Y Adroddiad Gorfodaeth Parcio Sifil 2018-19

Cyflwyniad

Strategaeth a Pholisi

Y Ddarpariaeth ar gyfer Parcio yn Sir Benfro

Ein Gwasanaethau

Gorfodaeth Parcio Sifil

Cyflawni Perfformiad ac Ystadegau

Gwybodaeth Ariannol

Diweddariad ar Fentrau 2017-28

Datblygiadau a Mentrau yn y Dyfodol

Atodiad 1: Cynlluniau Parcio i Breswylwyr a Chyfleusterau Parcio a Rennir

Cyflwyniad

Gan y Cynghorydd Phil Baker

Llefarydd y Cabinet dros Seilwaith, Trwyddedu a Digwyddiadau Mawr

Mae'n ofynnol i'r Cyngor gyhoeddi'r wybodaeth hon yn unol â Rhan 6 o Ddeddf Rheoli Traffig 2004.

Dyma'r Seithfed adroddiad blynyddol yr ydym wedi'i gyhoeddi, a hynny'n unol â gofynion Deddf Rheoli Traffig 2004. Ei nod yw darparu gwybodaeth am y modd y mae Cyngor Sir Penfro yn cyflawni ei waith gorfodi parcio a gwasanaethau cysylltiedig, yn ogystal â rhoi'r gwasanaeth yn yr un cyd-destun â'n dyletswyddau a'n polisïau eraill o ran rheoli’r rhwydwaith ffyrdd.

Rydym yn parhau i orfodi cyfyngiadau parcio ar y stryd ac oddi ar y stryd, a hynny ar bob ffordd yn y Sir ac ymhob maes parcio sy'n eiddo i'r Cyngor. Mae'r adroddiad hwn yn cwmpasu'r cyfnod rhwng 1 Ebrill 2018 a 31 Mawrth 2019.

Un o'n blaenoriaethau yw sicrhau bod y gwaith o orfodi cyfyngiadau parcio yn dryloyw, yn gyson ac yn deg. Mae Cyngor Sir Penfro yn cydnabod bod didwylledd ac atebolrwydd yn hanfodol i ennyn cefnogaeth y cyhoedd, a thrwy gyhoeddi ein Hadroddiad Blynyddol ar Barcio, rydym yn gobeithio y bydd ein cwsmeriaid yn ymwybodol o'n hymroddiad i wella'r drefn o ran parcio ar gyfer preswylwyr, busnesau ac ymwelwyr.

Mae'r awdurdod hefyd yn adolygu'n barhaus y modd yr ydym yn rhoi ein gweithrediadau gwasanaethau parcio ar waith ac yn gweithio ar sail adennill costau yn llawn. Ein bwriad yw sicrhau ein bod yn darparu gwasanaeth o safon uchel ar gyfer darpariaethau parcio ar y stryd ac oddi ar y stryd. Byddwn yn parhau i werthuso ein polisi ar gyfer codi tâl am barcio, a byddwn yn sicrhau ein bod yn adolygu ein gwasanaeth cyfan yn rhan o'n rhaglen drawsnewid.

Os oes gennych unrhyw gwestiynau neu sylwadau ynghylch ein Hadroddiad Blynyddol ar Barcio, rhowch wybod i ni trwy ffonio 01437 764551, neu anfonwch neges e-bost i parcio@pembrokeshire.gov.uk.

Strategaeth a Pholisi

Cefndir

Mae Gweledigaeth Strategol y Cyngor yn pwysleisio'r arfer o hyrwyddo amgylchedd deniadol, glân ac iach, ac mae'r Cynllun Trafnidiaeth Rhanbarthol yn cydnabod bod rheoli traffig yn chwarae rhan bwysig wrth sicrhau y defnyddir y priffyrdd mewn modd diogel, effeithiol a rhesymol.

Y Polisi Codi Tâl

Yr angen i annog y diwydiant manwerthu;
Yr angen i reoli traffig, gan gynnwys parcio ar y stryd a llif traffig;
Yr angen i reoli'r galw mewn modd effeithiol;
Natur mannau parcio a'u defnyddwyr, h.y. siopwyr/busnesau trefol, preswylwyr, siopwyr trefi gwledig, traethau/ymwelwyr;
Cymariaethau â darparwyr eraill yn yr ardal;
Yr angen i annog pobl i ddefnyddio mathau mwy cynaliadwy o drafnidiaeth, gan gynnwys trafnidiaeth gyhoeddus;
Ni osodir taliadau er mwyn cael incwm yn unig;
Ystyriaeth o ddarpariaeth gyffredinol y gyllideb refeniw (gwariant ac incwm) ar gyfer meysydd parcio;
Rhagdybiaeth o blaid gwelliannau a ariennir gan dariff uwch.

