Fel Ysgol Eglwysig, ein hethos Cristnogol sydd wrth wraidd popeth a wnawn. Dylai ein hysgol “fod yn lle arbennig, yn lle diogel, yn lle dysgu, yn lle i feithrin ac archwilio. Rhaid i ysgol eglwysig ddangos didwylledd a derbyniad, goddefgarwch a maddeuant. Yma, caiff gwerthoedd ac agweddau eu ffurfio, ac mae pob unigolyn yn cael ei ddathlu fel rhywun unigryw. Mae Ysgol Eglwysig yn datblygu cymeriad Cristnogol arbennig trwy ei haddysg grefyddol, addoli ar y cyd ac ethos, sy’n rhoi gwybod i’r byd am gariad a phresenoldeb Duw.” (Gwefan Church Schools)

Datganiad Cenhadaeth

Rydym yn gymuned ofalgar, lle caiff pawb eu gwerthfawrogi a’u parchu. Rydym yn dysgu, chwarae, gweddïo a thyfu gyda’n gilydd, wedi’n hamgylchynu gan gariad Duw bob dydd, er mwyn i ni fod y gorau y gallwn ni.

Arwyddair

Dysgu, chwarae, gweddïo a thyfu gyda’n gilydd, er mwyn i ni fod y gorau y gallwn ni.

Y Rheoliad Cyffredinol ar Ddiogelu Data (GDPR)

Mae’r ysgol wedi ymrwymo i sicrhau’r safonau uchaf o ran Diogelu Data. Byddwn yn trin yr holl ddata personol fel y byddem yn disgwyl i’n data personol ein hunain gael ei drin, h.y. â pharch, uniondeb a chyfrinachedd, ac yn unol â’r GDPR a deddfau Diogelu Data eraill. Bydd ein holl bolisïau ysgol yn glynu at ganllawiau’r GDPR. Mae ein Hysbysiad Preifatrwydd wedi’i gyhoeddi ar wefan yr ysgol (yn agor mewn tab newydd)

CCUHP (Confensiwn y Cenhedloedd Unedig ar Hawliau’r Plentyn)

Ymgorfforir egwyddorion CCUHP (Confensiwn y Cenhedloedd Unedig ar Hawliau’r Plentyn) ar draws ein holl gwricwlwm, polisïau ac arferion. Mae hyn yn rhoi fframwaith i ni sy’n rhoi ystyr a dealltwriaeth wirioneddol ar gyfer popeth a wnawn.

Polisi Derbyn

Yr awdurdod derbyn ar gyfer yr ysgol hon yw’r Corff Llywodraethol. Caiff y polisi derbyn ei adolygu bob blwyddyn.

Mae’r polisi hwn yn ymwneud â’r blynyddoedd hyd at, ac yn cynnwys, y flwyddyn ysgol 2025 – 2026.

Datblygwyd y polisi derbyn hwn i sicrhau system gyson a theg ar gyfer derbyn plant i’r ysgol, yn enwedig os yw lleoedd yn debygol o fod yn gyfyngedig o ganlyniad i gyrraedd y nifer derbyn, sef 20 disgybl mewn unrhyw grŵp blwyddyn penodol.

Nod yr Awdurdod Derbyn yw cael trefniadau derbyn a fydd yn gweithio er budd yr holl rieni a phlant yn yr ardal, ac a fydd mor syml ag y bo modd i rieni eu defnyddio a’u helpu i wneud penderfyniadau.

Pryd gall fy mhlentyn ddechrau yn yr ysgol?

Yn Ysgol Wirfoddol a Gynorthwyir San Marc, fel yng ngweddill Sir Benfro, mae plant yn gymwys i fynychu’r ysgol yn rhan-amser o’r tymor cyntaf ar ôl eu trydydd pen-blwydd, ac amser llawn o’r tymor cyntaf ar ôl eu pedwerydd pen-blwydd. Sylwer bod addysg orfodol yn dechrau o’r tymor ar ôl eu pumed pen-blwydd. Mae dyddiad pen-blwydd eich plentyn yn pennu pryd y gall ddechrau yn yr ysgol, ni waeth beth yw’r dyddiad pan mae’r tymor yn dechrau, ac mae’r tabl isod yn dangos pryd y gellir derbyn eich plentyn i’r ysgol. Gall rhieni ddewis gohirio dyddiad dechrau eu plentyn unrhyw bryd nes bydd y plentyn o oedran ysgol gorfodol; i gael mwy o wybodaeth, cysylltwch ag Ysgol San Marc, ar 01437 767623.

Mae pen-blwydd y plentyn rhwng:

1 Ebrill - 31 Awst: hydref
1 Medi - 31 Rhagfyr: gwanwyn
1 Ionawr - 31 Mawrth: haf

Gall plant fynychu Ysgol San Marc yn amser llawn ar ddechrau’r tymor ar ôl eu pedwerydd pen-blwydd.

Nid yw’r gyfraith yn ei gwneud yn ofynnol i blentyn ddechrau mewn addysg amser llawn hyd nes dechrau’r tymor ysgol ar ôl ei bumed pen-blwydd. Fodd bynnag, darperir lle amser llawn ar gyfer disgyblion yn y tymor ar ôl iddynt fod yn bedair blwydd oed, ac anogir disgyblion yn gryf i fynychu’n amser llawn er mwyn derbyn manteision llawn addysg a phrofiadau yn y Cyfnod Sylfaen.

Ceisiadau

31 Rhagfyr 2023: Gwanwyn 2024
31 Mawrth 2024: Haf 2024
31 Awst 2024: Hydref 2024

Dylid gwneud unrhyw geisiadau i gael lle yn Ysgol Wirfoddol a Gynorthwyir San Marc ar-lein drwy wefan Gyngor Sir Penfro. Os nad oes cyfeiriad e-bost gan rieni, mae ffurflen gais ar gael o'r ysgol neu drwy gysylltu â’r tîm Derbyniadau i Ysgolion yng Nghyngor Sir Penfro. Y dyddiad cau ar gyfer cyflwyno ceisiadau ar gyfer y dosbarth meithrin yw 30 Ebrill cyn y flwyddyn galendr y mae angen y lle yn yr ysgol ynddi. Y dyddiad cau ar gyfer cyflwyno ceisiadau ar gyfer y dosbarth meithrin yw 31 Ionawr yn y flwyddyn y mae angen y lle yn yr ysgol ynddi. Bydd rhieni yn cael gwybod am lwyddiant eu cais erbyn 31 Gorffennaf 2024. Bydd rhieni sydd wedi gwneud cais ar gyfer y dosbarth derbyn yn cael gwybod am lwyddiant eu cais erbyn 16 Ebrill 2024. Mae Ysgol Wirfoddol a Gynorthwyir San Marc wedi ymrwymo i sicrhau'r safonau uchaf o ran diogelu data.

Gofynnir i rieni ddarparu copi o dystysgrif geni’r plentyn. Mae plant o dramor, sy’n byw yn gyfreithlon yn y DU, p’un a ydynt gyda rhieni neu heb rieni, yn meddu ar yr un hawliau i addysg â phlant sy’n Ddinasyddion Prydeinig. O ganlyniad, bydd Ysgol Wirfoddol a Gynorthwyir San Marc yn trin ceisiadau o’r fath i dderbyn i ysgolion yn yr un ffordd.

Meini Prawf Gordanysgrifio

Mae Ysgol Wirfoddol a Gynorthwyir San Marc yn ysgol yr Eglwys yng Nghymru sydd, yn ei hanfod, yn gwasanaethu cymuned Pont Fadlen ac ardal fugeiliol Hwlffordd. Mae’r polisi derbyn yn adlewyrchu hyn yn ei restr flaenoriaethol o feini prawf gordanysgrifio:

Plant sy’n Derbyn Gofal ar hyn o bryd, ac a fu’n derbyn gofal yn y gorffennol (plant sy’n derbyn gofal gan Awdurdod Lleol yn unol ag Adran 22 Deddf Plant 1989).
Brodyr neu chwiorydd plant sydd eisoes yn yr ysgol adeg derbyn. Bydd hyn yn cynnwys unrhyw frodyr neu chwiorydd llawn, hanner brodyr neu chwiorydd neu lys frodyr neu chwiorydd sy’n byw yn yr un cyfeiriad â phlentyn sydd eisoes yn yr ysgol.
Plant sy’n byw yng nghymuned Pont Fadlen. (Gweler y map ar ddiwedd y ddogfen hon y gellir ei ddefnyddio fel canllaw.)
Plant aelodau gweithredol o’r Eglwys yng Nghymru (dylid cynnwys datganiad gan eu Hoffeiriad Plwyf i gefnogi’r cais).
Plant i rieni o enwadau Cristnogol eraill sy’n dymuno i’w plentyn gael addysg mewn ysgol eglwysig (dylid cynnwys datganiad gan eu Harweinydd Ffydd i gefnogi’r cais).
Plant i rieni sy’n arddel mathau eraill o ffydd sy’n dymuno i’w plentyn gael addysg mewn ysgol yr Eglwys Anglicanaidd.

Os bydd plant sy’n deillio o enedigaeth luosog yn gwneud cais am leoedd yn ein hysgol, byddant yn cael eu hystyried fel uned, a bydd lle yn cael ei gynnig naill ai i bob un neu ddim un ohonynt, yn dibynnu ar b’un a fyddai eu derbyn yn achosi i ni fynd y tu hwnt i’r nifer derbyn. Os yw’r plentyn olaf i gael ei dderbyn i fyny i’r nifer derbyn yn un o enedigaeth luosog, yna byddai brawd/chwaer neu frodyr/chwiorydd yr enedigaeth luosog honno yn cael eu derbyn hefyd.

Bydd plant i staff y lluoedd arfog yn cael eu derbyn y tu allan i’r rownd dderbyn arferol, hyd yn oed os byddai eu derbyn yn achosi i ni fynd y tu hwnt i’r terfyn ym maint y dosbarth babanod. (Yn amodol ar y meini prawf gordanysgrifio uchod).

Wedi iddynt gael eu derbyn i’r ysgol, caiff y plant eu cofnodi ar Gofrestr yr Ysgol. Caiff eu manylion, ynghyd ag unrhyw wybodaeth a ddarparwyd gan eu rhieni, eu cynnwys ar gofnodion cyfrifiadur sy’n destun rheoliadau diogelu data.

Ni fydd pob dosbarth yn cynnwys mwy na 30 o ddisgyblion ar ddechrau’r flwyddyn academaidd. Os bydd plentyn yn symud i’r ardal yn ystod y flwyddyn ysgol, gallai’r nifer o fewn y dosbarth hwnnw godi i dros 30 ar gyfer y flwyddyn ysgol honno yn unig.

Gall y Corff Llywodraethol wrthod derbyn plentyn i ysgol pan gyrhaeddir y nifer derbyn.

Apeliadau

Os gwrthodir lle, mae gan rieni hawl i apelio. Dylai rhieni sy’n aflwyddiannus apelio’n ysgrifenedig i gadeirydd y corff llywodraethu, drwy Ysgol Wirfoddol a Gynorthwyir San Marc, Pontfadlen, Hwlffordd, SA61 1JX. Caniateir i rieni 14 diwrnod (10 niwrnod gwaith), o'r dyddiad y cawsant eu hysbysu bod eu cais yn aflwyddiannus, i baratoi a chyflwyno eu hapeliadau ysgrifenedig. Caiff ceisiadau am apêl sy'n dod i law eu cydnabod. Rhoddir o leiaf 14 diwrnod (10 niwrnod gwaith) o rybudd ysgrifenedig i apelwyr o ddyddiad eu gwrandawiad apêl. Dim ond rhieni plant o oedran ysgol statudol all apelio yn erbyn gwrthod cais.

Dewis Rhieni

Bydd yr Awdurdod Derbyn yn dangos ystyriaeth am yr egwyddor gyffredinol y dylid addysgu disgyblion yn unol â dymuniadau eu rhieni, oni bai y byddai derbyn y plentyn hwnnw’n niweidio darpariaeth addysg effeithlon, neu ddefnydd effeithlon o adnoddau.

Os yw plentyn wedi cael ei wahardd yn barhaol o ddwy ysgol neu fwy, caiff y gofyniad i gydymffurfio â dewis y rhieni ei ddatgymhwyso am gyfnod o ddwy flynedd ar ôl yr ail waharddiad.

