Etholiadau a Phleidleisio
Canfas Cofrestru Etholiadol 2026
Mae'n ofynnol i ni ddiweddaru ein cofrestr o bleidleiswyr cymwys. Dros yr wythnosau nesaf byddwn yn cysylltu â phob cartref i weld a yw'r manylion ar y gofrestr etholiadol yn gywir.
Gellir cysylltu â'ch cartref trwy:
- e-bost
- ffôn
- post
Bydd llawer o drigolion eisioes wedi derbyn e-bost yn gofyn i wirio a chadarnhau eu manylion, ond os nad ydych, byddwch yn derbyn llythyr yn ystod yr wythnos nesaf (15 Medi). Os ydych eisioes wedi cadarnhau eich manylion drwy e-bost ar gyfer eleni ni fyddwch yn derbyn ffurflen.
Beth sydd angen i chi ei wneud?
Rhaid i chi ddarllen y ffurflen a gewch yn ofalus. Bydd y cyfarwyddiadau ar flaen y ffurflen yn rhoi manylion am yr union beth sydd angen i chi ei wneud.
Rhaid i chi sicrhau bod pawb sy'n byw yn eich cyfeiriad, ac sydd dros 14 oed, yn cael eu cynnwys.
Os oes angen i chi ddiweddaru eich manylion ar y gofrestr etholiadol, maen bwysig eich bod yn ymateb cyn gynted ag y gallwch fel nad oes rhaid anfon nodiadau atgoffa i chi.
Ymatebwch ar-lein os gallwch trwy ddilyn y cyfarwyddiadau ar y ffurflen a gaiff ei hanfon atoch.
Dim ond ychyding funudau fydd eu hangen arnoch i'w chwblhau ar-lein.
Cam Un
Ewch i'r wefan: Diweddarwch eich manylion (yn agor mewn tab newydd)
Cam Dau
Rhowch eich cod diogelwch unigryw i mewn:
Rhan 1: 12345
Rhan 2: 4567
Cod Post
Cam Tri
Diweddarwch yr wybodaeth am eich cartref a'i chyflwyno.
Cofiwch gynnwys enwau a chenedligrwydd pawb sy'n byw yn y cyfeiriad hwn.
Os byddwch yn ychwanegu unrhyw bobl newydd, bydd angen iddynt hwy hefyd gwblhau cais i gofrestru. Gallant wneud hyn yn: Cofrestru i bleidleisio (yn agor mewn tab newydd)
Byddwn yn anfon ffurflen at bob unigolyn os nad ydynt yn gwneud cais ar-lein.
Noder:
Gall pobl ifanc 14 - 16 oed a gwladolion tramor cymwys sy'n byw yng Nghymru gofrestru i bleidleisio.
Drwy gofrestru i bleidleisio gall person ifanc a gwladolyn tramor cymwys, 16 oed neu hŷn, gymryd rhan yn etholiadau llywodraeth leol a'r Senedd.
Mae rhagor o wybodaeth (yn agor mewn tab newydd) am gofrestru i bleidleisio ar gael ar wefan y Comisiwn Etholiadol.
Cwestiynau Cyffredin
Beth ddylwn i ei wneud os nad ydw i wedi derbyn ffurflen?
Bydd y ffurflenni'n cael eu derbyn o 14 Medi.
 phwy dylwn i gysylltu os nad ydw i wedi derbyn un?
Gellir cysylltu â'r tîm drwy e-bostio: gwasanaethauetholiadol@pembrokeshire.gov.uk
Os ydych am gysylltu â ni dros y ffôn, ffoniwch: 01437 775844
Beth yw diben y ffurflen?
Mae'r gyfraith yn ei gwneud yn ofynnol i ni sicrhau bod y gofrestr etholiadol yn cael ei diweddaru drwy ysgrifennu at bob cartref yn yr ardal yn flynyddol. Bydd hyn yn nodi pwy sydd angen cofrestru i bleidleisio fel y gallant gymryd rhan mewn etholiadau yn y dyfodol.
Dim ond ers rhai wythnosau rydw i wedi bod yn fy eiddo - beth ddylwn i ei wneud?
Dylech ddilyn y camau syml a nodir ar y ffurflen. Bydd dilyn camau hyn yn sicrhau eich bod yn cofrestru i bleidleisio yn eich cyfeiriad newydd.
Rydw i wedi symud i mewn i adeilad newydd yn ddiweddar - beth ddylwn ei wneud?
Os ydych wedi cael ffurflen, dylech ddilyn y camau syml a nodir ar y ffurflen. Bydd dilyn y camau hyn yn sicrhau eich bod yn cofrestru i bleidleisio yn eich cyfeiriad newydd.
Pam ydych chi'n dal i anfon y ffurflenni hyn ataf?
Mae'r gyfraith yn ei gwneud yn ofynnol i ni anfon ffurflen ganfasio bob blwyddyn. Os na fyddwch yn ymateb, bydd rhaid i ni anfon nodiadau atgoffa atoch. Ymatebwch i'r ffurflen cyn gynted â phosibl fel nad oes rhaid i ni anfon nodiadau atgoffa.
Pam mae angen manylion plant 14/15 oed arnoch chi?
Gall pobl ifanc 14 - 16 gofrestru i bleidleisio gan fod oedran pleidleisio ar gyfer etholiadau'r Senedd a llwywodraeth leol wedi'i ostwng i 16 oed.
A all pobl o unrhyw genedligrwydd gofrestru i bleidleisio?
Bydd dinasyddion tramor cymwys dros 16 oed yn gallu pleidleisio mewn etholiadau'r Senedd a llywodraeth leol.
Nid oes gennyf unrhyw ddiddordeb mew pleidleisio, felly a oes rhaid i mi ddychwelyd y ffurflen?
Mae'n ofyniad cyfreithiol i gofrestru i bleidleisio. Chi sydd i benderfynu a ydych yn pleidleisio mewn etholiad. Cofiwch y gall peidio â chofrestru i bleidleisio effeithio ar eich sgôr credyd gan fod y cwmniau credyd yn gwneud eu gwiriadau trwy ddefnyddio gofrestr etholiadol.