Gwasanaethau Cofrestru Telerau ac Amodau

Archebu seremoni

Gallwch archebu hyd at dair blynedd cyn dyddiad y seremoni, ond nodwch fod y telerau a’r amodau hyn yn gallu newid ac mae’r fersiwn gyfredol ar gael ar dudalen ffioedd ein gwefan. 

Derbynnir eich archeb ar gyfer seremoni yn amodol ar y telerau ac amodau canlynol:-

1.        Amodau cyn archebu

1.1.   Bydd y ffi cadw’r dyddiad na ellir ei had-dalu yn cadw unrhyw amser a dyddiad am 14 diwrnod

1.2.   Mae’r holl wybodaeth a ddarperir yn ystod y broses archebu yn gywir ac yn wir.

2.        Archeb dros dro a blaendal seremoni

2.1.   Bernir bod dyddiad ac amser dros dro a dyddiad y seremoni yn cael eu cadarnhau dri diwrnod gwaith ar ôl archebu. Os nad yw’r dyddiad neu’r amser ar gael bellach neu os oes angen ei newid, byddwn yn cysylltu â chi o fewn tri diwrnod gwaith i drefnu dyddiad arall y bydd pawb yn cytuno arno.

2.2.   Mae angen talu blaendal o fewn 14 diwrnod i’r dyddiad y gwneir eich archeb. Os na chaiff y blaendal ei dalu o fewn 14 diwrnod, oni bai ein bod wedi cael ein hysbysu ac rydym wedi cytuno i estyniad i’r cyfnod arbed dyddiad, bydd yr archeb yn cael ei dynnu’n awtomatig o’r dyddiadur.

2.3.   Unwaith y byddwch wedi talu eich blaendal, bydd gennych 14 diwrnod pryd gallwch ganslo eich archeb (heb roi unrhyw reswm) neu (yn amodol ar argaeledd) gallwch newid dyddiad, amser a lleoliad eich archeb trwy dalu ffi cadw’r dyddiad arall. Os byddwch yn canslo ar y pedwerydd diwrnod ar ddeg neu o fewn y 14 diwrnod byddwch yn derbyn ad-daliad llawn o’r blaendal a dalwyd. Bydd y cyfnod canslo yn dod i ben unwaith y bydd y 14 diwrnod wedi dod i ben. Esbonnir canslo ar ôl y dyddiad hwn yng nghymal 5.

2.4.   Ar ôl y 14 diwrnod y cyfeirir atynt yng nghymal 2.3 uchod, bydd unrhyw newidiadau i ddyddiad, amser neu leoliad y seremoni yn golygu ffi aildrefnu fel y nodir yng nghymal 4. Bydd Cyngor Sir Benfro yn ceisio darparu ar gyfer unrhyw newidiadau sy’n angenrheidiol cyn belled ag y rhoddir rhybudd rhesymol a bod staff ar gael i fod yn bresennol.

2.5.   Cedwir unrhyw archeb dros dro yn amodol ar roi’r hysbysiad statudol ffurfiol gofynnol o’r briodas neu’r bartneriaeth sifil ddim mwy na 12 mis neu lai na 28 diwrnod clir cyn dyddiad y seremoni. Mae rhoi’r hysbysiad yn ddatganiad cyfreithiol i gofrestrydd arolygol yr ardal lle’r ydych yn byw yn cadarnhau eich manylion personol ac yn datgan eich bod yn rhydd i briodi neu ffurfio partneriaeth sifil. Rhaid gwneud hyn wyneb yn wyneb yn eich swyddfa gofrestru leol. Dylech nodi os byddwch yn newid unrhyw un o’r telerau y cytunwyd arnynt a’ch bod eisoes wedi rhoi hysbysiad, efallai y bydd angen hysbysiad o briodas neu bartneriaeth sifil newydd (a ffi hysbysiad) hefyd.

