Gwresogi eich Cartref

Cadw’n ddiogel wrth gadw’n gynnes

Er eich diogelwch eich hun mae angen i chi wneud yn siŵr bod eich system wresogi’n gweithio’n iawn. Gall systemau gwresogi fod yn beryglus iawn os nad ydynt yn cael eu cynnal a’u cadw’n briodol.

Trefnwch fod eich cyfarpar coginio a gwresogi nwy/glo yn cael eu harchwilio’n flynyddol gan rywun sydd wedi ei gofrestru i archwilio diogelwch cyfarpar nwy (yn agor mewn tab newydd) neu gan beiriannydd HETAS (yn agor mewn tab newydd)
Gosodwch larwm carbon monocsid sydd wedi cael ei gymeradwyo
Peidiwch â chysgu mewn ystafell wely sydd â gwresogydd paraffin neu dân nwy heb ffliw.

Cadw'n gynnes yn y gaeaf

Mae’n hanfodol cadw’n gynnes, yn enwedig yn ystod misoedd oer y gaeaf.

Cadw’n Gynnes, Cadw’n Iach yw’r ymgyrch newydd i gynorthwyo pobl ledled Sir Benfro yn ystod yr argyfwng costau byw.

Mae’r ymgyrch yn cael ei harwain gan Hwb Cymunedol Sir Benfro mewn partneriaeth â Chyngor Sir Penfro, Cymdeithas Gwasanaethau Gwirfoddol Sir Benfro a nifer o asiantaethau gan gynnwys Bwrdd Iechyd Hywel Dda, y Gwasanaethau Brys a’r Sector Gwirfoddol.

Mae’r argyfwng costau byw yn effeithio ar bawb ac mae’n gyfnod pryderus ac ansicr i gymaint o bobl. Felly, mae gwaith yn mynd rhagddo i gysylltu pobl â gwybodaeth, cymorth a gwasanaethau lleol dros fisoedd oeraf y flwyddyn.

Ledled Sir Benfro, rydym eisoes yn gweld cymunedau a sefydliadau yn gwneud gwaith gwych i ymateb i’r argyfwng gan gynnig ystod o atebion lleol, o brydau poeth i weithgareddau cymunedol, ynghyd â chyngor ar ynni, arian a dyled.

Os ydych chi neu bobl rydych chi’n eu hadnabod yn profi caledi ariannol neu os hoffech gael gwybodaeth am ba gymorth sydd ar gael yn eich ardal, gallwch gysylltu â Hwb Cymunedol Sir Benfro.

Gallant siarad â chi am eich sefyllfa a’ch rhoi mewn cysylltiad â’r grŵp neu’r gwasanaeth cymunedol priodol – gan fod llawer o gymorth ar gael yn Sir Benfro a ledled Cymru. Yn ogystal, maen nhw wedi creu siop un stop ar-lein trwy wefan Cysylltu Sir Benfro (yn agor mewn tab newydd) sy’n cynnwys llawer o wybodaeth ddefnyddiol a map rhyngweithiol o fannau Croeso Cynnes ar draws y sir.

Mae mannau Croeso Cynnes yn cynnig lleoliadau croesawgar lle gall pobl gwrdd ag eraill yn eu cymuned leol a chymryd rhan mewn amrywiaeth o weithgareddau.

Os ydych chi’n gofidio am wneud i’ch arian ymestyn a sut y byddwch chi’n talu biliau hanfodol dros y gaeaf, rydym yn eich annog yn gryf i gysylltu â Hwb Cymunedol Sir Benfro. Ni ddylai unrhyw un deimlo’n anghysurus ynghylch cysylltu â ni ac mae gennym dîm cyfeillgar iawn sy’n gallu sgwrsio â chi am y cymorth cymunedol gwych sy’n lleol i chi.

Mae gennym ddull hawdd ‘un alwad, dyna’r cyfan’ – ffoniwch 01437 723660, neu gallwch anfon neges e-bost at enquiries@pembrokeshirecommunityhub.org

Canllaw’r Adran Iechyd, Cadw’n Gynnes, Cadw’n Iach (yn agor mewn tab newydd), yn darparu gwybodaeth am gadw’n iach yn y gaeaf drwy gadw’n gynnes.

Cymorth ariannol â chostau gwresogi

Os ydych yn cael trafferth gyda’ch costau tanwydd yn y gaeaf, dylech siarad â’ch darparwr ynni yn y lle cyntaf.

Cymorth

Age Cymru (yn agor mewn tab newydd) – sy’n cyhoeddi’r ffeithlenni Help with Heating Costs in Wales (yn agor mewn tab newydd) a Save Energy, Pay Less (yn agor mewn tab newydd).

Gofal a Thrwsio (yn agor mewn tab newydd) - efallai y gall gynorthwyo gyda dangos ffyrdd o leihau eich biliau gwresogi neu gael grantiau perthnasol os ydych yn byw yn eich cartref eich hun neu’n denant preifat.

Cyngor ar Bopeth (yn agor mewn tab newydd) - cynnig cyngor ar beth i’w wneud os ydych yn cael trafferth talu’ch biliau ynni.

Yr Ymddiriedolaeth Arbed Ynni (yn agor mewn tab newydd) - cynnig cyngor di-dâl a diduedd i helpu lleihau allyriadau a chostau biliau ynni.

Cymorth Ariannol

Ymddiriedolaeth Ynni Nwy Prydain (yn agor mewn tab newydd) – Mae’r Ymddiriedolaeth yn helpu teuluoedd ac unigolion sy’n profi caledi sy’n cael trafferth gyda dyledion nwy a thrydan drwy roi grantiau i dalu’r dyledion hynny.

NYTH (yn agor mewn tab newydd) - cynnig amrywiaeth o gyngor di-dâl a diduedd os ydych yn berchennog eich cartref eich hun neu’n rhentu’n breifat ac, os oes gennych hawl, pecyn am ddim o welliannau arbed ynni yn y cartref fel bwyler newydd, gwres canolog neu inswleiddio. Fe all hyn leihau eich biliau ynni a manteisio eich iechyd a ffyniant.

Cynllun Disgownt Cartref Cynnes (yn agor mewn tab newydd) - cynllun Llywodraeth y DU sy’n cynnig arian oddi ar eich bil ynni.

Efallai bod gennych hawl i Daliadau Tanwydd Gaeaf (yn agor mewn tab newydd) a/neu Daliadau Tywydd Oer (yn agor mewn tab newydd).

Third Party Deductions (yn agor mewn tab newydd) - cynllun Llywodraeth y DU sy’n galluogi i chi dalu rhai o’ch biliau (gan gynnwys rhent, taliadau am wasanaethau, biliau tanwydd neu ddŵr) yn uniongyrchol allan o’ch taliadau budd-dal os ydych yn cael anawsterau.