Effeithlonrwydd ynni eiddo rhent: domestig

Y safon isaf o ran effeithlonrwydd ynni mewn rhai eiddo domestig a rentir yw gradd E neu uwch

Mae'r canllawiau hyn ar gyfer Cymru a Lloegr

Bwriedir i Reoliadau Effeithlonrwydd Ynni (Eiddo Rhent Preifat) Lloegr a Cymru 2015 wella safon effeithlonrwydd ynni yn y sector tai rhent preifat ac annomestig yng Nghymru a Lloegr.

Mae'r Rheoliadau'n targedu eiddo sydd ar hyn o bryd wedi'u graddio'n F neu G ar eu tystysgrifau perfformiad ynni (EPCs), gan roi mesurau ar waith i godi eu sgr i leiafswm o E. Bydd hyn yn lleihau'r allyriadau a gynhyrchir drwy wresogi a pweru'r adeiladau hyn, sydd ar hyn o bryd yn gyfrifol am 12% o allyriadau'r DU.

Mae'r canllawiau hyn yn ymdrin 'r gofynion ar gyfer eiddo domestig (y rhai nad ydynt yn anheddau preswyl a ddefnyddir at ddibenion masnachol).

BETH YW'R LEFEL ISAF O EFFEITHLONRWYDD YNNI?

Mae'r Rheoliadau'n gwahardd gosod eiddo domestig is-safonol (is na band E), o dan ddull graddol:

• ers 1 Ebrill 2018, ni chaiff landlordiaid eiddo rhent preifat domestig (gan gynnwys landlordiaid sector cyhoeddus) roi tenantiaeth i denantiaid newydd neu bresennol os oes gan eu heiddo sgr EPC o fand F neu G (a ddangosir ar EPC dilys ar gyfer yr eiddo)
• ers 1 Ebrill 2020, ni chaiff landlordiaid barhau i osod eiddo domestig sydd eisoes wedi'i osod os oes gan yr eiddo hwnnw sgr EPC o fand F neu G

PA EIDDO SYDD WEDI'U CYNNWYS?

Mae'r Rheoliadau yn gymwys i'r eiddo hynny a osodir ar denantiaethau sicr, rheoleiddiedig ac amaethyddol y mae'n ofynnol yn gyfreithiol iddynt gael EPC. Ers 2008, mae wedi bod yn ofynnol i'r rhan fwyaf o eiddo domestig gael EPC. Mae eithriadau os yw'r eiddo yn:

• rhestredig neu eu diogelu'n swyddogol a byddai'r gofynion perfformiad ynni sylfaenol yn ei newid mewn modd annerbyniol
• adeilad dros dro sydd ond yn mynd i gael ei ddefnyddio am ddwy flynedd neu lai
• defnyddio fel man addoli neu ar gyfer gweithgareddau crefyddol eraill
• safle diwydiannol, gweithdy neu adeilad amaethyddol dibreswyl nad yw'n defnyddio llawer o ynni
• adeilad ar wahn gyda chyfanswm arwynebedd llawr o lai na 50 m²
• adeilad preswyl y bwriedir ei feddiannu am lai na phedwar mis y flwyddyn, neu ar gyfer amser blynyddol cyfyngedig o'i ddefnyddio, a gyda'r defnydd disgwyliedig o ynni o lai na 25% o'r hyn a fyddai'n ganlyniad i ddefnydd drwy gydol y flwyddyn
• mynd i'w ddymchwel gan y gwerthwr neu'r landlord ac mae ganddynt yr holl ganiatadau cynllunio a chadwraeth perthnasol
• HMO ( 'ty amlfeddiannaeth' - er enghraifft, fflatiau un ystafell, hosteli, tai a rennir, ac ati) na fu'n destun gwerthiant yn ystod y deng mlynedd blaenorol, ac na chafodd ei osod fel un rhent yn y deng mlynedd diwethaf

Gweler y canllaw 'Tystysgrifau Perfformiad Ynni' am ragor o fanylion.

Mae landlordiaid preifat, awdurdodau lleol a rhai cyrff cyhoeddus eraill yn cael eu cynnwys, yn ogystal thenant sy'n isosod eiddo sy'n dod o fewn cwmpas y Rheoliadau. Nid yw'r Rheoliadau'n berthnasol i eiddo a osodir ar denantiaeth sy'n llai na chwe mis neu'n fwy na 99 o flynyddoedd.

Mae'r Rheoliadau'n cynnwys gofynion tebyg ar gyfer eiddo annomestig. Lle bo eiddo o ddefnydd cymysg, o ran ei fod yn cynnwys unedau preswyl a masnachol (megis siop fflat/fflatiau uwchben), a bod y rhain yn cael eu gosod ar wahn, bydd y darpariaethau perthnasol ar gyfer eiddo domestig yn berthnasol i'r fflatiau, a'r gofynion annomestig i'r siop. Os caiff yr eiddo ei osod yn ei gyfanrwydd, yna bydd angen i'r landlord archwilio'r denantiaeth i benderfynu a yw'n brydles breswyl neu fasnachol.

