Safonau’r Gymraeg Adroddiad Blynyddol 2025-26

Strategaeth Gorfforaethol

Mae strategaeth gorfforaethol y cyngor yn gosod ac yn mynegi ein hamcanion llesiant. Mae tri cham gweithredu yn ymwneud â’r Gymraeg:

• Datblygu a chynhyrchu strategaeth newydd ar gyfer y Gymraeg erbyn 2026, gyda chyfranogiad yr holl randdeiliaid allweddol
• Parhau i gyflawni prosiectau diwylliannol sy’n cryfhau cysylltiadau â’r iaith a gyda llesiant a lle (cynefin)
• Cefnogi a hyrwyddo defnydd o’r Gymraeg fel iaith gyntaf, gan gynnwys gweithredu’r Cynllun Strategol Cymraeg mewn Addysg a chynnal yr Eisteddfod Genedlaethol yn 2026

Adroddir ar gynnydd yn erbyn ein strategaeth gorfforaethol ar gyfer 2025-30 drwy ein hadroddiad hunanasesu blynyddol yn yr hydref, ac mae’r adroddiad hwn yn cyfrannu at y broses asesu honno. Darperir rhagor o wybodaeth am strategaeth y Gymraeg ar gyfer 2026-31 a’r Eisteddfod yn ddiweddarach yn yr adroddiad hwn.