Mae'r egwyddorion hyn yn cael eu cymhwyso'n gyson, sy'n arwain at daliadau gwahanol o le i le.

Rheoli'r Galw:

Mae'r taliadau ar gyfer parcio ceir wedi cael eu hystyried fesul lleoliad. Mae'r taliadau ar gyfer parcio ceir yn Sir Benfro wedi cael eu gosod i ddenu siopwyr, ac maent yn debygol o fod yn fannau parcio ar gyfer arosiadau byr. Lle bo galw mawr am fannau parcio ceir a/neu lle bo nifer y mannau hynny'n gyfyngedig, caiff y cyfnodau a'r tariffau parcio eu gosod mewn modd gofalus er mwyn sicrhau’r trosiant mwyaf posibl.

Y Ddarpariaeth ar gyfer Parcio yn Sir Benfro

Parcio oddi ar y Stryd

Mae'r Awdurdod yn rheoli meysydd parcio i ddarparu ar gyfer defnyddwyr arosiadau byr a defnyddwyr arosiadau hir. Mae'r ffioedd yn unol â Pholisi'r Cyngor.

Mae'r ddarpariaeth ar gyfer pobl anabl yn unol â'r canllawiau a gyhoeddwyd gan yr Adran Drafnidiaeth.

Parcio ar y Stryd

Mae'r Awdurdod yn darparu cyfleusterau parcio ar y stryd ar briffyrdd cyhoeddus mabwysiedig lle ystyrir ei bod yn briodol gwneud hynny heb amharu'n ormodol ar y traffig sy'n symud. Mae yna hefyd ddarpariaeth ar gyfer cyfnodau aros cyfyngedig, pobl anabl, llwytho, tacsis, beiciau modur a phreswylwyr.

Mae wedi datblygu arferion cadarn a theg o ran rheoli parcio ar ymyl y ffordd i ddarparu ar gyfer gofynion gwrthgyferbyniol defnyddwyr amrywiol. Nid oes unrhyw gyfyngiad wedi cael ei roi ar waith nad oes ganddo orchymyn rheoleiddio traffig i'w gefnogi.

Ein Gwasanaethau

Parcio oddi ar y Stryd

Mae gan y Cyngor feysydd parcio lle codir tâl am barcio a meysydd parcio sy'n rhad ac am ddim; Mae gan Gyngor Sir Penfro 98 o feysydd parcio, ac mae 36 ohonynt yn feysydd parcio talu ac arddangos. Yn achos 18 ohonynt, mae'r taliadau'n berthnasol trwy gydol y flwyddyn, a chodir taliadau tymhorol mewn 14 ohonynt.

Rhoddwyd y canlynol rhwng 1 Ebrill 2018 a 31 Mawrth 2019:

517 o docynnau tymhorol
98 o drwyddedau parcio ar gyfer mannau neilltuedig
132 o drwyddedau parcio ar gyfer Harbwr Dinbych-y-pysgod

Mae o leiaf 6% o fannau parcio wedi cael eu neilltuo ar gyfer deiliaid bathodynnau glas. Roedd y Cyngor wedi hepgor taliadau ar ddiwrnodau penodol ym mis Rhagfyr yn ystod y cyfnod a oedd yn arwain at y Nadolig, a hynny ymhob un o feysydd parcio’r sir lle codir tâl fel arfer.

Ar y Stryd

Ar hyn o bryd, mae yna 1,035 o fannau aros cyfyngedig, 127 o fannau parcio ar gyfer pobl anabl, 33 o fannau parcio ar gyfer tacsis, tri man parcio ar gyfer bysiau, 28 o fannau parcio ar gyfer llwytho/dadlwytho nwyddau, un man parcio ar gyfer ambiwlansys ac un man parcio ar gyfer beiciau modur. Yn rhan o'r mannau parcio cyffredinol, mae 636 yn weddill ar gyfer Deiliaid Trwyddedau Preswylwyr/Busnes.