2.6.   Cynghorir chi i gyhoeddi hysbysiad chwe mis fan bellaf cyn eich seremoni.  Os ydych wedi archebu eich seremoni lai na chwe mis ymlaen llaw, dylech gyhoeddi eich hysbysiad cyn gynted â phosibl. Y ffi ar hyn o bryd am gyhoeddi hysbysiad yw £42.00, pa leoliad bynnag a ddewisir. Gall ffioedd statudol eraill fod yn daladwy os nad yw’r naill barti neu’r llall yn ddinesydd y DU, neu os yw gofynion eraill yn berthnasol. Bydd eich swyddfa gofrestru yn rhoi gwybod i chi am y rhain, os yn berthnasol, adeg archebu’ch apwyntiad hysbysu. 

3.        Ffi terfynol

3.1.   Mae Cyngor Sir Penfro yn cadw’r hawl i adolygu ffioedd seremonïau yn flynyddol a bydd yn seiliedig ar gyfradd Mynegai Prisiau Defnyddwyr mis Gorffennaf yn y flwyddyn yr adolygir y ffi.

3.2.   Y ffi derfynol sy’n daladwy yw’r ffi a godir ar ddyddiad eich seremoni. Rhoddir gwybod am y ffi derfynol o leiaf chwe mis cyn dyddiad eich seremoni.

3.3.   Bydd y ffi derfynol hon ar gael ar ein gwefan.

3.4.   Bydd y ffi derfynol yn cael ei hychwanegu at eich taliadau ar y porth seremonïau o leiaf chwe mis cyn eich seremoni.

3.5.   Bydd y ffi derfynol yn daladwy dim hwyrach na 12 wythnos cyn dyddiad eich seremoni.

4.        Newid dyddiad, amser neu leoliad

4.1.   Os gofynnir am newid yn y dyddiad, amser neu leoliad o fewn 28 diwrnod cyntaf ar ôl archebu, rhaid talu ffi aildrefnu o £33.00.

4.2.   Os gofynnir am newid yn y dyddiad, amser neu leoliad (neu os oes angen unrhyw newidiadau eraill am unrhyw reswm) mwy na 28 diwrnod ar ôl archebu a mwy na chwe mis cyn dyddiad y seremoni, mae ffi ychwanegol o £55.50 yn daladwy, os gellir bodloni’r cais.

4.3.   Bydd newid i’r dyddiad, amser neu leoliad o fewn chwe mis i’r seremoni yn cael ei drin fel canslo ac archeb newydd a bydd y ffioedd perthnasol yn gweithredu.

5.        Canslo seremoni

5.1.   Mae’n rhaid i un o’r partïon i’r briodas neu’r bartneriaeth sifil ganslo drwy ysgrifennu, yn ddelfrydol, ond nid o reidrwydd, drwy e-bost i ceremonies@pembrokeshire.gov.uk neu i Wasanaeth Cofrestru Sir Benfro, Archifdy Sir Benfro, Prendergast, Hwlffordd, SA61 2PE.

5.2.   Gall y naill barti neu’r llall yn y briodas / partneriaeth sifil ganslo’r seremoni ar unrhyw adeg.

5.3.   Bydd blaendal y seremoni yn cael ei ad-dalu’n llawn os byddwch yn canslo o fewn 28 diwrnod ar ôl archebu.

5.4.   Codir ffi canslo o £84.00 am ganslo ar ôl y 28 diwrnod cyntaf ar ôl archebu ond cyn dyddiad chwe mis cyn y seremoni a heb gyhoeddi hysbysiad statudol.

5.5.   Bydd canslo o fewn chwe mis i ddyddiad y seremoni neu ar ôl i’r hysbysiad statudol gael ei gyhoeddi yn golygu ffi canslo o £157.00 neu’r ffi lawn, p’un bynnag yw’r swm lleiaf.

5.6.   Rhoddir ad-daliad am unrhyw symiau a dalwyd yn fwy na’r ffioedd canslo a nodir yng nghymalau 5.4 a 5.6 o fewn 28 diwrnod i’r dyddiad canslo.

5.7.   Ni roddir ad-daliad os caiff y seremoni ei chanslo o fewn wyth wythnos i’r dyddiad ac os oes unrhyw symiau heb eu talu rhaid eu talu’n uniongyrchol.

