Sut mae'r gwasanaeth yn gweithio

Tâl dyletswydd gofal:

Mae pob busnes yn gorfod talu’r tâl dyletswydd gofal. Fel rhan o’r tâl hwn, byddwch yn cael copi o’ch nodyn trosglwyddo gwastraff y mae’n ofynnol ichi ei gadw am ddwy flynedd a byddwch yn cael y cyntaf ym mis Ebrill 2025.

Gwasanaeth safonol llogi a chasglu blynyddol:

Mae’r gwasanaeth hwn yn eich galluogi i dalu ymlaen llaw am logi a gwagio eich bin(iau) gwastraff cyffredinol am 26 neu 52 wythnos. Y cyfan sydd ei angen arnom yw i chi gyflwyno eich bin(iau) yn eu man casglu erbyn 6.30am ar y diwrnod casglu. Bydd eich bin(iau) gwastraff cyffredinol yn cael eu gwagio, yn amodol ar y telerau ac amodau.

Gwasanaeth casglu anarferol:

Mae’r gwasanaeth hwn yn caniatáu ichi barhau â’r gwasanaeth ‘talu wrth daflu’. Bydd hyn yn rhoi’r cyfle i chi wneud penderfyniadau mwy hyblyg ynghylch pa mor aml y byddwch am i’ch bin gael ei wagio. Y cyfan a ofynnwn yw i chi osod label yn ddiogel ar eich bin erbyn 6.30am ar ddiwrnod eich casgliad. Os nad oes label ar eich bin(iau) pan fyddwn yn ymweld, ni fyddwn yn gwagio’r bin(iau).

Llogi biniau:

Bydd llogi biniau yn aros yr un fath ar gyfer biniau gwastraff cyffredinol. Bydd busnesau’n talu swm penodol am bob bin gwastraff cyffredinol am bob wythnos y mae’r bin ar y safle beth bynnag a gaiff y bin ei wagio ai peidio.

Sachau gwastraff cyffredinol:

Mae busnesau’n gallu prynu talu am sachau gwastraff masnach glas ymlaen llaw ar gyfer gwaredu gwastraff cyffredinol.

Sylwch, ni fyddwch yn gallu cael gwared ar unrhyw ddeunyddiau ailgylchu o fewn eich gwastraff cyffredinol mwyach; rhaid ailgylchu’r holl ddeunyddiau ailgylchu craidd ar wahân. Mae gennym amrediad llawn o ddewisiadau ailgylchu i weddu i’ch anghenion busnes unigol

Sachau Canolfan Gwastraff ac Ailgylchu Rhagdaledig (Canolfannau Gwastraff ac Ailgylchu):

Ar gael i fusnesau sydd am waredu gwastraff cyffredinol/nad oes modd ei ailgylchu yn unrhyw un o’n Canolfannau Gwastraff ac Ailgylchu, gan roi’r hyblygrwydd i fusnesau gael gwared ar eu gwastraff pan mae’n gyfleus iddynt. Ni all y sachau hyn gynnwys deunyddiau y gellir eu hailgylchu; peidiwch â chael eich tramgwyddo os gofynnwn i chi ddidoli a chael gwared ar yr holl ddeunyddiau ailgylchu yn y Ganolfan. Ni ellir gosod y sachau hyn ar gyfer eu casglu wrth ymyl y ffordd.

Tâl danfon sachau:

Mae angen talu ffi fechan o £6.80 ar gyfer danfoniadau ychwanegol o sachau - caniatewch 10 diwrnod gwaith ar gyfer danfon unrhyw fagiau ychwanegol.

* Sylwch, drwy ddychwelyd eich cytundeb gwastraff masnach wedi’i gwblhau’n gynnar, mae eich dosbarthiad cyntaf yn ystod mis Ebrill 2025 yn rhad ac am ddim. Fel arall, gellir prynu sachau o Ddepo Thornton.

Ailgylchu wedi’i wahanu:

Mae ein gwasanaeth ailgylchu yn cynnig amrywiaeth o gynwysyddion ailgylchu i gwsmeriaid ar gyfer eich anghenion ailgylchu, o sachau y gellir eu hailddefnyddio i finiau mawr 2 a 4 olwyn.

Rydym yn darparu casgliadau ailgylchu ar gyfer y ffrydiau canlynol

Wythnosol

Gwastraff bwyd
Cardfwrdd a cherdyn
Poteli, potiau, tybiau a hambyrddau plastig (ac eithrio plastig du a brown), cartonau bwyd a diod (gan gynnwys Tetra Pak) a phecynnu metel gan gynnwys caniau, tuniau, ffoil a hambyrddau ffoil

Bob pythefnos*

Poteli a jariau gwydr
Papur, papurau newydd a chylchgronau
Cynnyrch Hylendid Amsugnol
Gwastraff Gerddi

Ni fyddwn bellach yn defnyddio gwagio rhagdaledig ar sail labeli ar gyfer ailgylchu; bydd cwsmeriaid yn cofrestru ar gyfer casgliadau ailgylchu rheolaidd drwy gydol y flwyddyn. *efallai y bydd casgliad wythnosol ar gael yn dibynnu ar eich lleoliad.

Ar gyfer unrhyw decstilau a chyfarpar trydanol ac electronig gwastraff bach heb eu gwerthu, gallwn drefnu casgliadau ad hoc.

Gwastraff Masnachol