cenedlaethol yng Nghymru a sut mae cynnydd disgybl yn cael ei fesur. Mae'r rhain ar gael o ysgol eich plentyn neu ar wefan Llywodraeth Cymru (yn agor mewn tab newydd)

Pa arholiadau cyhoeddus fydd fy mhlentyn yn eu cymryd?

Mae pob arholiad cyhoeddus sy'n cael ei drefnu ar gyfer eich plentyn yn cydymffurfio â gofynion cyfreithiol ac yn cael eu cymeradwyo gan y cymwysterau yng Nghymru, rheoleiddiwr cymwysterau heb radd a'r system gymwysterau yng Nghymru. Mae cymwysterau cymeradwy yn cael eu postio ar Cymwysterau yng Nghymru (yn agor mewn tab newydd)

Yr ysgol sy'n gwneud y penderfyniad i ddod â'ch plentyn i arholiadau cyhoeddus. Mae ffi i'w thalu am bob arholiad ac mae'r ysgol yn talu cost y ffi hon pan fydd eich plentyn yn cael ei gofrestru am y tro cyntaf. Os bydd eich plentyn yn methu arholiad heb reswm meddygol dilys, yna chi fydd yn atebol am y ffi. Yn yr un modd, efallai y byddwch yn atebol am dalu ffioedd am ailsefyll arholiadau. Fodd bynnag, bydd yr ysgol yn gallu rhoi rhagor o fanylion i chi am y materion hyn.

Bydd pob ysgol yn rhoi manylion canlyniadau eu harholiadau cyhoeddus i chi os gofynnwch iddynt. Yn ogystal â’r uchod, rhaid i ddysgwyr ym Mlynyddoedd 2 i 9 mewn ysgolion a gynhelir (gan gynnwys ysgolion cymunedol, gwirfoddol a gynorthwyir, gwirfoddol a reolir a sylfaen) sefyll yr asesiadau personol darllen a rhifedd o leiaf unwaith yn ystod y flwyddyn ysgol. Cymerir rhifedd mewn dwy ran: Rhifedd (Gweithdrefnol) a Rhifedd (Rhesymu). Mae rhagor o wybodaeth ar gael yma – yr wybodaeth ddiweddaraf gan Lywodraeth Cymru.

Pa gostau y mae’n bosibl y bydd rhaid i mi eu talu?

Yn ystod cyfnod eich plentyn yn yr ysgol, mae'r rhan fwyaf o'r gweithgareddau a gynigir gan ysgolion yn rhad ac am ddim. Fodd bynnag, ceir adegau pan fydd gofyn i chi gyfrannu at y costau. Gellir cael gwybodaeth am bolisi ysgol am daliadau a pheidio â chodi tâl ar gyfer gweithgareddau ysgol gan bennaeth yr ysgol dan sylw.

Pa drefniadau diogelu sydd ar waith?

Gofal a llesiant disgyblion yw prif flaenoriaeth pob ysgol. Mae pob aelod o staff ysgolion yn cadw at Weithdrefnau Diogelu Cymru er mwyn diogelu a hybu lles plant. Mae gan bob ysgol bolisi diogelu a bydd ganddynt Berson Diogelu Dynodedig sy’n gyfrifol am faterion diogelu ac am ymdrin â honiadau unigol o gam-drin.

Mae gan ysgolion ddyletswydd statudol i weithredu er lles pennaf y plentyn ac felly mae dyletswydd arnynt i wneud atgyfeiriad diogelu i’r Tîm Asesu Gofal Plant o fewn yr Adran Gwasanaethau Cymdeithasol os oes pryderon am les plentyn neu os oes honiad o gam-drin. Fel arfer, gofynnir am gytundeb rhiant ar gyfer atgyfeiriad, ond er mwyn amddiffyn plentyn weithiau bydd angen gwneud atgyfeiriad heb gytundeb rhiant neu mewn rhai achosion heb hysbysu’r rhieni. Mae hwn yn faes gwaith sensitif ac mae cefnogaeth rhieni yn bwysig pan fydd ysgolion yn gweithredu protocolau diogelu. Gallwn eich sicrhau bod staff yr ysgol yn gweithio gyda llesiant eich plentyn yn gadarn mewn cof. Mae ysgolion Sir Benfro yn gweithredu Polisi Atal Eithafiaeth a Radicaleiddio, sydd â’r bwriad o ddarparu fframwaith ar gyfer ymdrin â materion sy’n ymwneud â bod yn agored i niwed, radicaleiddio a dod i gysylltiad â safbwyntiau eithafol.

