Rheoliad Iechyd a Diogelwch

Yr Awdurdod Lleol a'r HSE

Awdurdodau Gorfodi

Yn y DU caiff gorfodi rheoliadau iechyd a diogelwch yn y gweithle ei rannu i raddau helaeth rhwng awdurdodau lleol a’r Awdurdod Gweithredol Iechyd a Diogelwch (HSE).

Y Rheoliadau Awdurdodau Gorfodi sy’n penderfynu’r awdurdod gorfodi perthnasol ar gyfer gwahanol gategorïau o weithle. Mae’r Rheoliadau hyn yn neilltuo cyfrifoldeb yn ôl natur y prif weithgaredd gwaith, fel a ganlyn:

Awdurdod Lleol (heblaw gwaith y Cyngor)

• Siopau 
• Swyddfeydd
• Eiddo Arlwyo
• Llety 
• Gweithgareddau hamdden a chwaraeon 
• Warysau 
• Cartrefi gofal preswyl
• Trinwyr gwallt / Parlyrau harddu
• Sinemâu 
• Canolfannau teiars a phibelli gwacáu 
• Eglwysi
• Golchfeydd

Yr Awdurdod Gweithredol Iechyd a Diogelwch (HSE)

• Dociau 
• Ffermydd 
• Caeau ffair 
• Gweithgareddau adeiladu 
• Eiddo ym meddiant y Cyngor
• Deintyddion
• Meddygon 
• Prifysgolion 
• Ysgolion 
• Ffatrïoedd
• Ysbytai
• Cartrefi nyrsio 

Mae gwefan yr HSE yn cynnwys dewis cynhwysfawr o hysbysrwydd a chanllawiau iechyd a diogelwch sy’n rhoi ffeithiau ar ddeddfwriaeth iechyd a diogelwch a’r hyn sydd raid i fusnesau ei wneud. Dechreuwch trwy edrych dan adran y pwnc neu ddiwydiant perthnasol.

Os bydd arnoch angen cyngor iechyd a diogelwch neu gyngor technegol mewn cysylltiad â gweithgaredd sydd â Chyngor Sir Penfro fel yr awdurdod gorfodi, cysylltwch â ni.

I gael cyngor technegol mewn cysylltiad â gweithgaredd sydd â’r HSE fel yr awdurdod gorfodi, cysylltwch â’r HSE gan ddefnyddio’r ffurflen ar-lein ar wefan HSE.

I gael rhagor o wybodaeth, cysylltwch â:

Tîm Iechyd a Diogelwch,
Isadran Diogelu’r Cyhoedd,
Cyngor Sir Penfro,
Neuadd y Sir,
Hwlffordd,
Sir Benfro,
SA61 1TP.

Ffôn: 01437 775179
E-bost: health&safety@pembrokeshire.gov.uk