5.8.   Ni ellir ad-dalu ffi yr hysbysiad, nac unrhyw ffioedd statudol eraill a dalwyd o dan unrhyw amgylchiadau lle mae’r gwasanaeth wedi’i gyflawni.

5.9.   Bydd unrhyw ffioedd a dalwyd am gofrestriad mewn adeilad crefyddol neu briodas syml neu gofrestriad partner sifil yn cael eu had-dalu’n llawn.

5.10. Mae Cyngor Sir Penfro yn cadw’r hawl i ganslo’r seremoni os:-

5.10.1.   bod unrhyw rwystr cyfreithiol i’r briodas neu bartneriaeth sifil yn bodoli,

5.10.2.   nid yw rhagofynion cyfreithiol yn cael eu cwblhau o fewn yr amserlenni angenrheidiol gan gynnwys, ond heb fod yn gyfyngedig i fethiant i roi hysbysiad cyfreithiol o’ch bwriad i briodi neu ffurfio partneriaeth sifil o fewn y terfynau amser statudol angenrheidiol

5.10.3.   ni ddarperir unrhyw bapurau ysgariad neu ddiddymiad o fewn digon o amser i’r cofrestrydd eu hystyried a/neu nad ydynt yn dderbyniol i’r cofrestrydd. Rhaid rhoi papurau ysgariad neu ddiddymiad i’r cofrestrydd ar adeg rhoi hysbysiad o briodas neu bartneriaeth sifil. Mae’n bosibl y bydd angen awdurdodiad gan y Swyddfa Gofrestru Gyffredinol i bapurau ysgariad / diddymiad tramor, a dylai’r partïon ystyried yr amser ychwanegol y bydd hyn yn ei olygu wrth drefnu eu hysbysiad.

5.10.4.   nid yw’r Swyddfa Gartref wedi rhoi caniatâd mewn pryd neu mae’r Swyddfa Gartref wedi gwrthod rhoi caniatâd.

5.10.5.   nid yw unrhyw ffioedd gofynnol wedi’u talu o fewn yr amserlenni gofynnol fel y nodir yn y telerau ac amodau hyn neu fel y nodir ar y ffurflen archebu.

5.10.6.   a oes unrhyw ddigwyddiad force majeure, sef unrhyw ddigwyddiad, amgylchiadau neu achos y tu hwnt i reolaeth resymol y partïon megis, ond heb fod yn gyfyngedig i, amodau tywydd garw, unrhyw weithredoedd gan Dduw, llifogydd, sychder, daeargryn neu drychineb naturiol arall; epidemig neu bandemig; ymosodiad terfysgol, rhyfel sifil, cynnwrf sifil neu derfysgoedd, rhyfel, bygythiad neu baratoadau ar gyfer rhyfel, gwrthdaro arfog, gosod sancsiynau, embargo; halogiad niwclear, cemegol neu fiolegol, neu unrhyw gwota neu waharddiad cyfreithiol, neu fethu â rhoi trwydded neu ganiatâd angenrheidiol; adeiladau yn dymchwel, tân, ffrwydrad neu ddamwain; ac unrhyw anghydfod llafur neu fasnach, streic, gweithredu diwydiannol neu gloi allan; ymyrraeth neu fethiant gwasanaeth cyfleustodau ac mewn amgylchiadau o’r fath bydd yn rhesymol i Gyngor Sir Penfro ymdrechu i aildrefnu’r seremoni i ddyddiad a/neu amser arall sy’n gyfleus i’r ddwy ochr neu os nad yw hyn yn bosibl neu os na ellir cytuno arno, gall Cyngor Sir Penfro ganslo ac ni fydd unrhyw ad-daliad o’r ffioedd.