Datglwm ar gyfer Pob Categori

Os bydd datglwm wrth ystyried y meini prawf gordanysgrifio, bydd y llywodraethwyr yn derbyn yr ymgeiswyr hynny sy’n byw agosaf at yr ysgol. Yn achos plentyn y mae gan ei rieni gyfrifoldeb ar y cyd / rhannu cyfrifoldeb amdano, cartref y rhiant sydd â’r cyfrifoldeb mwyaf yn ystod yr wythnos ysgol fydd y cyfeiriad a bennir. Bydd angen prawf o breswylfa (wedi’i ddyddio o fewn y tri mis diwethaf) ar ffurf un o’r canlynol:

Cyfriflen y Dreth Gyngor
Bil Cyfleustod
Cyfriflen Budd-daliadau, e.e. Lwfans Plant, Pensiwn
Cyfriflen Morgais
Cyfriflen Banc / Cymdeithas Adeiladu
Cyfriflen Cerdyn Credyd

Bydd y Corff Llywodraethol yn defnyddio’r llwybr cerdded byrraf, wedi’i gyfrifo gan ddefnyddio data llwybr teilwredig Arolwg Ordnans o ddrws ffrynt yr ysgol i ddrws ffrynt cartref yr ymgeisydd. Os oes angen, bydd y llywodraethwyr yn gofyn am gymorth gan yr awdurdod lleol i bennu’r llwybr byrraf.

Rhestr Aros

Cedwir rhestr aros o geisiadau aflwyddiannus hyd nes y cyrhaeddir y dyddiad derbyn arferol. Os daw lle ar gael, bydd y llywodraethwyr yn ystyried y rheiny ar y rhestr aros ar sail y meini prawf gordanysgrifio cyhoeddedig. Os bydd y llywodraethwyr yn rhoi cais ar y rhestr aros, ni fydd yn effeithio ar hawl rhiant i apelio. Yn achos ceisiadau a dderbynnir y tu allan i'r cylchoedd derbyn arferol (ee disgyblion nad ydynt o oed ysgol orfodol sy'n dymuno ymuno â'r meithrin), cedwir rhestrau aros hyd nes diwedd y flwyddyn academaidd.

Trosglwyddiadau rhwng ysgolion

Gall rhieni ofyn i drosglwyddo'u plant i'r ysgol unrhyw bryd. Os yw'r cais am drosglwyddo o ganlyniad i newid cyfeiriad, a bod lle i'r disgybl yn Ysgol Wirfoddol a Gynorthwyir San Marc, bydd y broses o drosglwyddo yn digwydd cyn gynted ag sy'n gyfleus i'r ddwy ochr.

Os nad yw'r cais am drosglwyddo o ganlyniad i newid cyfeiriad, gofynnir am gyngor gan y Gwasanaeth Lles Addysg. Gwahoddir rhieni i drafod y cais am drosglwyddo gyda'r pennaeth, a fydd yn penderfynu a ddylid caniatáu trosglwyddiad ar unwaith.

Gall newid ysgol fod yn gythryblus i ddisgyblion a gall darfu ar drefniadaeth dosbarth. Dylai fod yn ddewis olaf un, a’i ystyried dim ond pan fydd yr holl opsiynau eraill ar gyfer datrys problemau wedi’u harchwilio. Os yw eich cais am drosglwyddiad o ganlyniad i bryderon am gynnydd eich plentyn neu os oes unrhyw broblemau yn ysgol eich plentyn, dylech, fel cam cyntaf, drafod y mater gyda phennaeth yr ysgol bresennol.

Pa drefniadau diogelu sydd ar waith?

Mae gofal a lles disgyblion yn holl bwysig i bob ysgol. Mae pob aelod o staff ysgol yn glynu at Weithdrefnau Diogelu Cymru 2019 er mwyn diogelu a hyrwyddo lles plant. Mae gan bob ysgol bolisi diogelu, a bydd ganddi Uwch Unigolyn Dynodedig wedi’i enwi sy’n gyfrifol am faterion diogelu ac am ddelio â honiadau unigol o gam-drin.

Mae gan ysgolion ddyletswydd statudol i weithredu er lles pennaf y plentyn, ac felly, mae ganddynt ddyletswydd i wneud atgyfeiriad diogelu i’r Tîm Asesu Gofal Plant (CCAT) o fewn yr Adran Gwasanaethau Cymdeithasol os oes pryderon am les plentyn neu os oes honiad am gam-drin. Fel arfer, gofynnir am ganiatâd i atgyfeirio plentyn gan riant. Fodd bynnag, er mwyn gwarchod plentyn, weithiau, bydd angen atgyfeirio heb roi gwybod i’r rhieni. Mae hwn yn faes gwaith sensitif, ac mae cael cefnogaeth rhieni yn bwysig pan fydd ysgolion yn rhoi protocolau diogelu ar waith. Hoffem eich sicrhau bod staff ysgolion yn gweithio gan roi sylw cadarn i les eich plentyn. Mae ysgolion Sir Benfro yn gweithredu Polisi Atal Eithafiaeth a Radicaleiddio, y bwriedir iddo ddarparu fframwaith ar gyfer delio â materion yn ymwneud â bregusrwydd, radicaleiddio ac amlygrwydd i safbwyntiau eithafol.

Mae holl ysgolion Sir Benfro yn cymryd rhan mewn prosiect gyda Heddlu Dyfed-Powys o’r enw Operation Encompass. Trwy Operation Encompass, rhoddir gwybod i ysgolion cyn dechrau’r diwrnod ysgol canlynol pan fydd plentyn neu berson ifanc wedi cael ei amlygu i unrhyw ddigwyddiad domestig, neu wedi bod yn gysylltiedig ag ef. Mae’r Pennaeth a’r Uwch Unigolyn Dynodedig wedi cael eu hyfforddi i ddefnyddio’r wybodaeth am y digwyddiad domestig i sicrhau bod plentyn a/neu’i deulu yn cael cefnogaeth ddigonol pan fydd wedi bod yn gysylltiedig â digwyddiad cam-drin domestig, neu wedi cael ei amlygu i hyn.

Ysgol Wirfoddol a Gwynorthwyir yr Eglwys yng Nghymru Sant Oswald, Jeffreyston

Polisi Derbyniadau

Tachwedd 2023

Bydd y polisi hwn yn benodol i dderbyniadau yn ystod 2025– 2026

Rhagymadrodd

Mae'r polisi a'r trefniadau a nodir isod yn cael eu llywodraethu gan y rhannau perthnasol o ddeddfwriaeth addysg a darpariaeth gweithred ymddiriedolaeth yr ysgol.

Hawliau Rhieni

Mae'r ysgol yn ceisio darparu lleoedd ar gyfer pob plentyn sy'n byw o fewn y dalgylch yr oedd disgyblion yn dod ohono i fynychu hen Ysgol WR Jeffreyston ac Ysgol Gynradd Loveston hyd at 31 Awst 2001. Fodd bynnag, gall unrhyw riant wneud cais i'w blentyn/phlentyn gael ei dderbyn i'r ysgol. Gellir cael ffurflen gais o swyddfa’r ysgol a rhaid ei dychwelyd at Gadeirydd Corff Llywodraethu Ysgol Sant Oswallt. Rhaid i rieni hefyd wneud cais trwy wefan Cyngor Sir Penfro.

Os na fydd plentyn yn cael cynnig lle, gall y rhiant, o fewn 14 diwrnod, apelio yn erbyn y penderfyniad i Banel sy'n cael ei drefnu at y diben hwnnw yn unol â darpariaethau'r Deddfau Addysg. Bydd y Pennaeth yn rhoi gwybodaeth am sut i apelio ar adeg y penderfyniad gwreiddiol. Rhaid cyflwyno pob apêl i Gadeirydd Corff Llywodraethu Ysgol Sant Oswallt. Nid oes hawl i apelio am geisiadau i’r feithrinfa.

Nifer Y Disgyblion I'w Derbyn

O ran nifer derbyn yr ysgol, a bennwyd ar sail y ddeddfwriaeth berthnasol, bydd 17 o ddisgyblion yn cael eu derbyn i Ddosbarth y Blynyddoedd Cynnar hyd at y nifer honno. Y dyddiad cau ar gyfer derbyn ceisiadau i'r meithrin yw 30 Ebrill cyn y flwyddyn galendr y mae angen y lle yn yr ysgol. Rhoddir gwybod i rieni am lwyddiant eu cais erbyn 31 Gorffennaf.

Mae Ysgol WG Sant Oswallt wedi ymrwymo i sicrhau'r safonau uchaf o ran Diogelu Data. Byddwn yn trin pob data personol fel y byddem yn disgwyl i’n data personol ein hunain gael eu trin, h.y. gyda pharch, cywirdeb, cyfrinachedd ac yn unol â’r GDPR a deddfau Diogelu Data eraill. Mae ein Hysbysiad Preifatrwydd ar gael ar wefan yr ysgol (yn agor mewn tab newydd) Y dyddiad cau ar gyfer ceisiadau i'r Feithrinfa ar gyfer 2023 yw 30 Ebrill 2025.

Rhaid gwneud y cais am dderbyniadau ar gyfer y Dosbarth Derbyn ym mis Medi 2025 erbyn 31 Ionawr 2025.

Rhestrau aros – rydym yn cadw plant ar y rhestr aros am le yn y Dosbarth Derbyn tan 30 Medi ac yna'n gofyn i rieni a hoffent i enw eu plentyn aros ar y rhestr aros tan ddiwedd y flwyddyn academaidd. Mae pob un arall yn aros ar y rhestr aros tan ddiwedd y flwyddyn academaidd y maent wedi gwneud cais amdani.

Mae plant yn gymwys i fynychu’r ysgol ar sail rhan amser o’r tymor cyntaf ar ôl eu trydydd pen-blwydd ac yn llawn amser o’r tymor cyntaf ar ôl eu pedwerydd pen-blwydd. Sylwch fod addysg orfodol yn cychwyn o'r tymor yn dilyn eu pumed pen-blwydd. Dyddiad pen-blwydd eich plentyn sy'n pennu pryd y gall ef neu hi ddechrau'r ysgol, ni waeth ar ba ddyddiad y mae'r tymor yn dechrau, ac mae'r tabl isod yn dangos pryd y gellir derbyn eich plentyn i'r ysgol. Gall rhieni ddewis gohirio dyddiad cychwyn eu plentyn unrhyw bryd hyd nes y bydd y plentyn o oedran ysgol gorfodol. Am fwy o wybodaeth, cysylltwch â'r ysgol.

Mae pen-blwydd y plentyn rhwng:

1 Ebrill - 31 Awst: hydref
1 Medi - 31 Rhagfyr: gwanwyn
1 Ionawr - 31 Mawrth: haf

Gall plant fynychu Ysgol Sant Oswallt yn llawn amser ar ddechrau'r tymor yn dilyn eu pedwerydd pen-blwydd.

Gwneir ceisiadau i ddosbarthiadau lle mae lleoedd gwag (a gyfrifir yn ôl y nifer derbyn a therfynau statudol a osodir gan ddarpariaeth effeithlon o addysg neu ddefnydd effeithlon o adnoddau).

Meini Prawf Ar Gyfer Penderfynu Ar Dderbyniadau

Os bydd nifer y plant y mae eu rhieni yn ceisio eu derbyn i’r ysgol yn fwy na nifer y lleoedd sydd ar gael, gwneir cynigion yn y drefn flaenoriaeth ganlynol:

Disgyblion sy'n derbyn gofal neu blant a oedd yn derbyn gofal yn flaenorol.
Plant â rhieni / gofalwyr sy’n aelodau gweithredol o'r lluoedd arfog neu a oedd yn aelodau o’r lluoedd arfog dim mwy na chwe blynedd cyn dyddiad y cais am dderbyniad.
Plant â brodyr neu chwiorydd, y penderfynir eu bod yn rhai maeth, wedi'u mabwysiadu neu'n byw'n barhaol yn yr un cyfeiriad, sy'n mynychu'r ysgol ar ddyddiad y derbyniad arfaethedig.
Plant sy'n byw yn nalgylch yr ysgol fel y disgrifir yn 2 uchod.
Plant o deuluoedd sy'n byw y tu allan i'r ardal sy'n gymunwyr rheolaidd mewn Eglwys Anglicanaidd.
Plant o deuluoedd o enwadau Cristnogol eraill o'r tu allan i'r ardal fel y'i diffinnir yn 2 uchod y mae eu rhieni'n dymuno iddynt gael eu haddysgu mewn Ysgol Eglwys Anglicanaidd.
Plant o deuluoedd y tu allan i'r ardal fel y'i diffinnir yn 2 uchod nad ydynt yn addolwyr Cristnogol gweithredol ond y mae eu rhieni yn dymuno i'w plant gael eu haddysgu mewn Ysgol Eglwys Anglicanaidd.

Os caiff yr ysgol ei henwi mewn Cynllun Datblygu Unigol (CDU), mae gan y corff llywodraethu ddyletswydd i dderbyn y plentyn i’r ysgol.