Parcio i Breswylwyr

Mae Cynlluniau Parcio i Breswylwyr wedi cael eu cyflwyno ar nifer o strydoedd/leoliadau ledled y Sir, lle bo hynny'n ymarferol. Ar hyn o bryd, mae yna 57 o gynlluniau ar waith; gweler y rhestr lawn yn Atodiad 1. Mae'r holl gynlluniau ar y priffyrdd cyhoeddus yn cael eu gweithredu o dan yr un rheoliadau, sy'n cynnwys un drwydded i bob eiddo, a hynny ar gyfer cerbyd penodol. Mae trwyddedau'n ddilys am gyfnod o hyd at 12 mis. Mae trwydded yn costio £40.00. Mae trwyddedau ar gyfer ymwelwyr ar gael am gyfnodau o hyd at saith niwrnod am gost o £30.00, sef, unwaith eto, un drwydded i bob eiddo, a hynny ar gyfer cerbyd penodol. Rhaid darparu prawf o ddeiliadaeth, tystysgrif yswiriant ddilys a thystysgrif MOT.

Mae cynllun nad yw ar gyfer priffyrdd ar waith yn Harbwr Dinbych-y-pysgod, sy'n cynnwys un drwydded i bob eiddo, ond nid yw ar gyfer cerbyd penodol. Mae trwydded yn costio £200.00. Cynyddwyd y ffi hon ar 1 Mawrth 2018.

Rhoddwyd 1,831 o drwyddedau blynyddol rhwng 1 Ebrill 2018 a 31 Mawrth 2019, yn ogystal â 175 o drwyddedau ar gyfer ymwelwyr.

Goddefebau Parcio

Mewn rhai amgylchiadau, bydd y Cyngor yn caniatáu i gerbyd barcio'n gyfreithlon yn groes i orchymyn y Rheoliad Traffig, a hynny trwy roi goddefeb. Gall hefyd atal pobl rhag defnyddio mannau parcio er mwyn eu cadw ar gyfer cerbydau penodol a/neu ymgeiswyr.

Rhoddir goddefebau trwy drwydded dros dro, sy'n cynnwys manylion y digwyddiad, rhif cofrestru'r cerbyd, a’r dyddiad a'r amser y'i defnyddir. Rhaid arddangos y drwydded yn glir ar ffenestr flaen y cerbyd cymeradwy.

Rhoddwyd 252 o oddefebau rhwng 1 Ebrill 2018 a 31 Mawrth 2019.

Gorfodaeth Parcio Sifil

Timau Parcio a Gofal Stryd

Mae cyfuno'r gwaith o reoli a gorfodi parcio ar y stryd ac oddi ar y stryd yn darparu buddion gweithredol a chymunedol sylweddol. Ym mis Ebrill 2013, cyfunwyd y tîm gwasanaethau parcio â'r tîm gofal stryd o dan un rheolwr gweithredol. Mae'r ddwy adran yn parhau i fod â'u cylch gwaith eu hunain; fodd bynnag, mae buddion y gwasanaeth cyfun hwn yn cynnwys:

Cydgysylltu’r broses o orfodi a rheoli parcio ar y stryd ac oddi ar y stryd
Cydgysylltu’r broses o orfodi pob mater sy'n ymwneud â phriffyrdd
Cydgysylltu gweithgareddau ar y rhwydwaith priffyrdd
Rheoli a chydgysylltu digwyddiadau sy'n effeithio ar weithgareddau ar y stryd ac oddi ar y stryd
Cydgysylltu gwaith trydydd partïon ar y priffyrdd
Rheoli'r holl weithgareddau trwyddedig ar y stryd ac oddi ar y stryd
Rhoi polisïau ar waith mewn modd mwy effeithiol

Gweithredu’r Orfodaeth Parcio Sifil

Ar hyn o bryd, mae Cyngor Sir Penfro yn cyflogi 13 Swyddog Gorfodi Sifil, dau Glerc Technegol, a thri Swyddog Gwasanaethau Parcio; mae pob un ohonynt yn cael eu cefnogi gan y Rheolwr Parcio a Gofal Stryd. Nid ydynt yn cael unrhyw fonysau na chymelldaliadau sy'n gysylltiedig â pherfformiad.

Rhoddir rhybuddion taliadau cosb i gerbydau sy'n parcio mewn modd sy'n mynd yn groes i'r cyfyngiadau. Os bydd modurwr yn dymuno herio Rhybudd Tâl Cosb, rhaid iddo ddilyn y broses apelio y manylir arni ar gefn y Rhybudd Tâl Cosb.