Mae holl ysgolion Sir Benfro’n cymryd rhan mewn mentrau gyda Heddlu Dyfed-Powys a elwir yn Ymgyrch Encompass ac Ymgyrch Endeavour. Mae Ymgyrch Encompass yn ymwneud â hysbysu ysgolion pan fo plentyn neu berson ifanc wedi gweld neu glywed neu wedi bod yn rhan o unrhyw ddigwyddiad cam-drin domestig. Mae Ymgyrch Endeavour yn ymwneud â hysbysu ysgolion pan roddwyd gwybod bod plentyn ar goll; bydd hyn hefyd yn cynnwys pan fo’r plentyn wedi cael ei ganfod.

Mae’r Pennaeth a’r UBD yn meddu ar wybodaeth lawn am y ddwy fenter ac yn gwybod sut i sicrhau bod plentyn a/neu ei deulu’n cael cefnogaeth ddigonol pan ydynt wedi gweld neu glywed neu wedi bod yn rhan o ddigwyddiad cam-drin domestig neu ddigwyddiad plentyn coll.

ID: 10711, adolygwyd 31/10/2025

Derbyniadau i Ysgolion yn Sir Benfro - Gwybodaeth i Rieni

Atodiad 3: Trefniadau derbyn a gyhoeddwyd ar gyfer 2026-2027

Atodiad 5: Addysgur Gymraeg ar Saesneg yn ysgolion Cynradd a Uwchradd Sir Benfro (2026-2027)

Ysgolion Cynradd

Categori iaith (1): Ysgol Cyfrwng Saesneg

Cwricwlwm

Iaith yr Ygsol

Canlyniadau

Categori iaith (TR2): Ysgol drosiannol

Cwricwlwm

Iaith yr Ygsol

Canlyniadau

Categori iaith (2): Dwy iaith

Cwricwlwm

Iaith yr Ygsol

Canlyniadau

Categori iaith (TR3): Ysgol drosiannol

Cwricwlwm

Iaith yr Ygsol

Canlyniadau

Categori iaith (3): Ysgol Cyfrwng Cymraeg

Cwricwlwm

Iaith yr Ygsol

Canlyniadau

Ysgolion Uwchradd

Categori iaith (1): Ysgol Cyfrwng Saesneg

Cwricwlwm

Iaith yr Ysgol

Canlyniadau

Categori iaith (2): Dwy iaith

Cwricwlwm

Iaith yr Ysgol

Canlyniadau

Categori iaith (3) Cyfrwng Cymraeg

Cwricwlwm

Iaith yr Ysgol

Canlyniadau

Categori iaith (3P): Cyfrwng Cymraeg Dynodedig

Cwricwlwm

Iaith yr Ysgol

Canlyniadau

Categori iaith: (T2 a T3): Is-gategorïau trosiannol

Cwricwlwm

Iaith yr Ysgol

Canlyniadau

Atodiad 4: Trefniadau derbyn a meini prawf gordanysgrifio ar gyfer Ysgolion Gwirfoddol a Gynorthwyir (2026-2027)

﻿Ysgol Wirfoddol a Gynorthwyir Sant Marc, Hwlffordd

Ein ysgol eglwysig

Datganiad cenhadaeth

Arwyddair

Y Rheoliad Cyffredinol ar Ddiogelu Data (GDPR)

CCUHP (Confensiwn y Cenhedloedd Unedig ar Hawliau’r Plentyn)

Polisi derbyn

Pryd gall fy mhlentyn ddechrau yn yr ysgol?

Mae pen-blwydd y plentyn rhwng

Ceisiadau

Meini prawf gordanysgrifio

Apeliadau

Dewis rhieni

Datglwm ar gyfer pob categori

Rhestr aros

Trosglwyddiadau rhwng ysgolion

Pa drefniadau diogelu sydd ar waith?

﻿

Ysgol Wirfoddol a Gwynorthwyir yr Eglwys yng Nghymru Sant Oswald, Jeffreyston

Bydd y polisi hwn yn benodol i dderbyniadau yn ystod 2026 – 2027

Rhagymadrodd

Hawliau rhieni

Nifer y disgyblion i'w derbyn

Mae pen-blwydd y plentyn rhwng

Meini prawf ar gyfer penderfynu ar dderbyniadau

﻿

Ysgol a Gynorthwyir yn Wirfoddol yr Eglwys yng Nghymru St Aidan

Bydd y polisi hwn yn benodol i dderbyniadau yn ystod 2026-2027

Ceisiadau

Meini prawf gordanysgrifio

Apeliadau

Rhestr aros

﻿

Ysgol yr Eglwys yng Nghymru Penrhyn Dewi VA School, Tyddewi

Ysgol Wirfoddol a Gynorthwyir Sant Marc, Hwlffordd