Trwyddedu Tacsis
Gyrrwr Hacni a Hurio Preifat
I ddechrau, mae angen i ymgeiswyr wneud cais ar y ffurflen gais briodol. Rhoddir y drwydded o dan ddeddf gan Senedd y Deyrnas Unedig o’r enw Deddf Llywodraeth Leol (Darpariaethau Amrywiol) 1976, ac mae’n ddilys am dair blynedd. I gael trwydded yrru mae'n rhaid i'r cyngor benderfynu a ydych yn "berson addas a phriodol" o dan delerau'r ddeddf. Mae hyn yn golygu cynnal cyfres o brofion a gwiriadau gyda sefydliadau amrywiol fel y gall y cyngor benderfynu ar eich cais mewn ffordd deg a chyson. Os bydd materion yn codi o'r gwiriadau hyn, cyfeirir y cais at y Pwyllgor Trwyddedu i'w ystyried. Mae'r gwiriadau a'r profion yr ydym yn eu cynnal fel a ganlyn:
Prawf gwybodaeth
Fel rhan o'r broses ymgeisio mae Cyngor Sir Penfro wedi cyflwyno prawf gwybodaeth leol.
Bydd disgwyl i bob ymgeisydd basio'r prawf gwybodaeth leol fel rhan o'r broses o ymgeisio cyn cael bathodyn ar gyfer gyrwyr cerbydau hacni/ cerbydau hurio preifat.
Mae ffi o £40.00 yn daladwy cyn diwrnod y prawf. Dim ond ymgeiswyr sydd wedi talu'r ffi yn llawn all sefyll yr arholiad.
Os hoffech gadw lle, cysylltwch â’r tîm Trwyddedu drwy licensing@pembrokeshire.gov.uk
Mae’r prawf gwybodaeth yn cynnwys ymwybyddiaeth o ddiogelu
Rhaid i ymgeiswyr wylio'r fideo diogelu (yn agor mewn tab newydd) (cyfrinair Safe001) cyn sefyll y prawf gwybodaeth
Dylai ymgeiswyr fod yn gyfarwydd â holl amodau presennol y drwydded tacsi: Trwydded yrru gyfunol ar gyfer cerbydau hacni a cherbydau hurio preifat – Amodau safonol y drwydded
Deddf Mewnfudo 2016
Mae'n ofynnol yn ôl y gyfraith i'r tîm Trwyddedu gynnal gwiriadau wyneb yn wyneb gyda phob ymgeisydd trwydded er mwyn sicrhau nad yw trwyddedau'n cael eu rhoi i unrhyw unigolyn nad oes ganddo'r ddogfennaeth 'hawl i weithio' gywir.
Bydd angen i bob ymgeisydd newydd wneud apwyntiad gyda Swyddog trwyddedu i ddod â dogfennau gwreiddiol gyda nhw fel sy'n ofynnol gan y Swyddfa gartref.
Bydd yr holl ddogfennau a ddarperir yn cael eu llungopïo a bydd copїau ohonynt yn cael eu cadw gan yr adran drwyddedu.
Pan nad oes unrhyw gyfyngiadau ar yr hawl i weithio yn y DU, ni fydd angen ailadrodd gwiriadau ‘hawl i drwyddedu’ ar geisiadau adnewyddu dilynol.
Mae rhestr lawn o ddogfennau derbyniol ar gyfer gwiriad ‘hawl i drwyddedu’ ar gael ar-lein yn Rhestr wirio hawl i weithio (yn agor mewn tab newydd)
Os oes cyfyngiadau ar hyd y cyfnod y gallwch weithio yn y DU, ni fydd eich trwydded yn cael ei rhoi am gyfnod sy’n hirach na'r cyfnod hwn. Mewn amgylchiadau o'r fath, bydd y gwiriad yn cael ei ailadrodd bob tro y byddwch yn gwneud cais i adnewyddu neu ymestyn eich trwydded. Os byddwch, yn ystod y cyfnod hwn, yn cael eich gwahardd rhag dal trwydded oherwydd nad ydych wedi cydymffurfio â chyfreithiau mewnfudo’r DU, bydd eich trwydded yn dod i ben a bydd rhaid i chi ei dychwelyd i’r cyngor. Mae methiant i wneud hynny’n drosedd.
Os na fyddwch yn darparu dogfennaeth addas i ni, ni fyddwch, yn ôl y gyfraith, yn gallu gwneud cais am eich trwydded.
Y Gwasanaeth Datgelu a Gwahardd (DBS)
Rhaid i bob ymgeisydd i fod yn yrrwr cerbydau hacni/ cerbydau hurio preifat wneud cais am ddatgeliad manylach y Gwasanaeth Datgelu a Gwahardd.