Ym mhob achos mae 'hawl i apelio' yn erbyn penderfyniad sydd wedi'i wneud ynghylch gwrthod cais am le, y mae'n rhaid ei wneud i Gadeirydd y Corff Llywodraethu.

Adolygir y polisi hwn yn flynyddol ac ymgynghorir â hi rhwng yr holl ysgolion gwirfoddol a gynorthwyir a gwirfoddol a reolir yn Sir Benfro, y Cyfarwyddwr Esgobaethol a rhwng awdurdodau lleol Sir Benfro, Sir Gaerfyrddin a Cheredigion fel rhan o’r broses ymgynghori.

Ceisiadau

Yn unol â pholisïau derbyn i ysgolion yr awdurdod lleol, gwneir cais am le yn Ysgol WG Sant Oswallt yn unol â dewis y rhieni. Mae ceisiadau i'w gwneud ar-lein trwy system derbyniadau ar-lein Cyngor Sir Penfro (CSP).

Mae CSP yn anfon y cais trwy PDF i'r ysgol i'w ystyried. Bydd yr ysgol yn cadarnhau statws nifer y grŵp blwyddyn/dosbarth(iadau) y gwneir cais amdanynt gyda CSP.
Pan nad eir y tu hwnt i’r nifer derbyn, byddai’r ysgol yn cysylltu â rhiant/rhieni’r plentyn sydd wedi gwneud cais am le. Gofynnir am ffurflen derbyn ysgol wedi'i llenwi (rhaid llenwi hwn). Mae’r ysgol yn annog ymweliad i weld yr ysgol trwy gyfarfod â’r rhiant/rhieni a’r plentyn cyn dechrau.
Os eir y tu hwnt i'r nifer derbyn, mae'r un trefniadau uchod yn berthnasol. Rhoddir gwybod i'r rhieni am restr aros yr ysgol a'r gweithdrefnau ar gyfer hyn.

Bydd Ysgol WG Sant Oswallt yn cymryd rhan yn y trefniadau derbyn cydgysylltiedig a weithredir gan yr awdurdod lleol. O ganlyniad, dylai ceisiadau ar gyfer disgyblion meithrin sydd i fod i ddechrau ym mis Medi, Ionawr neu Ebrill ddod i law erbyn 30 Ebrill y flwyddyn flaenorol. Y dyddiad cau ar gyfer ceisiadau Dosbarth Derbyn/Cynradd yw 30 Ionawr yn yr un flwyddyn y byddai'r plentyn yn dechrau yn y grŵp blwyddyn hwnnw. Hysbysir rhieni yn ysgrifenedig o'r penderfyniad. Bydd teuluoedd sy'n symud i'r ardal yn cael eu trin fel achosion ar wahân ond bydd y meini prawf uchod yn cael eu defnyddio.

Tachwedd 2023

Ysgol a Gynorthwyir yn Wirfoddol yr Eglwys yng Nghymru St Aidan

Bydd y polisi hwn yn benodol i dderbyniadau yn ystod 2025-2026

Yr awdurdod derbyniadau ar gyfer yr ysgol hon yw'r Corff Llywodraethu. Caiff y polisi hwn ei adolygu'n flynyddol gyda holl ysgolion cam cynradd Sir Benfro - ac ymgynghorir ag ysgolion a gynorthwyir yn wirfoddol, a reolir yn wirfoddol, cymunedol 3-11 ac ysgolion 3-16, y Cyfarwyddwr Esgobaethol ac Awdurdodau Lleol Sir Benfro, Sir Gaerfyrddin a Cheredigion.

Mae ein polisi derbyniadau wedi cael ei ddatblygu i sicrhau system gyson a theg ar gyfer derbyn disgyblion i'n hysgol, yn enwedig os yw lleoedd yn debygol o fod yn gyfyngedig gan ein bod wedi derbyn uchafswm ein disgyblion, sef 17.

Mae Ysgol a Gynorthwyir yn Wirfoddol St Aidan yn Ysgol yr Eglwys yng Nghymru ac mae’n gwasanaethu'r gymuned ym mhlwyfi Llanhuadain, Dwyrain Waltwn, Heol Clarbeston, Slebets a Chas-wis ac mae'r polisi derbyniadau'n adlewyrchu hyn yn ei restr o feini prawf wedi’u blaenoriaethu.

Ceisiadau

Dylai ceisiadau am le yn Ysgol a Gynorthwyir yn Wirfoddol yr Eglwys yng Nghymru St Aidan gael eu gwneud ar-lein drwy Gyngor Sir Penfro. Os nad oes cyfeiriad e-bost gan rieni, mae ffurflen gais ar gael o'r ysgol. Y dyddiad cau ar gyfer derbyn ceisiadau i'r meithrin yw 30 Ebrill cyn y flwyddyn galendr y mae angen y lle yn yr ysgol. Bydd rhieni'n cael gwybod am lwyddiant eu cais drwy lythyr.

Meini prawf gordanysgrifio

Os bydd yna ordanysgrifio, rhoddir blaenoriaeth i dderbyn disgyblion yn y drefn ganlynol:

Plant sy'n Derbyn Gofal ar hyn o bryd ac yn y gorffennol (plant sy'n derbyn gofal gan yr Awdurdod Lleol yn unol â Rhan 22 Deddf Plant 1989).
Plant o blwyfi Llanhuadain, Dwyrain Waltwn, Heol Clarbeston, Slebets a Chas-wis.
Plant fydd â brawd neu chwaer o oedran ysgol statudol yn yr ysgol ar adeg cyflwyno’r cais. Bydd hyn yn cynnwys unrhyw frodyr neu chwiorydd llawn, hanner neu lysfrodyr a chwiorydd neu blentyn sydd wedi'i fabwysiadu neu sy'n cael ei faethu yn yr un cyfeiriad â'r plentyn sydd eisoes yn yr ysgol.
Plant o deuluoedd y mae eu rhieni yn dymuno iddynt dderbyn addysg mewn Ysgol yr Eglwys Anglicanaidd.
Plant o deuluoedd enwadau Cristnogol eraill y mae eu rhieni'n dymuno i'w plant dderbyn addysg mewn Ysgol Eglwys Anglicanaidd.

Os bydd dau gais yn gydradd gyntaf, cynigir lleoedd i ddisgyblion sy'n byw agosaf at yr ysgol, wedi'i fesur yn ôl y pellter byrraf o'r giât ysgol agosaf sydd ar gael i bwynt lle mae cartref preifat y disgybl yn ymuno â'r briffordd gyhoeddus. (Defnyddir Google maps i fesur y pellteroedd)

Mae'r llywodraeth wedi nodi dyddiadau lle mae'n rhaid i blant 5 oed fod o oedran ysgol gorfodol yn y tymor ysgol dilynol: y dyddiadau hyn yw 31 Awst, 31 Rhagfyr a 31 Mawrth. Mae gan St Aidan ddarpariaeth feithrin a gall plant ymuno'n rhan-amser o ddechrau'r tymor yn dilyn eu pen-blwydd yn dair oed. Mae'r dyddiadau cymhwysedd uchod hefyd yn gymwys i'r derbyniadau hyn a byddant yn penderfynu ar y tymor y gall y plentyn ddechrau. Gall y plant hynny a anwyd rhwng 1 Medi a 31 Mawrth fynychu darpariaeth feithrin amser llawn yn y tymor yn dilyn eu pen-blwydd yn bedair oed. Os bydd cais yn cael ei gyflwyno am le yn y dosbarth meithrin, mae angen cyflwyno cais arall am le yn y dosbarth derbyn hefyd.

Mae'r terfynau amser yn cadw at yr amserlen derbyniadau a gyhoeddir gan awdurdod derbyniadau Cyngor Sir Penfro.

Apeliadau

Os na fydd plentyn yn cael cynnig lle, yna gall y rhiant, o fewn 14 diwrnod, apelio yn erbyn y penderfyniad i Banel sy'n cael ei drefnu at y diben hwnnw yn unol â darpariaethau'r Deddfau Addysg. Bydd y Pennaeth yn rhoi gwybodaeth am sut i apelio ar adeg y penderfyniad gwreiddiol. Mae'n rhaid i'r holl apeliadau gael eu cyflwyno i Gadeirydd Corff Llywodraethu St Aidan. Nid oes hawl i apelio mewn perthynas â derbyniadau meithrin.

Rhestr Aros

Caiff rhestr aros o ymgeiswyr aflwyddiannus ei llunio. Os daw lle ar gael bydd y llywodraethwyr yn ystyried y rheiny ar y rhestr aros ar sail y meini prawf gordanysgrifio cyhoeddedig. Os bydd y llywodraethwyr yn rhoi cais ar y rhestr aros, ni fydd yn effeithio ar hawl rhiant i apelio. Cynhelir y rhestr aros tan 30 Medi ar ddechrau'r flwyddyn academaidd berthnasol. Rhoddir blaenoriaeth i unrhyw leoedd sy'n dod yn wag yn ôl y meini prawf gordanysgrifio ac nid yn ôl y dyddiad y cyflwynwyd y cais gwreiddiol am le. Yn achos ceisiadau sy'n cael eu derbyn y tu allan i'r rownd derbyniadau arferol, bydd y rhestrau yn cael eu cadw tan ddiwedd tymor haf y flwyddyn academaidd y cyflwynwyd cais am le.

Ysgol yr Eglwys yng Nghymru Penrhyn Dewi VA School, Tyddewi

Polisi Derbyniadau 2025/2026

Ysgol yr Eglwys

Fel Ysgol yr Eglwys, mae'r ethos Cristnogol yn ein calonnau yn pob peth sy’n cael ei wneud. Dylai yr ysgol fod yn le arbennig, lle diogel, a lle i ddysgu, maeth a morio. Mae rhaid i Ysgol yr Eglwys i arddangos i fod yn agored, dderbyniol a maddeugar, pethau pwysig i greu cymeriad gwerthfawr. Mae’r ysgol yn creu cymeriad Cristnogol trwy addysg grefyddol, ac i addoli ethos drwy chariad Duw au bresenoldeb ir byd.

Arwyddair

‘Byddwch Lawen, Cadwch y Ffydd a gwnewch y pethau bychain’.

Y Rheoliad Diogelu Data

Cyffredinol Mae’r ysgol yn creu diogelwch data or safon uchaf, fyddwn yn cadw'r data gyda phob parch ac yn gyfrinachol. Mae polisi’r ysgol yn ymlynu i gyfarwyddyd y rheoliad diogelu data cyffredinol.

Trefniadau derbyn a meini prawf gordanysgrifio

Cyfrifoldeb y Corff Llywodraethol yw derbyn i’r ysgol, a dylid gwneud ceisiadau ar-lein trwy wefan Cyngor Sir Penfro

Pryd gall fy mhlentyn ddechrau yn yr ysgol?

Yn Ysgol Wirfoddol a Gynorthwyir Penrhyn Dewi, fel yng ngweddill Sir Benfro, mae plant yn gymwys i fynychu’r ysgol yn rhan-amser o’r tymor cyntaf ar ôl eu trydydd pen-blwydd, ac yn amser llawn o’r tymor cyntaf ar ôl eu pedwerydd pen-blwydd. Sylwer bod addysg orfodol yn dechrau o’r tymor ar ôl eu pumed pen-blwydd. Mae dyddiad pen-blwydd eich plentyn yn pennu pryd y gall ddechrau yn yr ysgol, ni waeth beth yw’r dyddiad y mae’r tymor yn dechrau, ac mae’r tabl isod yn dangos pryd y gellir derbyn eich plentyn i’r ysgol. Gall rhieni ddewis gohirio dyddiad dechrau eu plentyn unrhyw bryd nes bydd y plentyn o oedran ysgol gorfodol; i gael mwy o wybodaeth, cysylltwch â’r ysgol, ar 01437 809200 neu anfonwch neges e-bost: admin.penrhyndewi@pembrokeshire.gov.uk

Mae pen-blwydd y plentyn rhwng:

1 Ebrill - 31 Awst: hydref
1 Medi - 31 Rhagfyr: gwanwyn
1 Ionawr - 31 Mawrth: haf

Dwy'r gyfraith ddim yn dweud wrth blant ddechrau eu addysg llawn amser, nes ddechrau term ar ôl troi yn bump, bydd y plentyn yn cael safle llawn amser ar ôl troi yn bedwar blwydd oed, ac yn cael ei cefnogi i fod yn llawn amser i gael y gorau o addysg o agwedd sail a phrofiadau.

