Gwybodaeth i gyflenwyr

Mae dod â gwell cysylltedd i Sir Benfro yn flaenoriaeth i Gyngor Sir Benfro.

Bydd trigolion Sir Benfro, Sir Gaerfyrddin, Castell-nedd Port Talbot ac Abertawe yn elwa ar Raglen Seilwaith Digidol Bargen Ddinesig Bae Abertawe, sydd â'r nod o ddarparu:

Band eang gwell i bawb... heb adael neb ar ôl.
Rhanbarth clyfar sy'n barod ac yn gallu arloesi a mabwysiadu technoleg sy'n dod i'r amlwg.
Tirwedd ddigidol gynhwysol sy'n diwallu anghenion pawb.

Fel rhan o'r rhaglen, bydd y blaenoriaethau canlynol yn cael sylw:

Sicrhau bod gan ddinasoedd, trefi a pharciau busnes y rhanbarth fynediad at ryngrwyd all drosglwyddo data ar gyfradd gigabeit.
Paratoi'r rhanbarth ar gyfer 5G, gwell gwasanaeth 4G a'r rhyngrwyd pethau, sy'n cynnwys cartrefi clyfar, gweithgynhyrchu clyfar, amaethyddiaeth glyfar, realiti rhithwir a thechnoleg y gellir ei gwisgo i gefnogi gofal iechyd, byw â chymorth a sectorau eraill.

Mae darparu gwell cysylltedd yn dibynnu ar gydweithredu cadarnhaol a datblygu partneriaethau cryf â chyflenwr seilwaith a gweithredwyr rhwydwaith symudol.

Os hoffech drafod sut y gallwch gymryd rhan yn y Rhaglen Seilwaith Digidol yn ardal Sir Benfro, cysylltwch â'ch broadband@pembrokeshire.gov.uk, sydd yno i ddarparu cymorth i gysylltiadau yn y diwydiant.

Os ydych yn chwilio am ragor o wybodaeth ynghylch sut i wella eich band eang, ewch i'n tudalen bwrpasol, Gwell Band Eang, lle mae llawer o wybodaeth ar gael: Gwell Band eang

Am fwy o wybodaeth

Pwyllgor Awdurdodau Priffyrdd a Chyfleustodau Cymru (yn agor mewn tab newydd)

Llawlyfr Chwalu Rhwystrau

Nod y Llawlyfr Chwalu Rhwystrau (yn agor mewn tab newydd) yw cynnig arweiniad a meithrin ymwybyddiaeth o ddeddfwriaeth sy'n sail i gefnogi'r gwaith o gyflwyno band eang all drosglwyddo data ar gyfradd gigabeit.

Adolygiad Seilwaith Telathrebu'r Dyfodol

Mae'r Llywodraeth wedi gosod targedau clir ar gyfer argaeledd rhwydweithiau ffibr llawn a 5G.

Adolygiad Seilwaith Telathrebu'r Dyfodol (yn agor mewn tab newydd)

Gwybodaeth i'r Diwydiant

Mae Ofcom wedi ymrwymo i sicrhau sector Telathrebu ffyniannus. Gallwch ddod o hyd i wybodaeth a gwaith ymchwil yma ar gyfer y diwydiant telathrebu (yn agor mewn tab newydd).