Gan fod yr Orfodaeth Parcio Sifil wedi bod mewn grym er mis Chwefror 2011, mae staff y Gwasanaethau Parcio wedi meithrin dealltwriaeth gynhwysfawr o le a phryd y gwelir arferion parcio diwahân. Fodd bynnag, pan fydd aelodau o'r cyhoedd yn profi problemau parcio penodol, gallant roi gwybod i'r swyddfa amdanynt.

Mae'r Tîm Gwasanaethau Parcio hefyd yn gyfrifol am reoli'r holl feysydd parcio, y peiriannau Talu ac Arddangos, materion ariannol, y Trwyddedau i Breswylwyr, Tymhorau'r Meysydd Parcio a Thocynnau Neilltuedig, y Goddefebau Parcio, a Thrwyddedau'r Meysydd Parcio.

Y Swyddfa Gefn — Partneriaeth Prosesu Cosbau Cymru (PPP Cymru)

Mae swyddfa gefn PPP Cymru yn parhau i gael ei defnyddio i brosesu’r Rhybuddion Taliadau Cosb a roddir. Yn rhan o'r bartneriaeth, mae yna gyfarfodydd chwarterol a gweithgor swyddogion, sy'n cynnwys cynrychiolwyr o bob Awdurdod Partner, lle maent yn trafod cysondeb gweithredol, yn rhannu arfer gorau, ac yn ymdrechu i wneud arbedion effeithlonrwydd yn barhaus.

Asiantau Gorfodi

Ar hyn o bryd, mae'r Cyngor yn defnyddio gwasanaethau pedwar Asiant Gorfodi i adennill dyledion, sef Excel, Proserve, Swift ac AJ Enforcement. Mae gan bob un ohonynt brofiad helaeth yn y gwaith hwn ac maent yn darparu gwasanaethau tebyg i gynghorau eraill PPP Cymru, yn ogystal â'n partneriaid sy'n rhan o Gonsortiwm Cludiant Integredig De-orllewin Cymru (SWWITCH), sef Cyngor Sir Caerfyrddin, Cyngor Dinas a Sir Abertawe, a Chyngor Bwrdeistref Sirol Castell-nedd Port Talbot.

Cyflawni Perfformiad ac Ystadegau

Perfformiad Ystadegol

Mae’r tablau isod yn cynnwys ystadegau sy’n ymwneud â’r Rhybuddion Taliadau Cosb a roddwyd yn ystod y cyfnod rhwng 1 Ebrill 2018 a 31 Mawrth 2019.

Rhybuddion Taliadau Cosb — Dilyniant Achosion

Dilyniant Achosion	Y Rhybuddion Taliadau Cosb a roddwyd	%
Nifer y Rhybuddion Taliadau Cosb a roddwyd ar y stryd	7,504	52.89%
Nifer y Rhybuddion Taliadau Cosb a roddwyd oddi ar y stryd	6,683	47.11%
Nifer y Rhybuddion Taliadau Cosb a dalwyd ar gyfradd ostyngol	8,982	63.31%
Nifer y Rhybuddion Taliadau Cosb a dalwyd ar ôl 14 diwrnod	2,330	16.42%
Nifer y Rhybuddion Taliadau Cosb nas talwyd	825	5.81%
Nifer y Rhybuddion Taliadau Cosb a ganslwyd (gweler tabl 6.5)	2,050	14.46%
Cyfanswm nifer y Rybuddion Taliadau Cosb a roddwyd	14,187	-