Plant Oedran Meithrin – 3 mlwydd oed

Dyddiad y mae'n rhaid cyrraedd yr oedran pridol - tymor derbyn

31 Rhagfyr 2024: gwanwyn 2025
31 Mawrth 2025: haf 2025
31 Awst 2025: hydref 2025

Plant Oedran Cynradd – 4 mlwydd oed

Dyddiad y mae'n rhaid cyrraedd yr oedran priodol - tymor derbyn:

31 Rhagfyr 2024: gwanwyn 2025
31 Mawrth 2025: haf 2025
31 Awst 2025: hydref 2025

Plant Oedran Uwchradd – 11 mlwydd oed

Ni fydd yn ofynnol i ddisgyblion ym Mlwyddyn 6 wneud cais i drosglwyddo i’r sector uwchradd

Dyddiad u mae'n rhiad cyrraedd yr oedran priodol: 31 Awst 2025 - tymor derbyn: hydref 2025

Amserlen Dderbyn– Rowndiau Derbyn Arferol

Darpariaeth	Oedran	Dechrau’r Ysgol	Dyddiad cau i ymgeisio	Dyddiad Cynnig /hysbysu	Dyddiad cau apeliada
Meithrin	1af Medi 2022 – 31 Awst 2023	Ionawr, Ebrill, Medi 2026	30 ain Ebrill 2025	Erbyn diwedd Gorffennaf 2025	Dim hawliau apelio
Lle yn y derbyn (nid oes trosglwyddiad awtomatig o'r meithrin i'r derbyn)	1af Medi 2020 – 31 Awst 2021	Tymor yr hydref 2025	31ain Ionawr 2025	16eg Ebrill 2025	10 diwrnod gweithio o dderbyn y llythyr gwrthod
Trosglwyddo i'r ysgol uwchradd	1af Medi 2013 – 31 Awst 2014	Tymor yr Hydref, Medi 2025	20fed Rhagfyr 2024	3ydd Mawrth 2025	10 diwrnod gweithio o dderbyn y llythyr gwrthod

Ceisiadau

Am gais am le yn Ysgol Penrhyn Dewi VA ewch ar lein trwy Gyngor Sir Benfro. Y dyddiad cau am gais i’r Ysgol Feithrin yw’r 30ain Ebrill, cewch wybod os fyddwch yn llwyddiannus erbyn 31ain Gorffennaf. Os bydd eich plentyn yn llwyddiannus i gael mynd i Ysgol Feithrin bydd rhaid cysylltu am le yn y Derbyniad, dyddiad cloi y ceisiadau yw’r 31ain Ionawr. Does dim rhaid i blant ym mlwyddyn chwech wneid cais am Ysgol Uwchradd.

Gordanysgrifio

27 o blant sydd yn cael ei derbyn yn y flwyddyn Derbynfa i flwyddyn 6, a 80 o flwyddyn 7-11. Bydd ddim y rhifau yn fwy na hyn ond mae’r Corff Llywodraethu drosdro yn cymerid 29 o blant i flwyddyn 6 a 84 i flwyddyn 7-11. Os byddai’r rhifau dros y rhifau uchod, fydd y safonau'r gordanysgrifio yn sefyll, a fydd y canlynol yn cael blaenoriaeth.

Plant ar hyn o bryd sy’n cael ei gofalu am gan Awdurdodau Cymru a Lloger ran 22 o Ddeddf Plant 1989 Rheoliadau Ddeddf Gwasanaethau Cymdeithasol a Llesant Cymru (2014).
Plant sydd yn byw yn ardal nalgylch yr ysgol.
Plant sydd a briodyr neu chwiorydd sydd eisoes yn yr ysgol. A phlant sy’n byw gyda llys frawd neu chwaer yn yr un cartref.
Plant sydd wedi mynych i ysgol fwydo.
Plant sydd a’i rhieni am addysg Eglwys Anglicanaidd.
Plant o wahanol enwadau Cristnogol sydd yn byw tu allan i’r arwynebedd a’i rhieni am nhw gael addysg Gristnogol.

Yn y digwyddiad o gyfartal, bydd lleoedd yn cael eu cynnig i ddisgyblion sy’n byw agosaf i’r ysgol, wedi’i fesur gan gerdded buraf. Pellter o’r gât ysgol agosaf sydd ar gael i fan lle mae cartref y disgybl yn cwrdd â’r briffordd.

Apêl

Os gwrthodir mynediad yna mae gan rieni hawl i un apeliad fesur cais, fesur blwyddyn academaidd i’r panel apêl Derbyniadau Esgobaethol, corff annibynnol y mae’r Awdurdod addysg Esgobaethol wedi’i sefydlu ar gyfer y Corff Llywodraethu. (Efallai y bydd ail apêl os yw’n ymddangos bod diffygion wedi bod yn y gwrandawiad cyntaf neu os bydd newid sylweddol a pherthnasol yn yr amgylchiadau rhiant neu berson ifanc neu ysgol (h.y.. rhesymau meddygol neu symud tŷ). Dylai rhieni sy’n aflwyddiannus apelio ac ysgrifennu i Brifathro Ysgol Penrhyn Dewi VA Campws Dewi Ty- Ddewi, Sir Benfro SA62 6QH neu drwy ebost I admin.penrhyndewi@pembrokeshire.gov.uk I sylw y Pennaeth. Bydd y rheini yn cael 14 o ddiwrnodau (10 diwrnod gwaith) o rybudd ysgrifenedig o ddyddiad eu gwrandawiad apêl. Dim ond rhan o blant oedran ysgol statudol all apelio yn erbyn gwrthodiad.

Rhestr Aros

Cadw’r rhestr aros o geisiadau aflwyddiannus os daw lle ar gael, bydd y llywodraethwyr yn ystyried y rhai sydd ar y rhestr ar sail y meini prawf gordanysgrifio gyhoeddedig. Os bydd y llywodraethwyr yn gwneud cais ar y rhestr aros ni fydd yn effeithio ar hawl y rhiant i apelio. Ar gyfer ceisiadau ar dderbyni’r tu allan I’r rowndiau derbyn arferol cedwi’r rhestr aros tan ddiwedd tymor yr Haf yn flwyddyn academaidd gofynnwyd am y lle.

Gwneud Cais y Tu Allan i’r Rownd Dderbyn Arferol

Symud i’r Ardal

Ni ddylai rhieni sy’n bwriadu symud i’r ardal gwneud gais yn gynharach na thymor cyn dyddiad cychwyn ddisgwyliedig ei plant.

Gall oedi wrth symud i’r ardal arwain at dynnu cynhigion yn ôl. Oni bai rhoi rheswm da.

Trosglwyddiadau Ysgol yn ystod y Flwyddyn

Mae angen rhoi ystyriaeth ddifrifol a dylai newid ysgolion a dylai, yn y lle cyntaf, cael ei drafod yn llawn gyda Phennaeth yr ysgol presennol eich plentyn. Os bydd angen i rhieni drosglwyddo ei plentyn o un ysgol i’r llall, yna rhaid iddynt wneud cais trwy gyflwyno cais ar lein a fydd yn cael ei drin yn yr un modd ag unrhyw gais arall am le.

Ysgol Gynradd Gatholig yr Enw Sanctaidd, Abergwaun

Polisi Derbyn 2024-26

Mae Ysgol Gynradd Gatholig yr Enw Sanctaidd wedi’i lleoli yn Esgobaeth Mynyw, ac fe’i cynhelir gan Awdurdod Lleol Sir Benfro.

Mae’r Corff Llywodraethol yn gyfrifol am bennu a gweinyddu’r polisi yn ymwneud â derbyn disgyblion i’r ysgol. Caiff ei arwain yn y cyfrifoldeb hwnnw gan y canlynol:

gofyniad y gyfraith
cyngor Ymddiriedolwyr yr Esgobaeth ar natur a diben ei dyletswyddau, ac o ran cyflawni ei Gweithred Ymddiriedolaeth ac Offeryn Llywodraethu
ei ddyletswydd tuag at yr ysgol a’r gymuned Gatholig y mae’n ei gwasanaethu
cymeriad Catholig yr ysgol, a’i datganiad cenhadaeth

Mae ethos yr ysgol yn Gatholig. Sefydlwyd yr ysgol gan yr Eglwys Gatholig i ddarparu addysg ar gyfer plant teuluoedd Catholig. Rydym yn gofyn i’r holl rieni sy’n gwneud cais am le yma gefnogi a pharchu’r ethos hwn, ei bwysigrwydd i gymuned yr ysgol a’r addysg y mae’n ei darparu. Nid yw hyn yn effeithio ar hawl rhieni nad ydynt yn arddel ffydd yr ysgol hon i wneud cais a chael eu hystyried ar gyfer lle yma.

Nifer derbyn yr ysgol ar gyfer pob grŵp blwyddyn yw 18.

Bydd ceisiadau i grwpiau blwyddyn yn cael eu gwneud os oes lleoedd gwag (wedi eu cyfrifo yn ôl y nifer derbyn a therfynau meintiau statudol wedi eu gosod yn ôl darpariaeth addysg effeithlon neu ddefnydd effeithlon o adnoddau).

Os yw nifer y ceisiadau yn fwy na’r nifer derbyn, bydd y llywodraethwyr yn rhoi blaenoriaeth i geisiadau yn unol â’r meini prawf a restrir, ar yr amod fod y llywodraethwyr yn ymwybodol o’r cais hwnnw cyn gwneud penderfyniadau am dderbyniadau.

Rhaid gwneud ceisiadau am le yn yr ysgol gan ddefnyddio’r ffurflen ar-lein ar wefan Cyngor Sir Penfro.

Bydd rhieni’n cael gwybod yn ysgrifenedig am y canlyniad ar ôl cyfarfod y pwyllgor derbyn.

Mae gan y corff llywodraethol gyfrifoldeb dirprwyedig am bennu derbyniadau i’w Bwyllgor Derbyn, a fydd yn ystyried yr holl geisiadau ar yr un pryd, ac ar ôl y dyddiad cau ar gyfer derbyniadau, ac y’u gwneir yn unol â’r meini prawf derbyn.

Bydd disgyblion sy’n cael eu derbyn i’r ysgol yn dechrau yn y Dosbarth Derbyn yn y tymor ar ôl eu pedwerydd pen-blwydd. Rhaid i bob rhiant wneud cais o’r newydd am le yn y grŵp blwyddyn Derbyn / Cynradd – sef y flwyddyn academaidd y mae plentyn yn troi’n 5 oed.

Os bydd cais am dderbyn wedi cael ei wrthod gan y Corff Llywodraethol, gall rhieni apelio i Banel Apelio Annibynnol. Rhaid anfon y cais hwn yn ysgrifenedig at glerc y llywodraethwyr yn yr ysgol o fewn 14 diwrnod (10 diwrnod gweithio) i’r gwrthodiad. Nid oes hawl i apelio ar gyfer ceisiadau meithrin.

Os bydd unrhyw ordanysgrifio yn nifer y ceisiadau yn cael ei wneud o dan unrhyw un o’r categorïau uchod, yna bydd y pwyllgor derbyn yn cynnig lleoedd yn gyntaf i blant sy’n byw agosaf at yr ysgol yn ôl y pellter cerdded byrraf gan ddefnyddio ffyrdd mawr cyhoeddus o ddrws ffrynt y plentyn i brif fynedfa’r ysgol.

Rhestrau aros – rydym yn cadw plant ar y rhestr aros am le mewn dosbarth Derbyn tan 30 Medi, ac wedyn yn gofyn i rieni a hoffent i enw eu plentyn aros ar y rhestr aros tan ddiwedd y flwyddyn academaidd. Mae pob un o’r plant eraill yn aros ar y rhestr aros tan ddiwedd y flwyddyn academaidd y maent wedi gwneud cais ar ei chyfer.

Ysgol Gynradd yr Enw Sanctaidd Meini Prawf Derbyn

Os yw nifer y ceisiadau’n fwy na nifer y lleoedd sydd ar gael, bydd y Corff Llywodraethol yn cymhwyso’r meini prawf gordanysgrifio canlynol yn nhrefn blaenoriaeth:

Plant sydd wedi eu bedyddio’n Gatholig o fewn y plwyfi a wasanaethir gan yr ysgol.
Yr holl blant sydd wedi eu bedyddio yn yr Eglwys Uniongred sy’n byw yn nalgylch yr ysgol.
Plant eraill sydd wedi eu bedyddio’n Gatholig.
Plant sydd â brawd neu chwaer yn yr ysgol adeg derbyn.
Plant o enwadau Cristnogol eraill.
Plant sy’n arddel mathau eraill o ffydd y mae eu rhieni eisiau iddynt gael addysg Gatholig.
Plant nad ydynt yn Gatholig y mae eu rhieni eisiau i’w plentyn gael addysg Gatholig.
Plant y mae’r ALl wedi gofyn yn benodol am le ar eu cyfer yn yr ysgol.

