Strategaeth Gorfforaethol 2025-30

Ein Cyngor

Cyngor sy'n gynaliadwy yn ariannol, sydd wedi'i lywodraethu'n dda, a chanddo weithlu sy'n gallu cefnogi'r bobl yr ydym yn eu gwasanaethu

 

Pam mae hyn yn bwysig?

Mae'r cyngor yn wynebu heriau ariannol digynsail.  Mae llawer o resymau am hyn, ond y peth pwysig yw sicrhau ein bod yn gweithredu i sicrhau bod y cyngor, a'r gwasanaethau a ddarparwn, yn gynaliadwy nawr ac yn y dyfodol.  I gefnogi hyn, mae'n hanfodol bod penderfyniadau'r cyngor yn seiliedig ar dystiolaeth ac yn adlewyrchu dymuniadau ein trigolion.  Mae angen i ni hefyd addasu ein gweithlu er mwyn sicrhau ei fod yn addas i ateb yr heriau hanesyddol hyn, a byddwn yn gweithio gyda’n hundebau llafur cydnabyddedig trwy’r Fforwm Partneriaeth Gymdeithasol i gyflawni hyn.

 

Beth fyddwn ni'n ei wneud i gyflawni hyn?

• Pennu cyllideb gytbwys wrth ystyried yr heriau ariannol sy’n wynebu’r cyngor, gan ymgysylltu’n llawn â phob rhanddeiliad, ac yng nghyd-destun Cynllun Ariannol Tymor Canolig cynaliadwy.
• Cyrraedd ein targedau casglu ar gyfer y dreth gyngor a’r rhent tai, a lleihau ôl-ddyledion o ran y ddau.
• Sicrhau bod y sefydliad yn mabwysiadu’r gwelliannau o'r Cynllun Gwella Llywodraethu Corfforaethol yn llawn, gan yr aelodau etholedig a’r swyddogion.
• Cryfhau goruchwyliaeth ac ymgysylltiad aelodau anweithredol drwy graffu effeithiol.
• Cryfhau a gwreiddio ein prosesau o ran llunio asesiadau effaith integredig a chynnal ymgyngoriadau.
• Cyflawni ein Strategaeth Cyfranogiad a sicrhau bod trigolion yn gallu chwarae rhan mewn llunio dyfodol y cyngor a chymryd rhan yn y broses ddemocrataidd neu ddylanwadu arni.
• Cyflawni ein cynllun Gweithlu’r Dyfodol a mynd i’r afael â heriau sy’n ymwneud â recriwtio a chadw, gan weithio gyda’n partneriaid undeb llafur drwy’r Fforwm Partneriaeth Gymdeithasol.
• Parhau i gyflawni strategaethau sy’n cefnogi iechyd a llesiant meddwl gweithwyr.
• Sicrhau bod ein prosesau cynllunio corfforaethol a gwasanaethau yn adlewyrchu ein heriau, ac yn hwyluso gwaith cynllunio, cyflawni a monitro priodol o'n hamcanion dros y tymor canolig.
• Sicrhau bod risgiau sefydliadol a chyfarwyddiaethol (bygythiadau a chyfleoedd) yn cael eu nodi, eu rheoli a'u lliniaru'n effeithiol.

 

Sut fyddwn ni'n gwybod?

Data meintiol o'n Cerdyn Sgorio Corfforaethol sy’n ymwneud â’r canlynol

• Cofnodion absenoldeb yr adran Adnoddau Dynol
• Cyfraddau casglu’r dreth gyngor / rhenti tai ac ôl-ddyledion

Ffynonellau ansoddol

• Proses pennu’r gyllideb
• Cynllun Ariannol Tymor Canolig
• Datganiad o Gyfrifon
• Cynllun Gwella Llywodraethu Corfforaethol
• Datganiad Llywodraethu Blynyddol
• Adroddiad Blynyddol Trosolwg a Chraffu
• Strategaeth Ddigidol
• Cyflawni’r Strategaeth Gyfranogiad
• Adroddiad Hunanasesu
• Data etholiadau yn 2027 (ee seddi sy’n cael eu cystadlu)