Trafnidiaeth Ysgol

Lle mae trefniadau cludiant yn gyfrifoldeb y cyngor sir, ym mhob achos bydd y cyngor sir yn penderfynu ar y math mwyaf priodol o gludiant i'w ddarparu neu a ddylid darparu lwfans milltiredd. Bydd pob achos yn cael ei ystyried yn ôl ei deilyngdod ei hun.

Dim hawl i gludiant

Ni fydd y cyngor sir yn darparu cludiant nac yn gwneud unrhyw gyfraniad tuag at gostau cludiant ar gyfer disgyblion a dderbynnir o ganlyniad i fynegiant dewis rhieni ar gyfer ysgol pan nad yw’r ysgol agosaf nac yn ysgol ddalgylch. Yn yr amgylchiadau hyn, mae rhieni'n gyfrifol am wneud eu trefniadau cludiant eu hunain ac am yr holl gostau cludiant. Cynghorir rhieni i ystyried goblygiadau cludiant cyn mynegi dewis am le mewn ysgol.

Cam 2: Apêl Gan Riant I’r Panel Cynhwysiad y Gyfarwyddiaeth Addysg

Yn achos anghydfod sy’n ymwneud â gweithredu a dehongli’r polisi cludiant o’r cartref i’r ysgol, gellir gwneud apêl. Rhaid cyflwyno apêl o fewn 14 diwrnod i ddyddiad hysbysu canlyniad eich cais am gludiant ysgol, gan gynnwys yr holl dystiolaeth ategol berthnasol.  Bydd yr apêl yn cael ei hystyried gan Banel Cynhwysiad y Gyfarwyddiaeth Addysg a bydd y penderfyniad yn cael ei gyfleu i’r rhieni o fewn 30 diwrnod i dderbyn y ffurflen apêl cludiant ysgol.

A oes unrhyw amgylchiadau eithriadol?

Bydd amgylchiadau eithriadol yn cael eu hystyried fesul achos a gallent gynnwys y canlynol:

A oes gan y disgybl neu riant unrhyw anghenion meddygol, seicolegol neu ddysgu ychwanegol?

Er mwyn cael eu hystyried o dan y maen prawf hwn, rhaid i rieni ddarparu tystiolaeth ategol annibynnol ar adeg y cais sy’n nodi pam mae angen cludiant i’r ysgol ar gyfer y disgybl a’r anawsterau a fyddai’n cael eu hachosi pe na bai cludiant i’r ysgol yn cael ei ddarparu.

a) Rhaid i dystiolaeth ategol fod yn seiliedig ar wybodaeth y gweithiwr proffesiynol ei hun am gyflwr ac amgylchiadau’r disgybl a chaiff ei derbyn gan unrhyw un o’r gweithwyr iechyd proffesiynol cofrestredig a ganlyn: meddyg ymgynghorol arbenigol, pediatregydd cymunedol, seicolegydd clinigol, seiciatrydd, therapydd galwedigaethol, gweithiwr cymdeithasol proffesiynol

b) Rhaid i anghenion dysgu ychwanegol gael eu cadarnhau gan wasanaeth cynhwysiant yr awdurdod lleol

c) Ar gyfer achosion o fwlio eithafol a pharhaus, tystiolaeth yn manylu ar y camau a gymerwyd i ddatrys y bwlio trwy weithdrefnau gwrth-fwlio presennol yr ysgol, ynghyd ag adroddiad gan swyddog lles addysg neu wasanaeth cynhwysiant yr awdurdod lleol neu ddatganiad wrth yr ysgol i gadarnhau'r bwlio.

A yw’r teulu wedi cael ei orfodi i adleoli ar fyr rybudd am resymau y tu hwnt i’w reolaeth?

Er mwyn cael ei ystyried o dan y maen prawf hwn, rhaid darparu tystiolaeth ategol gan o leiaf un o’r asiantaethau a ganlyn: gwasanaeth yr heddlu, cymdeithas tai, gwasanaethau cymdeithasol, swyddog lles addysg.

A yw’r disgybl yn 16 oed ac yn byw dros dair milltir o’r ysgol neu goleg agosaf lle mae rhaglen astudio addas ar gael?

Er mwyn cael eu hystyried o dan y maen prawf hwn, rhaid i rieni ddarparu tystiolaeth bod y dysgwr yn astudio’n llawn amser a’i fod o dan 19 oed ar 1 Medi yn y flwyddyn academaidd y dilynir y cwrs ynddi.

Hawl i gludiant