Mae gan bob ysgol ddyletswydd i dderbyn plant sydd â Datganiad o Anghenion Addysg os enwir yr ysgol yn y datganiad.

Ym mhob un o’r categorïau uchod, rhoddir blaenoriaeth i Blant sy’n Derbyn Gofal.

Os bydd unrhyw ordanysgrifio, a nifer y ceisiadau a wneir o dan unrhyw un o’r categorïau uchod yn uwch, yna bydd y Pwyllgor Derbyn yn cynnig lleoedd yn gyntaf i blant sy’n byw agosaf at yr ysgol yn ôl y pellter cerdded byrraf gan ddefnyddio ffyrdd mawr cyhoeddus. Bydd yn ofynnol i’r holl ymgeiswyr Cristnogol ddangos tystysgrifau bedydd.
Rhaid i rieni roi rhesymau dros apelio yn ysgrifenedig, ac mae’r llywodraethwyr wedi ymrwymo i benderfyniad y Panel Apelio.
Fel sy’n ofynnol gan y gyfraith, ni fydd y Corff Llywodraethol yn derbyn mwy na 30 o ddisgyblion i unrhyw ddosbarth Derbyn y Cyfnod Sylfaen.

Ysgol Gynradd Gatholig Teilo Sant, Dinbych-y-Pysgod

Polisi Derbyn 2024-2026

‘Dysgu dilyn y llwybr cywir trwy ofal, cariad a pharch yng Ngoleuni’r Crist Atgyfodedig’

Mae Teilo Sant yn cael ei gweithredu fel ysgol Gatholig yn unol â chyfraith ganon a dysgeidiaeth yr Eglwys Gatholig ac yn unol â gweithred ymddiriedolaeth Esgobaeth Mynyw. Wrth gymhwyso’r polisi hwn, bydd Ysgol Teilo Sant yn rhoi sylw, yn benodol, i gyngor gan Esgobaeth Mynyw.

Bydd Ysgol Teilo Sant yn gweithredu yn unol â holl ddarpariaethau perthnasol y codau ymarfer statudol (cod derbyn i ysgolion Llywodraeth Cymru a’r cod apelau derbyn i ysgolion (2013)) fel y maent yn berthnasol ar unrhyw adeg benodol i ysgolion a gynhelir ac â’r gyfraith ar dderbyniadau fel y mae’n berthnasol i ysgolion a gynhelir.

Ystyrir bod unrhyw gyfeiriadau at “awdurdodau derbyn” neu “y llywodraethwyr” yn y codau, neu yn y polisi hwn, yn gyfeiriadau at gorff llywodraethu gwirfoddol a gynorthwyir Ysgol Teilo Sant. Bydd cyfeiriadau at “yr awdurdod lleol” yn cael eu hystyried yn gyfeiriadau at Gyngor Sir Penfro.

Mae ethos yr ysgol yn Gatholig. Sefydlwyd yr ysgol gan yr Eglwys Gatholig i ddarparu addysg i blant teuluoedd Catholig. Gofynnwn i bob rhiant neu warcheidwad sy’n gwneud cais am le yma gefnogi a pharchu’r ethos hwn a’i bwysigrwydd i gymuned yr ysgol a’r addysg a ddarperir ganddi. Nid yw hyn yn effeithio ar hawl rhiant/rhieni neu warcheidwad/gwarcheidwaid nad ydynt yn perthyn i’r ffydd Gatholig, neu nad yw eu plant yn perthyn i’r ffydd Gatholig, i wneud cais am le a chael eu hystyried am le yma.

Mae ein polisi derbyn wedi’i ddatblygu i sicrhau system gyson a theg ar gyfer derbyn disgyblion i’n hysgol, yn enwedig os yw lleoedd yn debygol o fod yn gyfyngedig oherwydd cyrraedd y nifer derbyn ar gyfer Medi 2024, sef 13.

Y Rheoliad Cyffredinol ar Ddiogelu Data (GDPR)

Mae'r ysgol wedi ymrwymo i sicrhau'r safonau uchaf o ran diogelu data. Byddwn yn trin yr holl ddata personol fel y byddem yn disgwyl i’n data personol ein hunain gael ei drin, hy gyda pharch, uniondeb a chyfrinachedd ac yn unol â’r Rheoliad Cyffredinol ar Ddiogelu Data a deddfau diogelu data eraill. Bydd ein holl bolisïau ysgol yn unol â chanllawiau’r Rheoliad Cyffredinol ar Ddiogelu Data.

Trefniadau derbyn a meini prawf gordanysgrifio

Cyfrifoldeb y corff llywodraethu yw derbyn i’r ysgol a dylid gwneud ceisiadau ar-lein drwy wefan Cyngor Sir Penfro: https://www.sir-benfro.gov.uk/mynediad-i-ysgolion

Pryd gall fy mhlentyn ddechrau yn yr ysgol?

Yn Ysgol Teilo Sant, fel yng ngweddill Sir Benfro, mae plant yn gymwys i fynychu’r ysgol yn rhan amser o’r tymor cyntaf ar ôl eu pen-blwydd yn dair oed a gallant fynychu’n llawn amser o’r tymor cyntaf ar ôl eu pen-blwydd yn bedair oed. Sylwch fod addysg orfodol yn cychwyn o'r tymor cyntaf sy’n dilyn eu pumed pen-blwydd. Dyddiad pen-blwydd eich plentyn sy’n pennu pryd y gall ef neu hi ddechrau’r ysgol, ni waeth beth fo’r dyddiad y mae’r tymor yn dechrau, ac mae’r tabl isod yn dangos pryd y gellir derbyn eich plentyn i’r ysgol. Gall rhieni ddewis gohirio dyddiad cychwyn eu plentyn unrhyw bryd hyd nes y bydd y plentyn o oedran ysgol gorfodol. Am ragor o wybodaeth, cysylltwch â'r ysgol drwy ffonio 01437 762324 neu anfonwch neges e-bost i: admin.maryimmaculate@pembrokeshire.gov.uk.

Yr oedran arferol ar gyfer derbyn plentyn i’r ysgol yn Sir Benfro, mewn ysgol fel Teilo Sant sydd â darpariaeth feithrin, yw dechrau’r tymor cyntaf sy’n dilyn pen-blwydd y plentyn yn dair oed. Yng nghyd-destun pryd y gall plentyn ddechrau ysgol, sylwer ar yr amserlenni isod:

Mae pen-blwydd y plentyn yn disgyn rhwng - tymor mynediad i'r feithrin:

1 Ebrill - 31 Awst: hydref
1 Medi - 31 Rhagfyr: gwanwyn
1 Ionawr - 31 Mawrth: haf

Nid yw'r gyfraith yn ei gwneud yn ofynnol i blentyn ddechrau addysg amser llawn hyd nes dechrau'r tymor ysgol cyntaf sy’n dilyn pen-blwydd y plentyn yn bump oed. Fodd bynnag, darperir lle amser llawn i ddisgyblion o’r tymor cyntaf ar ôl eu pen-blwydd yn bedair oed ac fe’u hanogir yn gryf i fynychu’n amser llawn er mwyn cael buddion llawn addysg a phrofiadau’r cyfnod sylfaen.

Plant oed meithrin – tair oed

Y dyddiad erbyn pryd y mae'n rhaid cyrraedd yr oedran priodol - tymor derbyn:

31 Rhagfyr 2024: gwanwyn 2025
31 Mawrth 2025: haf 2025
31 Awst 2025: hydref 2025
31 Rhagfyr 2025: gwanwyn 2026
31 Mawrth 2026: haf 2026
31 Awst 2026: hydref 2026

Plant o oedran ysgol gynradd – pedair oed

Y dyddiad erbyn pryd y mae'n rhaid cyrraedd yr oedran priodol - tymor derbyn

31 Rhagfyr 2024: gwanwyn 2025
31 Mawrth 2025: haf 2025
31 Awst 2025: hydref 2025
31 Rhagfyr 2025: gwanwyn 2026
31 Mawrth 2026: haf 2026
31 Awst 2026: hydref 2026

Plant o oedran ysgol uwchradd – 11 oed

Y dyddiad erbyn pryd y mae'n rhaid cyrraedd yr oedran priodol - tymor derbyn:

31 Awst 2025: hydref 2025
31 Awst 2026: hydref 2026

Ceisiadau

Yn unol â pholisïau derbyn i ysgolion yr awdurdod lleol, gwneir cais am le i Ysgol Teilo Sant yn unol â dewisiadau’r rhieni. Y dyddiad cau ar gyfer derbyn ceisiadau i'r meithrin yw 30 Ebrill cyn y flwyddyn galendr y mae angen y lle yn yr ysgol. Rhoddir gwybod i rieni am lwyddiant eu cais erbyn 31 Gorffennaf. Os caiff eich plentyn ei dderbyn i addysg feithrin, nid yw hyn yn gwarantu lle i’ch plentyn mewn ysgol gynradd (dosbarth derbyn).Rhaid i chi ailymgeisio am le mewn ysgol gynradd. Y dyddiad cau ar gyfer ceisiadau i'r dosbarth derbyn yw 31 Ionawr cyn dechrau tymor yr hydref yn yr un flwyddyn galendr. Rhoddir gwybod i rieni am lwyddiant eu cais erbyn 16 Ebrill. Rhaid i ddisgyblion Blwyddyn 6 wneud cais am leoedd ysgol uwchradd yn yr ysgol a ffefrir ganddynt erbyn 20 Rhagfyr yn y flwyddyn cyn dechrau tymor yr hydref yn y flwyddyn galendr ganlynol. Rhoddir gwybod i rieni am lwyddiant eu cais erbyn 1 Mawrth.

Y broses o wneud cais

Dylid gwneud ceisiadau ar-lein trwy system derbyniadau ar-lein Cyngor Sir Penfro (CSP)
Mae CSP yn anfon y cais i'r ysgol i'w ystyried.
Pan na eir y tu hwnt i’r nifer derbyn, caiff le ei gynnig.
Mae'r ysgol yn annog ymweliadau i’r ysgol i gwrdd â'r rhiant/rhieni neu warcheidwad/gwarcheidwaid a'r plentyn/plant cyn dechrau.
Os eir y tu hwnt i'r nifer derbyn, caiff y cais am le ei wrthod, a rhoddir gwybod i'r rhieni. Bydd y rhiant/rhieni neu warcheidwad/gwarcheidwaid yn cael gwybod am restr aros yr ysgol a’r gweithdrefnau ar gyfer hyn (gweler isod).

Meini prawf derbyn

Diffiniadau

Plentyn neu unigolyn ifanc sy'n derbyn gofal. Diffinnir plentyn neu unigolyn ifanc sy'n derbyn gofal fel plentyn sy’n derbyn gofal gan yr awdurdod lleol yn unol ag adran 22 o Ddeddf Plant 1989. Bydd plant sy'n derbyn gofal yn cael blaenoriaeth ym mhob categori isod.

Brodyr a chwiorydd. At ddibenion derbyn, ystyr ‘brawd’ a ‘chwaer’ yw plentyn sy’n frawd/chwaer, hanner brawd/chwaer (plant sy’n rhannu un rhiant cyffredin), llysfrawd/llyschwaer (plant sy’n perthyn trwy briodas) neu blentyn mabwysiedig neu blentyn maeth sy’n byw yn yr un cyfeiriad. Bydd disgyblion sydd â brodyr a chwiorydd ym mhob categori yn cael blaenoriaeth yn y categori hwnnw. Bydd y cysylltiad brawd neu chwaer yn berthnasol i’r plant hynny sydd â brawd neu chwaer ar gofrestr Ysgol Teilo Sant yn y mis Medi y byddai’r ymgeisydd yn dechrau yn yr ysgol. Rhaid i riant/rhieni neu warcheidwad/gwarcheidwaid nodi unrhyw gysylltiad brawd/chwaer yn eu cais.

Pabydd. Mae Pabydd yn unigolyn sydd wedi’i fedyddio drwy ddefodau Lladin yr Eglwys Gatholig (‘Rufeinig’) neu un arall o'r 23 o Eglwysi Dwyreiniol mewn llawn gymundeb â'r Babaeth.

Uniongred. Cristion Uniongred yw unigolyn sydd wedi’i fedyddio o fewn Eglwys Uniongred mewn cymundeb rhannol â’r Babaeth, ac y mae gan ei eglwys strwythur sacramentaidd dilys a gydnabyddir gan y Babaeth.

