Dweud eich dweud

Gorchymyn Cyngor Sir Penfro (Mannau Parcio oddi ar y Stryd) (Cydgrynhoi) 2011 (Gorchymyn Amrywio Rhif 15 2025)

11 Ebril 2025

Mae'r ymgynghoriad hwn wedi cau.  Diolch am gymryd rhan.

Datganiad O'r rhesymau

 Cynigir i amrywio'r Gorchymyn Maes Parcio presennol, sef Gorchymyn Cyngor Sir Penfro (Mannau Parcio oddi ar y Stryd) (Cydgrynhoi) 2011, fel a ganlyn:-

1. Cyflwyno tariff aros dros nos cartref Modur/Fan gwersylla ym maes parcio rhif 13 – Goodwick Moor, Wdig Mapiau Goodwick moor

Mae'r amrywiad hwn yn cyflwyno tariff newydd i ganiatáu i faniau gwersylla / cartrefi modur barcio a chysgu dros nos mewn man parcio rhif 13, maes parcio Goodwick Moor, Wdig am uchafswm o 1 noson.  Bydd hyn yn galluogi'r Cyngor i reoli ardal y maes parcio'n effeithiol, yn unol â'n dyletswydd Rheoli Traffig.

19 Mawrth 2025

Gorchymyn Cyngor Sir Penfro (Mannau Parcio oddi ar y Stryd) (Cydgrynhoi) 2011 (Gorchymyn Amrywio Rhif 15 2025)

HYSBYSIR drwy hyn fod Cyngor Sir Penfro yn bwriadu gwneud gorchymyn o dan adrannau 32 a 35 a Ran IV o Atodlen 9 i Ddeddf Rheoleiddio Traffig Ffyrdd 1984 ("Deddf 1984") fel y’i diwygiwyd, a darpariaethau Deddf Rheoleiddio Traffig Ffyrdd 2004 a’r holl bwerau galluogi eraill.

Effaith y gorchymyn fydd amrywio’r Atodlen i Orchymyn (Mannau Parcio Oddi ar y Stryd) (Cydgrynhoi) Cyngor Sir Penfro 2011 mewn perthynas â’r mannau parcio a restrir yn y tabl isod, i wneud darpariaeth fel a ganlyn:-

1.      Cyflwyno tariff dros nos ar gyfer cartrefi modur / faniau gwersylla yng ngholofn 7 yr Atodlen ym man parcio rhif 13.

Atodlen 1 

Eitem	Enw’r man parcio	Safle lle gall cerbyd aros	Dosbarth y cerbyd	Oriau a dyddiau  gweithredu’r  man parcio a’r cyfnod codi tâl	Cyfnod hiraf  y gall  cerbyd aros	Taliadau cyfredol	Y raddfa arfaethedig o daliadau fesul parcio
(1)	(2)	(3)	(4)	(5)	(6)	(7)	(8)
13	Goodwick Moor, Wdig	Yn gyfan gwbl o fewn cilfan barcio	1,2,3,4,5,6, 7,8,9,10,11	Pob awr ar bob diwrnod o’r flwyddyn. Taliadau trwy gydol y flwyddyn.	Dim terfyn	Dim tâl	Arhosfan dros nos ar gyfer fan wersylla/cartref modur – £10 y noson, am uchafswm o un noson. Rhwng 7pm a 9am bob dydd

 

Dyma ddosbarthiadau’r cerbydau y cyfeirir atynt uchod:

Dosbarthiadau cerbydau

1. Beiciau modur unigol
2. Cerbydau cofrestredig i’r anabl
3. Ceir modur
4. Cyfuniadau o feiciau modur
5. Cerbydau modur sydd â phwysau cerbyd gros o lai na 3.5 tunnell neu sy’n llai na 5.5 metr o hyd
6. Ôl-gerbydau
7. Carafanau
8. Cerbydau modur sydd â phwysau cerbyd gros o fwy na 3.5 tunnell ac sy’n fwy na 5.5 metr o hyd
9. Coetsys
10. Cychod a/neu ôl-gerbydau cychod sy’n llai na 3.5 tunnell neu 5.5 metr o hyd
11. Cychod a/neu ôl-gerbydau cychod sydd dros 3.5 tunnell neu 5.5 metr o hyd

Diffiniadau parcio:

Arhosfan dros nos ar gyfer cartrefi modur / faniau gwersylla

Codir tâl rhwng 7pm a 9am i ganiatáu parcio dros nos mewn cartref modur / fan wersylla, a chysgu mewn maes parcio penodol yn y sir, am gyfnod o ddim mwy nag un noson ag amodau –

• Parcio dros nos a chysgu – arhosiad o ddim mwy nag un noson.
• Nid oes hawl storio dodrefn y tu allan i’r cerbyd.
• Nid oes hawl codi cysgodlenni na gorchuddion eraill.
• Nid oes hawl stori poteli nwy petrolewm hylifol y tu allan.
• Nid oes mannau gwastraff nac ailgylchu yn cael eu darparu (ond bydd lleoliad y maes parcio yn agos at doiledau cyhoeddus)

 

Mae manylion llawn y cynigion wedi’u cynnwys yn y Ddrafft - gorchymyn amrywio rhif 15  sydd, ynghyd â chynlluniau yn dangos y man parcio yr effeithir arno, copi o Orchymyn (Mannau Parcio Oddi ar y Stryd) (Cydgrynhoi) Cyngor Sir Penfro 2011 a Datganiad o Resymau’r Cyngor dros gynnig y gorchymyn, i’w canfod yn Neuadd y Sir, Hwlffordd ac wefan Cyngor Sir Penfro. Am ragor o wybodaeth, cysylltwch â Rheolwr Tir y Cyhoedd ar 01437 775404 neu anfonwch neges e-bost at parking@pembrokeshire.gov.uk.

Rhaid i bob gwrthwynebiad sy’n ymwneud â’r gorchymyn arfaethedig gael ei gyflwyno’n ysgrifenedig. Rhaid i bob gwrthwynebiad nodi ar ba sail y gwneir y gwrthwynebiad. Dylid anfon pob gwrthwynebiad a sylw ysgrifenedig at yr islofnodedig yn y cyfeiriad a ddarperir isod, erbyn 10ed Ebrill 2025.

 

Dyddiedig 19 Mawrth 2025

 

Sarah Edwards

Pennaeth Dros Dro Isadeiledd a'r Amgylchedd

Neuadd y Sir

Hwlffordd

Sir Benfro

SA61 1TP 

 

Mae pob gorchymyn blaenorol ar gael ar wefan PATROL (yn agor mewn tab newydd)

 

Gweld yr Ymgynghoriad