Lleihad yn y Dreth Gyngor
Beth yw Gostyngiad y Dreth Gyngor?
Ar y dudalen hon:
Beth yw Gostyngiad y Dreth Gyngor?
Sut ydych chi’n cyfrifo faint o Ostyngiad y Dreth Gyngor y mae gen i hawl iddo?
Rhoi gwybod am newid mewn amgylchiadau
Rheoli fy ngostyngiad yn y dreth gyngor ar-lein
Beth yw Gostyngiad y Dreth Gyngor?
Os ydych chi ar incwm isel, gall Gostyngiad y Dreth Gyngor helpu i leihau eich bil Treth Gyngor.
Efallai y byddwch hefyd yn gymwys ar gyfer gostyngiadau, diystyriadau disgownt neu esemptiadau eraill, yn dibynnu ar eich amgylchiadau, nid dim ond eich incwm.
Dysgwch ragor am y canlynol:
Pwy a all wneud cais?
Efallai y bydd Gostyngiad y Dreth Gyngor ar gael os ydych chi:
- yn talu’r Dreth Gyngor ar yr eiddo lle’r ydych chi fel arfer yn byw
- naill ai’n rhentu neu’n berchen ar eich eiddo
Gallwch hawlio os ydych chi:
- yn cael budd-daliadau eraill, credydau treth, neu bensiynau (gan gynnwys Credyd Cynhwysol)
- yn gweithio
- yn ddi-waith
- yn methu gweithio oherwydd salwch neu anabledd
- yn gofalu am blentyn neu oedolyn
- wedi ymddeol
Sylwer: os oes gennych chi gynilion, eiddo neu asedau eraill gwerth £16,000 neu ragor, ni fyddwch yn gymwys oni bai eich bod yn cael Credyd Gwarantedig Credyd Pensiwn.
Sut ydych chi’n cyfrifo faint o Ostyngiad y Dreth Gyngor y mae gen i hawl iddo?
Mae faint o ostyngiad a gewch chi yn dibynnu ar eich incwm a’ch cynilion chi.
Rydym yn edrych ar y canlynol:
- Faint mae’r llywodraeth yn dweud y mae angen i chi fyw arno (yn seiliedig ar amgylchiadau eich teulu)
- Eich incwm gwirioneddol (os ydyw’n uwch na’r swm y mae ei angen arnoch, bydd eich gostyngiad yn llai)
- A oes oedolion eraill yn byw yn eich cartref (gall hyn hefyd leihau eich hawl chi)
Os caiff eich cais ei gymeradwyo:
- Mae’r gostyngiad yn dechrau o’r dyddiad y bydd eich cais yn dod i law
- Caiff ei gymhwyso’n uniongyrchol i’ch cyfrif treth gyngor
- Fe gewch chi fil newydd yn dangos eich balans a’ch rhandaliadau wedi’u diweddaru
Sut i wneud cais
Gwneud cais
- Cwblhewch ffurflen gais am Ostyngiad y Dreth Gyngor
- Lanlwythwch dystiolaeth ategol (os nad ydych eisoes wedi gwneud hyn fel rhan o’ch cais cychwynnol)
Bydd angen Fy Nghyfrif arnoch i ddefnyddio'r gwasanaeth hwn
Os nad ydych wedi cofrestru ar gyfer Fy Nghyfrif
Gallwch naill ai greu cyfrif trwy glicio 'Cofrestru' a darparu cyfeiriad e-bost a chyfrinair
Yna bydd angen i chi:
- Ychwanegu eich cyfeirnod cyfrif Treth Gyngor i Hafan Fy Nghyfrif
- Dewis 'Gweld fy Nghyfrif Treth Gyngor'.
- Dewiswch 'Hawliadau newydd' a 'Gwneud wawliad newydd' o dan y pennawd Budd-daliadau.
Ar ôl i chi wneud cais
- Nodwch rif cyfeirnod eich cais rhag ofn y bydd angen i chi gysylltu â ni
- Byddwn yn adolygu eich ffurflen gais ac yn cysylltu â chi os bydd arnom angen rhagor o wybodaeth
Ffyrdd eraill o wneud cais:
- E-bost: revenue.services@pembrokeshire.gov.uk
- Ffôn: (01437) 764 551 (dydd Llun i ddydd Gwener, 9am i 5pm)
Rhoi gwybod am newid mewn amgylchiadau
Mae’n bwysig eich bod yn rhoi gwybod i ni ar unwaith am unrhyw newidiadau yn eich amgylchiadau (neu newidiadau mewn amgylchiadau unrhyw aelod o’ch aelwyd) er mwyn osgoi problemau gyda’ch budd-daliadau.
Ceir rhagor o wybodaeth yma: Sut ydw i’n rhoi gwybod am newid mewn amgylchiadau?
Rheoli fy ngostyngiad yn y dreth gyngor ar-lein
Gallwch reoli eich Gostyngiad y Dreth Gyngor ar-lein gan ddefnyddio’r cyfrifon canlynol:
Cyfrif Gostyngiad y Dreth Gyngor
Gallwch wneud y canlynol:
- Gweld taliadau yn y gorffennol
- Cael prawf o’ch hawl
Bydd angen Fy Nghyfrif arnoch i ddefnyddio'r gwasanaeth hwn
Os nad ydych wedi cofrestru ar gyfer Fy Nghyfrif
Gallwch naill ai greu cyfrif trwy glicio 'Cofrestru' a darparu cyfeiriad e-bost a chyfrinair
- Ychwanegu eich cyfeirnod cyfrif Treth Gyngor i Hafan Fy Nghyfrif
- Dewis 'Gweld fy Nghyfrif Treth Gyngor'.
- Dewiswch 'Cofrestru' o dan y pennawd Budd-daliadau.
I gofrestru neu fewngofnodi am y tro cyntaf, bydd arnoch angen y canlynol:
- Eich rhif cyfeirnod Gostyngiad y Dreth Gyngor (fe welwch hwn ar unrhyw lythyrau yn ymwneud â Gostyngiad y Dreth Gyngor yr ydym wedi’u hanfon)
- Eich rhif Yswiriant Gwladol
Sylwer: rhaid i chi fod yn hawlio Gostyngiad y Dreth Gyngor eisoes i ddefnyddio’r gwasanaeth hwn.
Mewngofnodi i’ch cyfrif Gostyngiad y Dreth Gyngor