Plwyfolyn.Unigolyn sy’n byw yn ddaearyddol o fewn ffiniau plwyf penodol (nid yw addoli mewn adeilad eglwysig o fewn plwyf arall yn golygu bod yr unigolyn yn gymwys i fod yn aelod o’r plwyf arall hwnnw).

Meini prawf derbyn a gordanysgrifio

Pan fydd nifer y ceisiadau yn fwy na nifer y lleoedd sydd ar gael, bydd y llywodraethwyr yn defnyddio'r meini prawf gordanysgrifio.Bydd llywodraethwyr yn derbyn plant yn y categorïau canlynol ac yn y flaenoriaeth a restrir. Bydd angen tystiolaeth o fedydd ar ffurf tystysgrif bedydd a roddwyd gan y plwyf bedydd, neu dystysgrif derbyn i'r Eglwys Gatholig a roddwyd gan y plwyf lle cynhaliwyd y derbyniad.

Plant Catholig sydd wedi'u bedyddio y mae eu rhiant/rhieni neu warcheidwad/gwarcheidwaid yn blwyfolion Plwyf Catholig Dinbych-y-pysgod.
Plant Catholig sydd wedi’u bedyddio y mae eu rhiant/rhieni neu warcheidwad/gwarcheidwaid yn blwyfolion plwyfi Catholig sy'n ffinio â Phlwyf Catholig Dinbych-y-pysgod.
Plant sydd wedi'u bedyddio o Eglwysi Uniongred sy'n byw ym Mhlwyf Catholig Dinbych-y-pysgod a phlwyfi Catholig cyfagos.
Plant sydd heb eu bedyddio ond sydd â brodyr a chwiorydd yn yr ysgol.
Plant sydd wedi’u bedyddio o enwadau Cristnogol eraill sy’n byw yn yr ardaloedd y cyfeirir atynt yng Nghategori 2. Mae hyn yn cynnwys aelodau o gymunedau eglwysig sy'n aelodau o Cytûn (Eglwysi Ynghyd yng Nghymru) a chymunedau eglwysig Cristnogol eraill. Ni roddir blaenoriaeth i geisiadau yn y categori hwn oni bai fod llythyr oddi wrth y gweinidog presennol yn cael ei ddarparu yn cadarnhau’r bedydd, neu oni bai fod datganiad o ymlyniad, wedi’i lofnodi gan y gweinidog, neu gynrychiolydd y gweinidog, yn cadarnhau aelodaeth yn y gymuned eglwysig Gristnogol honno.
Plant o ffydd arall y mae eu rhieni yn ceisio addysg Gatholig.
Plant y mae’r ALl wedi gofyn yn benodol am le yn yr ysgol iddynt.

Ym mhob un o’r categorïau uchod, bydd plant ac unigolion ifanc sy’n derbyn gofal yn cael eu blaenoriaethu.

Maen prawf i benderfynu pwy gaiff ei dderbyn ar gyfer pob categori

Os bydd angen penderfynu rhwng dau ymgeisydd mewn unrhyw un o'r categorïau uchod, bydd y llywodraethwyr yn derbyn yr ymgeiswyr hynny sy'n byw agosaf at yr ysgol. Yn achos plentyn y mae ei riant/rhieni neu warcheidwad/gwarcheidwaid â chyfrifoldeb ar y cyd / a rennir, y rhiant/gwarcheidwad sydd â’r cyfrifoldeb mwyaf yn ystod yr wythnos ysgol ac y mae ei gartref yn nes at yr ysgol fydd y ffactor penderfynu. Bydd angen prawf o breswyliad ar ffurf un o'r canlynol:

Llythyr hysbysu treth gyngor cyfredol ar gyfer y cyfeiriad a nodwyd ar y cais
Nodyn Credyd Treth Plant cyfredol
Llythyr hysbysu budd-dal plant cyfredol
Hysbysiad cymhorthdal incwm cyfredol
Hysbysiad dyfarnu credyd pensiwn cyfredol
Hysbysiad budd-dal tai cyfredol.

Bydd y llywodraethwyr yn defnyddio’r llwybr cerdded byrraf a gyfrifir gan ddefnyddio data llwybr yr Arolwg Ordnans sydd wedi’u teilwra o ddrws ffrynt yr ysgol i ddrws ffrynt tŷ neu fflat yr ymgeisydd. Lle bo angen, bydd y llywodraethwyr yn gofyn am gymorth gan yr awdurdod lleol i benderfynu ar y llwybr byrraf.

Rhestr aros

Caiff rhestr aros o ymgeiswyr aflwyddiannus ei llunio.Os daw lle ar gael, bydd y llywodraethwyr yn ystyried y rheiny sydd ar y rhestr aros ar sail y meini prawf gordanysgrifio cyhoeddedig, nid ar sail y dyddiad y derbyniwyd y cais. Os bydd y llywodraethwyr yn rhoi cais ar y rhestr aros, ni fydd yn effeithio ar hawl rhieni neu warcheidiaid i apelio. Bydd y rhestr aros yn cael ei llunio tan 31 Awst yn y flwyddyn ysgol y gwnaed y cais.Ar ôl y dyddiad hwnnw, rhaid i’r rhiant hysbysu’r ysgol y dylid mynd â’r cais ymlaen i’r flwyddyn academaidd nesaf.

Apeliadau

Os yw cais am le wedi’i wrthod gan y corff llywodraethu, gall rhieni apelio i banel apelio annibynnol. Rhaid anfon yr apêl hon yn ysgrifenedig at y clerc i’r llywodraethwyr yn yr ysgol cyn pen 14 diwrnod (deng niwrnod gwaith) o’r dyddiad pan gafodd y cais ei wrthod. Nid oes hawl i apelio am geisiadau i’r feithrinfa. Bydd ymgeiswyr yn cael o leiaf 14 diwrnod (deng niwrnod gwaith) o rybudd ysgrifenedig o ddyddiad eu gwrandawiad apêl.

Gwneud cais y tu allan i'r rownd dderbyn arferol

Symud i'r ardal

Ni ddylai rhieni sy’n bwriadu symud i’r ardal wneud cais yn gynharach na thymor cyn dyddiad cychwyn disgwyliedig eu plant. Caiff ceisiadau a dderbynnir fwy na thymor ymlaen llaw eu cadw tan yr amser priodol. Gall oedi wrth symud i'r ardal arwain at dynnu cynigion yn ôl, oni bai y rhoddir rheswm da.

Trosglwyddiadau ysgol yn ystod y flwyddyn

Mae angen ystyriaeth ddifrifol i newid ysgol a dylid, yn y lle cyntaf, ei drafod yn llawn gyda phennaeth ysgol bresennol eich plentyn. Os bydd angen i rieni drosglwyddo eu plentyn o un ysgol i ysgol arall o hyd, yna rhaid iddynt wneud cais trwy gyflwyno cais ar-lein a fydd yn cael ei drin yn yr un modd ag unrhyw gais arall am le. Mae’r polisi hwn wedi’i rannu â phenaethiaid yn Sir Benfro ac awdurdodau lleol cyfagos, y Cyfarwyddwr Addysg ar gyfer Esgobaeth Mynyw – Paul White, aelodau’r corff llywodraethu, a swyddfa derbyniadau’r awdurdod lleol.

Dyddiad cymeradwyo gan y llywodraethwyr: 21 Mawrth 2024

Adolygu erbyn: Mawrth 2025

Ysgol Gynradd Gatholig Mair Ddihalog, Hwlffordd

Bydd y polisi hwn yn berthnasol ar gyfer derbyniadau yn 2024-2026

(ysgrifennwyd yn unol â Pholisi Esgobaeth Mynyw ar Dderbyn i Ysgolion Catholig)

Cynhelir Ysgol Mair Ddihalog fel ysgol Gatholig yn unol â Chyfraith Ganonaidd a dysgeidiaethau’r Ysgol Gatholig, ac yn unol â Gweithred Ymddiriedolaeth Esgobaeth Mynyw. Wrth gymhwyso’r polisi hwn, bydd Ysgol Mair Ddihalog yn rhoi ystyriaeth, yn benodol, i gyngor gan Esgobaeth Mynyw.

Bydd Ysgol Mair Ddihalog yn gweithredu yn unol â holl ddarpariaethau perthnasol y Codau Ymarfer statudol (Cod Derbyniadau Ysgol Llywodraeth Cynulliad Cymru a Chod Ymarfer Apelau Derbyn i Ysgolion 2009), fel y maent yn berthnasol ar unrhyw adeg benodol i ysgolion a gynhelir a gyda’r gyfraith ar dderbyniadau, fel y mae’n berthnasol i ysgolion a gynhelir.

Ystyrir bod y cyfeiriad yn y codau neu yn y polisi hwn at "awdurdodau derbyn" neu "y llywodraethwyr" yn cyfeirio at Gorff Llywodraethol Gwirfoddol a Gynorthwyir Ysgol Mair Ddihalog.

Ystyrir bod cyfeiriadau at “yr awdurdod lleol” yn cyfeirio at Gyngor Sir Penfro.

Mae ethos yr ysgol yn Gatholig. Sefydlwyd yr ysgol gan yr Eglwys Gatholig i ddarparu addysg ar gyfer plant teuluoedd Catholig. Rydym yn gofyn i’r holl rieni neu warcheidwaid sy’n gwneud cais am le yma gefnogi a pharchu’r ethos hwn, ei bwysigrwydd i gymuned yr ysgol a’r addysg y mae’n ei darparu. Nid yw hyn yn effeithio ar hawl rhieni neu warcheidwaid nad ydynt yn arddel y ffydd Gatholig, neu nad yw eu plant yn arddel y ffydd Gatholig, i wneud cais a chael eu hystyried ar gyfer lle yma.

Y Rheoliad Cyffredinol ar Ddiogelu Data (GDPR)

Trefniadau derbyn a meini prawf gordanysgrifio

Cyfrifoldeb y corff llywodraethu yw derbyn i’r ysgol a dylid gwneud ceisiadau ar-lein drwy wefan Cyngor Sir Penfro

Pryd gall fy mhlentyn ddechrau yn yr ysgol?

Yn Ysgol Mair Ddihalog, fel yng ngweddill Sir Benfro, mae plant yn gymwys i fynychu’r ysgol yn rhan amser o’r tymor cyntaf ar ôl eu pen-blwydd yn dair oed a gallant fynychu’n amser llawn o’r tymor cyntaf ar ôl eu pen-blwydd yn bedair oed. Sylwch fod addysg orfodol yn cychwyn o'r tymor cyntaf sy’n dilyn eu pumed pen-blwydd. Dyddiad pen-blwydd eich plentyn sy’n pennu pryd y gall ef neu hi ddechrau’r ysgol, ni waeth beth fo’r dyddiad y mae’r tymor yn dechrau, ac mae’r tabl isod yn dangos pryd y gellir derbyn eich plentyn i’r ysgol. Gall rhieni ddewis gohirio dyddiad cychwyn eu plentyn unrhyw bryd hyd nes y bydd y plentyn o oedran ysgol gorfodol. Am ragor o wybodaeth, cysylltwch â'r ysgol trwy ffonio 01437 762324 neu drwy anfon neges e-bost i: admin.maryimmaculate@pembrokeshire.gov.uk.