Tramgwyddau Parcio ar y Stryd

Cod	Disgrifiad	Y Rhybuddion Taliadau Cosb a roddwyd	%
01	Cerbyd sydd wedi parcio ar stryd gyfyngedig yn ystod oriau rhagnodedig	2,318	16.34%
02	Cerbyd sydd wedi parcio, neu sy’n llwytho/dadlwytho, ar stryd gyfyngedig lle mae yna gyfyngiadau mewn grym o ran aros a llwytho/dadlwytho	141	0.99%
12	Cerbyd sydd wedi parcio mewn man parcio i breswylwyr neu fan parcio a rennir, a hynny heb arddangos trwydded ar gyfer y man hwnnw mewn modd eglur	1,865	13.15%
14	Cerbyd sydd wedi parcio mewn man gwefru cerbydau trydan yn ystod oriau cyfyngedig heb wefru’r cerbyd	0	0%
16	Cerbyd sydd wedi parcio mewn man parcio ar gyfer cerbydau â thrwydded, a hynny heb arddangos trwydded ddilys	12	0.08%
21	Cerbyd sydd wedi parcio mewn man parcio ataliedig neu ran o fan parcio ataliedig	75	0.53%
23	Cerbyd sydd wedi parcio mewn man parcio nad yw’n ddynodedig ar gyfer y math hwnnw o gerbyd	360	2.54%
25	Cerbyd sydd wedi parcio mewn man llwytho yn ystod oriau cyfyngedig, a hynny heb lwytho nwyddau	43	0.30%
26	Cerbyd sydd wedi parcio mwy na 50 cm oddi wrth ymyl cerbytffordd, a hynny heb fod mewn man parcio dynodedig	9	0.06%
27	Cerbyd sydd wedi parcio yn agos at droetffordd isel	339	2.39%
40	Cerbyd sydd wedi parcio mewn man parcio dynodedig ar gyfer pobl anabl, a hynny heb arddangos bathodyn dilys ar gyfer pobl anabl mewn modd eglur	496	3.50%
45	Cerbyd sydd wedi parcio mewn safle tacsis	70	0.49%
47	Cerbyd sydd wedi parcio mewn safle bws dynodedig	44	0.31%
48	Cerbyd sydd wedi parcio mewn ardal gyfyngedig y tu allan i ysgol	1	0.01%
49	Cerbyd sydd wedi parcio’n llwyr neu’n rhannol ar lwybr beicio	1	0.01%
62	Cerbyd sydd wedi parcio gydag un neu fwy o olwynion ar ran o ffordd heblaw am rhwng dwy gerbytffordd	0	0.0%
63	Cerbyd sydd wedi parcio gyda’r injan yn dal i redeg mewn ardal waharddedig	0	0.0%
99	Cerbyd sydd wedi parcio ar groesfan i gerddwyr neu ardal ag arwyddion igam-ogam	22	0.16%
04	Cerbyd sydd wedi parcio mewn man parcio sy’n cynnwys mesurydd pan fo’r gosb amser wedi cael ei nodi	0	0.0%
05	Cerbyd sydd wedi parcio am gyfnod hwy na’r hyn y talwyd amdano	2	0.01%
06	Cerbyd sydd wedi parcio heb arddangos tocyn neu daleb talu ac arddangos ddilys mewn modd eglur	12	0.08%
24	Cerbyd nad yw wedi parcio mewn modd cywir y tu mewn i farciau man parcio	16	0.11%
30	Cerbyd sydd wedi parcio am gyfnod hwy na’r hyn a ganiateir	1,603	11.30%

Tramgwyddau Parcio oddi ar y Stryd

Cod	Disgrifiad	Y Rhybuddion Taliadau Cosb a roddwyd	%
74	Cerbyd sydd wedi parcio mewn man parcio sy’n cael ei ddefnyddio i werthu, gynnig neu dynnu sylw at nwyddau pan fo hynny’n wedi’i wahardd	11	0.08%
80	Cerbyd sydd wedi parcio am gyfnod hwy nag uchafswm yr amser a ganiateir	49	0.35%
81	Cerbyd sydd wedi parcio mewn ardal gyfyngedig mewn maes parcio	43	0.30%
82	Cerbyd sydd wedi parcio am gyfnod hwy na’r hyn y talwyd amdano	1433	10.10%
83	Cerbyd sydd wedi parcio mewn maes parcio heb arddangos tocyn neu daleb talu ac arddangos ddilys, neu gloc parcio, mewn modd eglur	4,009	28.26%
85	Cerbyd sydd wedi parcio mewn man parcio ar gyfer cerbydau â thrwydded, a hynny heb arddangos trwydded ddilys	319	2.25%
86	Cerbyd sydd wedi parcio y tu hwnt i farciau’r man parcio	468	3.30%
87	Cerbyd sydd wedi parcio mewn man parcio ar gyfer pobl anabl, a hynny heb arddangos bathodyn dilys ar gyfer pobl anabl mewn modd eglur	303	2.14%
91	Cerbyd sydd wedi parcio mewn maes parcio nad yw wedi cael ei ddynodi ar gyfer y math hwnnw o gerbyd	70	0.49%
94	Cerbyd sydd wedi parcio mewn maes parcio talu ac arddangos, a hynny heb arddangos dau docyn talu ac arddangos dilys pan oedd angen	1	0.01%
95	Cerbyd sydd wedi parcio mewn man parcio am resymau heblaw am ddiben dynodedig y man parcio	10	0.07%

