COVID-19: Bydd unrhyw wybodaeth benodol yn ymwneud â Sir Benfro yn cael ei diweddaru ar www.sir-benfro.gov.uk/coronafeirws neu am wybodaeth sut i wneud cais am breaf Covid-19 ewch i llyw.cymru/gwneud-cais-i-gael-prawf-coronafeirws-covid-19

Trethi Busnes

Rhyddhad Ardrethi'r Stryd Fawr wedi'i ymestyn ar gyfer 2019/20

Mae Llywodraeth Cymru wedi ymestyn y rhyddhad sydd ar gael am flwyddyn arall a bydd yn darparu cymorth i fanwerthwyr yng Nghymru â gwerth ardrethadwy o £50,000 neu lai.

Busnesau a siopau manwerthu'r stryd fawr a feddiennir megis siopau, bwytai, caffis a sefydliadau yfed fydd yr eiddo a fydd yn elwa ar y rhyddhad hwn.

Bydd hyd at £2500 ar gael mewn cymorth tuag at filiau ardrethi annomestig ar gyfer eiddo manwerthu a feddiennir gyda gwerth ardrethadwy o £50,000 neu lai ar 1 Ebrill 2019 yn ddarostyngedig i gyfyngiadau cymorth gwladwriaethol.

Mae'r cyngor yn amcangyfrif bydd y rhyddhad ar gael i fwy na 500 o fusnesau oherwydd, yn wahanol i flynyddoedd blaenorol, nid yw cynllun 2019-20 yn gyfyngedig i adeiladau ar y stryd fawr ond bydd yn cynnwys pob eiddo yng Nghymru sy'n bodloni'r meini prawf manwerthu ehangach.

Caiff rhyddhad ei ystyried a'i roi i fusnesau fel taliad untro yn seiliedig ar feddiannaeth ar 31 Mawrth 2019 (ar yr amod bod yr un meddiannydd yn parhau i feddiannu'r eiddo ar 1 Ebrill 2019).

Trethdalwyr cymwys fydd y manwerthwyr sydd ag eiddo â gwerth ardrethadwy rhwng £6,001 a £50,000 ar 1 Ebrill 2019.

At ddibenion y cynllun hwn, bwriedir i eiddo manwerthu megis "siopau, bwytai, caffis a sefydliadau yfed" olygu'r canlynol (yn amodol ar y meini prawf eraill yn y canllawiau manwl).

 

Eiddo sy'n cael eu defnyddio i werthu nwyddau i aelodau o'r cyhoedd sy'n ymweld â'r eiddo

  • Siopau (megis siopau blodau, bara, cig, bwyd, ffrwythau, gemwaith, deunydd papur, diodydd drwyddedig, papurau newydd, caledwedd, archfarchnadoedd, ac ati)
  • Optegydd
  • Fferyllfeydd
  • Swyddfeydd Post
  • Siopau dodrefn neu ystafelloedd arddangos (megis siopau carpedi, gwydr dwbl, drysau garej)
  • Ystafelloedd arddangos ceir neu garafannau
  • Mannau ceir ail-law
  • Marchnadoedd
  • Gorsafoedd petrol
  • Canolfannau garddio
  • Orielau celf (lle mae celf ar werth neu i'w llogi)

 

Eiddo sy'n cael eu defnyddio i ddarparu'r gwasanaethau canlynol i aelodau o'r cyhoedd sy'n ymweld â'r eiddo

  • Gwasanaethau gwallt a harddwch
  • Trwsio esgidiau neu dorri allweddi
  • Asiantaethau teithio
  • Swyddfeydd tocynnau, e.e. ar gyfer y theatr
  • Siopau glanhau dillad
  • Golchdai
  • Trwsio cyfrifiaduron, setiau teledu neu offer domestig
  • Trefnwyr angladdau
  • Prosesu lluniau
  • Rhentu DVD neu fideo
  • Llogi offer
  • Llogi ceir
  • Sinemâu
  • Asiantaethau tai a gosod

 

Eiddo sy'n cael eu defnyddio i werthu bwyd a / neu ddiod i aelodau o'r cyhoedd sy'n ymweld â'r eiddo

  •   Bwytai
  •   Bwytai gyrru drwodd
  • Cludfwyd
  • Siopau brechdanau
  • Caffis
  • Siopau coffi
  • Tafarndai
  • Bariau Gwin

 

I fod yn gymwys ar gyfer y rhyddhad dylai'r eiddo (a restrir uchod) gael ei ddefnyddio'n gyfan gwbl neu'n bennaf fel siop, bwyty, caffi neu sefydliad yfed.

NID ystyrir bod mathau penodol o eiddo i fod yn gymwys ar gyfer Rhyddhad Ardrethi'r Stryd Fawr a Manwerthu 

 

Mae'r rhestr isod yn nodi'r mathau o ddefnyddiau nad yw Llywodraeth Cymru yn eu hystyried yn ddefnyddiau manwerthu at ddiben y rhyddhad hwn ac na fyddai'n cael eu hystyried yn gymwys ar gyfer y rhyddhad.

Eiddo sy'n cael eu defnyddio'n gyfan gwbl neu'n bennaf i ddarparu'r gwasanaethau canlynol i aelodau o'r cyhoedd sy'n ymweld â'r eiddo

  • Gwasanaethau ariannol (e.e. banciau, cymdeithasau adeiladu, peiriannau codi arian, bureaux de change, benthycwyr diwrnod cyflog, siopau betio, gwystlwyr)
  • Gwasanaethau meddygol (e.e. milfeddygon, deintyddion, meddygon, osteopathiaid, ceiropractyddion)
  • Gwasanaethau proffesiynol (e.e. cyfreithwyr, cyfrifyddion, asiantau yswiriant, cynghorwyr ariannol, tiwtoriaid)
  • Swyddfa ddosbarthu'r swyddfa bost
  • Llety twristiaeth, e.e. Lleoliadau gwely a brecwast, llety mewn gwesty a pharciau carafannau
  • Clybiau chwaraeon
  • Canolfannau chwarae i blant
  • Meithrinfeydd dydd
  • Canolfannau gweithgareddau yn yr awyr agored
  • Campfeydd
  •  Llety i gŵn a chathod
  • Cartrefi arddangos ac ystafelloedd marchnata
  • Asiantaethau cyflogi

 

Eiddo sydd â gwerth ardrethadwy o fwy na £50,000

Eiddo nad ydynt yn rhesymol hygyrch i aelodau o'r cyhoedd sy'n ymweld â'r eiddo

Eiddo heb eu meddiannu

Eiddo sy'n cael rhyddhad ardrethi elusennol gorfodol

 

Cyfanswm y rhyddhad a ariennir gan y Llywodraeth, sydd ar gael ar gyfer pob eiddo am 12 mis o dan y cynllun hwn, yw hyd at £2,500.

Ceir canllawiau pellach yn Nodiadau Canllaw Ardrethi Annomestig y Stryd Fawr ac Ardrethi Manwerthu yng Nghymru 2019-20

Os hoffech wneud cais am y rhyddhad cwblhewch y Ffurflen Cais

 

 

 

 

 

 

 

 

ID: 2082, adolygwyd 06/08/2019