Talu am ofal a chymorth

Heb Hawl i Gyllid Cyhoeddus

Mae heb hawl i gyllid cyhoeddus yn amod safonol sy’n berthnasol i’r rhai sy’n aros ym Mhrydain gyda statws mewnfudo dros dro.  Mae Caniatâd i Aros wedi'i osod fel y trothwy cyffredinol ar gyfer caniatáu i fudwyr gael mynediad at arian cyhoeddus.

• Dim ond cyfyngiad ar fynediad at nawdd cymdeithasol prif ffrwd, cymorth digartrefedd a dyraniad tai cymdeithasol gan awdurdod lleol yw amod yr Heb Hawl i Gyllid Cyhoeddus.
• Ni all pobl sy'n destun Heb Hawl i Gyllid Cyhoeddus gael mynediad at rai budd-daliadau lles sy'n seiliedig ar incwm. 
  
  

Mae Adran 35 o Ddeddf Gwasanaethau Cymdeithasol a Llesiant (Cymru) 2014 yn nodi ein dyletswydd i asesu anghenion unigolyn os yw'r canlynol yn wir:

• Mae'r unigolyn yn byw yn Sir Benfro;
• Nid oes ganddo breswylfa sefydlog;
• Mae angen diwallu anghenion yr unigolyn er mwyn amddiffyn yr oedolyn sydd mewn perygl o gael ei gam-drin neu ei esgeuluso.

Deddf Gwasanaethau Cymdeithasol a Llesiant (Cymru) 2014 (yn agor mewn tab newydd)

Mae dyletswydd Adran 35 felly yn berthnasol i bob preswylydd waeth beth fo’i statws mewnfudo a dim ond wedi’i chyfyngu gan yr eithriadau i gymorth gwasanaethau cymdeithasol a nodir o dan Atodlen 3 o Ddeddf Cenedligrwydd, Mewnfudo a Lloches 2002.

Byddwn yn cynnig asesiad i'r rhai sy'n bodloni'r meini prawf cymhwysedd a nodir uchod.

A oes gennym ddyletswydd i ddiwallu anghenion?

Cymorth Dros Dro

Yn dilyn asesiad i bennu cymhwystra, efallai y byddwn yn darparu cymorth dros dro tra byddwn yn bwrw ymlaen â rhan cynllunio gofal o'r broses rheoli gofal.

Anghenion Byw Hanfodol

Bydd cynllun gofal a chymorth yr unigolyn yn nodi pa gymorth y bydd yr unigolyn yn gyfrifol am gael gafael arno, cymorth y gallai gwasanaethau cymorth cymunedol ei ddarparu a pha gymorth y byddwn yn ei drefnu neu'n ei ddarparu, er mwyn diwallu'r anghenion a aseswyd.

Bydd taliadau am gymorth yn cael eu codi yn unol â’r rheoliadau codi tâl a nodir o dan Ddeddf Gwasanaethau Cymdeithasol a Llesiant (Cymru) 2014.

Mae Cyngor Sir Penfro yn dilyn canllawiau a nodir o dan Ddeddf Gwasanaethau Cymdeithasol a Llesiant (Cymru) 2014 sy’n nodi’r dyletswyddau mewn perthynas â phlant sy’n derbyn gofal.  Mae canllawiau Llywodraeth Cymru ar gyfer gweithwyr cymdeithasol ar gyfer diogelu plant a chefnogi plant sy'n ceisio lloches yn ymwneud â hyn.

• Cod Ymarfer Rhan 6 (Plant y’n Derbyn Gofal a Phlant sy’n Cael eu Lletya) (yn agor mewn tab newydd)
• Cysur - Bwrdd Diogelu Canolbarth a Gorllewin Cymru (yn agor mewn tab newydd)
• Canllaw arferion gorau ar gyfer gweithwyr cymdeithasol yng nghymru syn cynorthwyo plant syn hawlio lloches (yn agor mewn tab newydd)

 

Byddwn yn cynnal asesiad cychwynnol i ganfod beth yw anghenion uniongyrchol yr unigolyn ifanc. Ystyrir mai anghenion sylfaenol yw:

• Cyfathrebu / Dehongli
• Materion diogelu
• Llety
• Gwasanaethau iechyd a llesiant
• Ystyriaethau iechyd meddwl
• Addysg a hyfforddiant
• Gwybodaeth am wlad enedigol yr unigolyn ifanc.

Caring for unaccompanied asylum seeking children and young people: Full series | CoramBAAF (yn agor mewn tab newydd)

Yn dilyn yr asesiad cychwynnol, byddwn yn dilyn ein prosesau rheoli gofal / diogelu i sicrhau ein bod yn bodloni’r anghenion a aseswyd ac yn diogelu’r unigolyn ifanc.

Manylion cyswllt

Canolfan Gyswllt Cyngor Sir Penfro - 01437 764551