6.        Nid yw’r lleoliad ar gael

6.1.   Os nad yw lleoliad a reolir gan Gyngor Sir Penfro ar gael am unrhyw reswm ac nad oes modd trefnu lleoliad amgen neu nad yw’n dderbyniol i chi, gall Cyngor Sir Benfro ganslo a bydd yn rhoi ad-daliad llawn o’r holl ffioedd a dalwyd (ni fydd ad-daliad o’r fath yn cynnwys llog ar unrhyw ffioedd o’r fath). Rhoddir lleiafswm rhybudd o wyth wythnos mewn unrhyw ddigwyddiad o’r fath neu cyn gynted â phosibl pan na fydd y lleoliad yn dod ar gael ymhen llai nag wyth wythnos. 

6.2.   Os nad yw’r lleoliad yn un o leoliadau Cyngor Sir Penfro ac nad yw ar gael am unrhyw reswm, yna bydd y darpariaethau canslo a nodir yng nghymalau 5.1 – 5.9 (yn gynwysedig) yn berthnasol.

7.        Oedi

7.1.   Mae angen i gyplau sicrhau eu bod yn mynychu’r lleoliad o leiaf 20 munud cyn amser dechrau’r seremoni gan y bydd angen iddynt gael eu cyfweld gan y cofrestrydd cyn y seremoni. Os yw’r partïon yn dymuno aros ar wahân cyn y seremoni, rhaid i un parti fod yn bresennol 20 munud cyn amser dechrau’r seremoni a rhaid i’r ail barti fod yn bresennol 10 munud cyn amser dechrau’r seremoni. Dylid gofyn i westeion y cwpl fod yn bresennol yn ystafell lleoliad y seremoni berthnasol o leiaf 15 munud cyn amser dechrau’r seremoni.

7.2.   Os caiff amser dechrau’r seremoni ei ohirio am unrhyw reswm a heb fod unrhyw fai ar Gyngor Sir Penfro, mae’r cofrestrydd ar ran Cyngor Sir Penfro yn cadw’r hawl i gwtogi’r seremoni er mwyn osgoi effeithio ar seremonïau dilynol.

7.3.   Os nad yw’r seremoni’n barod i gychwyn o fewn 15 munud i’r amser cychwyn a drefnwyd ac heb unrhyw fai ar Gyngor Sir Penfro, yna mae’r cofrestrydd ar ran Cyngor Sir Penfro yn cadw’r hawl i ganslo neu ohirio’r seremoni.

7.4.   Lle caiff y seremoni ei chanslo neu ei gohirio o ganlyniad i unrhyw oedi (heb unrhyw fai ar Cyngor Sir Penfro) ni chaiff unrhyw ffioedd a dalwyd neu sy’n ddyledus eu had-dalu.

7.5.   Os caiff y seremoni ei gohirio ac mae Cyngor Sir Penfro, yn ôl eu disgresiwn llwyr, yn gallu parhau yn hwyrach na’r amser a bennwyd, mae Cyngor Sir Penfro yn cadw’r hawl i godi ffi ychwanegol hyd at swm y ffi derfynol lawn os bydd y seremoni’n cael ei chynnal yn hwyrach nag a gynlluniwyd, i dalu costau staff ychwanegol.

7.6.   Lle bo unrhyw oedi yn cael ei achosi gan Gyngor Sir Penfro bydd y cofrestrydd yn ymdrechu naill ai i fwrw ymlaen â’r seremoni lle bo hynny’n bosibl neu i aildrefnu i amser a dyddiad y bydd pawb yn cytuno arnynt. Os na ellir cytuno ar hyn, darperir ad-daliad llawn (oni bai fod yr achos yn ddigwyddiad force majeure fel y nodir yng nghymal 5.10.6 pan na fydd ad-daliad yn daladwy).

