Presenoldeb Ysgolion a Lles Disgyblion

Addysg Gartref Ddewisol

Addysgu eich plentyn adref

Mae rhai rhieni yn dewis addysgu eu plant adref am amrywiaeth o resymau personol, addysgol, athronyddol, neu ymarferol. Mae Cyngor Sir Penfro yn cydnabod ac yn parchu hawl rhieni i addysgu eu plant gartref yn ddewisol.

Dylai rhieni sydd eisiau tynnu eu plentyn o restr ysgol i’w addysgu adref hysbysu’r ysgol yn ysgrifenedig. Bydd yr ysgol yn ddiweddaru’i chofnodion ac yn hysbysu’r Awdurdod Lleol am benderfyniad y rhieni.

Cyfrifoldebau rhieni

Mae gan rieni hawl gyfreithiol i addysgu eu plant gartref, cyn belled eu bod yn cyflawni gofynion Adran 7 o Ddeddf Addysg 1996, sy’n dweud:

“Mae’n rhaid i rieni pob plentyn o oed ysgol orfodol wneud yn siŵr ei fod yn cael addysg llawn amser effeithiol sy’n addas i’w oedran, ei allu a’i sgil, a hefyd i unrhyw anghenion dysgu ychwanegol sydd ganddo, boed trwy fynychu’r ysgol yn rheolaidd neu mewn ffordd arall”.

Mae'n gyfrifoldeb gan rieni sicrhau bod y addysg a ddarperir yn addas ac yn effeithiol. Nid yw addysg gartref yng Nghymru’n gorfod dilyn y Cwricwlwm i Gymru. Fodd bynnag, mae'n rhaid i rieni sicrhau bod yr addysg a ddarperir yn effeithiol, amser llawn ac yn addas i oedran, gallu, gallu dysgu ac unrhyw anghenion dysgu ychwanegol sydd gan eu plentyn.

Efallai y bydd rhieni hefyd eisiau ystyried cyfleoedd i'w plentyn yn y dyfodol, gan gynnwys mynediad at gymwysterau, addysg bellach, hyfforddiant, a gwaith.

 

Llawlyfr Llywodraeth Cymru i Ddysgwyr Cartref (yn agor mewn tab newydd)

 

Cymorth gan yr awdurdod lleol

Mae Cyngor Sir Benfro yn ymrwymedig i weithio’n bositif ac yn gydweithredol gyda theuluoedd sy’n dewis Addysg Ddewisol Cartref.

Gall Cynghorwyr Addysg Ddewisol Cartref yr Awdurdod Lleol gynnig cymorth, gwybodaeth, arweiniad, a chyfleoedd i drafod y ddarpariaeth addysgol sy’n cael ei gwneud ar gyfer eich plentyn. Mae’r Cyngor yn ceisio datblygu perthnasoedd cadarnhaol gyda theuluoedd sy’n addysgu gartref ar sail ymddiriedaeth, dealltwriaeth, a ymrwymiad i sicrhau’r canlyniadau gorau posibl i blant ac ieuenctid.

Am ragor o wybodaeth neu gyngor, cysylltwch â:

Tîm Addysg Gartref Dewisol

e-bost: ehe@pembrokeshire.gov.uk

Ffôn: 01437 764551

Gwybodaeth, cyngor a chefnogaeth annibynnol

Gall teuluoedd sy’n chwilio am wybodaeth, cyngor, a chefnogaeth deg gysylltu â Gwasanaeth Partneriaeth Rhiant. Mae’r gwasanaeth yn helpu rhieni a gofalwyr i wneud penderfyniadau gwybodus am addysg eu plentyn ac yn rhoi cyngor ar yr opsiynau sydd ar gael iddynt.

Gwasanaeth Partneriaeth Rhiant

e-bost: pps@pembrokeshire.gov.uk

Ffôn: 01437 776354