Rhybuddion Taliadau Cosb a Ganslwyd

Nifer y Rhybuddion Taliadau Cosb a ganslwyd o ganlyniad i gynrychiolaeth ffurfiol: yr Her wedi’i Derbyn: Y Rhybuddion Taliadau Cosb a Roddwyd: 1,105 (7.78%)
Nifer y Rhybuddion Taliadau Cosb a ganslwyd am resymau eraill (e.e. nid oedd modd olrhain y perchennog, gwall y Swyddog Gorfodi Parcio Sifil (CEO), y DVLA ddim yn gallu darparu manylion: 945 (6.68%)
Y Cyfanswm a Ganslwyd: 2,050 (14.46%)

Cymariaethau

Nifer y Rhybuddion Taliadau Cosb a roddwyd: 14,040 (2017-18) 14,187 (2018-19)
Nifer y Rhybuddion Taliadau Cosb a roddwyd ar y Stryd 7,586 (2017-18) 7,504 (2018-19)
Nifer y Rhybuddion Taliadau Cosb a roddwyd oddi ar y Stryd 6,457 (2017-18) 6,683 (2018-19)
Nifer y Rhybuddion Taliadau Cosb a ganslwyd fesul 16.22% (2017-18) 14.46% (2018-19)

Dyfarniadau a wnaed mewn gwrandawiad Tribiwnlys Cosbau Traffig

Cyfanswm 10 (2017-18) 8 (2018-19)
Apeliadau a Wrthodwyd 6 (60%) (2017-18) 5 (62.5%) (2018-19)
Apeliadau a Dderbyniwyd 4 (40%) (2017-18) 3 (37.5%) (2018-19)

Gwybodaeth Ariannol

Cyfrif Ariannol

Cyflwynir isod ddata ariannol incwm a gwariant a lywodraethir gan Adran 55 o Ddeddf Rheoleiddio Traffig Ffyrdd 1984

Incwm	2017-18	2018-19
Trwyddedau Parcio i Breswylwyr (yn cynnwys trwyddedau i Breswylwyr ac Ymwelwyr)	£44,089	£45,536
Goddefebau Parcio	£5,719	£8,055
Taliadau Cosb	£447,032	£427,588
Cyfraniadau gan Awdurdodau Lleol eraill	£12,500	£12,500
Cyfanswm yr Incwm	£509,340	£493,679

Gwariant	2017-18	2018-19
Costau Cyflogeion	£259,216	£271,253
Safleoedd	£44,196	£35,904
Nwyddau a Gwasanaethau	£18,700	£14,264
Cymorth a Rheoli	£127,676	£145,497
Taliadau Eraill	£58,494	£70,650
Taliadau Cyfalaf	£0	£0
Cyfanswm y Gwariant	£508,282	£552,590
(Gwarged)/Diffyg	(-£1,058)	£43,888

Nid yw’r wybodaeth ariannol a ddarperir ar gyfer yr adroddiad hwn yn cynnwys y gweithgarwch oddi ar y stryd nad yw’n cael ei lywodraethu gan Ddeddf Rheoleiddio Traffig Ffyrdd 1984.

Yn ystod 2019-20, bydd nifer o fentrau’n cael eu hystyried, a hynny naill ai yn barhad o weithgarwch y llynedd a’r materion a oedd yn codi, neu’n fentrau newydd, fel a ganlyn:

Nodi cynllun hirdymor ar gyfer maes parcio aml-lawr Hwlffordd
Cyflwyno dewisiadau talu heb arian parod ar gyfer peiriannau talu ac arddangos
Parhau i gyflwyno mannau gwefru cerbydau trydan yn ein meysydd parcio
Adolygu camerâu gorfodi symudol
Parhau i adolygu proses adennill costau’r gwasanaeth parcio
Adolygu’r strwythur prisio cyfredol ar gyfer parcio oddi ar y stryd
Nodi rhaglen waith rhwng tair a phum mlynedd ar gyfer parcio oddi ar y stryd
Sicrhau bod yr holl ddata am gyflwr ac asedau meysydd parcio yn cael eu casglu a’u hychwanegu at y system AMX