8.        Atebolrwydd

8.1.   Mae unrhyw benderfyniad i ohirio neu ganslo’r seremoni yn ôl disgresiwn y staff cofrestru sy’n mynychu ar y diwrnod. Ni fydd Cyngor Sir Penfro yn derbyn cyfrifoldeb am unrhyw golled neu oedi o ganlyniad i:-

8.1.1. unrhyw ganslo’r seremoni neu os yw’r cofrestriad yn cael ei atal rhag parhau oherwydd:-

8.1.1.1. byddai’n wag pe bai’n mynd yn ei flaen

8.1.1.2. byddai’n arwain at drosedd o dan Ddeddf Priodasau neu Ddeddf Partneriaeth Sifil neu unrhyw ddarpariaethau statudol eraill

8.1.1.3. byddai yn erbyn budd y cyhoedd

8.1.1.4. ymddygiad annerbyniol neu ymddygiad gwrthgymdeithasol unrhyw un sy’n rhan o’r seremoni neu unrhyw westai sydd wedi’i wahodd neu heb wahoddiad

8.1.2. eich bod yn hwyr neu heb gyrraedd

8.1.3. methiant unrhyw staff cofrestru i fynychu oherwydd digwyddiad force majeure fel y manylir yng nghymal 5.10.6

8.1.4. unrhyw gais gan un ohonoch i ohirio neu ganslo’r seremoni

8.1.4.1. methiant neu esgeulustod unrhyw leoliad trwyddedig yr ydych wedi’i ddewis (sylwch fod Cyngor Sir Penfro ond yn cymeradwyo lleoliad i’r graddau y caiff ei dderbyn fel lleoliad trwyddedig i gynnal seremonïau sifil ac nid yw Cyngor Sir Penfro yn derbyn unrhyw atebolrwydd os bydd unrhyw ddiffygion mewn lleoliad o’r fath)

9.        Niferoedd mewn ystafelloedd

9.1.   Ar gyfer rheoliadau tân, diogelwch a chysur, ni chaiff nifer y gwesteion fod yn fwy na’r nifer y cytunwyd arno gyda’r lleoliad gan Gyngor Sir Penfro ar adeg y trwyddedu. Mae’r niferoedd yn cynnwys y ddau barti, tystion, gwesteion a phawb arall sy’n bresennol megis ffotograffwyr a cherddorion. Lle cynhelir y seremoni yn eiddo Cyngor Sir Penfro, y nifer a ganiateir fydd (yn ogystal â'r cwpl):

Cofrestru syml 2

Seremoni syml 8

Seremoni uwch 30 (dydd Mercher i ddydd Gwener), neu 60 (dydd Sadwrn)

9.2.   Lle cynhelir y seremoni mewn lleoliad nad yw’n lleoliad Cyngor Sir Penfro dylid gwirio niferoedd o’r fath gyda’r lleoliad trwyddedig ymlaen llaw.

9.3.   Gall Cyngor Sir Penfro wrthod mynediad pan fydd mwy o westeion na’r nifer a ganiateir. 

10.   Tystion

10.1. Cyfrifoldeb y cwpl yw sicrhau bod ganddyn nhw ddau dyst credadwy yn y seremoni. Rhaid i’r tystion fynychu’r seremoni gyfan, llofnodi’r gofrestr a deall natur a perwyl y seremoni.

11.   Archebu a chynnwys seremoni, pan fydd y seremoni yn lleoliad Cyngor Sir Penfro neu mewn lleoliad trwyddedig cymeradwy

11.1. Bydd Cyngor Sir Penfro yn cynnal y seremoni yn lleoliad Cyngor Sir Penfro neu mewn lleoliad trwyddedig cymeradwy. Bydd yr archeb ar gyfer seremoni safonol oni bai bod angen seremoni bwrpasol neu seremoni wedi’i rhannu arnoch chi, a bydd rhaid cytuno ar hyn â chofrestrydd eich seremoni. Bydd cofrestrydd y seremoni yn rhoi gwybod am unrhyw gostau ychwanegol ar gyfer y gwasanaethau hyn.

11.2. Rhaid cytuno ar yr holl sgriptiau, cerddoriaeth a darlleniadau safonol sy’n gynwysedig yn y seremoni gyda staff Gwasanaeth Cofrestru Cyngor Sir Penfro dim hwyrach na saith diwrnod cyn y seremoni. Bydd yr hyn a fernir yn dderbyniol yn ôl disgresiwn absoliwt cofrestrydd y seremoni a bydd yr holl seremonïau’n cael eu cyflwyno gyda’r bwriad o barchu difrifwch yr achlysur a sicrhau bod yr holl faterion ffurfiol cyfreithiol yn cael eu diwallu.