Yr oedran arferol ar gyfer derbyn plentyn i’r ysgol yn Sir Benfro, mewn ysgol fel Mair Ddihalog sydd â darpariaeth feithrin, yw dechrau’r tymor cyntaf yn dilyn pen-blwydd y plentyn yn dair oed. Yng nghyd-destun pryd y gall plentyn ddechrau’r ysgol, sylwer ar yr amserlenni isod:

Mae pen-blwydd y plentyn yn disgyn rhwng - tyor mynediad i'r feithrin:

1 Ebrill - 31 Awst: hydref
1 Medi - 31 Rhagfyr: gwanwyn
1 Ionawr - 31 Mawrth: haf

Plant oed meithrin – tair oed

Dydduad erbyn pryd y mae'n rhaid cyrraedd - tymor derbyn:

31 Rhagfyr 2024: gwanwyn 2025
31 Mawrth 2025: haf 2025
31 Awst 2025: hydref 2025
31 Rhagfyr 2025: gwanwyn 2026
31 Mawrth 2026: haf 2026
31 Awst 2026: hydref 2026

Plant o oedran ysgol gynradd – pedair oed

Dyddiad erbyn pryd y mae'n rhaid cyrraedd - tymor derbyn:

31 Rhagfyr 2024: gwanwyn 2025
31 Mawrth 2025: haf 2025
31 Awst 2025: hydref 2025
31 Rhagfyr 2025: gwanwyn 2026
31 Mawrth 2026: haf 2026
31 Awst 2026: hydref 2026

Plant o oedran ysgol uwchradd – 11 oed

Dyddiad erbyn pryd mae'n rhaid cyrraedd - tymor derbyn:

31 Awsy 2025: hydref 2025
31 Awst 2026: hydref 2026

Ceisiadau

Yn unol â pholisïau derbyn i ysgolion yr awdurdod lleol, bydd ceisiadau am le i Ysgol Mair Ddihalog yn cael eu gwneud yn unol â dewisiadau’r rhieni. Y dyddiad cau ar gyfer derbyn ceisiadau i'r meithrin yw 30 Ebrill cyn y flwyddyn galendr y mae angen y lle yn yr ysgol.Rhoddir gwybod i rieni am lwyddiant eu cais erbyn 31 Gorffennaf. Os caiff eich plentyn ei dderbyn i addysg feithrin, nid yw hyn yn gwarantu lle i’ch plentyn mewn ysgol gynradd (dosbarth derbyn).Rhaid i chi ailymgeisio am le mewn ysgol gynradd. Y dyddiad cau ar gyfer ceisiadau i'r dosbarth derbyn yw 31 Ionawr cyn dechrau tymor yr hydref yn yr un flwyddyn galendr. Rhoddir gwybod i rieni am lwyddiant eu cais erbyn 16 Ebrill. Rhaid i ddisgyblion Blwyddyn 6 wneud cais am leoedd ysgol uwchradd yn yr ysgol a ffefrir ganddynt erbyn 20 Rhagfyr yn y flwyddyn cyn dechrau tymor yr hydref yn y flwyddyn galendr ganlynol. Rhoddir gwybod i rieni am lwyddiant eu cais erbyn 1 Mawrth.

Y broses o wneud cais

Dylid gwneud ceisiadau ar-lein trwy system derbyniadau ar-lein Cyngor Sir Penfro (CSP)
Mae CSP yn anfon y cais i'r ysgol i'w ystyried.
Pan na eir y tu hwnt i’r nifer derbyn, caiff le ei gynnig.
Mae'r ysgol yn annog ymweliadau i’r ysgol i gwrdd â'r rhiant/rhieni neu warcheidwad/gwarcheidwaid a'r plentyn/plant cyn dechrau.
Os eir y tu hwnt i'r nifer derbyn, caiff y cais am le ei wrthod, a rhoddir gwybod i'r rhieni. Bydd y rhiant/rhieni neu warcheidwad/gwarcheidwaid yn cael gwybod am restr aros yr ysgol a’r gweithdrefnau ar gyfer hyn (gweler isod).

Meini prawf derbyn

Diffiniad

Brodyr a chwiorydd. At ddibenion derbyn, ystyr ‘brawd’ a ‘chwaer’ yw plentyn sy’n frawd/chwaer, hanner brawd/chwaer (plant sy’n rhannu un rhiant cyffredin), llysfrawd/llyschwaer (plant sy’n perthyn trwy briodas) neu blentyn mabwysiedig neu blentyn maeth sy’n byw yn yr un cyfeiriad. Bydd disgyblion sydd â brodyr a chwiorydd ym mhob categori yn cael blaenoriaeth yn y categori hwnnw. Bydd y cysylltiad brawd neu chwaer yn berthnasol i'r plant hynny sydd â brawd neu chwaer ar y gofrestr yn Ysgol Mair Ddihalog yn y mis Medi y byddai'r ymgeisydd yn dechrau yn yr ysgol. Rhaid i riant/rhieni neu warcheidwad/gwarcheidwaid nodi unrhyw gysylltiad brawd/chwaer yn eu cais.

Pabydd. Mae Pabydd yn unigolyn sydd wedi’i fedyddio drwy ddefodau Lladin yr Eglwys Gatholig (‘Rufeinig’)

neu un arall o'r 23 o Eglwysi Dwyreiniol mewn llawn gymundeb â'r Babaeth.

Plwyfolyn. Unigolyn sy’n byw yn ddaearyddol o fewn ffiniau plwyf penodol (nid yw addoli mewn adeilad eglwysig o fewn plwyf arall yn golygu bod yr unigolyn yn gymwys i fod yn aelod o’r plwyf arall hwnnw).

Meini prawf derbyn a gordanysgrifio

Pan fydd nifer y ceisiadau yn fwy na nifer y lleoedd sydd ar gael, bydd y llywodraethwyr yn defnyddio'r meini prawf gordanysgrifio. Bydd llywodraethwyr yn derbyn plant yn y categorïau canlynol ac yn y flaenoriaeth a restrir. Bydd angen tystiolaeth o fedydd ar ffurf tystysgrif bedydd a roddwyd gan y plwyf bedydd, neu dystysgrif derbyn i'r Eglwys Gatholig a roddwyd gan y plwyf lle cynhaliwyd y derbyniad.

Plant Catholig sydd wedi’u bedyddio y mae eu rhiant/rhieni neu warcheidwad/gwarcheidwaid yn blwyfolion Plwyf Catholig Dewi Sant a Sant Padrig a phlwyfolion Arberth.
Plant Catholig sydd wedi’u bedyddio y mae eu rhiant/rhieni neu warcheidwad/gwarcheidwaid yn blwyfolion plwyfi Catholig sy'n ffinio â Phlwyf Catholig Dewi Sant a Sant Padrig.
Plant sydd wedi’u bedyddio o Eglwysi Uniongred sy’n byw ym Mhlwyf Catholig Dewi Sant a Sant Padrig a phlwyfi Catholig cyfagos.
Plant sydd heb eu bedyddio ond sydd â brodyr a chwiorydd yn yr ysgol.
Plant sydd wedi’u bedyddio o enwadau Cristnogol eraill sy’n byw yn yr ardaloedd y cyfeirir atynt yng Nghategori 2. Mae hyn yn cynnwys aelodau o gymunedau eglwysig sy'n aelodau o Cytûn (Eglwysi Ynghyd yng Nghymru) a chymunedau eglwysig Cristnogol eraill. Ni roddir blaenoriaeth i geisiadau yn y categori hwn oni bai fod llythyr oddi wrth y gweinidog presennol yn cael ei ddarparu yn cadarnhau’r bedydd, neu oni bai fod datganiad o ymlyniad, wedi’i lofnodi gan y gweinidog, neu gynrychiolydd y gweinidog, yn cadarnhau aelodaeth yn y gymuned eglwysig Gristnogol honno.
Plant o ffydd arall y mae eu rhieni yn ceisio addysg Gatholig.
Plant y mae’r ALl wedi gofyn yn benodol am le yn yr ysgol iddynt.

Ym mhob un o’r categorïau uchod, bydd plant ac unigolion ifanc sy’n derbyn gofal yn cael eu blaenoriaethu.

Maen prawf i benderfynu pwy gaiff ei dderbyn ar gyfer pob categori

Llythyr hysbysu treth gyngor cyfredol ar gyfer y cyfeiriad a nodwyd ar y cais
Nodyn Credyd Treth Plant cyfredol
Llythyr hysbysu budd-dal plant cyfredol
Hysbysiad cymhorthdal incwm cyfredol
Hysbysiad dyfarnu credyd pensiwn cyfredol
Hysbysiad budd-dal tai cyfredol

Rhestr aros

Caiff rhestr aros o ymgeiswyr aflwyddiannus ei llunio. Os daw lle ar gael, bydd y llywodraethwyr yn ystyried y rheiny sydd ar y rhestr aros ar sail y meini prawf gordanysgrifio cyhoeddedig, nid ar sail y dyddiad y derbyniwyd y cais. Os bydd y llywodraethwyr yn rhoi cais ar y rhestr aros, ni fydd yn effeithio ar hawl rhieni neu warcheidiaid i apelio. Bydd y rhestr aros yn cael ei llunio tan 31 Awst yn y flwyddyn ysgol y gwnaed y cais. Ar ôl y dyddiad hwnnw, rhaid i’r rhiant hysbysu’r ysgol y dylid mynd â’r cais ymlaen i’r flwyddyn academaidd nesaf.

Apeliadau

Symud i'r ardal Gwneud cais y tu allan i'r rownd dderbyn arferol

Ysgol Gynradd Gatholig Sant Ffransis, Aberdaugleddau

Polisi Derbyn 2024-26

Caiff Ysgol San Ffransis ei gweithredu fel ysgol Gatholig yn unol â chyfraith Ganon a dysgeidiaeth yr Eglwys Gatholig ac yn unol â Gweithred Ymddiriedolaeth Esgobaeth Mynyw. Wrth gymhwyso’r polisi hwn, bydd Ysgol San Ffransis yn rhoi sylw arbennig i gyngor gan Esgobaeth Mynyw.

Bydd Ysgol San Ffransis yn gweithredu yn unol â holl ddarpariaethau perthnasol y Codau Ymarfer statudol (Cod Derbyn i Ysgolion a Chod Apelau Derbyn i Ysgolion 2009 Llywodraeth Cymru) fel y maent yn berthnasol ar unrhyw adeg benodol i ysgolion a gynhelir ac â’r gyfraith ar dderbyniadau fel y mae’n berthnasol i ysgolion a gynhelir.

Dylid tybio bod cyfeiriadau yn y codau neu yn y polisi hwn at “awdurdodau derbyn” neu “y llywodraethwyr” yn gyfeiriadau at Gorff Llywodraethu Ysgol Wirfoddol a Gynorthwyir San Ffransis.

Dylid tybio bod cyfeiriadau at “yr awdurdod lleol” yn gyfeiriadau at Gyngor Sir Penfro.

Catholig yw ethos yr ysgol. Sefydlwyd yr ysgol gan yr Eglwys Gatholig i ddarparu addysg ar gyfer plant o deuluoedd Catholig. Gofynnwn fod rhieni neu warcheidwaid sy’n ymgeisio am le yma’n cefnogi ac yn parchu’r ethos hwn, ei bwysigrwydd i gymuned yr ysgol a’r addysg a ddarperir ganddi. Nid yw hyn yn effeithio ar hawl rhiant/rhieni neu warcheidwad/gwarcheidwaid nad ydynt yn perthyn i’r ffydd Gatholig, neu nad yw eu plant yn perthyn i’r ffydd Gatholig, i ymgeisio am le a chael eu hystyried ar gyfer lle yma.

Datblygwyd ein polisi derbyn i sicrhau system gyson a theg ar gyfer derbyn disgyblion i’n hysgol, yn enwedig os yw lleoedd yn debygol o fod yn gyfyngedig o ganlyniad i gyrraedd y nifer derbyn ar gyfer mis Medi 2025, sef 19.

At ddibenion derbyn i’r ysgol, dyddiadau dechrau tymhorau yw 1 Ionawr, 1 Ebrill ac 1 Medi. Fodd bynnag, nid oes rhaid i addysg orfodol ddechrau tan y tymor ar ôl pumed pen-blwydd plentyn.

Yr oedran arferol ar gyfer derbyn i ysgol yn Sir Benfro, mewn ysgol fel San Ffransis â darpariaeth feithrin, yw dechrau’r tymor yn dilyn trydydd pen-blwydd y plentyn. Yng nghyd-destun pryd all plentyn ddechrau yn yr ysgol, sylwer ar y graddfeydd amser isod:

Mae pen-blwydd y plentyn rhyng - tîm derbyn i'r meithrin:

1 Ebrill - 31 Awst: tymor yr hydref
1 Medi - 31 Rhagfyr: gwanwyn
1 Ionawr - 31 Mawrth: haf

Ceisiadau

Yn unol â pholisïau’r awdurdod lleol ar dderbyn i ysgolion, bydd ceisiadau i dderbyn disgyblion i Ysgol San Ffransis yn cael eu gwneud yn unol â dewis rhieni. Dylid gwneud ceisiadau ar-lein trwy system dderbyn ar-lein Cyngor Sir Penfro.

Bydd Cyngor Sir Penfro’n anfon y cais ymlaen ar ffurf PDF at yr ysgol i gael ei ystyried. Bydd yr ysgol yn cadarnhau gyda Chyngor Sir Penfro beth yw statws niferoedd y grŵp blwyddyn/dosbarth/dosbarthiadau yr ymgeisiwyd am le ynddynt.
Lle nad eir y tu hwnt i’r nifer derbyn bydd yr ysgol yn cysylltu â rhiant/rhieni neu warcheidwad/gwarcheidwaid y plentyn/plant y gwnaed cais am le ar eu cyfer. Gwneir cais i gwblhau’r ffurflen derbyn i’r ysgol (rhaid cwblhau hon). Mae’r ysgol yn annog y rhiant/rhieni neu’r gwarcheidwad/gwarcheidwaid a’r plentyn/plant i ymweld â’r ysgol i’r ysgol gael cwrdd â hwy cyn dechrau.
Lle eir y tu hwnt i’r nifer derbyn, bydd yr un trefniadau ag a nodir uchod yn berthnasol. Bydd y rhiant/rhieni neu’r gwarcheidwad/gwarcheidwaid yn cael eu hysbysu ynghylch rhestr aros yr ysgol a’r gweithdrefnau mewn perthynas â hyn.