BETH OS YW'R EIDDO AR HYN O BRYD GRADD F NEU G?

Os yw'r Dystysgrif Perfformiad Ynni ar gyfer yr eiddo ar hyn o bryd yn dangos sgr o F neu G, yna dylsai'r landlord wedi gwneud gwelliannau i godi'r eiddo i sgr E cyn y dyddiad perthnasol.

Os oes gan y tenant hawl i adnewyddu o dan Ddeddf Landlord a Thenantiaid 1954, nid yw'r Rheoliadau yn ymyrryd 'r hawliau hyn, felly ni all y tenant na'r landlord ddefnyddio'r diffyg cydymffurfio fel cyfiawnhad dros wrthod adnewyddu, neu derfynu'r brydles. gynnar.

Er mwyn gwella effeithlonrwydd ynni adeilad, mae nifer o welliannau posibl a allai fod wedi'u hargymell gan yr aseswr ynni sy'n llunio'r Dystysgrif Perfformiad Ynni, neu y gellir eu cael trwy syrfwr neu gynghorydd effeithlonrwydd ynni arall. Gall hyn gynnwys gwelliannau neu estyniadau i systemau gwresogi ac awyru, inswleiddio, gwydro, ac ati.

FAINT FYDD YN EI GOSTIO?

Lle bo argymhellion yn rhestru un neu fwy o fesurau gwella sy'n addas ar gyfer eiddo, dim ond lle:

• mae cyllid trydydd parti ar gael, a fydd yn talu am gost lawn prynu a gosod y gwelliant (gwelliannau), megis grantiau llywodraeth ganolog neu leol, grantiau gan gynhyrchwyr ynni neu gyllid y Fargen Werdd
• nid yw cyllid trydydd parti ar gael, ond gellir gwneud y gwelliant(au) am 3,500 neu lai (gan gynnwys TAW) gan ddefnyddio cyllid y landlord ei hun
• gellir gosod y gwelliant(gwelliannau) drwy gyfuniad o hunan-ariannu landlordiaid a chyllid trydydd parti gyda chyfanswm cost o 3,500 neu lai (gan gynnwys TAW)

Ceir rhagor o wybodaeth yn y canllawiau a gynhyrchwyd gan yr Adran Busnes, Ynni a Strategaeth Ddiwydiannol (BEIS) (gweler 'Gwybodaeth bellach' isod).

A OES UNRHYW EIDDO WEDI'I EITHRIO RHAG Y GOFYNION?

Mae rhai amgylchiadau lle gall landlord geisio cael ei eithrio o'r gofynion:

• lle mae'r holl welliannau perthnasol wedi'u gwneud ond bod yr eiddo yn parhau'n is na'r Gradd E
• lle mae cost y gwelliannau perthnasol yn fwy na'r uchafswm gwariant (rhaid dangos tystiolaeth o dri dyfynbris ar wahn sy'n dangos bod y gost dros 3,500)
• lle mae eiddo yn is na sgr E ac nad oes unrhyw welliannau y gellir eu gwneud
• os yw'r landlord wedi cael cyngor arbenigol ysgrifenedig (yn ddelfrydol oddi wrth bensaer, peiriannydd siartredig neu syrfwr, ond gall fod yn osodwr annibynnol o'r system inswleiddio), sy'n nodi nad yw inswleiddio waliau ceudod/mewnol/allanol yn briodol gan ei fod yn yn cael effaith negyddol ar adeiledd neu adeiledd yr eiddo, neu'r adeilad os yw'r eiddo'n rhan o adeilad mwy
• os oes angen caniatd trydydd parti cyn gallu gosod gwelliannau - er enghraifft, caniatd cynllunio ar gyfer paneli solar neu inswleiddio waliau allanol, caniatd benthycwyr morgeisi neu denantiaid presennol - rhaid i'r landlordiaid wneud pob ymdrech resymol i gael caniatd Bydd yr esemptiad yn para am bum mlynedd neu tan ddiwedd y denantiaeth (os yw'n ymwneud chael caniatd y tenant)
• pan brynodd y landlord fuddiant yn yr eiddo, cafodd ei osod ar denantiaeth bresennol. Mae'r eithriad hwn yn para am chwe mis

Mae eithriad hefyd pan fydd person yn dod yn landlord yn sydyn, oherwydd un o'r amgylchiadau isod, a byddai'n amhriodol neu'n afresymol i orfod cydymffurfio ar unwaith:

