Gwasanaethau Digidol
Hoffech chi ddatblygu eich gyrfa ym maes TGCh?
Mae gennym gyfleoedd swyddi anhygoel wedi'u lleoli yn Sir Benfro brydferth.
Rydym wedi ymrwymo i gynnig cydbwysedd gwych rhwng bywyd a gwaith drwy gynnig hyblygrwydd ac ar yr un pryd sicrhau eich bod yn teimlo fel petaech wedi eich cysylltu â’r tîm, ac yn rhan ohono.
Mae ein gwasanaeth TGCh yn chwarae rhan hanfodol ar draws yr awdurdod, gan gefnogi staff ym mhob maes tra hefyd yn darparu a chynnal gwasanaethau digidol y cyngor i'r cyhoedd.
Wrth i dechnoleg barhau i esblygu ac wrth i ffyrdd o weithio ddod yn fwyfwy hyblyg, nid oes erioed wedi bod amser gwell i ymuno â'n tîm digidol blaengar a chydweithredol.
Rydym yn chwilio am unigolion sydd â brwdfrydedd dros dechnoleg a all arloesi, datrys problemau a helpu i lunio dyfodol ein gwasanaethau digidol ar draws ystod o rolau TG:
Uwch-ddatblygwr TG
Fel Uwch-ddatblygwr TG, byddwch yn arwain y gwaith o ddylunio ac integreiddio systemau cymhleth ar draws yr awdurdod. Byddwch yn adeiladu, cefnogi a gwella datrysiadau sy'n cysylltu systemau sy’n hanfodol i feysydd gwaith, gan sicrhau eu bod yn gweithio'n ddi-dor gyda'i gilydd. Mae'r rôl hon yn cynnwys datrys problemau trwy ddadansoddi, datblygu a phrofi, a darparu arweinyddiaeth dechnegol gyffredinol ac arweiniad i'r tîm ehangach. Byddwch yn gweithio'n agos gyda gwasanaethau mewnol a chyflenwyr allanol, felly mae sgiliau cyfathrebu cryf, datrys problemau a phrofiad o dechnolegau Microsoft a fframweithiau datblygu gwe modern yn hanfodol.
Gwneud cais nawr
Datblygwr TG
Fel Datblygwr TG, byddwch yn datblygu ac yn cefnogi cymwysiadau ac yn integreiddio rhwng systemau mewnol a systemau trydydd parti. Gan weithio mewn amgylchedd ystwyth, byddwch yn adnabod a datrys problemau gyda chymwysiadau, gan gyfrannu at waith uwchraddio, gwelliannau a gwelliant parhaus. Byddwch yn defnyddio technolegau fel .NET, HTML, CSS a JavaScript, a byddwch yn meddu ar ddealltwriaeth gref o ddiogelwch gwe ac arferion gorau. Mae'r rôl hon yn gofyn am ddull rhagweithiol, sgiliau dadansoddol cryf a'r gallu i weithio'n annibynnol ac ar y cyd.
Swyddog Cymorth Digidol
Fel rhan o'r Tîm Cymorth Digidol, chi fydd y pwynt cyswllt cyntaf ar gyfer cymorth technegol ar draws yr awdurdod. Byddwch yn rhoi dyfeisiau defnyddwyr terfynol ar waith ac yn eu ffurfweddu, yn sicrhau bod systemau'n parhau i fod yn ddiogel ac yn cydymffurfio, ac yn darparu cymorth o ansawdd uchel i staff ac ysgolion. Byddwch hefyd yn cynghori ar dechnolegau newydd ac yn cefnogi'r sefydliad i fabwysiadu offer digidol yn effeithiol. Mae sgiliau cyfathrebu cryf, meddylfryd sy'n canolbwyntio ar y cwsmer a phrofiad o gefnogi amrywiaeth o ddyfeisiau yn allweddol i lwyddiant yn y rôl hon.