Traethau a Diogelwch Dwr

Yma yn Sir Benfro rydym wedi ein bendithio â thraethau sydd ymhlith y gorau yn y DU, efallai hyd yn oed yn y byd! Mae’r arfordir mor brydferth nes ei fod wedi’i ddynodi’n unig barc cenedlaethol arfordirol (yn agor mewn tab newydd) y DU.

Mae Gwobrau Arfordir Cymru (yn agor mewn tab newydd) yn chwarae rhan hanfodol wrth ddiogelu ein hamgylchedd morol gwerthfawr ac fe’u cydnabyddir ledled y byd fel symbol o ansawdd. Mae Cadwch Gymru’n Daclus wedi rheoli gwobrau Baner Las, Arfordir Gwyrdd a Glan Môr ers dros 20 mlynedd. Mae Sir Benfro yn falch o’n safle fel un o arfordiroedd blaenllaw y Deyrnas Unedig.

Baner Las (yn agor mewn tab newydd) - traethau o ansawdd uchel gyda dŵr o ansawdd rhagorol

Arfordir Gwyrdd (yn agor mewn tab newydd) - cydnabod ansawdd amgylcheddol a gwledig y traeth gyda chanllawiau ansawdd dŵr

Mae’r ddwy wobr hyn yn ganlyniad cydweithio â nifer o randdeiliaid a’n hymrwymiad i wella’n barhaus y gwasanaeth a ddarparwn, gan wneud y gorau o’n hadnoddau naturiol er eich mwynhad chi.

Mae Swyddog Traethau yn patrolio’r traethau o fis Mai hyd at fis Medi i wirio bod safonau gwobrau’n cael eu cynnal, yn rhoi yr wybodaeth ddiweddaraf ar y byrddau gwybodaeth, yn ateb unrhyw gwestiynau sydd gennych ac yn ymateb i unrhyw ddigwyddiadau yn ôl yr angen.

Mae cyfarpar diogelwch dŵr fel gwregysau achub a ffonau brys wedi’u lleoli o amgylch arfordir ac afonydd Sir Benfro. Mae ein hachubwyr bywyd a’n staff ar y lan yn eu harchwilio, yn eu cynnal a’u cadw, a’u newid yn ôl yr angen drwy gydol y flwyddyn.

Mae achubwyr bywydau traethau yr RNLI (yn agor mewn tab newydd) ar waith yn ystod prif amser y tymor bob blwyddyn (mae’r dyddiadau’n newid yn flynyddol) yn Amroth, Coppet Hall, Saundersfoot, gogledd Dinbych-y-pysgod, Castell Dinbych-y-pysgod, de Dinbych-y-pysgod, Freshwater West, Nolton Haven, gogledd Aberllydan, Niwgwl, Porth Mawr, Trefdraeth a thraeth Poppit.

Wedi’u hyfforddi’n llawn bob amser i safonau cenedlaethol fel achubwyr bywydau a gweithredwyr cymorth cyntaf, maent yn gallu ymateb i sefyllfaoedd brys a chynorthwyo’r gwasanaethau brys. Mae diweddaru pellach i’w hyfforddiant yn parhau drwy gydol yr haf.

Fel arfer, mae’r RNLI (Sefydliad Cenedlaethol Brenhinol y Badau Achub) yn cyflogi 55 o achubwyr bywyd bob tymor ac yn canfod eu bod yn aml yn dychwelyd atom flwyddyn ar ôl blwyddyn gan ffurfio tîm hyderus a medrus sydd â chyfoeth o wybodaeth leol.

Prif ddyletswyddau achubwr bywydau yw:

Ymateb yn gyntaf mewn sefyllfaoedd argyfwng
Rhoi cyngor cyffredinol sy’n ymwneud â’r traeth a diogelwch
Helpu i ddod o hyd i blant neu oedolion sydd ar goll
Goruchwylio’r traeth
Patrolio ardaloedd dyfroedd ymdrochi
Cynghori ar is-ddeddfau cŵn

Os ydych chi’n chwilio am waith fel achubwr bywyd yn Sir Benfro, edrychwch ar wefan yr RNLI (yn agor mewn tab newydd)

Cŵn ar draethau

Mae croeso i chi a’ch ci ar fwy na 50 o draethau Sir Benfro, ond mae gan rai ardaloedd gyfyngiadau neu waharddiadau ar gŵn rhwng 1 Mai a 30 Medi.

Noder nad yw’r cyfyngiadau hyn yn berthnasol i gŵn cymorth (mae prawf o’u cofrestru yn ddymunol).

Ble mae’r cyfyngiadau cŵn?

Gwaharddiad llwyr

Traeth y Gogledd, Dinbych-y-Pysgod
Porth Mawr, Tyddewi

Gwaharddiad rhannol

Lydstep
Traeth a phromenâd Niwgwl
Coppet Hall (gwirfoddol)
Traeth a phromenâd Saundersfoot
Traeth y Castell a Thraeth y De, Dinbych-y-Pysgod
Traeth a phromenâd Amroth
Traeth Poppit
Gogledd Aberllydan
Dale

Mapiau cyfyngiadau cŵn ar draethau (yn agor mewn tab newydd)

Mae pob ardal yn destun cosbau ariannol posibl am dorri’r is-ddeddfau.

Dyfrffordd y Ddaugleddau a phontynau cyhoeddus

Mae canllaw hamdden Awdurdod Porthladd Aberdaugleddau (yn agor mewn tab newydd) yn cynnwys diagram o’r ddyfrffordd a lleoliadau’r pontynau.

Nodwch: mae pontynau eraill wedi’u lleoli ar hyd afon Cleddau ond maent yn eiddo preifat ac yn cael eu rheoli’n breifat ac ni ddylid eu defnyddio heb ganiatâd ymlaen llaw gan y perchnogion.

Dolenni defnyddiol eraill

Traethau yn Sir Benfro (yn agor mewn tab newydd)

Hamdden yn yr awyr agored