12.   Ffotograffau

12.1. Gellir tynnu nifer cyfyngedig o luniau o fewn y lleoliad neu’r tu allan i’r lleoliad ar yr amod nad ydynt yn achosi unrhyw niwsans neu oedi diangen i’r seremoni nac i unrhyw seremoni ddilynol a gynhelir yn yr un lleoliad. Rhaid i ffotograffwyr ac unrhyw un sy’n ffilmio’r seremoni gwrdd â chofrestrydd y seremoni yn y lleoliad cyn dechrau’r seremoni i drafod a chytuno ar drefniadau, a rhaid iddynt gydymffurfio ag unrhyw gais gan gofrestrydd y seremoni bob amser. Rhaid i unrhyw gyfarpar fod yn dawel er mwyn peidio â thynnu sylw oddi wrth y seremoni neu achosi risg iechyd a diogelwch.

13.   Anifeiliaid

13.1.  Dim ond cŵn tywys neu anifeiliaid cymorth a ganiateir mewn seremonïau yn adeiladau Cyngor Sir Benfro.

14.   Llofnodi’r atodlen priodas neu bartneriaeth sifil

14.1. Eich cyfrifoldeb chi fydd gwirio bod yr holl wybodaeth yn gywir cyn llofnodi’r atodlen priodas neu bartneriaeth sifil. Sicrhewch yn arbennig fod yr enwau a chyfeiriadau wedi’u sillafu’n gywir a bod y dyddiadau’n gywir. Bydd unrhyw newidiadau dilynol yn golygu ffi statudol a bennir gan y Swyddfa Gofrestru Gyffredinol a bydd yn amodol ar gymeradwyaeth y Cofrestrydd Cyffredinol.

15.   Archebion tystysgrif

15.1. Mae ffi’r dystysgrif yn ffi tystysgrif priodas neu bartneriaeth sifil statudol y Swyddfa Gofrestru Gyffredinol a rhaid talu unrhyw gynnydd yn y ffi hon cyn cyhoeddi’r dystysgrif.

15.2. Mae ffi’r dystysgrif wedi’i chynnwys yn y ffi seremoni lawn.

15.3. Gellir archebu tystysgrifau ychwanegol ar ôl i’r seremoni gael ei chynnal naill ai ar-lein neu drwy ffonio 01437 775826.

16.   Seremonïau yn yr awyr agored

16.1. Lle cytunwyd ar seremoni yn yr awyr agored, yna mae cofrestrydd y seremoni ar ran Cyngor Sir Penfro yn cadw’r hawl i benderfynu lle cynhelir y seremoni pe bai tywydd garw. 

16.2. Y cofrestrydd yw’r canolwr terfynol mewn materion o’r fath ac ni roddir ad-daliad os na chynhelir y seremoni yn y lleoliad y cytunwyd arno.

17.   Seremonïau dan arweiniad gweinyddion mewn lleoliadau nad ydynt wedi’u cymeradwyo ar gyfer priodasau neu bartneriaethau sifil (gan gynnwys seremonïau deuol)

17.1. Lle bo seremoni a archebwyd mewn lleoliad nad yw eisoes wedi’i gymeradwyo ar gyfer cyflawni priodasau neu bartneriaethau sifil, bydd angen asesiad risg o’r lleoliad. Lle bo angen asesiad o’r fath, codir ffi ychwanegol.

17.2.  Rhaid i’r lleoliad a’r ddau barti gadw at unrhyw un o’r mesurau lliniaru risg a nodir yn yr asesiad risg.

17.3.  Bydd methu â chadw at y mesurau lliniaru a nodir yn yr asesiad risg yn arwain at ganslo’r seremoni ac ni fydd unrhyw ffioedd a dalwyd neu sy’n ddyledus yn cael eu had-dalu.