• mae prydles wedi'i rhoi o ganlyniad i rwymedigaeth gytundebol
• lle mae'r tenant yn mynd yn fethdalwr a'r landlord wedi bod yn gwarantwr y tenant
• os yw'r landlord wedi bod yn gwarantwr, neu'n gyn-denant, sydd wedi arfer yr hawl i gael prydles bennaf ar eiddo o dan adran 19 o Ddeddf Landlord a Thenant (Cyfamodau) 1995
• barnwyd bod prydles newydd wedi'i chreu drwy weithredu'r gyfraith
• mae prydles newydd wedi'i rhoi o dan ran 2 o Ddeddf Landlord a Thenant 1954
• mae prydles newydd wedi'i rhoi gan orchymyn llys, ac eithrio o dan Ddeddf Landlord a Thenant 1954

SUT YDW I'N COFRESTRU EITHRIAD?

Rhaid i bob eithriad fod wedi'i gofrestru ar Gofrestr Eithriadau'r PRS (Mae PRS yn golygu 'sector rhentu preifat ').

Gall landlordiaid hunanardystio eu heithriadau a chaiff y gofrestr ei monitro gan awdurdodau lleol fel offeryn gorfodi, a hefyd gan yr Adran Busnes, Ynni a Strategaeth Ddiwydiannol (BEIS) i fonitro effaith y ddeddfwriaeth. Mae mynediad i'r cyhoedd at rywfaint o wybodaeth, gan gynnwys cyfeiriadau at eiddo lle mae esemptiadau wedi'u cofrestru, enwau landlordiaid (ac eithrio lle mae'r landlord yn unigolyn), natur yr esemptiadau, yn ogystal ag EPCs dilys ar gyfer eiddo.

Er mwyn cofrestru, bydd angen i landlordiaid gael manylion am gyfeiriad yr eiddo, pa eithriadau sydd i'w cofrestru ac EPC dilys ar gyfer yr eiddo. Yn dibynnu ar yr esemptiad y gofynnir amdano, bydd y landlord hefyd angen unrhyw gyngor arbenigol neu adroddiadau ysgrifenedig sy'n darparu tystiolaeth i gefnogi'r rheswm dros yr eithriad.

Gall yr EPC ar gyfer eiddo gael ei drosglwyddo os gwerthir yr eiddo, ond, ni fydd unrhyw eithriadau cofrestredig yn cael eu trosglwyddo a byddant yn peidio bod yn gymwys unwaith y caiff yr eiddo ei werthu.

GWYBODAETH BELLACH

Mae BEIS wedi cynhyrchu dogfennau canllaw i landlordiaid ar gyfer eiddo ddomestig ac hefyd wedi cyhoeddi canllawiau ar eithriadau'r PRS a gofynion tystiolaeth y Gofrestr Esemptiadau.

SAFONAU MASNACH

I gael mwy o wybodaeth am waith gwasanaethau safonau masnach - a chanlyniadau posibl o beidio chadw at y gyfraith - gweler 'Safonau masnach: pwerau, gorfodi a chosbau'.

Yn y diweddariad hwn

Mae dwy adran newydd wedi'u hychwanegu: 'Beth os yw'r eiddo ar hyn o bryd gradd F neu G?' a 'Faint fydd y gost?'.

Adolygwyd/Diweddarwyd ddiwethaf: Rhagfyr 2022

Ddeddfwriaeth allweddol

Deddf Landlord a Thenantiaid 1954

Rheoliadau Perfformiad Ynni Adeiladau (Tystysgrifau ac Arolygiadau) (Cymru a Lloegr) 2007

Rheoliadau Adeiladu 2010

Rheoliadau Perfformiad Ynni Adeiladau (Cymru a Lloegr) 2012

Rheoliadau Effeithlonrwydd Ynni (Eiddo Rhent Preifat) (Cymru a Lloegr) 2015

Noder

Bwriedir y wybodaeth hon fel canllaw yn unig; dim ond y llysoedd all roi dehongliad awdurdodol o'r gyfraith.

Efallai na fydd dolenni 'deddfwriaeth allweddol' y canllaw ond yn dangos fersiwn wreiddiol y ddeddfwriaeth, er bod dolenni ar wahn i rywfaint o ddeddfwriaeth ddiwygiedig sy'n uniongyrchol gysylltiedig chynnwys y canllawiau. Gellir dod o hyd i wybodaeth ar ddiwygiadau i ddeddfwriaeth y ar y tab 'Mwy o Adnoddau' ym mhob dolen.

Am fwy o wybodaeth, cysylltwch 'r gwasanaeth defnyddwyr Cyngor ar Bopeth, sy'n darparu cyngor cyfrinachol a diduedd ar faterion defnyddwyr yn rhad ac am ddim. Ewch i wefan Cyngor ar Bopeth neu ffoniwch linell gymorth defnyddwyr Cyngor ar Bopeth ar 03454 040505.

© 2025 itsa Ltd.