Ein Cynllun Gweithredu

Ôl Troed Carbon - Goleuadau Stryd

Goleuadau Stryd

Goleuadau Stryd	2003/04 (canlyniad)	2016/17 (canlyniad)	2017/18 (canlyniad)	2018/19 (canlyniad)	2018/19 v 2017/18 cynnydd	2018/19 v 2017/18 % y newid
Allyriadau carbon (tCO2e)	2,220	1,345	1,135	886	wedi gwella	-21.94%
Defnydd (kWh)	4,316,478	2,993,488	2,953,158	2,883,115	wedi gwella	-2.37%

 

Mae’r cyngor wedi lleihau allyriadau carbon o’i oleuadau stryd 60% ers 2008 – o 2,220 tCO₂e i 886 tCO₂e. Cafwyd gostyngiad o 21.94% mewn allyriadau rhwng 2017/18 a 2018/19.

Nodiadau:

(1) 2008 oedd y flwyddyn y cofnododd ac adroddodd CSP am y tro cyntaf am ddefnydd ynni ac allyriadau goleuadau stryd ar gyfer cynllun Ymrwymiad Lleihau Carbon y DU, ac felly dyma'r set ddata hynaf sydd ar gael.

(2) Er i ddefnydd (kWh) ostwng 2.37% yn 2018/19, gostyngodd allyriadau carbon (tCO₂e) yn gyflym, sef 21.94%, oherwydd gostyngiad yn y ffactor trosi allyriadau ar gyfer trydan. Bydd datgarboneiddio parhaus y rhwydwaith dosbarthu trydan cenedlaethol yn helpu i gyflymu'r broses o leihau allyriadau carbon o ddefnydd y cyngor o drydan. Mae'r cyngor yn cyfrannu at ddatgarboneiddio'r grid trydan bob tro y mae'n cysylltu generadur trydan adnewyddadwy (e.e. paneli solar ffotofoltäig) i'r rhwydwaith grid.

(3) Mae’r data perfformiad a ddyfynnir yn y ddogfen hon yn defnyddio, lle bo’n briodol, ffactorau trosi allyriadau’r DU a gyhoeddwyd gan yr Adran Busnes, Ynni a Strategaeth Ddiwydiannol (BEIS). Cyhoeddir y ffactorau hyn yn flynyddol – er enghraifft: 

Greenhouse Gas Reporting Conversion Factors (yn agor mewn tab newydd)



Camau Gweithredu    

• Ers 2008, mae CSP wedi gwneud y penderfyniad beiddgar i drosi 12,726 o 15,747 o oleuadau stryd i weithio am ran o'r nos yn unig (h.y. mae lampau'n cael eu diffodd yn awtomatig o hanner nos i 5.30am), sydd wedi cynhyrchu arbedion blynyddol o £178,000, 1,229,000 kWh a 563 tCO₂. Roedd y polisi hwn yn dilyn ymgynghoriad trwyadl ac mae wedi arwain at nifer o ganmoliaethau gan eiriolwyr bioamrywiaeth ac ‘awyr dywyll’.
• Ym mis Awst 2019, roedd cyfanswm o 3,507 o lampau stryd LED wedi'u gosod.
• Yn 2019, cytunwyd yn y cabinet i ddadgomisiynu goleuadau stryd nad ydynt bellach yn cydymffurfio os na all y cyngor eu trwsio'n economaidd – h.y. os bydd cost eu hatgyweirio yn fwy na chost lamp newydd.
• Ym mis Mawrth 2020, cytunodd CSP i gynnal prosiect goleuadau stryd a gefnogir gan fenthyciadau di-log Salix a Llywodraeth Cymru. Mae hyn yn cynnwys cynllun uwchraddio dwy flynedd gan ddefnyddio contractwr fframwaith cynnal a chadw goleuadau stryd y cyngor i drosi'r holl osodiadau goleuadau stryd pŵer uchel sy'n weddill i rai LED rhwng 2020 a 2023. Bydd hyn yn sicrhau bod Cyngor Sir Penfro yn gweithredu rhwydwaith goleuadau stryd y mae pob rhan ohono yn oleuadau LED. Mae'r prosiect hwn yn canolbwyntio ar amnewid yr unedau goleuo yn unig, heb ailosod colofnau. Bydd yn gweld 11,231 o oleuadau stryd pŵer uchel sy’n weddill yn cael eu huwchraddio i oleuadau LED. Bydd y prosiect yn lleihau allyriadau carbon 322 tunnell bob blwyddyn, ac yn arbed £205,000 y flwyddyn mewn costau trydan. Oherwydd hirhoedledd cynhenid technoleg LED, bydd arbediad ychwanegol sylweddol hefyd mewn costau cynnal a chadw parhaus sy'n gysylltiedig â ffitiadau presennol sy'n dirywio.

 

Targed

Bydd targed lleihau carbon priodol yn cael ei ddatblygu fel rhan o'r adolygiad blynyddol o'r cynllun gweithredu.

Camau i'w Cymryd

Cyf: NZC - 09

• Cam Gweithredu: Datblygu targed lleihau carbon priodol ar gyfer goleuadau stryd y cyngor fel rhan o adolygiad blynyddol y cynllun gweithredu.
• Swyddog Arweiniol: Peiriannydd Goleuadau Stryd
• Erbyn Pryd: Mawrth 2021

Cyf: NZC - 10

• Cam Gweithredu: Uwchraddio 11,231 o oleuadau stryd pŵer uchel sy'n weddill i oleuadau LED rhwng 2020 a 2022 gan ddefnyddio cyllid Salix a CSP y cytunwyd arno
• Swyddog Arweiniol: Peiriannydd Goleuadau Stryd
• Erbyn Pryd: Rhagfyr 2022

Cyf: NCZ - 11

• Cam Gweithredu: Datgomisiynu goleuadau stryd nad ydynt bellach yn cydymffurfio os na all y cyngor eu hatgyweirio'n economaidd – h.y. mae atgyweirio'n costio mwy na lamp newydd.
• Swyddog Arweiniol: Peiriannydd Goleuadau Stryd
• Erbyn Pryd: Adolygiad blynyddol cyntaf Mawrth 2021