Tai Preifat

Mae'r ffigyrau diweddaraf yn awgrymu bod tua 880 o dai gwag yn Sir Benfro, rhai a all ddarparu llety i bobl sydd ei angen.

Mae Llywodraeth Cymru wedi rhoi £10 miliwn ar draws Cymru i fenter Troi Tai'n Gartrefi i alluogi Awdurdodau Lleol i ddarparu benthyciadau heb log er mwyn rhoi defnydd i dai gwag unwaith eto.   

Trosolwg

Mae benthyciadau heb log ar gael yn awr i unigolion a chwmnïoedd - nid perchen-feddianwyr - trwy fenter Troi Tai'n Gartrefi. 

• Rhaid i’r ymgeisydd fod y perchennog cofrestredig.
• Dim ond ar gyfer eiddo sydd wedi bod yn wag am chwe mis neu fwy y mae benthyciadau ar gael.
• Gall benthyciadau dalu am adnewyddu annedd bresennol, cwblhau adeilad newydd a throsi adeilad nad yw’n annedd.
• Nid yw eiddo a fydd yn cael eu defnyddio fel tai amlfeddiannaeth, llety gwyliau neu Airbnb ar ôl cwblhau’r gwaith yn gymwys ar gyfer y benthyciad hwn.
• Bydd ceisiadau am fenthyciadau yn cael eu hystyried i drosi eiddo masnachol gwag yn llety preswyl.
• Mae benthyciadau ar gael o £1,000 i £25,000 fesul “uned gyfanheddol” (tŷ / fflat) hyd at uchafswm o £150,000 fesul ymgeisydd (chwe uned neu fwy).
• Ni all unrhyw fenthyciad a gynigir, gan gynnwys unrhyw forgeisi/benthyciadau presennol, fod yn fwy nag 80% o werth presennol yr eiddo.
• Codir ffi weinyddol am y benthyciadau. Mae hyn yn dechrau ar £345 ac yn cynyddu gan ddibynnu ar faint y benthyciad.

Gall y benthyciad heb log gael ei ddefnyddio i ddychwelyd eiddo gwag i'w ddefnyddio naill ai: 

• Gwerthu - mae gan hyn uchafswm o 2 flynedd o gyfnod talu yn ôl.
• Rhentu - mae gan hyn uchafswm o 3 blynedd o gyfnod talu yn ôl.

Mae pob benthyciad a gymeradwywyd yn dibynnu ar nifer o amodau i sicrhau bod arian y gronfa fenthyciadau'n cael ei 'ailgylchu' er mwyn cynorthwyo mwy o gynlluniau tai gwag. Am fwy o wybodaeth neu i wneud cais cysylltwch â naill ai   

Philip Jackson 
Ffôn: 01437 775635 
e-bost: Philip.Jackson@pembrokeshire.gov.uk