Bydd Ysgol San Ffransis yn cyfranogi yn y trefniadau derbyn cydgysylltiedig a weithredir gan yr awdurdod lleol. O ganlyniad, dylai ceisiadau ar gyfer disgyblion meithrin sydd i fod i ddechrau ym mis Medi, mis Ionawr neu fis Ebrill ddod i law, fan bellaf, erbyn y 30 Ebrill blaenorol, a byddant yn cael eu hystyried yn fuan wedi’r dyddiad hwnnw (gweler tabl 1).

Ar gyfer lleoedd yn y Derbyn, dylid gwneud ceisiadau erbyn y diwrnod gwaith olaf ym mis Ionawr yn yr un flwyddyn ar gyfer dechrau ym mis Medi. Sylwer: os yw’r plentyn hwnnw eisoes yn y dosbarth Meithrin yn yr ysgol, rhaid i’r rhiant/rhieni neu’r gwarcheidwad/gwarcheidwaid wneud cais o’r newydd am le.

Bydd teuluoedd sy’n symud i mewn i’r ardal yn cael eu trin fel achosion ar wahân, ond defnyddir y meini prawf isod.

Meini Prawf Derbyn

Diffiniadau

Plant sy’n Derbyn Gofal. Y diffiniad o Blentyn sy’n Derbyn Gofal yw plentyn sy’n derbyn gofal gan yr Awdurdod Lleol yn unol ag Adran 22 Deddf Plant 1989. Bydd plant sy’n derbyn gofal yn cael blaenoriaeth yn yr holl gategorïau isod.

Siblingiaid. At ddibenion derbyn, ystyr sibling yw plentyn sy’n frawd/chwaer, hanner brawd/chwaer (plant sy’n rhannu un rhiant cyffredin), llysfrawd/llyschwaer (plant sy’n perthyn trwy briodas) neu blentyn mabwysiedig neu blentyn maeth sy’n byw yn yr un cyfeiriad. Bydd disgyblion sydd â siblingiaid ym mhob categori’n cael blaenoriaeth yn y categori hwnnw. Bydd y cysylltiad sibling yn berthnasol i’r plant hynny sydd â sibling ar y gofrestr yn Ysgol San Ffransis yn y mis Medi pan fyddai’r ymgeisydd yn dechrau yn yr ysgol. Rhaid i riant/rhieni neu warcheidwad/gwarcheidwaid nodi unrhyw gysylltiad sibling yn eu cais.

Catholig. Ystyr Catholig yw rhywun a Fedyddiwyd yn yr Eglwys Gatholig (‘Rufeinig’) Ladinaidd neu un arall o’r 23 o Eglwysi Dwyreiniol sydd mewn cymundeb llawn â’r Babaeth.

Uniongred. Ystyr Cristion Uniongred yw rhywun a Fedyddiwyd mewn Eglwys Uniongred sydd mewn cymundeb rhannol â’r Babaeth, ac y mae gan ei eglwys strwythur sacramentaidd dilys a gydnabyddir gan y Babaeth.

Plwyfolyn. Rhywun sy’n byw’n ddaearyddol o fewn ffiniau plwyf penodol (nid yw addoli yn adeilad eglwys plwyf arall yn gwneud rhywun yn gymwys i fod yn aelod o’r plwyf arall hwnnw).

Meini Prawf Derbyn a Goralw

Lle mae nifer y ceisiadau’n uwch na nifer y lleoedd sydd ar gael, bydd y llywodraethwyr yn cymhwyso’r meini prawf goralw. Bydd llywodraethwyr yn derbyn plant yn y categorïau canlynol ac yn y drefn blaenoriaeth a restrir. Bydd yn ofynnol dangos tystiolaeth o fedydd ar ffurf Tystysgrif Bedydd a ddyroddwyd gan y plwyf lle digwyddodd y bedydd, neu Dystysgrif Derbyn i’r Eglwys Gatholig a ddyroddwyd gan y plwyf lle digwyddodd y derbyniad.

Plant Catholig Bedyddiedig i riant/rhieni neu warcheidwad/gwarcheidwaid sy’n blwyfolion Plwyf Catholig San Ffransis o Assisi.
Plant Catholig Bedyddiedig i riant/rhieni neu warcheidwad/gwarcheidwaid sy’n blwyfolion plwyfi Catholig sy’n ffinio â Phlwyf Catholig San Ffransis o Assisi.
Plant a Fedyddiwyd mewn Eglwysi Uniongred sy’n byw ym Mhlwyf Catholig San Ffransis o Assisi ac mewn plwyfi Catholig cyfagos.
Plant nad ydynt wedi’u Beddyddio ond sydd â siblingiaid yn yr ysgol.
Plant a Fedyddiwyd mewn enwadau Cristnogol eraill sy’n byw yn yr ardaloedd y cyfeirir atynt yng nghategori 2. Mae hyn yn cynnwys aelodau o'r Cymunedau Eglwysig sy’n aelodau o Eglwysi Ynghyd yng Nghymru (Cytûn) a Chymunedau Eglwysig Cristnogol eraill. Ni fydd blaenoriaeth yn cael ei rhoi i geisiadau yn y categori hwn oni bai y darperir llythyr i gyd-fynd â’r cais gan weinidog presennol a hwnnw’n cadarnhau Bedydd, neu oni bai y cyflwynir datganiad o gysylltiad i gyd-fynd â’r cais, a hwnnw wedi’i lofnodi gan y gweinidog neu gynrychiolydd y gweinidog, yn cadarnhau aelodaeth yn y Gymuned Eglwysig Gristnogol honno.
Plant o ffyddoedd eraill y mae eu rhieni’n ceisio addysg Gatholig iddynt.
Plant y mae’r ALl wedi gofyn yn benodol am le iddynt yn yr ysgol.

Mae dyletswydd ar bob ysgol i dderbyn plant â Datganiad o Anghenion Addysgol lle mae’r ysgol yn cael ei henwi yn y datganiad. Yn yr holl gategorïau uchod bydd Plant sy’n Derbyn Gofal yn cael blaenoriaeth.

Torri’r Ddadl ar gyfer pob categori

Os bydd angen torri’r ddadl yn unrhyw un o’r categorïau uchod, bydd y llywodraethwyr yn derbyn yr ymgeiswyr hynny sy’n byw agosaf at yr ysgol. Yn achos plentyn y mae gan ei riant/rhieni neu warcheidwad/gwarcheidwaid gyfrifoldeb ar y cyd/a rennir, man preswylio’r rhiant/gwarcheidwad sydd â’r mwyaf o gyfrifoldeb yn ystod yr wythnos ysgol ac sydd â’r man preswylio agosaf at yr ysgol fydd y ffactor sy’n penderfynu. Bydd yn ofynnol cyflwyno prawf o fan preswylio ar ffurf un o’r canlynol:

Llythyr cyfredol yn hysbysu ynghylch y Dreth Gyngor ar gyfer y cyfeiriad ar y cais
Nodyn credyd cyfredol ar gyfer credyd treth plant
Llythyr cyfredol yn hysbysu ynghylch budd-dal plant
Hysbysiad cyfredol ynghylch cymhorthdal incwm
Hysbysiad cyfredol ynghylch dyfarniad pensiwn
Hysbysiad cyfredol ynghylch budd-dal tai

Bydd y Corff Llywodraethu’n defnyddio’r llwybr cerdded byrraf, a gyfrifwyd gan ddefnyddio data llwybrau pwrpasol yr Arolwg Ordnans o ddrws blaen yr ysgol at ddrws blaen man preswylio’r ymgeisydd. Lle y bo’n angenrheidiol, bydd y Llywodraethwyr yn gofyn am gymorth gan yr awdurdod lleol i bennu’r llwybr byrraf.

Rhestr Aros

Bydd rhestr aros o geisiadau aflwyddiannus yn cael ei chynnal. Os daw lle i fod ar gael, bydd y Llywodraethwyr yn ystyried y rhai ar y rhestr aros yn seiliedig ar y meini prawf goralw a gyhoeddwyd, nid ar y dyddiad y daeth y cais i law. Os yw’r Llywodraethwyr yn gosod cais ar y rhestr aros ni fydd hynny’n effeithio ar hawl rhiant i apelio. Bydd y rhestr aros yn cael ei chynnal tan 31 Awst yn y flwyddyn ysgol y gwnaed y cais ynddi. Ar ôl y dyddiad hwnnw, rhaid i’r rhiant hysbysu’r ysgol y dylid dwyn y cais ymlaen i’r flwyddyn academaidd nesaf.

Cynt

Nesaf

ID: 9120, adolygwyd 18/09/2024

Derbyniadau i Ysgolion yn Sir Benfro - Gwybodaeth i Rieni

Atodiad 4 Trefniadau derbyn a meini prawf gordanysgrifio ar gyfer Ysgolion Gwirfoddol a Gynorthwyir

﻿

Ysgol Wirfoddol a Gynorthwyir Sant Marc, Hwlffordd

Ein Hysgol Eglwysig

Datganiad Cenhadaeth

Arwyddair

Y Rheoliad Cyffredinol ar Ddiogelu Data (GDPR)

CCUHP (Confensiwn y Cenhedloedd Unedig ar Hawliau’r Plentyn)

Polisi Derbyn

Pryd gall fy mhlentyn ddechrau yn yr ysgol?

Ceisiadau

Meini Prawf Gordanysgrifio

Apeliadau

Dewis Rhieni

Datglwm ar gyfer Pob Categori

Rhestr Aros

Trosglwyddiadau rhwng ysgolion

Pa drefniadau diogelu sydd ar waith?

﻿

Ysgol Wirfoddol a Gwynorthwyir yr Eglwys yng Nghymru Sant Oswald, Jeffreyston

Rhagymadrodd

Hawliau Rhieni

Nifer Y Disgyblion I'w Derbyn

Meini Prawf Ar Gyfer Penderfynu Ar Dderbyniadau

Ceisiadau

﻿

Ysgol a Gynorthwyir yn Wirfoddol yr Eglwys yng Nghymru St Aidan

Ceisiadau

Meini prawf gordanysgrifio

Apeliadau

Rhestr Aros

﻿

Ysgol yr Eglwys yng Nghymru Penrhyn Dewi VA School, Tyddewi

Ysgol yr Eglwys

Arwyddair

Y Rheoliad Diogelu Data

Trefniadau derbyn a meini prawf gordanysgrifio

Pryd gall fy mhlentyn ddechrau yn yr ysgol?

Plant Oedran Meithrin – 3 mlwydd oed

Plant Oedran Cynradd – 4 mlwydd oed

Plant Oedran Uwchradd – 11 mlwydd oed

Amserlen Dderbyn– Rowndiau Derbyn Arferol

Darpariaeth

Oedran

Dechrau’r Ysgol

Dyddiad cau i ymgeisio

Dyddiad Cynnig /hysbysu

Dyddiad cau apeliada

Ceisiadau

Gordanysgrifio

Apêl

Rhestr Aros

Gwneud Cais y Tu Allan i’r Rownd Dderbyn Arferol

Symud i’r Ardal

Trosglwyddiadau Ysgol yn ystod y Flwyddyn

﻿

Ysgol Gynradd Gatholig yr Enw Sanctaidd, Abergwaun

Ysgol Gynradd yr Enw Sanctaidd Meini Prawf Derbyn

﻿

Ysgol Gynradd Gatholig Teilo Sant, Dinbych-y-Pysgod

Y Rheoliad Cyffredinol ar Ddiogelu Data (GDPR)

Trefniadau derbyn a meini prawf gordanysgrifio

Pryd gall fy mhlentyn ddechrau yn yr ysgol?

Plant oed meithrin – tair oed

Plant o oedran ysgol gynradd – pedair oed

Plant o oedran ysgol uwchradd – 11 oed

Ceisiadau

Y broses o wneud cais

Meini prawf derbyn

Diffiniadau

Meini prawf derbyn a gordanysgrifio

Maen prawf i benderfynu pwy gaiff ei dderbyn ar gyfer pob categori

Rhestr aros

Apeliadau

Gwneud cais y tu allan i'r rownd dderbyn arferol

Symud i'r ardal

Trosglwyddiadau ysgol yn ystod y flwyddyn

﻿

Ysgol Gynradd Gatholig Mair Ddihalog, Hwlffordd