Gwastraff Masnachol

Gwasanaeth gwastraff masnachol ailgylchu

1. Bydd gwastraff ond yn cael ei gasglu o eiddo annomestig sydd â Dyletswydd Ggofal: Nodyn Trosglwyddo Gwastraff wedi’i gwblhau’n llawn a’i lofnodi fel sy’n ofynnol gan Reoliadau Diogelu’r Amgylchedd (Dyletswydd Gofal) 1991.
2. Gall y naill barti neu’r llall derfynu cytundeb ar unrhyw adeg drwy roi rhybudd ysgrifenedig o 28 diwrnod.
3. Rhaid i gwsmeriaid sy’n terfynu eu cytundeb gwastraff masnach ddarparu nodyn trosglwyddo gwastraff a gyflenwir gan eu darparwr gwasanaeth newydd. Rhaid i gwsmeriaid sy’n cludo eu gwastraff eu hunain ddarparu copïau o’u rhif trwydded cludydd gwastraff uchaf/isaf.
4. Mae’r cyngor yn cadw’r hawl i newid neu addasu ein gwasanaeth a/neu’r telerau ac amodau wrth roi rhybudd digonol.
5. Rhaid i’r ddau barti gydymffurfio â’r holl ddeddfwriaeth, rheoliadau, a gorchmynion perthnasol sy’n ymwneud â’r contract, gan gynnwys Deddf Diogelu’r Amgylchedd 1990 a Rheoliadau Ailgylchu yn y Gweithle 2024.
6. Mae ailgylchu yn orfodol fel rhan o’n gwasanaeth gwastraff masnach, mae gennych ddyletswydd gyfreithiol i gymryd pob cam rhesymol i ailgylchu cymaint o’ch gwastraff â phosibl yn unol â Rheoliadau Ailgylchu yn y Gweithle 2024 a Chyfarwyddeb Cyn-driniaeth 2007.  Bydd methu â gwneud hynny yn arwain at derfynu eich cytundeb gwastraff masnach.
7. Ni fydd gwasanaeth yn cael ei roi a/neu bydd yn cael ei dynnu’n ôl pan fydd unrhyw falansau heb eu talu yn dangos ar gyfrif y cwsmer.
8. Ni fydd adnewyddiadau gwastraff masnach yn cael eu prosesu pan fydd unrhyw falansau heb eu talu yn dangos ar gyfrif y cwsmer.
9. Ni allwn baratoi anfonebau am lai na £150.
10. Mae pob anfoneb yn daladwy o fewn 30 diwrnod i ddyddiad yr anfoneb. Bydd peidio â thalu yn golygu y bydd y gwasanaeth yn cael ei dynnu’n ôl.
11. Rhaid i’r holl wastraff annomestig/masnach gael ei gadw yn sachau neu finiau glas Cyngor Sir Penfro. Rhaid clymu sachau a chau caeadau bin; bydd unrhyw wastraff sy’n rhwystro’r caead rhag cau yn cael ei dynnu cyn ei wagio ac ni fydd yn cael ei gasglu. Rhaid i unrhyw wastraff a adewir wrth ymyl y bin fod yn sachau gwastraff masnach glas Cyngor Sir Penfro; fel arall bydd y gwastraff ychwanegol yn cael ei adael.
12. Cyfrifoldeb y cwsmer yw glanhau bin olwynion, os oes angen.
13. Ni ddylai unrhyw gontractwr gwastraff arall wagio bin(iau) olwynion y cyngor.
14. Bydd y biniau a gyflenwir o dan y cytundeb hwn yn eiddo i’r cyngor bob amser. Bydd y bin(iau) yn cael eu storio mewn modd diogel a chyfrifol ar y safle a rhaid eu cyflwyno’n addas i’w gwagio’n hwylus ar y diwrnod casglu. Dylai’r biniau fod ar gael i’w casglu o 6.30am ar y diwrnod casglu. 
15. Rhaid i’r cyngor allu cael mynediad i’r bin(iau) yn ystod y diwrnod casglu dynodedig. Os na allwn gael mynediad, bydd “Methwyd â Gwagio” yn cael ei gofnodi. Byddai ymweliad arall yn gyfystyr â chasgliad ychwanegol, os a phan fo’n bosibl, a byddai hynny’n golygu bod angen codi ffi ychwanegol o £32.00 am bob lori sydd ei hangen i ddychwelyd i’r safle
16. Drwy gydol oes y contract bydd y cwsmer yn cymryd pob cam angenrheidiol i gadw’r biniau yn ddiogel a heb eu difrodi. Os bydd bin yn cael ei golli, ei ddinistrio neu ei ddifrodi am ba reswm bynnag, ac eithrio trwy esgeulustod ar ran y cyngor, bydd y cwsmer yn talu’r gost lawn naill ai i atgyweirio neu adnewyddu’r bin(iau).
17. Pan fydd contractwr gwastraff masnach yn cael ei ganslo, rhaid i’r cwsmer ddychwelyd yr holl finiau i’r cyngor. Codir tâl am unrhyw finiau na fyddant yn cael eu dychwelyd.
