Pwyllgor Trosolwg a Chraffu Corfforaethol

Rôl y Pwyllgor Trosolwg a Chraffu Corfforaethol yw adolygu a chraffu ar swyddogaethau corfforaethol a gwasanaethau cynorthwyol.

Bydd y Pwyllgor yn goruchwylio cyfeiriad strategol cyffredinol, polisïau, cynlluniau a blaenoriaethau’r Cabinet a'r Cyngor (yn dilyn penderfyniadau) ac yn monitro sut y cânt eu gweithredu. Bydd y Pwyllgor yn craffu ar y gwasanaethau corfforaethol gan ddefnyddio gwybodaeth reoli berthnasol megis Cynlluniau Gwella Gwasanaeth a'r Cofrestri Peryglon Busnes. Gellir cyfeirio unrhyw feysydd sy'n peri pryder penodol at Bwyllgor Trosolwg a Chraffu Gwasanaethau fel bo'n briodol. Bydd y Pwyllgor hefyd yn goruchwylio’r Bwrdd Gwasanaethau Cyhoeddus (BGC) a'r Bartneriaeth Diogelwch Cymunedol (PDC) drwy Banel Partneriaethau sefydlog, fel sy'n ofynnol o dan Ddeddf Llesiant Cenedlaethau'r Dyfodol (Cymru) 2015.

Mae cylch gwaith a chwmpas y Pwyllgor mewn perthynas â swyddogaethau a gwasanaethau Corfforaethol fel a ganlyn:

Swyddogaethau Corfforaethol

Swydd yr Arweinydd
Adroddiadau blynyddol Aelodau’r Cabinet
Y Prif Weithredwr
Monitro'r gyllideb (bob hanner blwyddyn)
Monitro perfformiad corfforaethol (bob chwarter)
Y Cynllun Gwella Corfforaethol a'r Adolygiad
Cydymffurfio â Deddf Llesiant Cenedlaethau'r Dyfodol
Adroddiadau corfforaethol Swyddfa Archwilio Cymru
Y Gymraeg
Rheoli Risg
Diogelu Corfforaethol
Chwythu'r Chwiban
Rheoli’r Rhaglen Drawsnewid
Rheoli rhaglen y Fargen Ddinesig

Gwasanaethau Corfforaethol

Gwasanaethau Ariannol (Gan gynnwys Refeniw a Budd-daliadau a Chaffael)
Technoleg Gwybodaeth
Gwasanaethau Archwilio, Risg a Gwybodaeth
Gwasanaethau Cwsmeriaid
Adnoddau Dynol
Cyfraith a Llywodraethu
Polisi Corfforaethol a Phartneriaethau
Cyfathrebu Corfforaethol, y Wasg, Cysylltiadau Cyhoeddus a Marchnata
Gwasanaethau Etholiadol

Mae gan y Pwyllgor 13 o Aelodau a bydd yn cyfarfod bum gwaith y flwyddyn o leiaf. Gellir cael manylion aelodau'r Pwyllgor a chyfarfodydd yn y dyfodol, ynghyd â Rhaglen Waith y Pwyllgor drwy ddilyn y dolenni isod.

Pwyllgor Trosolwg a Chraffu Corfforaethol

Tachwedd 2025

Eitem: Partneriaethau Strategol – Bargen Ddinesig Bae Abertawe, Cyd-bwyllgor Corfforaethol a Porthladd Rhydd Celtaidd.
Diben: Derbyn a chraffu ar gofnodion y tair partneriaeth strategol

Eitem: Adroddiad Monitro Cyllideb y Cyngor Sir ar gyfer ail chwarter 2024-2025
Diben: Sicrhau monitro amserol o wariant a thargedau arbedion yn ystod y flwyddyn a chraffu ar gynaliadwyedd y cynllun ariannol tymor canolig

Eitem: Rhaglen Gyfalaf
Diben: Craffu ar y risgiau sy’n cael eu codi mewn perthynas â chostau cynyddol prosiectau a hirhoedledd realistig y rhaglen.

