Gwasanaeth Gwybodaeth i Deuluoedd
Gwasanaeth Gwybodaeth i Deuluoedd
Mae Gwasanaeth Gwybodaeth i Deuluoedd Sir Benfro yn darparu gwybodaeth a gwasanaeth cyfeirio diduedd am ddim ar gyfer yr holl wasanaethau plant a theuluoedd yn yr ardal. Ei nod yw bod yn bwynt cyswllt cyntaf i bob teulu a gweithiwr proffesiynol sy'n chwilio am wybodaeth, cyngor a chymorth yn ymwneud â phlant neu deuluoedd plant, rhwng 0 a 25 oed.
At ei gilydd, pwrpas y Gwasanaeth Gwybodaeth i Deuluoedd yw cefnogi teuluoedd i gael mynediad at amrywiol adnoddau a gwasanaethau yn eu hardal. P'un a ydych chi'n chwilio am grwpiau rhieni a phlant bach lleol, gwybodaeth am wasanaethau cymorth yn eich ardal, neu gyngor ar opsiynau gofal plant a chymorth ariannol - gallwn eich helpu i ddod o hyd i'r opsiynau cywir.
Sut rydym yn helpu
Mae Gwybodaeth i Deuluoedd Sir Benfro wedi ymrwymo i ddarparu:
- Canllawiau clir a diduedd i helpu teuluoedd i ddeall eu hopsiynau.
- Gwybodaeth am wahanol fathau o ofal plant sydd ar gael yn Sir Benfro.
- Cymorth i ddewis y gofal plant sydd orau i anghenion teuluoedd unigol.
- Cyfrinachedd i rieni, gofalwyr a darparwyr gofal plant.
- Parch at ddewisiadau unigol, gan sicrhau bod teuluoedd a darparwyr yn penderfynu pa fanylion maen nhw'n eu rhannu.
Gwasanaethau ychwanegol
Mae Gwybodaeth i Deuluoedd hefyd yn darparu gwybodaeth, cyngor a chefnogaeth ar y canlynol:
- Dod yn ddarparwr gofal plant a chyfleoedd gyrfa ym maes gofal plant.
- Sefydlu a datblygu gwasanaethau gofal plant, gan gynnwys gofal y tu allan i'r ysgol, gwarchod plant, a lleoliadau cyn-ysgol.
- Cyfleoedd hyfforddi i gefnogi gofal plant fforddiadwy a hygyrch o ansawdd uchel.
- Cyfeirio at sefydliadau lleol a chenedlaethol sy'n cefnogi plant, pobl ifanc a theuluoedd.
Cymorth ar gyfer darparwyr gofal plant
Gall darparwyr gofal plant gofrestru am ddim ar ein cronfa ddata i hyrwyddo eu gwasanaethau ac i gael yr wybodaeth ddiweddaraf am gyfleoedd hyfforddi.