Atodiad 1: Cynlluniau Parcio i Breswylwyr a Chyfleusterau Parcio a Rennir

Aberllydan

Marine Road – yr ochr orllewinol

Dale

U6006 Dale Fort Road – yr ochr ddwyreiniol

Abergwaun

Wallis Street – yr ochr ddwyreiniol
Coronation Avenue

Hwlffordd

Bush Row – yr ochr ddwyreiniol
Albany Terrace – yr ardal barcio
Cambrian Place – yr ochr ddwyreiniol
Cartlett – yr ochr ogleddol
Ardal ger Castell y dref
North Street – yr ochr orllewinol
North Street – yr ochr ddwyreiniol
Holloway – yr ochr ogleddol
Queens Square – yr ardal ganol
Crowhill – yr ochr ddwyreiniol
Merlins Hill – yr ochr ogleddol
Hill Street
North Crescent – yr ochr orllewinol
Winch Crescent – yr ochr ddeheuol

Aberdaugleddau

Stryd Robert – yr ochr ogleddol a’r ochr ddeheuol
Neyland
Neyland Hill – yr ochr ddeheuol

Penfro

Woodbine Terrace – yr ochr ddeheuol
Doc Penfro
Apley Terrace – yr ochr ddeheuol
Bush Street – yr ochr ogleddol a’r ochr ddeheuol
Church Street – yr ochr orllewinol a’r ochr ddwyreiniol
Gordon Street – yr ochr orllewinol
Gwyther Street – yr ochr orllewinol a’r ochr ddwyreiniol
Laws Street – yr ochr orllewinol a’r ochr ddwyreiniol
Pembroke Street – yr ochr orllewinol a’r ochr ddwyreiniol
Upper Laws Street – yr ochr orllewinol a’r ochr ddwyreiniol
Upper Meyrick Street – yr ochr orllewinol a’r ochr ddwyreiniol

Dinbych-y-pysgod

Augustus Place (yn gwasanaethu 1-10 a 11-18)
Clareston Road – yr ochr orllewinol a’r ochr ddeheuol
Culver Park – yr ochr orllewinol a’r ochr ddwyreiniol
Greenhill Avenue – yr ochr orllewinol a’r ochr ddwyreiniol
Weston Terrace – yr ochr orllewinol
Harding Street – yr ochr ogleddol a’r ochr ddeheuol
Harries Street – yr ochr orllewinol
Heywood Court – yr ochr orllewinol
Heywood Court – rhifau 74-85 yr ochr ogleddol, rhifau 48-64 yr ochr ddeheuol
Stryd y Broga Isaf – yr ochr ddwyreiniol
Park Place – yr ochr ogleddol a’r ochr ddeheuol
Edward Street – yr ochr dde-ddwyreiniol
Park Terrace – yr ochr dde-ddwyreiniol
Penelly Road – yr ochr ddwyreiniol
Picton Road – yr ochr orllewinol a’r ochr ddwyreiniol
Picton Terrace – yr ochr orllewinol
Queens Parade – yr ochr orllewinol
South Cilff Street – yr ochr ogleddol
St Florence Parade – yr ochr ddwyreiniol
St Johns Hill – yr ochr ogleddol
St Julian’s Street – yr ochr ogledd-orllewinol
Sutton Street – yr ochr ddwyreiniol
The Croft – yr ochr ddwyreiniol
The Norton – yr ochr ddwyreiniol
The Paragon – yr ochr ddeheuol
Trafalgar Road – yr ochr ogledd-orllewinol a’r ochr dde-ddwyreiniol
Victoria Street – yr ochr orllewinol a’r ochr ddwyreiniol
Warren Street – yr ochr ddeheuol

Man Parcio a Rennir (Cyfyngiad Aros o 1 awr, dim dychwelyd o fewn 1 awr, dydd Llun i ddydd Sadwrn, 8am-6pm/Deiliaid trwyddedau)

Doc Penfro
Meyrick Street – yr ochr orllewinol

Man Parcio a Rennir (Cyfyngiad Aros o 1 awr, dim dychwelyd o fewn 1 awr, 8am-6pm/Deiliaid trwyddedau)

Hwlffordd
Holloway – yr ochr ogleddol
North Street – yr ochr ddwyreiniol
Queens Square – yr ardal ganolog
Tyddewi
Stryd Newydd – yr ochr ddwyreiniol

Parcio yn Sir Benfro