Eitem: Monitro’r gwaith o fesur perfformiad yn chwarterol
Diben: Craffu ar y cerdyn sgôr corfforaethol, sy’n rhan o fframwaith rheoli perfformiad diwygiedig y cyngor.

Eitem: Partneriaeth Strategol – Panel Partneriaethau
Diben: Cael adroddiad gan y Panel Partneriaethau yn dilyn craffu ar y Bwrdd Gwasanaethau Cyhoeddus a’r Bartneriaeth Diogelwch Cymunedol ar ôl pob un o gyfarfodydd y panel.

Ionawr 2026

Eitem: Cyllideb Amlinellol Ddrafft y Cyngor Sir 2026-27, Cynllun Ariannol Tymor Canolig Amlinellol Drafft 2026-27 i 2029-30 a Setliad Dros Dro Llywodraeth Leol ar gyfer 2026-27
Diben: Craffu ar gynigion ar gyfer Cyllideb y Cyngor a lefelau’r Dreth Gyngor ar gyfer 2026-27

Eitem: Trefniadau Llywodraethu ar gyfer Rheoli’r Trysorlys
Dibden: Craffu ar y Strategaeth Rheoli Trysorlys sy’n cynnwys: y Rhaglen Gyfalaf, gan gynnwys dangosyddion darbodus, y Strategaeth Rheoli Trysorlys (sut y bwriedir trefnu’r buddsoddiadau a’r benthyciadau), gan gynnwys dangosyddion trysorlys, Polisi Isafswm Darpariaeth Refeniw (sut mae gwariant cyfalaf gweddilliol yn cael ei godi ar refeniw dros amser) a Strategaeth Fuddsoddi (y paramedrau ar gyfer rheoli buddsoddiadau).

Eitem: Adroddiad Blynyddol Grŵp Diogelu Awdurdod Cyfan Cyngor Sir Penfro
Dibden: Craffu a goruchwylio’r adroddiad blynyddol sy’n adlewyrchu’r gwaith a wnaed mewn perthynas â gweithgarwch diogelu ar draws yr awdurdod yn ystod y flwyddyn

Mawrth 2026

Eitem: Bwrdd y Rhaglen Gwella a Thrawsnewid
Diben: Cael diweddariad blynyddol gan y bwrdd i alluogi’r pwyllgor i graffu ar y broses o gyflwyno a rheoli’r rhaglen.

Eitem: Adroddiad Monitro Cyllideb y Cyngor Sir ar gyfer chwarter 3 2025-26
Dibden: Sicrhau y caiff y gwariant a thargedau arbedion yn ystod y flwyddyn eu monitro’n amserol.

Eitem: Monitro’r gwaith o fesur perfformiad yn chwarterol
Dibden: Craffu ar y cerdyn sgorio corfforaethol sy’n rhan o fframwaith rheoli perfformiad diwygiedig y cyngor.

Eitem: Partneriaeth Strategol – Panel Partneriaethau
Dibden: Cael adroddiad gan y Panel Partneriaethau yn dilyn craffu ar y Bwrdd Gwasanaethau Cyhoeddus a’r Bartneriaeth Diogelwch Cymunedol ar ôl pob un o gyfarfodydd y panel.

Mehefin 2026

Eitem: Adroddiad Blynyddol Safonau’r Gymraeg
Diben: Craffu ar fersiwn ddrafft o adroddiad blynyddol Safonau’r Gymraeg yr awdurdod cyn ei gyhoeddi ddiwedd Mehefin bob blwyddyn.

Eitem: Adroddiad Blynyddol Trosolwg a Chraffu
Dibden: Darparu adolygiad integredig o brif weithgarwch y pwyllgor dros y flwyddyn ddiwethaf, yn ogystal ag edrych ymlaen at heriau’r dyfodol a meysydd i’w gwella.