18. Mae’r awdurdod yn cadw’r hawl i beidio â symud unrhyw lwythi (biniau neu sachau) yr ystyrir eu bod yn amhriodol, h.y. dros bwysau.
19. Rhaid rhoi pob sach a bin ar ymyl y ffordd oni bai bod asesiad risg ar gyfer lleoliad arall wedi’i gwblhau.
20. Bydd asesiadau risg yn cael eu cynnal cyn y bydd cais newydd am fin olwynion yn cael ei dderbyn er mwyn cytuno ar leoliad addas ar gyfer casglu’r bin(iau). Ni ddylid symud bin(iau) y cyngor o’r lleoliad hwn. Os caiff y biniau eu hadleoli i ffwrdd o’r lleoliad a aseswyd o ran risg, bydd y cyngor yn rhoi’r gorau i’r holl gasgliadau hyd nes y bydd y biniau yn cael eu dychwelyd i’r lleoliad gwreiddiol neu hyd nes y cynhelir yr asesiad risg newydd.
21. Rhaid clymu sachau gwastraff cyffredinol a rhaid iddynt beidio â bod yn drymach na 15 cilogram.
22. Rhaid gosod yr holl ailgylchu yn y biniau/cynwysyddion a ddarperir gan y cyngor. Ni fydd deunydd ailgylchu a roddir mewn unrhyw gynwysyddion/biniau eraill yn cael ei gasglu.
23. Ni fyddwn yn casglu unrhyw finiau/sachau ailgylchu halogedig sy’n cynnwys deunyddiau ailgylchu anghywir yn unol â’r rheoliadau ailgylchu oherwydd didoli ailgylchu annigonol. 
24. Bydd unrhyw sachau/biniau gwastraff cyffredinol y canfyddir eu bod yn cynnwys y deunyddiau ailgylchadwy yn unol â’r rheoliadau ailgylchu yn golygu na fydd eich gwastraff cyffredinol yn cael ei gasglu.
25. Mae gwastraff yn cael ei halogi pan fydd deunyddiau na ellir eu hailgylchu, neu ddeunyddiau sydd wedi’u didoli’n amhriodol yn cymysgu â gwastraff ailgylchadwy, gan rwystro’r broses ailgylchu.
26. Gall diffyg cydymffurfio parhaus â’r rheoliadau ailgylchu arwain at ganslo’r cytundeb gwastraff masnach.
27. Mae’r cyngor yn cadw’r hawl i newid y math o gynhwysydd a ddefnyddir lle nad yw’r cynwysyddion presennol yn addas.
28. Rhaid i fusnesau sy’n cyflenwi eu biniau gwastraff cyffredinol pedair olwyn eu hunain sicrhau bod y bin wedi’i wneud o ddur. Mae’r cyngor yn cadw’r hawl i wrthod gwagio unrhyw finiau eraill sydd wedi’u gwneud o ddeunydd arall, h.y. plastig. Er mwyn i’r cyngor wagio’ch biniau eich hun yn beirianyddol, rhaid llofnodi ymwadiad atebolrwydd ymlaen llaw.
29. Bydd unrhyw un sy’n ymrwymo i gontract am gyfnod sy’n llai na bloc o dri mis yn gorfod talu tâl gweinyddol o £31.50.
30. Bydd unrhyw gwsmer sy’n gwneud cais am gasgliad ailgylchu un ffrwd, h.y. cardbord yn unig, yn hytrach na’n hystod gyflawn o ailgylchu, yn gorfod talu tâl un ffrwd o 10%.
31. Os caiff y contract ei derfynu, dim ond am werth rholiau llawn o sachau/labeli y rhoddir ad-daliad iddynt; bydd ffi weinyddol o 10% ar gyfer pob ad-daliad.
32. Codir tâl danfon bach o £6.80 am ddanfon sachau ychwanegol - caniatewch 10 diwrnod gwaith ar gyfer danfon unrhyw sachau ychwanegol. Sylwch, trwy ddychwelyd eich cytundeb gwastraff masnach wedi’i gwblhau yn gynnar, mae eich cyflenwad cyntaf yn rhad ac am ddim ym mis Ebrill 2025.
33. Bydd ymweliadau ychwanegol yn ôl disgresiwn y rheolwyr a byddant yn costio £32.00 fesul lori (yn daladwy ymlaen llaw).
34. Rhaid i gwsmeriaid sy’n gwneud cais am ailgylchu yn unig ddarparu nodyn trosglwyddo gwastraff ar gyfer cael gwared ar eu gwastraff gweddilliol.
35. Mae gostyngiad o 5% ond yn berthnasol i gwsmeriaid sy’n dychwelyd eu cytundeb gwastraff masnach a thaliad blwyddyn lawn o fwy na £250 erbyn 8 Ebrill 2025. (Nid yw’r gostyngiad yn berthnasol i gwsmeriaid sydd angen anfoneb.)
36. Mae modd darllen y telerau ac amodau ar gyfer casgliadau gwastraff o’r ardd 
37. Mae modd darllen y telerau ac amodau ar gyfer casgliadau cynhyrchion hylendid amsugnol 

