Manylion Eiddo

Cyfleustra cyhoeddus Marloes, Glebe Lane, Marloes

Dyddiad cau ar gyfer ceisiadau

Yn amodol ar ddiddordeb

 

Lleoliad

Cyfleustra cyhoeddus Marloes, Glebe Lane, Marloes

 

Disgrifiad

Mae’r adeilad unllawr wedi’i wneud o frics, o dan do llechi ar ongl, a gellid ei ddefnyddio i sawl pwrpas gwahanol yn amodol ar gael caniatâd cynllunio. Mae’r cyfleuster cyhoeddus wedi’i leoli gerllaw’r parc chwarae ym mhentref Marloes.

Yn yr eiddo ar hyn o bryd mae toiledau i ddynion a menywod a thoiled i’r anabl.

Arwynebedd mewnol gros yr adeilad: 18 o fetrau sgwâr (194 o droedfeddi sgwâr)

Cynllun mewnol

Gwasanaethau

Bydd rhaid i’r tenant dalu am osod cyflenwad trydan a mesurydd ar wahân.

 

Rhent

Wrth lunio eich cynnig mae angen i chi awgrymu faint o rent fyddwch chi’n barod i’w dalu a rhoi manylion am y defnydd arfaethedig i ni ei ystyried.

Noder: Rhaid cadw cyfleuster toiled yn yr eiddo a sicrhau ei fod ar gael i’r cyhoedd.

 

Tymor y brydles

Gwahoddir cynigion ar gyfer prydles. Byddai unrhyw brydles a roddir ar sail atgyweirio ac yswirio llawn, sy’n golygu y byddai’r tenant yn gyfrifol am yr holl atgyweiriadau a gwaith cynnal a chadw yn yr adeilad. Hyd y brydles i’w gytuno.

Mae’r adeilad yn addas ar gyfer defnydd gwahanol yn amodol ar gydsyniadau perthnasol a chaniatâd cynllunio, ond rhaid cadw rhan o’r adeilad fel cyfleuster cyhoeddus a’r ymgeisydd llwyddiannus fydd yn gyfrifol am weithredu, stocio a glanhau’r cyfleuster.

Bydd y brydles yn cael ei chontractio y tu allan i warchodaeth Deddf Landlord a Thenant 1954 a dylai partïon â diddordeb geisio cyngor cyfreithiol priodol ynghylch y goblygiadau.

  

Ardrethi busnes

Dylai partïon sydd â diddordeb wneud eu hymholiadau eu hunain ynghylch ardrethi busnes.

  

Tystysgrif Perfformiad Ynni

Eithriedig

  

Ymweliadau a gwybodaeth bellach

Mae’r adeilad wedi’i gau ag estyllod ar hyn o bryd felly mae’n debygol y bydd rhaid i bobl ymweld â’r eiddo mewn grwpiau. Bydd partïon â diddordeb yn cael gwybod am y dyddiadau a’r amserau pan fydd hyn yn digwydd. Am ragor o wybodaeth neu i drefnu ymweliad, cysylltwch â’r ddesg gymorth eiddo trwy ein ffurflen gwerthu a gosod ar-lein. Ymholiad gwerthu a gosod / Cais i weld yr eiddo

 

Ffurflen gais

I wneud cais am ffurflen mynegi diddordeb, cysylltwch â’r Desg Gymorth Eiddo Ymholiadau tir ac eiddo

 

Polisi Trafodiadau

Mae ein Polisi Trafodiadau i'w weld yma: Polisi Trafodiadau Cyngor Sir Penfro 

Paratowyd y manylion hyn i ddarparu disgrifiad teg o'r eiddo, ond maent wedi'u nodi er arweiniad yn unig. Ni ellir gwarantu eu cywirdeb a rhaid i unrhyw ddarpar brynwr, tenant neu drwyddedai wneud ei ymholiadau ei hun a/neu archwilio'r eiddo i fod yn sicr ynglŷn â'u cywirdeb. Mae’n ofynnol i Gyngor Sir Penfro ystyried pob cais a dderbynnir ar gyfer yr eiddo hwn hyd at adeg cyfnewid y contractau. Nid oes rheidrwydd ar y cyngor i dderbyn y cynnig uchaf nac unrhyw gynnig arall a wneir ar gyfer yr eiddo.