Mae'r gwiriad yn cynnwys chwiliad o'ch cofnod troseddol unigol i brofi a ydych chi'n unigolyn diogel i yrru aelodau o'r cyhoedd, y gall rhai ohonynt fod yn agored i niwed, yn oedrannus neu'n eiddil. Mae’r DBS yn sefydliad canolog sy’n delio â holl wiriadau o gofnodion troseddol ar ran y cyngor.
Cyfeiriwch at ein polisi euogfarnau – Canllawiau ar addasrwydd ymgeisydd – polisi euogfarnau
Rhaid i wiriad y Gwasanaeth Datgelu a Gwahardd (DBS) gynnwys gwiriad ar restrau gwahardd oedolion a phlant.
Y ffi am Wiriad Manwl y DBS yw £55
Ar ôl cael eu tystysgrif DBS anogir ymgeiswyr i danysgrifio i wasanaeth diweddaru'r DBS Gwiriad Statws Cofnodion Troseddol (CRSC) DBS (yn agor mewn tab newydd). Mae adnewyddu trwyddedau gyrwyr yn digwydd yn gyflymach ac yn costio llai os oes ganddynt danysgrifiad cyfredol i’r gwasanaeth diweddaru gan nad oes angen gwneud cais am dystysgrif newydd ar gyfer Gwiriad Manwl y DBS.
Archwiliad meddygol
Bydd yn ofynnol i bob ymgeisydd gael archwiliad meddygol, a elwir yn brawf meddygol Grŵp 2, y mae’n rhaid iddo gael ei gynnal gan eich meddyg eich hun neu ymarferydd meddygol cofrestredig sydd â mynediad at gofnodion meddygol llawn yr ymgeisydd. Gall rhai cyflyrau meddygol olygu nad ydych yn gallu gyrru'n broffesiynol, ac mae'n bwysig bod y cyngor yn gwybod am broblemau o'r fath er mwyn sicrhau diogelwch y cyhoedd. Rhaid i yrwyr o dan 65 oed gael prawf meddygol bob tair blynedd; bydd angen archwiliad meddygol blynyddol ar yrwyr sy’n 65 oed neu’n hŷn.
Bydd angen i chi ddarparu'r eitemau canlynol:
- Ffurflen gais (gyda phob adran wedi'i chwblhau)
- Dau ffotograff pasbort
- Tystysgrif feddygol gan eich meddyg teulu eich hun
- Tystysgrif Gwiriad Manwl y DBS – wedi’i chyhoeddi o fewn y tri mis diwethaf gan Gyngor Sir Penfro
- Copi o ddwy ochr eich trwydded yrru cerdyn-llun (rhaid bod yr ymgeisydd wedi meddu ar y drwydded am o leiaf blwyddyn)
- Cod gwirio trwydded DVLA
- Tystiolaeth o ‘hawl i weithio’
- Ffi ymgeisio – £340 am drwydded dair blynedd
NR3 Cofrestr Genedlaethol o Wrthodiadau a Dirymiadau
Pan fyddwn yn cael cais am drwydded, byddwn yn gwirio manylion yr ymgeisydd ar y gofrestr i gadarnhau nad oes cofnod iddo gael ei ddirymu, ei atal neu ei wrthod yn rhywle arall.
Bydd yr awdurdod trwyddedu yn ychwanegu manylion sylfaenol am yrwyr pan fyddwn yn gwrthod cais, yn atal neu’n dirymu eu trwydded. Mae’r manylion sydd ar y gofrestr wedi’u cyfyngu i wybodaeth a fydd yn helpu i adnabod unigolyn i raddau penodol o gywirdeb. Nid yw’r gofrestr yn cynnwys unrhyw wybodaeth ynghylch pam y gwrthodwyd cais na pham y diddymwyd trwydded.
Bydd angen i chi ddarparu'r eitemau canlynol:
- Ffurflen gais (gyda phob adran wedi'i chwblhau)
- Dau ffotograff pasbort
- Tystysgrif feddygol gan eich meddyg teulu eich hun
- Tystysgrif Gwiriad Manwl y DBS – wedi’i chyhoeddi o fewn y tri mis diwethaf gan Gyngor Sir Penfro
- Copi o ddwy ochr eich trwydded yrru cerdyn-llun (rhaid bod yr ymgeisydd wedi meddu ar y drwydded am o leiaf un flwyddyn)
- Gwiriad trwydded DVLA wedi'i gwblhau
- Tystiolaeth o ‘hawl i weithio’
- Ffi ymgeisio – £340 – trwydded dair blynedd