 

 

Telerau ac amodau ychwanegol – Trydydd partïon

1. Rhaid cwblhau pob cais am sachau ychwanegol, labeli biniau, casgliadau ychwanegol a/neu newid yn y darpariaethau gwastraff ac ailgylchu drwy ffurflen electronig ar-lein ynghyd â’ch archeb brynu.
2. Fel contractwr trydydd parti, codir tâl gweinyddol arnoch o 15% am yr holl drafodion.
3. Fel contractwr trydydd parti, codir 20% o TAW arnoch am yr holl drafodion.

 

Telerau ac amodau ychwanegol – Elusennau

1. Mae’r gyfradd elusennol yn berthnasol i siopau elusen yn unig.
2. Mae’r gyfradd elusennol ond yn berthnasol i daliadau gwastraff cyffredinol. Mae costau llogi biniau gwastraff cyffredinol ac ailgylchu yn parhau ar y tâl safonol.

 

Telerau ac amodau ychwanegol – Ail gartref sy’n gweithredu fel llety gwyliau – <182 diwrnod y flwyddyn

1. Er mwyn cydymffurfio ar gyfer pecyn llety gwyliau ail gartref, rhaid darparu cyfeirnod y dreth gyngor. Dim ond un o’r tri opsiwn sydd ar gael y gall ail gartref ei ddewis. Mae unrhyw ddarpariaethau gwastraff ac ailgylchu ychwanegol y mae eu hangen ar gael yn unol â’r tariffau gwastraff masnachol safonol – cysylltwch â’n tîm gwastraff masnachol yn uniongyrchol i gael y taliadau ychwanegol.